𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌬𑌾𑌲𑌕𑌾𑌂𑌡𑌮𑍍 ।
𑌅𑌥 𑌸𑌪𑍍𑌤𑌮𑌸𑍍𑌸𑌰𑍍𑌗𑌃 ।
. 𑌤𑌸𑍍𑌯𑌾𑌮𑌾𑌤𑍍𑌯𑌾 𑌗𑍁𑌣𑍈𑌰𑌾𑌸𑌨𑍍𑌨𑌿𑌕𑍍𑌷𑍍𑌵𑌾𑌕𑍋𑌸𑍍𑌤𑍁 𑌮𑌹𑌾𑌤𑍍𑌮𑌨𑌃 ।
𑌮𑌂𑌤𑍍𑌰𑌜𑍍𑌞𑌾𑌶𑍍𑌚𑍇𑌂𑌗𑌿𑌤𑌜𑍍𑌞𑌾𑌶𑍍𑌚 𑌨𑌿𑌤𑍍𑌯𑌂 𑌪𑍍𑌰𑌿𑌯𑌹𑌿𑌤𑍇 𑌰𑌤𑌾𑌃 ॥ 1 ॥
𑌅𑌷𑍍𑌟𑍌 𑌬𑌭𑍂𑌵𑍁𑌰𑍍𑌵𑍀𑌰𑌸𑍍𑌯 𑌤𑌸𑍍𑌯𑌾𑌮𑌾𑌤𑍍𑌯𑌾 𑌯𑌶𑌸𑍍𑌵𑌿𑌨𑌃 ।
𑌶𑍁𑌚𑌯𑌶𑍍𑌚𑌾𑌨𑍁𑌰𑌕𑍍𑌤𑌾𑌶𑍍𑌚 𑌰𑌾𑌜𑌕𑍃𑌤𑍍𑌯𑍇𑌷𑍁 𑌨𑌿𑌤𑍍𑌯𑌶𑌃 ॥ 2 ॥
𑌧𑍃𑌷𑍍𑌟𑌿𑌰𑍍𑌜𑌯𑌂𑌤𑍋 𑌵𑌿𑌜𑌯𑌸𑍍𑌸𑌿𑌦𑍍𑌧𑌾𑌰𑍍𑌥𑍋 𑌹𑍍𑌯𑌰𑍍𑌥𑌸𑌾𑌧𑌕𑌃 ।
𑌅𑌶𑍋𑌕𑍋 𑌮𑌂𑌤𑍍𑌰𑌪𑌾𑌲𑌶𑍍𑌚 𑌸𑍁𑌮𑌂𑌤𑍍𑌰𑌶𑍍𑌚𑌾𑌷𑍍𑌟𑌮𑍋𑌽𑌭𑌵𑌤𑍍 ॥ 3 ॥
𑌋𑌤𑍍𑌵𑌿𑌜𑍌 𑌦𑍍𑌵𑌾𑌵𑌭𑌿𑌮𑌤𑍌 𑌤𑌸𑍍𑌯𑌾𑌽𑌽𑌸𑍍𑌤𑌾𑌮𑍃𑌷𑌿𑌸𑌤𑍍𑌤𑌮𑍌 ।
𑌵𑌸𑌿𑌷𑍍𑌠𑍋 𑌵𑌾𑌮𑌦𑍇𑌵𑌶𑍍𑌚 𑌮𑌂𑌤𑍍𑌰𑌿𑌣𑌶𑍍𑌚 𑌤𑌥𑌾𑌪𑌰𑍇 ॥ 4 ॥
𑌵𑌿𑌦𑍍𑌯𑌾𑌵𑌿𑌨𑍀𑌤𑌾 𑌹𑍍𑌰𑍀𑌮𑌂𑌤𑌃 𑌕𑍁𑌶𑌲𑌾 𑌨𑌿𑌯𑌤𑍇𑌂𑌦𑍍𑌰𑌿𑌯𑌾𑌃 ।
𑌶𑍍𑌰𑍀𑌮𑌂𑌤𑌶𑍍𑌚 𑌮𑌹𑌾𑌤𑍍𑌮𑌾𑌨𑌶𑍍𑌶𑌾𑌸𑍍𑌤𑍍𑌰𑌜𑍍𑌞𑌾 𑌦𑍃𑌢𑌵𑌿𑌕𑍍𑌰𑌮𑌾𑌃 ॥ 5 ॥
𑌕𑍀𑌰𑍍𑌤𑌿𑌮𑌂𑌤𑌃 𑌪𑍍𑌰𑌣𑌿𑌹𑌿𑌤𑌾𑌃 𑌯𑌥𑌾𑌵𑌚𑌨𑌕𑌾𑌰𑌿𑌣𑌃 ।
𑌤𑍇𑌜𑌃 𑌕𑍍𑌷𑌮𑌾𑌯𑌶𑌃𑌪𑍍𑌰𑌾𑌪𑍍𑌤𑌾 𑌸𑍍𑌮𑌿𑌤𑌪𑍂𑌰𑍍𑌵𑌾𑌭𑌿𑌭𑌾𑌷𑌿𑌣𑌃 ॥ 6 ॥
𑌕𑍍𑌰𑍋𑌧𑌾𑌤𑍍𑌕𑌾𑌮𑌾𑌰𑍍𑌥𑌹𑍇𑌤𑍋𑌰𑍍𑌵𑌾 𑌨 𑌬𑍍𑌰𑍂𑌯𑍁𑌰𑌨𑍃𑌤𑌂 𑌵𑌚𑌃 ।
𑌤𑍇𑌷𑌾𑌮𑌵𑌿𑌦𑌿𑌤𑌂 𑌕𑌿𑌂𑌚𑌿𑌤𑍍𑌸𑍍𑌵𑍇𑌷𑍁 𑌨𑌾𑌸𑍍𑌤𑌿 𑌪𑌰𑍇𑌷𑍁 𑌵𑌾 ।
𑌕𑍍𑌰𑌿𑌯𑌮𑌾𑌣𑌂 𑌕𑍃𑌤𑌂 𑌵𑌾𑌪𑌿 𑌚𑌾𑌰𑍇𑌣𑌾𑌪𑌿 𑌚𑌿𑌕𑍀𑌰𑍍𑌷𑌿𑌤𑌮𑍍 ॥ ॥
𑌕𑍁𑌶𑌲𑌾 𑌵𑍍𑌯𑌵𑌹𑌾𑌰𑍇𑌷𑍁 𑌸𑍌𑌹𑍃𑌦𑍇𑌷𑍁 𑌪𑌰𑍀𑌕𑍍𑌷𑌿𑌤𑌾𑌃 ।
𑌪𑍍𑌰𑌾𑌪𑍍𑌤𑌕𑌾𑌲𑌂 𑌤𑍁 𑌤𑍇 𑌦𑌂𑌡𑌂 𑌧𑌾𑌰𑌯𑍇𑌯𑍁𑌸𑍍𑌸𑍁𑌤𑍇𑌷𑍍𑌵𑌪𑌿 ॥ ॥
𑌕𑍋𑌶𑌸𑌂𑌗𑍍𑌰𑌹𑌣𑍇 𑌯𑍁𑌕𑍍𑌤𑌾 𑌬𑌲𑌸𑍍𑌯 𑌚 𑌪𑌰𑌿𑌗𑍍𑌰𑌹𑍇 ।
𑌅𑌹𑌿𑌤𑌂 𑌚𑌾𑌪𑌿 𑌪𑍁𑌰𑍁𑌷𑌂 𑌨 𑌵𑌿𑌹𑌿𑌂𑌸𑍍𑌯𑍁𑌰𑌦𑍂𑌷𑌕𑌮𑍍 ॥ ॥
𑌵𑍀𑌰𑌾𑌶𑍍𑌚 𑌨𑌿𑌯𑌤𑍋𑌤𑍍𑌸𑌾𑌹𑌾 𑌰𑌾𑌜𑌶𑌾𑌸𑍍𑌤𑍍𑌰𑌮𑌨𑍁𑌷𑍍𑌠𑌿𑌤𑌾𑌃 ।
𑌶𑍁𑌚𑍀𑌨𑌾𑌂 𑌰𑌕𑍍𑌷𑌿𑌤𑌾𑌰𑌶𑍍𑌚 𑌨𑌿𑌤𑍍𑌯𑌂 𑌵𑌿𑌷𑌯𑌵𑌾𑌸𑌿𑌨𑌾𑌮𑍍 ॥ 10 ॥
𑌬𑍍𑌰𑌹𑍍𑌮 𑌕𑍍𑌷𑌤𑍍𑌰𑌮𑌹𑌿𑌂𑌸𑌂𑌤𑌸𑍍𑌤𑍇 𑌕𑍋𑌶𑌂 𑌸𑌮𑌪𑍂𑌰𑌯𑌨𑍍 ।
𑌸𑍁𑌤𑍀𑌕𑍍𑌷𑍍𑌣𑌦𑌂𑌡𑌾𑌸𑍍𑌸𑌂𑌪𑍍𑌰𑍇𑌕𑍍𑌷𑍍𑌯 𑌪𑍁𑌰𑍁𑌷𑌸𑍍𑌯 𑌬𑌲𑌾𑌬𑌲𑌮𑍍 ॥ 11 ॥
𑌶𑍁𑌚𑍀𑌨𑌾𑌮𑍇𑌕𑌬𑍁𑌦𑍍𑌧𑍀𑌨𑌾𑌂 𑌸𑌰𑍍𑌵𑍇𑌷𑌾𑌂 𑌸𑌂𑌪𑍍𑌰𑌜𑌾𑌨𑌤𑌾𑌮𑍍 ।
𑌨𑌾𑌸𑍀𑌤𑍍𑌪𑍁𑌰𑍇 𑌵𑌾 𑌰𑌾𑌷𑍍𑌟𑍍𑌰𑍇 𑌵𑌾 𑌮𑍃𑌷𑌾𑌵𑌾𑌦𑍀 𑌨𑌰𑌃 𑌕𑍍𑌵𑌚𑌿𑌤𑍍 ॥ 12 ॥
𑌕𑌶𑍍𑌚𑌿𑌨𑍍𑌨 𑌦𑍁𑌷𑍍𑌟𑌸𑍍𑌤𑌤𑍍𑌰𑌾𑌸𑍀𑌤𑍍𑌪𑌰𑌦𑌾𑌰𑌰𑌤𑍋 𑌨𑌰𑌃 ।
𑌪𑍍𑌰𑌶𑌾𑌂𑌤𑌂 𑌸𑌰𑍍𑌵𑌮𑍇𑌵𑌾𑌸𑍀𑌦𑍍𑌰𑌾𑌷𑍍𑌟𑍍𑌰𑌂 𑌪𑍁𑌰𑌵𑌰𑌂 𑌚 𑌤𑌤𑍍 ॥ 13 ॥
𑌸𑍁𑌵𑌾𑌸𑌸𑌸𑍍𑌸𑍁𑌵𑍇𑌷𑌾𑌶𑍍𑌚 𑌤𑍇 𑌚 𑌸𑌰𑍍𑌵𑍇 𑌸𑍁𑌶𑍀𑌲𑌿𑌨𑌃 ।
𑌹𑌿𑌤𑌾𑌰𑍍𑌥𑌂 𑌚 𑌨𑌰𑍇𑌂𑌦𑍍𑌰𑌸𑍍𑌯 𑌜𑌾𑌗𑍍𑌰𑌤𑍋 𑌨𑌯𑌚𑌕𑍍𑌷𑍁𑌷𑌾 ॥ 14 ॥
𑌗𑍁𑌰𑍋𑌰𑍍𑌗𑍁𑌣𑌗𑍃𑌹𑍀𑌤𑌾𑌶𑍍𑌚 𑌪𑍍𑌰𑌖𑍍𑌯𑌾𑌤𑌾𑌶𑍍𑌚 𑌪𑌰𑌾𑌕𑍍𑌰𑌮𑍇 ।
𑌵𑌿𑌦𑍇𑌶𑍇𑌷𑍍𑌵𑌪𑌿 𑌵𑌿𑌜𑍍𑌞𑌾𑌤𑌾𑌸𑍍𑌸𑌰𑍍𑌵𑌤𑍋 𑌬𑍁𑌦𑍍𑌧𑌿𑌨𑌿𑌶𑍍𑌚𑌯𑌾𑌤𑍍 ॥ 15 ॥
𑌸𑌂𑌧𑌿𑌵𑌿𑌗𑍍𑌰𑌹𑌤𑌤𑍍𑌤𑍍𑌵𑌜𑍍𑌞𑌾𑌃 𑌪𑍍𑌰𑌕𑍃𑌤𑍍𑌯𑌾 𑌸𑌂𑌪𑌦𑌾𑌨𑍍𑌵𑌿𑌤𑌾𑌃 ॥ 16 ॥
𑌮𑌂𑌤𑍍𑌰𑌸𑌂𑌵𑌰𑌣𑍇 𑌶𑌕𑍍𑌤𑌾𑌶𑍍𑌶𑍍𑌲𑌕𑍍𑌷𑍍𑌣𑌾𑌸𑍍𑌸𑍂𑌕𑍍𑌷𑍍𑌮𑌾𑌸𑍁 𑌬𑍁𑌦𑍍𑌧𑌿𑌷𑍁 ।
𑌨𑍀𑌤𑌿𑌶𑌾𑌸𑍍𑌤𑍍𑌰𑌵𑌿𑌶𑍇𑌷𑌜𑍍𑌞𑌾𑌸𑍍𑌸𑌤𑌤𑌂 𑌪𑍍𑌰𑌿𑌯𑌵𑌾𑌦𑌿𑌨𑌃 ॥ 1 ॥
𑌈𑌦𑍃𑌶𑍈𑌸𑍍𑌤𑍈𑌰𑌮𑌾𑌤𑍍𑌯𑍈𑌸𑍍𑌤𑍁 𑌰𑌾𑌜𑌾 𑌦𑌶𑌰𑌥𑍋𑌽𑌨𑌘𑌃 ।
𑌉𑌪𑌪𑌨𑍍𑌨𑍋 𑌗𑍁𑌣𑍋𑌪𑍇𑌤𑍈𑌰𑌨𑍍𑌵𑌶𑌾𑌸𑌦𑍍𑌵𑌸𑍁𑌂𑌧𑌰𑌾𑌮𑍍 ॥ 1 ॥
𑌅𑌵𑍇𑌕𑍍𑌷𑌮𑌾𑌣𑌶𑍍𑌚𑌾𑌰𑍇𑌣 𑌪𑍍𑌰𑌜𑌾 𑌧𑌰𑍍𑌮𑍇𑌣 𑌰𑌂𑌜𑌯𑌨𑍍 ।
𑌪𑍍𑌰𑌜𑌾𑌨𑌾𑌂 𑌪𑌾𑌲𑌨𑌂 𑌕𑍁𑌰𑍍𑌵𑌨𑍍𑌨𑌧𑌰𑍍𑌮𑌾𑌨𑍍𑌪𑌰𑌿𑌵𑌰𑍍𑌜𑌯𑌨𑍍 ॥ 1 ॥
𑌵𑌿𑌶𑍍𑌰𑍁𑌤𑌸𑍍𑌤𑍍𑌰𑌿𑌷𑍁 𑌲𑍋𑌕𑍇𑌷𑍁 𑌵𑌦𑌾𑌨𑍍𑌯𑌸𑍍𑌸𑌤𑍍𑌯𑌸𑌂𑌗𑌰𑌃 ।
𑌸 𑌤𑌤𑍍𑌰 𑌪𑍁𑌰𑍁𑌷𑌵𑍍𑌯𑌾𑌘𑍍𑌰𑌶𑍍𑌶𑌶𑌾𑌸 𑌪𑍃𑌥𑌿𑌵𑍀𑌮𑌿𑌮𑌾𑌮𑍍 ॥ 20 ॥
𑌨𑌾𑌧𑍍𑌯𑌗𑌚𑍍𑌛𑌦𑍍𑌵𑌿𑌶𑌿𑌷𑍍𑌟𑌂 𑌵𑌾 𑌤𑍁𑌲𑍍𑌯𑌂 𑌵𑌾 𑌶𑌤𑍍𑌰𑍁𑌮𑌾𑌤𑍍𑌮𑌨𑌃 ।
𑌮𑌿𑌤𑍍𑌰𑌵𑌾𑌨𑍍𑌨𑌤𑌸𑌾𑌮𑌂𑌤𑌃 𑌪𑍍𑌰𑌤𑌾𑌪𑌹𑌤𑌕𑌂𑌟𑌕𑌃 ॥ 21 ॥
𑌸 𑌶𑌶𑌾𑌸 𑌜𑌗𑌦𑍍𑌰𑌾𑌜𑌾 𑌦𑌿𑌵𑌂 𑌦𑍇𑌵𑌪𑌤𑌿𑌰𑍍𑌯𑌥𑌾 ।
𑌤𑍈𑌰𑍍𑌮𑌂𑌤𑍍𑌰𑌿𑌭𑌿𑌰𑍍𑌮𑌂𑌤𑍍𑌰𑌹𑌿𑌤𑍇 𑌨𑌿𑌯𑍁𑌕𑍍𑌤𑍈 𑌰𑍍𑌵𑍃𑌤𑍋𑌽𑌨𑍁𑌰𑌕𑍍𑌤𑍈𑌃 𑌕𑍁𑌶𑌲𑍈𑌸𑍍𑌸𑌮𑌰𑍍𑌥𑍈𑌃 ।
𑌸 𑌪𑌾𑌰𑍍𑌥𑌿𑌵𑍋 𑌦𑍀𑌪𑍍𑌤𑌿𑌮𑌵𑌾𑌪 𑌯𑍁𑌕𑍍𑌤 𑌸𑍍𑌤𑍇𑌜𑍋𑌮𑌯𑍈𑌰𑍍𑌗𑍋𑌭𑌿𑌰𑌿𑌵𑍋𑌦𑌿𑌤𑍋𑌽𑌰𑍍𑌕𑌃 ॥ 22 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌬𑌾𑌲𑌕𑌾𑌂𑌡𑍇 𑌸𑌪𑍍𑌤𑌮𑌸𑍍𑌸𑌰𑍍𑌗𑌃 ॥
