Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Odia | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |

5.15 𑌸𑍁𑌂𑌦𑌰𑌕𑌾𑌂𑌡 - 𑌪𑌂𑌚𑌦𑌶 𑌸𑌰𑍍𑌗𑌃

𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌸𑍁𑌂𑌦𑌰𑌕𑌾𑌂𑌡𑌮𑍍 ।
𑌅𑌥 𑌪𑌂𑌚𑌦𑌶𑌸𑍍𑌸𑌰𑍍𑌗𑌃 ।

𑌸 𑌵𑍀𑌕𑍍𑌷𑌮𑌾𑌣𑌸𑍍𑌤𑌤𑍍𑌰𑌸𑍍𑌥𑍋 𑌮𑌾𑌰𑍍𑌗𑌮𑌾𑌣𑌶𑍍𑌚 𑌮𑍈𑌥𑌿𑌲𑍀𑌮𑍍 ।
𑌅𑌵𑍇𑌕𑍍𑌷𑌮𑌾𑌣𑌶𑍍𑌚 𑌮𑌹𑍀𑌂 𑌸𑌰𑍍𑌵𑌾𑌂 𑌤𑌾𑌮𑌨𑍍𑌵𑌵𑍈𑌕𑍍𑌷𑌤 ॥ 1 ॥

𑌸𑌂𑌤𑌾𑌨𑌕𑌲𑌤𑌾𑌭𑌿𑌶𑍍𑌚 𑌪𑌾𑌦𑌪𑍈𑌰𑍁𑌪𑌶𑍋𑌭𑌿𑌤𑌾𑌮𑍍 ।
𑌦𑌿𑌵𑍍𑌯𑌗𑌂𑌧𑌰𑌸𑍋𑌪𑍇𑌤𑌾𑌂 𑌸𑌰𑍍𑌵𑌤𑌸𑍍𑌸𑌮𑌲𑌂𑌕𑍃𑌤𑌾𑌮𑍍 ॥ 2 ॥

𑌤𑌾𑌂 𑌸 𑌨𑌂𑌦𑌨𑌸𑌂𑌕𑌾𑌶𑌾𑌂 𑌮𑍃𑌗𑌪𑌕𑍍𑌷𑌿𑌭𑌿𑌰𑌾𑌵𑍃𑌤𑌾𑌮𑍍 ।
𑌹𑌰𑍍𑌮𑍍𑌯𑌪𑍍𑌰𑌾𑌸𑌾𑌦𑌸𑌂𑌬𑌾𑌧𑌾𑌂 𑌕𑍋𑌕𑌿𑌲𑌾𑌕𑍁𑌲𑌨𑌿𑌸𑍍𑌸𑍍𑌵𑌨𑌾𑌮𑍍 ॥ 3 ॥

𑌕𑌾𑌂𑌚𑌨𑍋𑌤𑍍𑌪𑌲𑌪𑌦𑍍𑌮𑌾𑌭𑌿𑌰𑍍𑌵𑌾𑌪𑍀𑌭𑌿𑌰𑍁𑌪𑌶𑍋𑌭𑌿𑌤𑌾𑌮𑍍 ।
𑌬𑌹𑍍𑌵𑌾𑌸𑌨𑌕𑍁𑌥𑍋𑌪𑍇𑌤𑌾𑌂 𑌬𑌹𑍁𑌭𑍂𑌮𑌿𑌗𑍃𑌹𑌾𑌯𑍁𑌤𑌾𑌮𑍍 ॥ 4 ॥

𑌸𑌰𑍍𑌵𑌰𑍍𑌤𑍁𑌕𑍁𑌸𑍁𑌮𑍈 𑌰𑌮𑍍𑌯𑌾𑌂 𑌫𑌲𑌵𑌦𑍍𑌭𑌿𑌶𑍍𑌚 𑌪𑌾𑌦𑌪𑍈𑌃 ।
𑌪𑍁𑌷𑍍𑌪𑌿𑌤𑌾𑌨𑌾𑌮𑌶𑍋𑌕𑌾𑌨𑌾𑌂 𑌶𑍍𑌰𑌿𑌯𑌾 𑌸𑍂𑌰𑍍𑌯𑍋𑌦𑌯𑌪𑍍𑌰𑌭𑌾𑌮𑍍 ॥ 5 ॥

𑌪𑍍𑌰𑌦𑍀𑌪𑍍𑌤𑌾𑌮𑌿𑌵 𑌤𑌤𑍍𑌰𑌸𑍍𑌥𑍋 𑌮𑌾𑌰𑍁𑌤𑌿𑌸𑍍𑌸𑌮𑍁𑌦𑍈𑌕𑍍𑌷𑌤 ।
𑌨𑌿𑌷𑍍𑌪𑌤𑍍𑌰𑌶𑌾𑌖𑌾𑌂 𑌵𑌿𑌹𑌗𑍈𑌃 𑌕𑍍𑌰𑌿𑌯𑌮𑌾𑌣𑌾𑌮𑌿𑌵𑌾𑌸𑌕𑍃𑌤𑍍 ॥ 6 ॥

𑌵𑌿𑌨𑌿𑌷𑍍𑌪𑌤𑌦𑍍𑌭𑌿𑌃 𑌶𑌤𑌶𑌶𑍍𑌚𑌿𑌤𑍍𑌰𑍈𑌃 𑌪𑍁𑌷𑍍𑌪𑌾𑌵𑌤𑌂𑌸𑌕𑍈𑌃 ।
𑌆𑌮𑍂𑌲𑌪𑍁𑌷𑍍𑌪𑌨𑌿𑌚𑌿𑌤𑍈𑌰𑌶𑍋𑌕𑍈𑌶𑍍𑌶𑍋𑌕𑌨𑌾𑌶𑌨𑍈𑌃 ॥ 𑍭 ॥

𑌪𑍁𑌷𑍍𑌪𑌭𑌾𑌰𑌾𑌤𑌿𑌭𑌾𑌰𑍈𑌶𑍍𑌚 𑌸𑍍𑌪𑍃𑌶𑌦𑍍𑌭𑌿𑌰𑌿𑌵 𑌮𑍇𑌦𑌿𑌨𑍀𑌮𑍍 ।
𑌕𑌰𑍍𑌣𑌿𑌕𑌾𑌰𑍈𑌃 𑌕𑍁𑌸𑍁𑌮𑌿𑌤𑍈𑌃 𑌕𑌿𑌂𑌶𑍁𑌕𑍈𑌶𑍍𑌚 𑌸𑍁𑌪𑍁𑌷𑍍𑌪𑌿𑌤𑍈𑌃 ॥ 𑍮 ॥

𑌸 𑌦𑍇𑌶𑌃 𑌪𑍍𑌰𑌭𑌯𑌾 𑌤𑍇𑌷𑌾𑌂 𑌪𑍍𑌰𑌦𑍀𑌪𑍍𑌤 𑌇𑌵 𑌸𑌰𑍍𑌵𑌤𑌃 ।
𑌪𑍁𑌨𑍍𑌨𑌾𑌗𑌾𑌸𑍍𑌸𑌪𑍍𑌤𑌪𑌰𑍍𑌣𑌾𑌶𑍍𑌚 𑌚𑌂𑌪𑌕𑍋𑌦𑍍𑌦𑌾𑌲𑌕𑌾𑌸𑍍𑌤𑌥𑌾 ॥ 𑍯 ॥

𑌵𑌿𑌵𑍃𑌦𑍍𑌧𑌮𑍂𑌲𑌾 𑌬𑌹𑌵𑌶𑍍𑌶𑍋𑌭𑌂𑌤𑍇 𑌸𑍍𑌮 𑌸𑍁𑌪𑍁𑌷𑍍𑌪𑌿𑌤𑌾𑌃 ।
𑌶𑌾𑌤𑌕𑍁𑌂𑌭𑌨𑌿𑌭𑌾𑌃 𑌕𑍇𑌚𑌿𑌤𑍍𑌕𑍇𑌚𑌿𑌦𑌗𑍍𑌨𑌿𑌶𑌿𑌖𑍋𑌪𑌮𑌾𑌃 ॥ 10 ॥

𑌨𑍀𑌲𑌾𑌂𑌜𑌨𑌨𑌿𑌭𑌾𑌃 𑌕𑍇𑌚𑌿𑌤𑍍𑌤𑌤𑍍𑌰𑌾𑌶𑍋𑌕𑌾𑌸𑍍𑌸𑌹𑌸𑍍𑌰𑌶𑌃 ।
𑌨𑌂𑌦𑌨𑌂 𑌵𑌿𑌵𑌿𑌧𑍋𑌦𑍍𑌯𑌾𑌨𑌂 𑌚𑌿𑌤𑍍𑌰𑌂 𑌚𑍈𑌤𑍍𑌰𑌰𑌥𑌂 𑌯𑌥𑌾 ॥ 11 ॥

𑌅𑌤𑌿𑌵𑍃𑌤𑍍𑌤𑌮𑌿𑌵𑌾𑌚𑌿𑌂𑌤𑍍𑌯𑌂 𑌦𑌿𑌵𑍍𑌯𑌂 𑌰𑌮𑍍𑌯𑌂 𑌶𑍍𑌰𑌿𑌯𑌾 𑌵𑍃𑌤𑌮𑍍 ।
𑌵𑌿𑌤𑍀𑌯𑌮𑌿𑌵 𑌚𑌾𑌕𑌾𑌶𑌂 𑌪𑍁𑌷𑍍𑌪𑌜𑍍𑌯𑍋𑌤𑌿𑌰𑍍𑌗𑌣𑌾𑌯𑍁𑌤𑌮𑍍 ॥ 12 ॥

𑌪𑍁𑌷𑍍𑌪𑌰𑌤𑍍𑌨𑌶𑌤𑍈𑌶𑍍𑌚𑌿𑌤𑍍𑌰𑌂 𑌦𑍍𑌵𑌿𑌤𑍀𑌯𑌂 𑌸𑌾𑌗𑌰𑌂 𑌯𑌥𑌾 ।
𑌸𑌰𑍍𑌵𑌰𑍍𑌤𑍁𑌪𑍁𑌷𑍍𑌪𑍈𑌰𑍍𑌨𑌿𑌚𑌿𑌤𑌂 𑌪𑌾𑌦𑌪𑍈𑌰𑍍𑌮𑌧𑍁𑌗𑌂𑌧𑌿𑌭𑌿𑌃 ॥ 13 ॥

𑌨𑌾𑌨𑌾𑌨𑌿𑌨𑌾𑌦𑍈𑌰𑍁𑌦𑍍𑌯𑌾𑌨𑌂 𑌰𑌮𑍍𑌯𑌂 𑌮𑍃𑌗𑌗𑌣𑍈𑌰𑍍𑌦𑍍𑌵𑌿𑌜𑍈𑌃 ।
𑌅𑌨𑍇𑌕𑌗𑌂𑌧𑌪𑍍𑌰𑌵𑌹𑌂 𑌪𑍁𑌣𑍍𑌯𑌗𑌂𑌧𑌂 𑌮𑌨𑍋𑌰𑌮𑌮𑍍 ॥ 14 ॥

𑌶𑍈𑌲𑍇𑌂𑌦𑍍𑌰𑌮𑌿𑌵 𑌗𑌂𑌧𑌾𑌢𑍍𑌯𑌂 𑌦𑍍𑌵𑌿𑌤𑍀𑌯𑌂 𑌗𑌂𑌧𑌮𑌾𑌦𑌨𑌮𑍍 ।
𑌅𑌶𑍋𑌕𑌵𑌨𑌿𑌕𑌾𑌯𑌾𑌂 𑌤𑍁 𑌤𑌸𑍍𑌯𑌾𑌂 𑌵𑌾𑌨𑌰𑌪𑍁𑌂𑌗𑌵𑌃 ॥ 15 ॥

𑌸 𑌦𑌦𑌰𑍍𑌶𑌾𑌵𑌿𑌦𑍂𑌰𑌸𑍍𑌥𑌂 𑌚𑍈𑌤𑍍𑌯𑌪𑍍𑌰𑌾𑌸𑌾𑌦𑌮𑍁𑌚𑍍𑌛𑍍𑌰𑌿𑌤𑌮𑍍 ।
𑌮𑌥𑍍𑌯𑍇 𑌸𑍍𑌤𑌂𑌭𑌸𑌹𑌸𑍍𑌰𑍇𑌣 𑌸𑍍𑌥𑌿𑌤𑌂 𑌕𑍈𑌲𑌾𑌸𑌪𑌾𑌂𑌡𑍁𑌰𑌮𑍍 ॥ 16 ॥

𑌪𑍍𑌰𑌵𑌾𑌲𑌕𑍃𑌤𑌸𑍋𑌪𑌾𑌨𑌂 𑌤𑌪𑍍𑌤𑌕𑌾𑌂𑌚𑌨𑌵𑍇𑌦𑌿𑌕𑌮𑍍 ।
𑌮𑍁𑌷𑍍𑌣𑌂𑌤𑌮𑌿𑌵 𑌚𑌕𑍍𑌷𑍂𑌂𑌷𑌿 𑌦𑍍𑌯𑍋𑌤𑌮𑌾𑌨𑌮𑌿𑌵 𑌶𑍍𑌰𑌿𑌯𑌾 ॥ 1𑍭 ॥

𑌵𑌿𑌮𑌲𑌂 𑌪𑍍𑌰𑌾𑌂𑌶𑍁𑌭𑌾𑌵𑌤𑍍𑌵𑌾𑌦𑍁𑌲𑍍𑌲𑌿𑌖𑌂𑌤𑌮𑌿𑌵𑌾𑌂𑌬𑌰𑌮𑍍 ।
𑌤𑌤𑍋 𑌮𑌲𑌿𑌨𑌸𑌂𑌵𑍀𑌤𑌾𑌂 𑌰𑌾𑌕𑍍𑌷𑌸𑍀𑌭𑌿𑌸𑍍𑌸𑌮𑌾𑌵𑍃𑌤𑌾𑌮𑍍 ॥ 1𑍮 ॥

𑌉𑌪𑌵𑌾𑌸𑌕𑍃𑌶𑌾𑌂 𑌦𑍀𑌨𑌾𑌂 𑌨𑌿𑌶𑍍𑌶𑍍𑌵𑌸𑌂𑌤𑍀𑌂 𑌪𑍁𑌨𑌃 𑌪𑍁𑌨𑌃 ।
𑌦𑌦𑌰𑍍𑌶 𑌶𑍁𑌕𑍍𑌲𑌪𑌕𑍍𑌷𑌾𑌦𑍌 𑌚𑌂𑌦𑍍𑌰𑌰𑍇𑌖𑌾𑌮𑌿𑌵𑌾𑌮𑌲𑌾𑌮𑍍 ॥ 1𑍯 ॥

𑌮𑌂𑌦𑌪𑍍𑌰𑌖𑍍𑌯𑌾𑌯𑌮𑌾𑌨𑍇𑌨 𑌰𑍂𑌪𑍇𑌣 𑌰𑍁𑌚𑌿𑌰𑌪𑍍𑌰𑌭𑌾𑌮𑍍 ।
𑌪𑌿𑌨𑌦𑍍𑌧𑌾𑌂 𑌧𑍂𑌮𑌜𑌾𑌲𑍇𑌨 𑌶𑌿𑌖𑌾𑌮𑌿𑌵 𑌵𑌿𑌭𑌾𑌵𑌸𑍋𑌃 ॥ 20 ॥

𑌪𑍀𑌤𑍇𑌨𑍈𑌕𑍇𑌨 𑌸𑌂𑌵𑍀𑌤𑌾𑌂 𑌕𑍍𑌲𑌿𑌷𑍍𑌟𑍇𑌨𑍋𑌤𑍍𑌤𑌮𑌵𑌾𑌸𑌸𑌾 ।
𑌸𑌪𑌂𑌕𑌾𑌮𑌨𑌲𑌂𑌕𑌾𑌰𑌾𑌂 𑌵𑌿𑌪𑌦𑍍𑌮𑌾𑌮𑌿𑌵 𑌪𑌦𑍍𑌮𑌿𑌨𑍀𑌮𑍍 ॥ 21 ॥

𑌵𑍍𑌰𑍀𑌡𑌿𑌤𑌾𑌂 𑌦𑍁𑌃𑌖𑌸𑌂𑌤𑌪𑍍𑌤𑌾𑌂 𑌪𑌰𑌿𑌮𑍍𑌲𑌾𑌨𑌾𑌂 𑌤𑌪𑌸𑍍𑌵𑌿𑌨𑍀𑌮𑍍 ।
𑌗𑍍𑌰𑌹𑍇𑌣𑌾𑌂𑌗𑌾𑌰𑌕𑍇𑌣𑍇𑌵 𑌪𑍀𑌡𑌿𑌤𑌾𑌮𑌿𑌵 𑌰𑍋𑌹𑌿𑌣𑍀𑌮𑍍 ॥ 22 ॥

𑌅𑌶𑍍𑌰𑍁𑌪𑍂𑌰𑍍𑌣𑌮𑍁𑌖𑍀𑌂 𑌦𑍀𑌨𑌾𑌂 𑌕𑍃𑌶𑌾𑌮𑌨𑌶𑌨𑍇𑌨 𑌚 ।
𑌶𑍋𑌕𑌧𑍍𑌯𑌾𑌨𑌪𑌰𑌾𑌂 𑌦𑍀𑌨𑌾𑌂 𑌨𑌿𑌤𑍍𑌯𑌂 𑌦𑍁𑌃𑌖𑌪𑌰𑌾𑌯𑌣𑌾𑌮𑍍 ॥ 23 ॥

𑌪𑍍𑌰𑌿𑌯𑌂 𑌜𑌨𑌮𑌪𑌶𑍍𑌯𑌂𑌤𑍀𑌂 𑌪𑌶𑍍𑌯𑌂𑌤𑍀𑌂 𑌰𑌾𑌕𑍍𑌷𑌸𑍀𑌗𑌣𑌮𑍍 ।
𑌸𑍍𑌵𑌗𑌣𑍇𑌨 𑌮𑍃𑌗𑍀𑌂 𑌹𑍀𑌨𑌾𑌂 𑌶𑍍𑌵𑌗𑌣𑌾𑌭𑌿𑌵𑍃𑌤𑌾𑌮𑌿𑌵 ॥ 24 ॥

𑌨𑍀𑌲𑌨𑌾𑌗𑌾𑌭𑌯𑌾 𑌵𑍇𑌣𑍍𑌯𑌾 𑌜𑌘𑌨𑌂 𑌗𑌤𑌯𑍈𑌕𑌯𑌾 ।
𑌨𑍀𑌲𑌯𑌾 𑌨𑍀𑌰𑌦𑌾𑌪𑌾𑌯𑍇 𑌵𑌨𑌰𑌾𑌜𑍍𑌯𑌾 𑌮𑌹𑍀𑌮𑌿𑌵 ॥ 25 ॥

𑌸𑍁𑌖𑌾𑌰𑍍𑌹𑌾𑌂 𑌦𑍁𑌃𑌖𑌸𑌂𑌤𑌪𑍍𑌤𑌾𑌂 𑌵𑍍𑌯𑌸𑌨𑌾𑌨𑌾𑌮𑌕𑍋𑌵𑌿𑌦𑌾𑌮𑍍 ।
𑌤𑌾𑌂 𑌸𑌮𑍀𑌕𑍍𑌷𑍍𑌯 𑌵𑌿𑌶𑌾𑌲𑌾𑌕𑍍𑌷𑍀𑌮𑌧𑌿𑌕𑌂 𑌮𑌲𑌿𑌨𑌾𑌂 𑌕𑍃𑌶𑌾𑌮𑍍 ॥ 26 ॥

𑌤𑌰𑍍𑌕𑌯𑌾𑌮𑌾𑌸 𑌸𑍀𑌤𑍇𑌤𑌿 𑌕𑌾𑌰𑌣𑍈𑌰𑍁𑌪𑌪𑌾𑌦𑌿𑌭𑌿𑌃 ।
𑌹𑍍𑌰𑌿𑌯𑌮𑌾𑌣𑌾 𑌤𑌦𑌾 𑌤𑍇𑌨 𑌰𑌕𑍍𑌷𑌸𑌾 𑌕𑌾𑌮𑌰𑍂𑌪𑌿𑌣𑌾 ॥ 2𑍭 ॥

𑌯𑌥𑌾𑌰𑍂𑌪𑌾 𑌹𑌿 𑌦𑍃𑌷𑍍𑌟𑌾 𑌵𑍈 𑌤𑌥𑌾𑌰𑍂𑌪𑍇𑌯𑌮𑌂𑌗𑌨𑌾 ।
𑌪𑍂𑌰𑍍𑌣𑌚𑌂𑌦𑍍𑌰𑌾𑌨𑌨𑌾𑌂 𑌸𑍁𑌭𑍍𑌰𑍂𑌂 𑌚𑌾𑌰𑍁𑌵𑍃𑌤𑍍𑌤𑌪𑌯𑍋𑌧𑌰𑌾𑌮𑍍 ॥ 2𑍮 ॥

𑌕𑍁𑌰𑍍𑌵𑌤𑍀𑌂 𑌪𑍍𑌰𑌭𑌯𑌾𑌦𑍇𑌵𑍀𑌂 𑌸𑌰𑍍𑌵𑌾 𑌵𑌿𑌤𑌿𑌮𑌿𑌰𑌾 𑌦𑌿𑌶𑌃 ।
𑌤𑌾𑌂 𑌨𑍀𑌲𑌕𑍇𑌶𑍀𑌂 𑌬𑌿𑌂𑌬𑍋𑌷𑍍𑌠𑍀𑌂 𑌸𑍁𑌮𑌧𑍍𑌯𑌾𑌂 𑌸𑍁𑌪𑍍𑌰𑌤𑌿𑌷𑍍𑌠𑌿𑌤𑌾𑌮𑍍 ॥ 2𑍯 ॥

𑌸𑍀𑌤𑌾𑌂 𑌪𑌦𑍍𑌮𑌪𑌲𑌾𑌶𑌾𑌕𑍍𑌷𑍀𑌂 𑌮𑌨𑍍𑌮𑌥𑌸𑍍𑌯 𑌰𑌤𑌿𑌂 𑌯𑌥𑌾 ।
𑌇𑌷𑍍𑌟𑌾𑌂 𑌸𑌰𑍍𑌵𑌸𑍍𑌯 𑌜𑌗𑌤𑌃 𑌪𑍂𑌰𑍍𑌣𑌚𑌂𑌦𑍍𑌰𑌪𑍍𑌰𑌭𑌾𑌮𑌿𑌵 ॥ 30 ॥

𑌭𑍂𑌮𑍌 𑌸𑍁𑌤𑌨𑍁𑌮𑌾𑌸𑍀𑌨𑌾𑌂 𑌨𑌿𑌯𑌤𑌾𑌮𑌿𑌵 𑌤𑌾𑌪𑌸𑍀𑌮𑍍 ।
𑌨𑌿𑌃𑌶𑍍𑌵𑌾𑌸𑌬𑌹𑍁𑌲𑌾𑌂 𑌭𑍀𑌰𑍁𑌂 𑌭𑍁𑌜𑌗𑍇𑌂𑌦𑍍𑌰𑌵𑌧𑍂𑌮𑌿𑌵 ॥ 31 ॥

𑌶𑍋𑌕𑌜𑌾𑌲𑍇𑌨 𑌮𑌹𑌤𑌾 𑌵𑌿𑌤𑌤𑍇𑌨 𑌨 𑌰𑌾𑌜𑌤𑍀𑌮𑍍 ।
𑌸𑌂𑌸𑌕𑍍𑌤𑌾𑌂 𑌧𑍂𑌮𑌜𑌾𑌲𑍇𑌨 𑌶𑌿𑌖𑌾𑌮𑌿𑌵 𑌵𑌿𑌭𑌾𑌵𑌸𑍋𑌃 ॥ 32 ॥

𑌤𑌾𑌂 𑌸𑍍𑌮𑍃𑌤𑍀𑌮𑌿𑌵 𑌸𑌂𑌦𑌿𑌗𑍍𑌧𑌾𑌮𑍃𑌦𑍍𑌧𑌿𑌂 𑌨𑌿𑌪𑌤𑌿𑌤𑌾𑌮𑌿𑌵 ।
𑌵𑌿𑌹𑌤𑌾𑌮𑌿𑌵 𑌚 𑌶𑍍𑌰𑌦𑍍𑌧𑌾𑌮𑌾𑌶𑌾𑌂 𑌪𑍍𑌰𑌤𑌿𑌹𑌤𑌾𑌮𑌿𑌵 ॥ 33 ॥

𑌸𑍋𑌪𑌸𑌰𑍍𑌗𑌾𑌂 𑌯𑌥𑌾 𑌸𑌿𑌦𑍍𑌧𑌿𑌂 𑌬𑍁𑌦𑍍𑌧𑌿𑌂 𑌸𑌕𑌲𑍁𑌷𑌾𑌮𑌿𑌵 ।
𑌅𑌭𑍂𑌤𑍇𑌨𑌾𑌪𑌵𑌾𑌦𑍇𑌨 𑌕𑍀𑌰𑍍𑌤𑌿𑌂 𑌨𑌿𑌪𑌤𑌿𑌤𑌾𑌮𑌿𑌵 ॥ 34 ॥

𑌰𑌾𑌮𑍋𑌪𑌰𑍋𑌧𑌵𑍍𑌯𑌥𑌿𑌤𑌾𑌂 𑌰𑌕𑍍𑌷𑍋𑌹𑌰𑌣𑌕𑌰𑍍𑌶𑌿𑌤𑌾𑌮𑍍 ।
𑌅𑌬𑌲𑌾𑌂 𑌮𑍃𑌗𑌶𑌾𑌬𑌾𑌕𑍍𑌷𑍀𑌂 𑌵𑍀𑌕𑍍𑌷𑌮𑌾𑌣𑌾𑌂 𑌤𑌤𑌸𑍍𑌤𑌤𑌃 ॥ 35 ॥

𑌬𑌾𑌷𑍍𑌪𑌾𑌂𑌬𑍁𑌪𑌰𑌿𑌪𑍂𑌰𑍍𑌣𑍇𑌨 𑌕𑍃𑌷𑍍𑌣𑌵𑌕𑍍𑌰𑌾𑌕𑍍𑌷𑌿𑌪𑌕𑍍𑌷𑍍𑌮𑌣𑌾 ।
𑌵𑌦𑌨𑍇𑌨𑌾𑌪𑍍𑌰𑌸𑌨𑍍𑌨𑍇𑌨 𑌨𑌿𑌃𑌶𑍍𑌵𑌸𑌂𑌤𑍀𑌂 𑌪𑍁𑌨𑌃 𑌪𑍁𑌨𑌃 ॥ 36 ॥

𑌮𑌲𑌪𑌂𑌕𑌧𑌰𑌾𑌂 𑌦𑍀𑌨𑌾𑌂 𑌮𑌂𑌡𑌨𑌾𑌰𑍍𑌹𑌾𑌮𑌮𑌂𑌡𑌿𑌤𑌾𑌮𑍍 ।
𑌪𑍍𑌰𑌭𑌾𑌂 𑌨𑌕𑍍𑌷𑌤𑍍𑌰𑌰𑌾𑌜𑌸𑍍𑌯 𑌕𑌾𑌲𑌮𑍇𑌘𑍈𑌰𑌿𑌵𑌾𑌵𑍃𑌤𑌾𑌮𑍍 ॥ 3𑍭 ॥

𑌤𑌸𑍍𑌯 𑌸𑌂𑌦𑌿𑌦𑌿𑌹𑍇 𑌬𑍁𑌦𑍍𑌧𑌿𑌰𑍍𑌮𑍁𑌹𑍁𑌃 𑌸𑍀𑌤𑌾𑌂 𑌨𑌿𑌰𑍀𑌕𑍍𑌷𑍍𑌯 𑌤𑍁 ।
𑌆𑌮𑍍𑌨𑌾𑌯𑌾𑌨𑌾𑌮𑌯𑍋𑌗𑍇𑌨 𑌵𑌿𑌦𑍍𑌯𑌾𑌂 𑌪𑍍𑌰𑌶𑌿𑌥𑌿𑌲𑌾𑌮𑌿𑌵 ॥ 3𑍮 ॥

𑌦𑍁𑌃𑌖𑍇𑌨 𑌬𑍁𑌬𑍁𑌧𑍇 𑌸𑍀𑌤𑌾𑌂 𑌹𑌨𑍁𑌮𑌾𑌨𑌨𑌲𑌂𑌕𑍃𑌤𑌾𑌮𑍍 ।
𑌸𑌂𑌸𑍍𑌕𑌾𑌰𑍇𑌣 𑌯𑌥𑌾 𑌹𑍀𑌨𑌾𑌂 𑌵𑌾𑌚𑌮𑌰𑍍𑌥𑌾𑌂𑌤𑌰𑌂 𑌗𑌤𑌾𑌮𑍍 ॥ 3𑍯 ॥

𑌤𑌾𑌂 𑌸𑌮𑍀𑌕𑍍𑌷𑌯 𑌵𑌿𑌶𑌾𑌲𑌾𑌕𑍍𑌷𑍀𑌂 𑌰𑌾𑌜𑌪𑍁𑌤𑍍𑌰𑍀𑌮𑌨𑌿𑌂𑌦𑌿𑌤𑌾𑌮𑍍 ।
𑌤𑌰𑍍𑌕𑌯𑌾𑌮𑌾𑌸 𑌸𑍀𑌤𑍇𑌤𑌿 𑌕𑌾𑌰𑌣𑍈𑌰𑍁𑌪𑌪𑌾𑌦𑌿𑌭𑌿𑌃 ॥ 40 ॥

𑌵𑍈𑌦𑍇𑌹𑍍𑌯𑌾 𑌯𑌾𑌨𑌿 𑌚𑌾𑌂𑌗𑍇𑌷𑍁 𑌤𑌦𑌾 𑌰𑌾𑌮𑍋𑌽𑌨𑍍𑌵𑌕𑍀𑌰𑍍𑌤𑌯𑌤𑍍 ।
𑌤𑌾𑌨𑍍𑌯𑌾𑌭𑌰𑌣𑌜𑌾𑌲𑌾𑌨𑌿 𑌗𑌾𑌤𑍍𑌰𑌶𑍋𑌭𑍀𑌨𑍍𑌯𑌲𑌕𑍍𑌷𑌯𑌤𑍍 ॥ 41 ॥

𑌸𑍁𑌕𑍃𑌤𑍌 𑌕𑌰𑍍𑌣𑌵𑍇𑌷𑍍𑌟𑍌 𑌚 𑌶𑍍𑌵𑌦𑌂𑌷𑍍𑌟𑍍𑌰𑍌 𑌚 𑌸𑍁𑌸𑌂𑌸𑍍𑌥𑌿𑌤𑍌 ।
𑌮𑌣𑌿𑌵𑌿𑌦𑍍𑌰𑍁𑌮𑌚𑌿𑌤𑍍𑌰𑌾𑌣𑌿 𑌹𑌸𑍍𑌤𑍇𑌷𑍍𑌵𑌾𑌭𑌰𑌣𑌾𑌨𑌿 𑌚 ॥ 42 ॥

𑌶𑍍𑌯𑌾𑌮𑌾𑌨𑌿 𑌚𑌿𑌰𑌯𑍁𑌕𑍍𑌤𑌤𑍍𑌵𑌾𑌤𑍍𑌤𑌥𑌾 𑌸𑌂𑌸𑍍𑌥𑌾𑌨𑌵𑌂𑌤𑌿 𑌚 ।
𑌤𑌾𑌨𑍍𑌯𑍈𑌵𑍇𑌤𑌾𑌨𑌿 𑌮𑌨𑍍𑌯𑍇𑌽𑌹𑌂 𑌯𑌾𑌨𑌿 𑌰𑌾𑌮𑍋𑌽𑌨𑍍𑌵𑌕𑍀𑌰𑍍𑌤𑌯𑌤𑍍 ॥ 43 ॥

𑌤𑌤𑍍𑌰 𑌯𑌾𑌨𑍍𑌯𑌵𑌹𑍀𑌨𑌾𑌨𑌿 𑌤𑌾𑌨𑍍𑌯𑌹𑌂 𑌨𑍋𑌪𑌲𑌕𑍍𑌷𑌯𑍇 ।
𑌯𑌾𑌨𑍍𑌯𑌸𑍍𑌯𑌾 𑌨𑌾𑌵𑌹𑍀𑌨𑌾𑌨𑌿 𑌤𑌾𑌨𑍀𑌮𑌾𑌨𑌿 𑌨 𑌸𑌂𑌶𑌯𑌃 ॥ 44 ॥

𑌪𑍀𑌤𑌂 𑌕𑌨𑌕𑌪𑌟𑍍𑌟𑌾𑌭𑌂 𑌸𑍍𑌰𑌸𑍍𑌤𑌂 𑌤𑌦𑍍𑌵𑌸𑌨𑌂 𑌶𑍁𑌭𑌮𑍍 ।
𑌉𑌤𑍍𑌤𑌰𑍀𑌯𑌂 𑌨𑌗𑌾𑌸𑌕𑍍𑌤𑌂 𑌤𑌦𑌾 𑌦𑍃𑌷𑍍𑌟𑌂 𑌪𑍍𑌲𑌵𑌂𑌗𑌮𑍈𑌃 ॥ 45 ॥

𑌭𑍂𑌷𑌣𑌾𑌨𑌿 𑌚 𑌮𑍁𑌖𑍍𑌯𑌾𑌨𑌿 𑌦𑍃𑌷𑍍𑌟𑌾𑌨𑌿 𑌧𑌰𑌣𑍀𑌤𑌲𑍇 ।
𑌅𑌨𑌯𑍈𑌵𑌾𑌪𑌵𑌿𑌦𑍍𑌧𑌾𑌨𑌿 𑌸𑍍𑌵𑌨𑌵𑌂𑌤𑌿 𑌮𑌹𑌾𑌂𑌤𑌿 𑌚 ॥ 46 ॥

𑌇𑌦𑌂 𑌚𑌿𑌰𑌗𑍃𑌹𑍀𑌤𑌤𑍍𑌵𑌾𑌦𑍍𑌵𑌸𑌨𑌂 𑌕𑍍𑌲𑌿𑌷𑍍𑌟𑌵𑌤𑍍𑌤𑌰𑌮𑍍 ।
𑌤𑌥𑌾𑌽𑌪𑌿 𑌨𑍂𑌨𑌂 𑌤𑌦𑍍𑌵𑌰𑍍𑌣𑌂 𑌤𑌥𑌾 𑌶𑍍𑌰𑍀𑌮𑌦𑍍𑌯𑌥𑍇𑌤𑌰𑌤𑍍 ॥ 4𑍭 ॥

𑌇𑌯𑌂 𑌕𑌨𑌕𑌵𑌰𑍍𑌣𑌾𑌂𑌗𑍀 𑌰𑌾𑌮𑌸𑍍𑌯 𑌮𑌹𑌿𑌷𑍀 𑌪𑍍𑌰𑌿𑌯𑌾 ।
𑌪𑍍𑌰𑌣𑌷𑍍𑌟𑌾𑌪𑌿 𑌸𑌤𑍀 𑌯𑌾𑌽𑌸𑍍𑌯 𑌮𑌨𑌸𑍋 𑌨 𑌪𑍍𑌰𑌣𑌶𑍍𑌯𑌤𑌿 ॥ 4𑍮 ॥

𑌇𑌯𑌂 𑌸𑌾 𑌯𑌤𑍍𑌕𑍃𑌤𑍇 𑌰𑌾𑌮𑌶𑍍𑌚𑌤𑍁𑌰𑍍𑌭𑌿𑌃 𑌪𑌰𑌿𑌤𑌪𑍍𑌯𑌤𑍇 ।
𑌕𑌾𑌰𑍁𑌣𑍍𑌯𑍇𑌨𑌾𑌨𑍃𑌶𑌂𑌸𑍍𑌯𑍇𑌨 𑌶𑍋𑌕𑍇𑌨 𑌮𑌦𑌨𑍇𑌨 𑌚 ॥ 4𑍯 ॥

𑌸𑍍𑌤𑍍𑌰𑍀 𑌪𑍍𑌰𑌣𑌷𑍍𑌟𑍇𑌤𑌿 𑌕𑌾𑌰𑍁𑌣𑍍𑌯𑌾𑌦𑌾𑌶𑍍𑌰𑌿𑌤𑍇𑌤𑍍𑌯𑌾𑌨𑍃𑌶𑌂𑌸𑍍𑌯𑌤𑌃 ।
𑌪𑌤𑍍𑌨𑍀 𑌨𑌷𑍍𑌟𑍇𑌤𑌿 𑌶𑍋𑌕𑍇𑌨 𑌪𑍍𑌰𑌿𑌯𑍇𑌤𑌿 𑌮𑌦𑌨𑍇𑌨 𑌚 ॥ 50 ॥

𑌅𑌸𑍍𑌯𑌾 𑌦𑍇𑌵𑍍𑌯𑌾 𑌯𑌥𑌾 𑌰𑍂𑌪𑌮𑌂𑌗𑌪𑍍𑌰𑌤𑍍𑌯𑌂𑌗𑌸𑍌𑌷𑍍𑌠𑌵𑌮𑍍 ।
𑌰𑌾𑌮𑌸𑍍𑌯 𑌚 𑌯𑌥𑌾 𑌰𑍂𑌪𑌂 𑌤𑌸𑍍𑌯𑍇𑌯𑌮𑌸𑌿𑌤𑍇𑌕𑍍𑌷𑌣𑌾 ॥ 51 ॥

𑌅𑌸𑍍𑌯𑌾 𑌦𑍇𑌵𑍍𑌯𑌾 𑌮𑌨𑌸𑍍𑌤𑌸𑍍𑌮𑌿𑌂𑌸𑍍𑌤𑌸𑍍𑌯 𑌚𑌾𑌸𑍍𑌯𑌾𑌂 𑌪𑍍𑌰𑌤𑌿𑌷𑍍𑌠𑌿𑌤𑌮𑍍 ।
𑌤𑍇𑌨𑍇𑌯𑌂 𑌸 𑌚 𑌧𑌰𑍍𑌮𑌾𑌤𑍍𑌮𑌾 𑌮𑍁𑌹𑍂𑌰𑍍𑌤𑌮𑌪𑌿 𑌜𑍀𑌵𑌤𑌿 ॥ 52 ॥

𑌦𑍁𑌷𑍍𑌕𑌰𑌂 𑌕𑍃𑌤𑌵𑌾𑌨𑍍𑌰𑌾𑌮𑍋 𑌹𑍀𑌨𑍋 𑌯𑌦𑌨𑌯𑌾 𑌪𑍍𑌰𑌭𑍁𑌃 ।
𑌧𑌾𑌰𑌯𑌤𑍍𑌯𑌾𑌤𑍍𑌮𑌨𑍋 𑌦𑍇𑌹𑌂 𑌨 𑌶𑍋𑌕𑍇𑌨𑌾𑌵𑌸𑍀𑌦𑌤𑌿 ॥ 53 ॥

𑌦𑍁𑌷𑍍𑌕𑌰𑌂 𑌕𑍁𑌰𑍁𑌤𑍇 𑌰𑌾𑌮𑍋 𑌯 𑌇𑌮𑌾𑌂 𑌮𑌤𑍍𑌤𑌕𑌾𑌶𑌿𑌨𑍀𑌮𑍍 ।
𑌸𑍀𑌤𑌾𑌂 𑌵𑌿𑌨𑌾 𑌮𑌹𑌾𑌬𑌾𑌹𑍁𑌰𑍍𑌮𑍁𑌹𑍂𑌰𑍍𑌤𑌮𑌪𑌿 𑌜𑍀𑌵𑌤𑌿 ॥ 54 ॥

𑌏𑌵𑌂 𑌸𑍀𑌤𑌾𑌂 𑌤𑌦𑌾 𑌦𑍃𑌷𑍍𑌟𑍍𑌵𑌾 𑌹𑍃𑌷𑍍𑌟𑌃 𑌪𑌵𑌨𑌸𑌂𑌭𑌵𑌃 ।
𑌜𑌗𑌾𑌮 𑌮𑌨𑌸𑌾 𑌰𑌾𑌮𑌂 𑌪𑍍𑌰𑌶𑌶𑌂𑌸 𑌚 𑌤𑌂 𑌪𑍍𑌰𑌭𑍁𑌮𑍍 ॥ 55 ॥

𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌸𑍁𑌂𑌦𑌰𑌕𑌾𑌂𑌡𑍇 𑌪𑌂𑌚𑌦𑌶𑌸𑍍𑌸𑌰𑍍𑌗𑌃 ॥


Browse Related Categories: