𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌕𑌿𑌷𑍍𑌕𑌿𑌂𑌧𑌾𑌕𑌾𑌂𑌡𑌮𑍍 ।
𑌅𑌥 𑌦𑍍𑌵𑌿𑌷𑌷𑍍𑌟𑌿𑌤𑌮𑌸𑍍𑌸𑌰𑍍𑌗𑌃 ।
𑌏𑌵𑌮𑍁𑌕𑍍𑌤𑌾 𑌮𑍁𑌨𑌿𑌶𑍍𑌰𑍇𑌷𑍍𑌠 𑌮𑌰𑍁𑌦𑌂 𑌦𑍁𑌃𑌖𑌿𑌤𑍋 𑌭𑍃𑌶𑌮𑍍 ।
𑌅𑌥 𑌧𑍍𑌯𑌾𑌤𑍍𑌵𑌾 𑌮𑍁𑌹𑍂𑌰𑍍𑌤𑌂 𑌤𑍁 𑌭𑌗𑌵𑌾𑌨𑌿𑌦𑌮𑌬𑍍𑌰𑌵𑍀𑌤𑍍 ॥ 1 ॥
𑌪𑌕𑍍𑌷𑍌 𑌤𑍁 𑌤𑍇 𑌪𑍍𑌰𑌪𑌕𑍍𑌷𑍌 𑌚 𑌪𑍁𑌨𑌰𑌨𑍍𑌯𑍌𑌭𑌵𑌿𑌷𑍍𑌯𑌤𑌃 ।
𑌪𑍍𑌰𑌾𑌣𑌾𑌶𑍍𑌚 𑌚𑌕𑍍𑌷𑍁𑌷𑍀 𑌚𑍈𑌵 𑌵𑌿𑌕𑍍𑌰𑌮𑌶𑍍𑌚 𑌬𑌲𑌂 𑌚 𑌤𑍇 ॥ 2 ॥
𑌪𑍁𑌰𑌾𑌣𑍇 𑌸𑍁𑌮𑌹𑌤𑍍𑌕𑌾𑌰𑍍𑌯𑌂 𑌭𑌵𑌿𑌷𑍍𑌯𑌤𑌿 𑌮𑌯𑌾 𑌶𑍍𑌰𑍁𑌤𑌮𑍍 ।
𑌦𑍃𑌷𑍍𑌟𑌂 𑌮𑍇 𑌤𑌪𑌸𑌾 𑌚𑍈𑌵 𑌶𑍍𑌰𑍁𑌤𑍍𑌵𑌾 𑌚 𑌵𑌿𑌦𑌿𑌤𑌂 𑌮𑌮 ॥ 3 ॥
𑌰𑌾𑌜𑌾 𑌦𑌶𑌰𑌥𑍋 𑌨𑌾𑌮 𑌕𑌶𑍍𑌚𑌿𑌦𑌿𑌕𑍍𑌷𑍍𑌵𑌾𑌕𑍁𑌨𑌂𑌦𑌨𑌃 ।
𑌤𑌸𑍍𑌯 𑌪𑍁𑌤𑍍𑌰𑍋 𑌮𑌹𑌾𑌤𑍇𑌜𑌾 𑌰𑌮𑍋𑌨𑌾𑌮 𑌭𑌵𑌿𑌷𑍍𑌯𑌤𑌿 ॥ 4 ॥
𑌅𑌰𑌣𑍍𑌯𑌂 𑌚 𑌸𑌹 𑌰𑍍𑌭𑌾𑌤𑍍𑌰𑌾 𑌲𑌕𑍍𑌷𑍍𑌮𑌣𑍇𑌨𑌗𑌮𑌿𑌷𑍍𑌯𑌤𑌿 ।
𑌅𑌸𑍍𑌮𑌿𑌨𑍍𑌨𑌰𑍍𑌥𑍇 𑌨𑌿𑌯𑍁𑌕𑍍𑌤 𑌸𑍍𑌸𑌨𑍍𑌪𑌿𑌤𑍍𑌰𑌾 𑌸𑌤𑍍𑌯𑌪𑌰𑌾𑌕𑍍𑌰𑌮𑌃 ॥ 5 ॥
𑌨𑍈𑌋𑌤𑍋 𑌰𑌾𑌵𑌣𑍋 𑌨𑌾𑌮 𑌤𑌸𑍍𑌯 𑌭𑌾𑌰𑍍𑌯𑌾𑌂 𑌹𑌰𑌿𑌷𑍍𑌯𑌤𑌿 ।
𑌰𑌾𑌕𑍍𑌷𑌸𑍇𑌂𑌦𑍍𑌰𑍋 𑌜𑌨𑌸𑍍𑌥𑌨𑌾𑌦𑌵𑌧𑍍𑌯 𑌸𑍍𑌸𑍁𑌰𑌦𑌾𑌨𑌵𑍈𑌃 ॥ 6 ॥
𑌸𑌾 𑌚 𑌕𑌾𑌮𑍈𑌃 𑌪𑍍𑌰𑌲𑍋𑌭𑍍𑌯𑌂𑌤𑍀 𑌭𑌕𑍍𑌷𑍍𑌯𑍈𑌃𑌭𑍋𑌜𑍍𑌯𑍈𑌶𑍍𑌚 𑌮𑍈𑌥𑌿𑌲𑍀 ।
𑌨𑌭𑍋𑌕𑍍𑌷𑍍𑌯𑌤𑌿 𑌮𑌹𑌾𑌭𑌾𑌗𑌾 𑌦𑍁𑌃𑌖𑍇 𑌮𑌗𑍍𑌨𑌾 𑌯𑌶𑌸𑍍𑌵𑌿𑌨𑍀 ॥ ॥
𑌪𑌰𑌮𑌾𑌨𑍍𑌨𑌂𑌤𑍁 𑌵𑍈𑌦𑍇𑌹𑍍𑌯𑌾 𑌜𑍍𑌞𑌾𑌤𑍍𑌵𑌾 𑌦𑌾𑌸𑍍𑌯𑌤𑌿 𑌵𑌾 𑌸𑌃 ।
𑌯𑌦𑌨𑍍𑌨𑌮𑌮𑍃𑌤𑌪𑍍𑌰𑌖𑍍𑌯𑌂 𑌸𑍁𑌰𑌾𑌣𑌾𑌮𑌪𑌿𑌦𑍁𑌰𑍍𑌲𑌭𑌮𑍍 ॥ ॥
𑌤𑌦𑌨𑍍𑌨𑌂 𑌮𑍈𑌥𑌿𑌲𑍀𑌪𑍍𑌰𑌾𑌪𑍍𑌯 𑌵𑌿𑌜𑍍𑌞𑌾𑌯𑍇𑌂𑌦𑍍𑌰𑌾𑌦𑌿𑌦𑌂𑌤𑍍𑌵𑌿𑌤𑌿 ।
𑌅𑌗𑍍𑌰𑌮𑍁𑌦𑍃𑌤𑍍𑌯 𑌰𑌾𑌮𑌾𑌯 𑌭𑍂𑌤𑌲𑍇 𑌨𑌿𑌰𑍍𑌵𑌪𑌿𑌷𑍍𑌯𑌤𑌿 ॥ ॥
𑌯𑌦𑌿 𑌜𑍀𑌵𑌤𑌿 𑌮𑍇 𑌭𑌰𑍍𑌤𑌾 𑌲𑌕𑍍𑌷𑍍𑌮𑌣𑍇𑌨 𑌸𑌹 𑌪𑍍𑌰𑌭𑍁𑌃 ।
𑌦𑍇𑌵𑌤𑍍𑌵𑌂 𑌗𑌚𑍍𑌛𑍍𑌤𑍋 𑌰𑍍𑌵𑌾𑌪𑌿 𑌤𑌯𑍋 𑌰𑌨𑍍𑌨𑌮𑌿𑌦𑌂𑌤𑍍𑌵𑌿𑌤𑌿 ॥ 10 ॥
𑌏𑌷𑍍𑌯𑌂𑌤𑍍𑌯𑌨𑍍𑌵𑍇𑌷𑌕𑌾 𑌸𑍍𑌤𑌸𑍍𑌯𑌾 𑌰𑌾𑌮𑌦𑍂𑌤𑌾𑌃 𑌪𑍍𑌲𑌵𑌾𑌂𑌗𑌮𑌾𑌃 ।
𑌆𑌖𑍍𑌯𑍇𑌯𑌾 𑌰𑌾𑌮 𑌮𑌹𑍀𑌷𑍀 𑌤𑍍𑌵𑌯𑌾 𑌤𑍇𑌭𑍍𑌯𑍋 𑌵𑌿𑌹𑌂𑌗𑌮 ॥ 11 ॥
𑌸𑌰𑍍𑌵𑌥𑌾 𑌹𑌿 𑌨𑌗𑌂𑌤𑌵𑍍𑌯𑌮𑍀𑌦𑍃𑌶𑌃 𑌕𑍍𑌵 𑌗𑌮𑌿𑌷𑍍𑌯𑌸𑌿 ।
𑌦𑍇𑌶𑌕𑌾𑌲𑍌 𑌪𑍍𑌰𑌤𑍀𑌕𑍍𑌷𑌸𑍍𑌵 𑌪𑌕𑍍𑌷𑍌 𑌤𑍍𑌵𑌂 𑌪𑍍𑌰𑌤𑌿𑌪𑌤𑍍𑌸𑍍𑌯𑌸𑍇 ॥ 12 ॥
𑌨𑍋𑌤𑍍𑌸𑌹𑍇𑌯𑌮𑌹𑌂𑌕𑌰𑍍𑌤𑍁𑌮𑌧𑍍𑌯𑍈𑌵 𑌤𑍍𑌵𑌾𑌂 𑌸𑌪𑌕𑍍𑌷𑌕𑌮𑍍 ।
𑌇𑌹𑌸𑍍𑌥 𑌸𑍍𑌤𑍍𑌵𑌂 𑌤𑍁 𑌲𑍋𑌕𑌾𑌨𑌾𑌂 𑌹𑌿𑌤𑌂 𑌕𑌾𑌰𑍍𑌯𑌂 𑌕𑌰𑌿𑌷𑍍𑌯𑌸𑌿 ॥ 13 ॥
𑌤𑍍𑌵𑌯𑌾𑌪𑌿 𑌖𑌲𑍁 𑌤𑌤𑍍𑌕𑌾𑌰𑍍𑌯𑌂 𑌤𑌯𑍋𑌶𑍍𑌚𑌨𑍃𑌪𑌪𑍁𑌤𑍍𑌰𑌯𑍋𑌃 ।
𑌬𑍍𑌰𑌾𑌹𑍍𑌮𑌣𑌾𑌨𑌾𑌂 𑌸𑍁𑌰𑌾𑌣𑌾𑌂 𑌚 𑌮𑍁𑌨𑍀𑌨𑌾𑌂 𑌵𑌾𑌸𑌵𑌸𑍍𑌯 𑌚 ॥ 14 ॥
𑌇𑌚𑍍𑌛𑌾𑌮𑍍𑌯𑌹𑌮𑌪𑌿𑌦𑍍𑌰𑌷𑍍𑌟𑍁𑌂 𑌭𑍍𑌰𑌾𑌤𑌰𑍌 𑌰𑌾𑌮𑌲𑌕𑍍𑌷𑍍𑌮𑌣𑍌 ।
𑌨𑍇𑌚𑍍𑌛𑍇𑌚𑌿𑌰𑌂 𑌧𑌾𑌰𑌯𑍁𑌤𑍁𑌂 𑌪𑍍𑌰𑌾𑌣𑌾𑌂 𑌸𑍍𑌤𑍍𑌯𑌕𑍍𑌷𑍍𑌯𑍇 𑌕𑌲𑍇𑌬𑌰𑌮𑍍 ।
𑌮𑌹𑌰𑍍𑌷𑌿 𑌸𑍍𑌤𑍍𑌵𑌬𑍍𑌰𑌵𑍀𑌦𑍇𑌵𑌂 𑌦𑍃𑌷𑍍𑌟𑌤𑌤𑍍𑌵𑌾𑌰𑍍𑌥𑌦𑌰𑍍𑌶𑌨𑌃 ॥ 15 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌕𑌿𑌷𑍍𑌕𑌿𑌂𑌧𑌾𑌕𑌾𑌂𑌡𑍇 𑌦𑍍𑌵𑌿𑌷𑌷𑍍𑌟𑌿𑌤𑌮𑌸𑍍𑌸𑌰𑍍𑌗𑌃 ॥
