Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Odia | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |

3.3𑍭 𑌅𑌰𑌣𑍍𑌯𑌕𑌾𑌂𑌡 - 𑌸𑌪𑍍𑌤𑌤𑍍𑌰𑌿𑌂𑌶 𑌸𑌰𑍍𑌗𑌃

𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌅𑌰𑌣𑍍𑌯𑌕𑌾𑌂𑌡𑌮𑍍 ।
𑌅𑌥 𑌸𑌪𑍍𑌤𑌤𑍍𑌰𑌿𑌂𑌶𑌸𑍍𑌸𑌰𑍍𑌗𑌃 ।

𑌤𑌚𑍍𑌛𑍃𑌤𑍍𑌵𑌾 𑌰𑌾𑌕𑍍𑌷𑌸𑍇𑌂𑌦𑍍𑌰𑌸𑍍𑌯 𑌵𑌾𑌕𑍍𑌯𑌂 𑌵𑌾𑌕𑍍𑌯𑌵𑌿𑌶𑌾𑌰𑌦𑌃 ।
𑌪𑍍𑌰𑌤𑍍𑌯𑍁𑌵𑌾𑌚 𑌮𑌹𑌾𑌪𑍍𑌰𑌾𑌜𑍍𑌞𑍋 𑌮𑌾𑌰𑍀𑌚𑍋 𑌰𑌾𑌕𑍍𑌷𑌸𑍇𑌶𑍍𑌵𑌰𑌮𑍍 ॥ 1 ॥

𑌸𑍁𑌲𑌭𑌾𑌃 𑌪𑍁𑌰𑍁𑌷𑌾 𑌰𑌾𑌜𑌨𑍍𑌸𑌤𑌤𑌂 𑌪𑍍𑌰𑌿𑌯𑌵𑌾𑌦𑌿𑌨𑌃 ।
𑌅𑌪𑍍𑌰𑌿𑌯𑌸𑍍𑌯 𑌤𑍁 𑌪𑌥𑍍𑌯𑌸𑍍𑌯 𑌵𑌕𑍍𑌤𑌾 𑌶𑍍𑌰𑍋𑌤𑌾 𑌚 𑌦𑍁𑌰𑍍𑌲𑌭𑌃 ॥ 2 ॥

𑌨 𑌨𑍂𑌨𑌂 𑌬𑍁𑌧𑍍𑌯𑌸𑍇 𑌰𑌾𑌮𑌂 𑌮𑌹𑌾𑌵𑍀𑌰𑍍𑌯𑌂 𑌗𑍁𑌣𑍋𑌨𑍍𑌨𑌤𑌮𑍍 ।
𑌅𑌯𑍁𑌕𑍍𑌤𑌚𑌾𑌰𑌶𑍍𑌚𑌪𑌲𑍋 𑌮𑌹𑍇𑌂𑌦𑍍𑌰𑌵𑌰𑍁𑌣𑍋𑌪𑌮𑌮𑍍 ॥ 3 ॥

𑌅𑌪𑌿 𑌸𑍍𑌵𑌸𑍍𑌤𑌿 𑌭𑌵𑍇𑌤𑍍𑌤𑌾𑌤 𑌸𑌰𑍍𑌵𑍇𑌷𑌾𑌂 𑌭𑍁𑌵𑌿 𑌰𑌕𑍍𑌷𑌸𑌾𑌮𑍍 ।
𑌅𑌪𑌿 𑌰𑌾𑌮𑍋 𑌨𑌾𑌸𑌂𑌕𑍍𑌰𑍁𑌦𑍍𑌧𑌃 𑌕𑍁𑌰𑍍𑌯𑌾𑌲𑍍𑌲𑍋𑌕𑌮𑌰𑌾𑌕𑍍𑌷𑌸𑌮𑍍 ॥ 4 ॥

𑌅𑌪𑌿 𑌤𑍇 𑌜𑍀𑌵𑌿𑌤𑌾𑌂𑌤𑌾𑌯 𑌨𑍋𑌤𑍍𑌪𑌨𑍍𑌨𑌾 𑌜𑌨𑌕𑌾𑌤𑍍𑌮𑌜𑌾 ।
𑌅𑌪𑌿 𑌸𑍀𑌤𑌾𑌨𑌿𑌮𑌿𑌤𑍍𑌤𑌂 𑌚 𑌨 𑌭𑌵𑍇𑌦𑍍𑌵𑍍𑌯𑌸𑌨𑌂 𑌮𑌮 ॥ 5 ॥

𑌅𑌪𑌿 𑌤𑍍𑌵𑌾𑌮𑍀𑌶𑍍𑌵𑌰𑌂 𑌪𑍍𑌰𑌾𑌪𑍍𑌯 𑌕𑌾𑌮𑌵𑍃𑌤𑍍𑌤𑌂 𑌨𑌿𑌰𑌂𑌕𑍁𑌶𑌮𑍍 ।
𑌨 𑌵𑌿𑌨𑌶𑍍𑌯𑍇𑌤𑍍𑌪𑍁𑌰𑍀 𑌲𑌂𑌕𑌾 𑌤𑍍𑌵𑌯𑌾 𑌸𑌹 𑌸𑌰𑌾𑌕𑍍𑌷𑌸𑌾 ॥ 6 ॥

𑌤𑍍𑌵𑌦𑍍𑌵𑌿𑌧𑌃 𑌕𑌾𑌮𑌵𑍃𑌤𑍍𑌤𑍋 𑌹𑌿 𑌦𑍁𑌶𑍍𑌶𑍀𑌲𑌃 𑌪𑌾𑌪𑌮𑌂𑌤𑍍𑌰𑌿𑌤𑌃 ।
𑌆𑌤𑍍𑌮𑌾𑌨𑌂 𑌸𑍍𑌵𑌜𑌨𑌂 𑌰𑌾𑌷𑍍𑌟𑍍𑌰𑌂 𑌸 𑌰𑌾𑌜𑌾 𑌹𑌂𑌤𑌿 𑌦𑍁𑌰𑍍𑌮𑌤𑌿𑌃 ॥ 𑍭 ॥

𑌨 𑌚 𑌪𑌿𑌤𑍍𑌰𑌾 𑌪𑌰𑌿𑌤𑍍𑌯𑌕𑍍𑌤𑍋 𑌨𑌾𑌮𑌰𑍍𑌯𑌾𑌦𑌃 𑌕𑌥𑌂𑌚𑌨 ।
𑌨 𑌲𑍁𑌬𑍍𑌧𑍋 𑌨 𑌚 𑌦𑍁𑌶𑍍𑌶𑍀𑌲𑍋 𑌨 𑌚 𑌕𑍍𑌷𑌤𑍍𑌰𑌿𑌯𑌪𑌾𑌂𑌸𑌨𑌃 ॥ 𑍮 ॥

𑌨 𑌚 𑌧𑌰𑍍𑌮𑌗𑍁𑌣𑍈𑌰𑍍𑌹𑍀𑌨𑌃 𑌕𑍌𑌸𑌲𑍍𑌯𑌾𑌨𑌂𑌦𑌵𑌰𑍍𑌧𑌨𑌃 ।
𑌨 𑌤𑍀𑌕𑍍𑌷𑍍𑌣𑍋 𑌨 𑌚 𑌭𑍂𑌤𑌾𑌨𑌾𑌂 𑌸𑌰𑍍𑌵𑍇𑌷𑌾𑌮𑌹𑌿𑌤𑍇 𑌰𑌤𑌃 ॥ 𑍯 ॥

𑌵𑌂𑌚𑌿𑌤𑌂 𑌪𑌿𑌤𑌰𑌂 𑌦𑍃𑌷𑍍𑌟𑍍𑌵𑌾 𑌕𑍈𑌕𑍇𑌯𑍍𑌯𑌾 𑌸𑌤𑍍𑌯𑌵𑌾𑌦𑌿𑌨𑌮𑍍 ।
𑌕𑌰𑌿𑌷𑍍𑌯𑌾𑌮𑍀𑌤𑌿 𑌧𑌰𑍍𑌮𑌾𑌤𑍍𑌮𑌾 𑌤𑌾𑌤 𑌪𑍍𑌰𑌵𑍍𑌰𑌜𑌿𑌤𑍋 𑌵𑌨𑌮𑍍 ॥ 10 ॥

𑌕𑍈𑌕𑍇𑌯𑍍𑌯𑌾𑌃 𑌪𑍍𑌰𑌿𑌯𑌕𑌾𑌮𑌾𑌰𑍍𑌥𑌂 𑌪𑌿𑌤𑍁𑌰𑍍𑌦𑌶𑌰𑌥𑌸𑍍𑌯 𑌚 ।
𑌹𑌿𑌤𑍍𑌵𑌾 𑌰𑌾𑌜𑍍𑌯𑌂 𑌚 𑌭𑍋𑌗𑌾𑌂𑌶𑍍𑌚 𑌪𑍍𑌰𑌵𑌿𑌷𑍍𑌟𑍋 𑌦𑌂𑌡𑌕𑌾𑌵𑌨𑌮𑍍 ॥ 11 ॥

𑌨 𑌰𑌾𑌮𑌃 𑌕𑌰𑍍𑌕𑌶𑌸𑍍𑌤𑌾𑌤 𑌨𑌾𑌵𑌿𑌦𑍍𑌵𑌾𑌨𑍍𑌨𑌾𑌜𑌿𑌤𑍇𑌂𑌦𑍍𑌰𑌿𑌯𑌃 ।
𑌅𑌨𑍃𑌤𑌂 𑌦𑍁𑌶𑍍𑌶𑍍𑌰𑍁𑌤𑌂 𑌚𑍈𑌵 𑌨𑍈𑌵 𑌤𑍍𑌵𑌂 𑌵𑌕𑍍𑌤𑍁𑌮𑌰𑍍𑌹𑌸𑌿 ॥ 12 ॥

𑌰𑌾𑌮𑍋 𑌵𑌿𑌗𑍍𑌰𑌹𑌵𑌾𑌨𑍍 𑌧𑌰𑍍𑌮𑌸𑍍𑌸𑌾𑌧𑍁𑌸𑍍𑌸𑌤𑍍𑌯𑌪𑌰𑌾𑌕𑍍𑌰𑌮𑌃 ।
𑌰𑌾𑌜𑌾 𑌸𑌰𑍍𑌵𑌸𑍍𑌯 𑌲𑍋𑌕𑌸𑍍𑌯 𑌦𑍇𑌵𑌾𑌨𑌾𑌂 𑌮𑌘𑌵𑌾𑌨𑌿𑌵 ॥ 13 ॥

𑌕𑌥𑌂 𑌤𑍍𑌵𑌂 𑌤𑌸𑍍𑌯 𑌵𑍈𑌦𑍇𑌹𑍀𑌂 𑌰𑌕𑍍𑌷𑌿𑌤𑌾𑌂 𑌸𑍍𑌵𑍇𑌨 𑌤𑍇𑌜𑌸𑌾 ।
𑌇𑌚𑍍𑌛𑌸𑌿 𑌪𑍍𑌰𑌸𑌭𑌂 𑌹𑌰𑍍𑌤𑍁𑌂 𑌪𑍍𑌰𑌭𑌾𑌮𑌿𑌵 𑌵𑌿𑌵𑌸𑍍𑌵𑌤𑌃 ॥ 14 ॥

𑌶𑌰𑌾𑌰𑍍𑌚𑌿𑌷𑌮𑌾𑌧𑍃𑌷𑍍𑌯𑌂 𑌚𑌾𑌪𑌖𑌂𑌗𑍇𑌂𑌧𑌨𑌂 𑌰𑌣𑍇 ।
𑌰𑌾𑌮𑌾𑌗𑍍𑌨𑌿𑌂 𑌸𑌹𑌸𑌾 𑌦𑍀𑌪𑍍𑌤𑌂 𑌨 𑌪𑍍𑌰𑌵𑍇𑌷𑍍𑌟𑍁𑌂 𑌤𑍍𑌵𑌮𑌰𑍍𑌹𑌸𑌿 ॥ 15 ॥

𑌧𑌨𑍁𑌰𑍍𑌵𑍍𑌯𑌾𑌦𑌿𑌤𑌦𑍀𑌪𑍍𑌤𑌾𑌸𑍍𑌯𑌂 𑌶𑌰𑌾𑌰𑍍𑌚𑌿𑌷𑌮𑌮𑌰𑍍𑌷𑌣𑌮𑍍 ।
𑌚𑌾𑌪𑌬𑌾𑌣𑌧𑌰𑌂 𑌤𑍀𑌕𑍍𑌷𑍍𑌣𑌂 𑌶𑌤𑍍𑌰𑍁𑌸𑍈𑌨𑍍𑌯𑌪𑍍𑌰𑌹𑌾𑌰𑌿𑌣𑌮𑍍 ॥ 16 ॥

𑌰𑌾𑌜𑍍𑌯𑌂 𑌸𑍁𑌖𑌂 𑌚 𑌸𑌂𑌤𑍍𑌯𑌜𑍍𑌯 𑌜𑍀𑌵𑌿𑌤𑌂 𑌚𑍇𑌷𑍍𑌟𑌮𑌾𑌤𑍍𑌮𑌨𑌃 ।
𑌨𑌾𑌤𑍍𑌯𑌾𑌸𑌾𑌦𑌯𑌿𑌤𑍁𑌂 𑌤𑌾𑌤 𑌰𑌾𑌮𑌾𑌂𑌤𑌕𑌮𑌿𑌹𑌾𑌰𑍍𑌹𑌸𑌿 ॥ 1𑍭 ॥

𑌅𑌪𑍍𑌰𑌮𑍇𑌯𑌂 𑌹𑌿 𑌤𑌤𑍍𑌤𑍇𑌜𑍋 𑌯𑌸𑍍𑌯 𑌸𑌾 𑌜𑌨𑌕𑌾𑌤𑍍𑌮𑌜𑌾 ।
𑌨 𑌤𑍍𑌵𑌂 𑌸𑌮𑌰𑍍𑌥𑌸𑍍𑌤𑌾𑌂 𑌹𑌰𑍍𑌤𑍁𑌂 𑌰𑌾𑌮𑌚𑌾𑌪𑌾𑌶𑍍𑌰𑌯𑌂 𑌵𑌨𑍇 ॥ 1𑍮 ॥

𑌤𑌸𑍍𑌯 𑌸𑌾 𑌨𑌰𑌸𑌿𑌂𑌹𑌸𑍍𑌯 𑌸𑌿𑌂𑌹𑍋𑌰𑌸𑍍𑌕𑌸𑍍𑌯 𑌭𑌾𑌮𑌿𑌨𑍀 ।
𑌪𑍍𑌰𑌾𑌣𑍇𑌭𑍍𑌯𑍋𑌽𑌪𑌿 𑌪𑍍𑌰𑌿𑌯𑌤𑌰𑌾 𑌭𑌾𑌰𑍍𑌯𑌾 𑌨𑌿𑌤𑍍𑌯𑌮𑌨𑍁𑌵𑍍𑌰𑌤𑌾 ॥ 1𑍯 ॥

𑌨 𑌸𑌾 𑌧𑌰𑍍𑌷𑌯𑌿𑌤𑍁𑌂 𑌶𑌕𑍍𑌯𑌾 𑌮𑍈𑌥𑌿𑌲𑍍𑌯𑍋𑌜𑌸𑍍𑌵𑌿𑌨𑌃 𑌪𑍍𑌰𑌿𑌯𑌾 ।
𑌦𑍀𑌪𑍍𑌤𑌸𑍍𑌯𑍇𑌵 𑌹𑍁𑌤𑌾𑌶𑌸𑍍𑌯 𑌶𑌿𑌖𑌾 𑌸𑍀𑌤𑌾 𑌸𑍁𑌮𑌧𑍍𑌯𑌮𑌾 ॥ 20 ॥

𑌕𑌿𑌮𑍁𑌦𑍍𑌯𑌮𑌮𑌿𑌮𑌂 𑌵𑍍𑌯𑌰𑍍𑌥𑌂 𑌕𑍃𑌤𑍍𑌵𑌾 𑌤𑍇 𑌰𑌾𑌕𑍍𑌷𑌸𑌾𑌧𑌿𑌪 ।
𑌦𑍃𑌷𑍍𑌟𑌶𑍍𑌚𑍇𑌤𑍍𑌵𑌂 𑌰𑌣𑍇 𑌤𑍇𑌨 𑌤𑌦𑌂𑌤𑌂 𑌤𑌵 𑌜𑍀𑌵𑌿𑌤𑌮𑍍 ॥ 21 ॥

𑌜𑍀𑌵𑌿𑌤𑌂 𑌚 𑌸𑍁𑌖𑌂 𑌚𑍈𑌵 𑌰𑌾𑌜𑍍𑌯𑌂 𑌚𑍈𑌵 𑌸𑍁𑌦𑍁𑌰𑍍𑌲𑌭𑌮𑍍 ।
𑌯𑌦𑍀𑌚𑍍𑌛𑌸𑌿 𑌚𑌿𑌰𑌂 𑌭𑍋𑌕𑍍𑌤𑍁𑌂 𑌮𑌾 𑌕𑍃𑌥𑌾 𑌰𑌾𑌮𑌵𑌿𑌪𑍍𑌰𑌿𑌯𑌮𑍍 ॥ 22 ॥

𑌸 𑌸𑌰𑍍𑌵𑍈𑌸𑍍𑌸𑌚𑌿𑌵𑍈𑌸𑍍𑌸𑌾𑌰𑍍𑌧𑌂 𑌵𑌿𑌭𑍀𑌷𑌣𑌪𑍁𑌰𑍋𑌗𑌮𑍈𑌃 ।
𑌮𑌂𑌤𑍍𑌰𑌯𑌿𑌤𑍍𑌵𑌾 𑌤𑍁 𑌧𑌰𑍍𑌮𑌿𑌷𑍍𑌠𑍈𑌃 𑌕𑍃𑌤𑍍𑌵𑌾 𑌨𑌿𑌶𑍍𑌚𑌯𑌮𑌾𑌤𑍍𑌮𑌨𑌃 ॥ 23 ॥

𑌦𑍋𑌷𑌾𑌣𑌾𑌂 𑌚 𑌗𑍁𑌣𑌾𑌨𑌾𑌂 𑌚 𑌸𑌂𑌪𑍍𑌰𑌧𑌾𑌰𑍍𑌯 𑌬𑌲𑌾𑌬𑌲𑌮𑍍 ।
𑌆𑌤𑍍𑌮𑌨𑌶𑍍𑌚 𑌬𑌲𑌂 𑌜𑍍𑌞𑌾𑌤𑍍𑌵𑌾 𑌰𑌾𑌘𑌵𑌸𑍍𑌯 𑌚 𑌤𑌤𑍍𑌵𑌤𑌃 ॥ 24 ॥

𑌹𑌿𑌤𑌾𑌹𑌿𑌤𑌂 𑌵𑌿𑌨𑌿𑌶𑍍𑌚𑌿𑌤𑍍𑌯 𑌕𑍍𑌷𑌮𑌂 𑌤𑍍𑌵𑌂 𑌕𑌰𑍍𑌤𑍁𑌮𑌰𑍍𑌹𑌸𑌿 ।
𑌅𑌹𑌂 𑌤𑍁 𑌮𑌨𑍍𑌯𑍇 𑌤𑌵 𑌨 𑌕𑍍𑌷𑌮𑌂 𑌰𑌣𑍇 𑌸𑌮𑌾𑌗𑌮𑌂 𑌕𑍋𑌸𑌲𑌰𑌾𑌜𑌸𑍂𑌨𑍁𑌨𑌾 ।
𑌇𑌦𑌂 𑌹𑌿 𑌭𑍂𑌯𑌶𑍍𑌶𑍃𑌣𑍁 𑌵𑌾𑌕𑍍𑌯𑌮𑍁𑌤𑍍𑌤𑌮𑌂 𑌕𑍍𑌷𑌮𑌂 𑌚 𑌯𑍁𑌕𑍍𑌤𑌂 𑌚 𑌨𑌿𑌶𑌾𑌚𑌰𑍇𑌶𑍍𑌵𑌰 ॥ 25 ॥

𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌅𑌰𑌣𑍍𑌯𑌕𑌾𑌂𑌡𑍇 𑌸𑌪𑍍𑌤𑌤𑍍𑌰𑌿𑌂𑌶𑌸𑍍𑌸𑌰𑍍𑌗𑌃 ॥


Browse Related Categories: