Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Odia | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |

3.10 𑌅𑌰𑌣𑍍𑌯𑌕𑌾𑌂𑌡 - 𑌦𑌶𑌮 𑌸𑌰𑍍𑌗𑌃

𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌅𑌰𑌣𑍍𑌯𑌕𑌾𑌂𑌡𑌮𑍍 ।
𑌅𑌥 𑌦𑌶𑌮𑌸𑍍𑌸𑌰𑍍𑌗𑌃 ।

𑌵𑌾𑌕𑍍𑌯𑌮𑍇𑌤𑌤𑍍𑌤𑍁 𑌵𑍈𑌦𑍇𑌹𑍍𑌯𑌾 𑌵𑍍𑌯𑌾𑌹𑍃𑌤𑌂 𑌭𑌰𑍍𑌤𑍃𑌭𑌕𑍍𑌤𑌯𑌾 ।
𑌶𑍍𑌰𑍁𑌤𑍍𑌵𑌾 𑌧𑌰𑍍𑌮𑍇 𑌸𑍍𑌥𑌿𑌤𑍋 𑌰𑌾𑌮𑌃 𑌪𑍍𑌰𑌤𑍍𑌯𑍁𑌵𑌾𑌚𑌾𑌥 𑌮𑍈𑌥𑌿𑌲𑍀𑌮𑍍 ॥ 1 ॥

𑌹𑌿𑌤𑌮𑍁𑌕𑍍𑌤𑌂 𑌤𑍍𑌵𑌯𑌾 𑌦𑍇𑌵𑌿 𑌸𑍍𑌨𑌿𑌗𑍍𑌧𑌯𑌾 𑌸𑌦𑍃𑌶𑌂 𑌵𑌚𑌃 ।
𑌕𑍁𑌲𑌂 𑌵𑍍𑌯𑌪𑌦𑌿𑌶𑌂𑌤𑍍𑌯𑌾 𑌚 𑌧𑌰𑍍𑌮𑌜𑍍𑌞𑍇 𑌜𑌨𑌕𑌾𑌤𑍍𑌮𑌜𑍇 ॥ 2 ॥

𑌕𑌿𑌂𑌤𑍁 𑌵𑌕𑍍𑌷𑍍𑌯𑌾𑌮𑍍𑌯𑌹𑌂 𑌦𑍇𑌵𑌿 𑌤𑍍𑌵𑌯𑍈𑌵𑍋𑌕𑍍𑌤𑌮𑌿𑌦𑌂 𑌵𑌚𑌃 ।
𑌕𑍍𑌷𑌤𑍍𑌰𑌿𑌯𑍈𑌰𑍍𑌧𑌾𑌰𑍍𑌯𑌤𑍇 𑌚𑌾𑌪𑍋 𑌨𑌾𑌰𑍍𑌤𑌶𑌬𑍍𑌦𑍋 𑌭𑌵𑍇𑌦𑌿𑌤𑌿 ॥ 3 ॥

𑌤𑍇 𑌚𑌾𑌰𑍍𑌤𑌾 𑌦𑌂𑌡𑌕𑌾𑌰𑌣𑍍𑌯𑍇 𑌮𑍁𑌨𑌯𑌸𑍍𑌸𑌂𑌶𑌿𑌤𑌵𑍍𑌰𑌤𑌾𑌃 ।
𑌮𑌾𑌂 𑌸𑍀𑌤𑍇 𑌸𑍍𑌵𑌯𑌮𑌾𑌗𑌮𑍍𑌯 𑌶𑌰𑌣𑍍𑌯𑌾𑌶𑍍𑌶𑌰𑌣𑌂 𑌗𑌤𑌾𑌃 ॥ 4 ॥

𑌵𑌸𑌂𑌤𑍋 𑌧𑌰𑍍𑌮𑌨𑌿𑌰𑌤𑌾 𑌵𑌨𑍇 𑌮𑍂𑌲𑌫𑌲𑌾𑌶𑌨𑌾𑌃 ।
𑌨 𑌲𑌭𑌂𑌤𑍇 𑌸𑍁𑌖𑌂 𑌭𑍀𑌤𑌾 𑌰𑌾𑌕𑍍𑌷𑌸𑍈𑌃 𑌕𑍍𑌰𑍂𑌰𑌕𑌰𑍍𑌮𑌭𑌿𑌃 ॥ 5 ॥

𑌕𑌾𑌲𑍇 𑌕𑌾𑌲𑍇 𑌚 𑌨𑌿𑌰𑌤𑌾 𑌨𑌿𑌯𑌮𑍈𑌰𑍍𑌵𑌿𑌵𑌿𑌧𑍈𑌰𑍍𑌵𑌨𑍇 ।
𑌭𑌕𑍍𑌷𑍍𑌯𑌂𑌤𑍇 𑌰𑌾𑌕𑍍𑌷𑌸𑍈𑌰𑍍𑌭𑍀𑌮𑍈𑌰𑍍𑌨𑌰𑌮𑌾𑌂𑌸𑍋𑌪𑌜𑍀𑌵𑌿𑌭𑌿𑌃 ॥ 6 ॥

𑌤𑍇 𑌭𑌕𑍍𑌷𑍍𑌯𑌮𑌾𑌣𑌾 𑌮𑍁𑌨𑌯𑍋 𑌦𑌂𑌡𑌕𑌾𑌰𑌣𑍍𑌯𑌵𑌾𑌸𑌿𑌨𑌃 ।
𑌅𑌸𑍍𑌮𑌾𑌨𑌭𑍍𑌯𑌵𑌪𑌦𑍍𑌯𑍇𑌤𑌿 𑌮𑌾𑌮𑍂𑌚𑍁𑌰𑍍𑌦𑍍𑌵𑌿𑌜𑌸𑌤𑍍𑌤𑌮𑌾 ॥ 𑍭 ॥

𑌮𑌯𑌾 𑌤𑍁 𑌵𑌚𑌨𑌂 𑌶𑍍𑌰𑍁𑌤𑍍𑌵𑌾 𑌤𑍇𑌷𑌾𑌮𑍇𑌵𑌂 𑌮𑍁𑌖𑌾𑌚𑍍𑌚𑍍𑌯𑍁𑌤𑌮𑍍 ।
𑌕𑍃𑌤𑍍𑌵𑌾 𑌚𑌰𑌣𑌶𑍁𑌶𑍍𑌰𑍂𑌷𑌾𑌂 𑌵𑌾𑌕𑍍𑌯𑌮𑍇𑌤𑌦𑍁𑌦𑌾𑌹𑍃𑌤𑌮𑍍 ॥ 𑍮 ॥

𑌪𑍍𑌰𑌸𑍀𑌦𑌂𑌤𑍁 𑌭𑌵𑌂𑌤𑍋 𑌮𑍇 𑌹𑍍𑌰𑍀𑌰𑍇𑌷𑌾 𑌹𑌿 𑌮𑌮𑌾𑌤𑍁𑌲𑌾 ।
𑌯𑌦𑍀𑌦𑍃𑌶𑍈𑌰𑌹𑌂 𑌵𑌿𑌪𑍍𑌰𑍈𑌰𑍁𑌪𑌸𑍍𑌥𑍇𑌯𑍈𑌰𑍁𑌪𑌸𑍍𑌥𑌿𑌤𑌃 ॥ 𑍯 ॥

𑌕𑌿𑌂 𑌕𑌰𑍋𑌮𑍀𑌤𑌿 𑌚 𑌮𑌯𑌾 𑌵𑍍𑌯𑌾𑌹𑍃𑌤𑌂 𑌦𑍍𑌵𑌿𑌜𑌸𑌨𑍍𑌨𑌿𑌧𑍌 ।
𑌸𑌰𑍍𑌵𑍈𑌰𑍇𑌤𑍈𑌸𑍍𑌸𑌮𑌾𑌗𑌮𑍍𑌯 𑌵𑌾𑌗𑌿𑌯𑌂 𑌸𑌮𑍁𑌦𑌾𑌹𑍃𑌤𑌾 ॥ 10 ॥

𑌰𑌾𑌕𑍍𑌷𑌸𑍈𑌰𑍍𑌦𑌂𑌡𑌕𑌾𑌰𑌣𑍍𑌯𑍇 𑌬𑌹𑍁𑌭𑌿𑌃 𑌕𑌾𑌮𑌰𑍂𑌪𑌿𑌭𑌿𑌃 ।
𑌅𑌰𑍍𑌦𑌿𑌤𑌾𑌸𑍍𑌸𑍍𑌮 𑌦𑍃𑌢𑌂 𑌰𑌾𑌮 𑌭𑌵𑌾𑌨𑍍𑌨𑌸𑍍𑌤𑌤𑍍𑌰 𑌰𑌕𑍍𑌷𑌤𑍁 ॥ 11 ॥

𑌹𑍋𑌮𑌕𑌾𑌲𑍇𑌷𑍁 𑌸𑌂𑌪𑍍𑌰𑌾𑌪𑍍𑌤𑌾𑌃 𑌪𑌰𑍍𑌵𑌕𑌾𑌲𑍇𑌷𑍁 𑌚𑌾𑌨𑌘 ।
𑌧𑌰𑍍𑌷𑌯𑌂𑌤𑌿 𑌸𑍁𑌦𑍁𑌰𑍍𑌧𑌰𑍍𑌷𑌾 𑌰𑌾𑌕𑍍𑌷𑌸𑌾𑌃 𑌪𑌿𑌶𑌿𑌤𑌾𑌶𑌨𑌾𑌃 ॥ 12 ॥

𑌰𑌾𑌕𑍍𑌷𑌸𑍈𑌰𑍍𑌧𑌰𑍍𑌷𑌿𑌤𑌾𑌨𑌾𑌂 𑌚 𑌤𑌾𑌪𑌸𑌾𑌨𑌾𑌂 𑌤𑌪𑌸𑍍𑌵𑌿𑌨𑌾𑌮𑍍 ।
𑌗𑌤𑌿𑌂 𑌮𑍃𑌗𑌯𑌮𑌾𑌣𑌾𑌨𑌾𑌂 𑌭𑌵𑌾𑌨𑍍𑌨𑌃 𑌪𑌰𑌮𑌾 𑌗𑌤𑌿𑌃 ॥ 13 ॥

𑌕𑌾𑌮𑌂 𑌤𑌪𑌃𑌪𑍍𑌰𑌭𑌾𑌵𑍇𑌨 𑌶𑌕𑍍𑌤𑌾 𑌹𑌂𑌤𑍁𑌂 𑌨𑌿𑌶𑌾𑌚𑌰𑌾𑌨𑍍 ।
𑌚𑌿𑌰𑌾𑌰𑍍𑌜𑌿𑌤𑌂 𑌤𑍁 𑌨𑍇𑌚𑍍𑌛𑌾𑌮𑌸𑍍𑌤𑌪𑌃 𑌖𑌂𑌡𑌯𑌿𑌤𑍁𑌂 𑌵𑌯𑌮𑍍 ॥ 14 ॥

𑌬𑌹𑍁𑌵𑌿𑌘𑍍𑌨𑌂 𑌤𑌪𑍋 𑌨𑌿𑌤𑍍𑌯𑌂 𑌦𑍁𑌶𑍍𑌚𑌰𑌂 𑌚𑍈𑌵 𑌰𑌾𑌘𑌵 ।
𑌤𑍇𑌨 𑌶𑌾𑌪𑌂 𑌨 𑌮𑍁𑌂𑌚𑌾𑌮𑍋 𑌭𑌕𑍍𑌷𑍍𑌯𑌮𑌾𑌣𑌾𑌶𑍍𑌚 𑌰𑌾𑌕𑍍𑌷𑌸𑍈𑌃 ॥ 15 ॥

𑌤𑌦𑌰𑍍𑌧𑍍𑌯𑌮𑌾𑌨𑌾𑌨𑍍𑌰𑌕𑍍𑌷𑍋𑌭𑌿𑌰𑍍𑌦𑌂𑌡𑌕𑌾𑌰𑌣𑍍𑌯𑌵𑌾𑌸𑌿𑌭𑌿𑌃 ।
𑌰𑌕𑍍𑌷 𑌨𑌸𑍍𑌤𑍍𑌵𑌂 𑌸𑌹 𑌭𑍍𑌰𑌾𑌤𑍍𑌰𑌾 𑌤𑍍𑌵𑌨𑍍𑌨𑌾𑌥𑌾 𑌹𑌿 𑌵𑌯𑌂 𑌵𑌨𑍇 ॥ 16 ॥

𑌮𑌯𑌾 𑌚𑍈𑌤𑌦𑍍𑌵𑌚𑌶𑍍𑌶𑍍𑌰𑍁𑌤𑍍𑌵𑌾 𑌕𑌾𑌰𑍍𑌤𑍍𑌸𑍍𑌨𑍍𑌯𑍇𑌨 𑌪𑌰𑌿𑌪𑌾𑌲𑌨𑌮𑍍 ।
𑌋𑌷𑍀𑌣𑌾𑌂 𑌦𑌂𑌡𑌕𑌾𑌰𑌣𑍍𑌯𑍇 𑌸𑌂𑌶𑍍𑌰𑍁𑌤𑌂 𑌜𑌨𑌕𑌾𑌤𑍍𑌮𑌜𑍇 ॥ 1𑍭 ॥

𑌸𑌂𑌶𑍍𑌰𑍁𑌤𑍍𑌯 𑌚 𑌨 𑌶𑌕𑍍𑌷𑍍𑌯𑌾𑌮𑌿 𑌜𑍀𑌵𑌮𑌾𑌨𑌃 𑌪𑍍𑌰𑌤𑌿𑌶𑍍𑌰𑌵𑌮𑍍 ।
𑌮𑍁𑌨𑍀𑌨𑌾𑌮𑌨𑍍𑌯𑌥𑌾 𑌕𑌰𑍍𑌤𑍁𑌂 𑌸𑌤𑍍𑌯𑌮𑌿𑌷𑍍𑌟𑌂 𑌹𑌿 𑌮𑍇 𑌸𑌦𑌾 ॥ 1𑍮 ॥

𑌅𑌪𑍍𑌯𑌹𑌂 𑌜𑍀𑌵𑌿𑌤𑌂 𑌜𑌹𑍍𑌯𑌾𑌂 𑌤𑍍𑌵𑌾𑌂 𑌵𑌾 𑌸𑍀𑌤𑍇 𑌸𑌲𑌕𑍍𑌷𑍍𑌮𑌣𑌾𑌮𑍍 ।
𑌨 𑌤𑍁 𑌪𑍍𑌰𑌤𑌿𑌜𑍍𑌞𑌾𑌂 𑌸𑌂𑌶𑍍𑌰𑍁𑌤𑍍𑌯 𑌬𑍍𑌰𑌾𑌹𑍍𑌮𑌣𑍇𑌭𑍍𑌯𑍋 𑌵𑌿𑌶𑍇𑌷𑌤𑌃 ॥ 1𑍯 ॥

𑌤𑌦𑌵𑌶𑍍𑌯𑌂 𑌮𑌯𑌾 𑌕𑌾𑌰𑍍𑌯𑌮𑍃𑌷𑍀𑌣𑌾𑌂 𑌪𑌰𑌿𑌪𑌾𑌲𑌨𑌮𑍍 ।
𑌅𑌨𑍁𑌕𑍍𑌤𑍇𑌨𑌾𑌪𑌿 𑌵𑍈𑌦𑍇𑌹𑌿 𑌪𑍍𑌰𑌤𑌿𑌜𑍍𑌞𑌾𑌯 𑌤𑍁 𑌕𑌿𑌂 𑌪𑍁𑌨𑌃 ॥ 20 ॥

𑌮𑌮 𑌸𑍍𑌨𑍇𑌹𑌾𑌚𑍍𑌚 𑌸𑍌𑌹𑌾𑌰𑍍𑌦𑌾𑌦𑌿𑌦𑌮𑍁𑌕𑍍𑌤𑌂𑌤𑍍𑌵𑌯𑌾𑌽𑌨𑌘𑍇 ।
𑌪𑌰𑌿𑌤𑍁𑌷𑍍𑌟𑍋𑌽𑌸𑍍𑌮𑍍𑌯𑌹𑌂 𑌸𑍀𑌤𑍇 𑌨 𑌹𑍍𑌯𑌨𑌿𑌷𑍍𑌟𑍋𑌽𑌨𑍁𑌶𑌿𑌷𑍍𑌯𑌤𑍇 ॥ 21 ॥

𑌸𑌦𑍃𑌶𑌂 𑌚𑌾𑌨𑍁𑌰𑍂𑌪𑌂 𑌚 𑌕𑍁𑌲𑌸𑍍𑌯 𑌤𑌵 𑌚𑌾𑌤𑍍𑌮𑌨𑌃 ।
𑌸𑌧𑌰𑍍𑌮𑌚𑌾𑌰𑌿𑌣𑍀 𑌮𑍇 𑌤𑍍𑌵𑌂 𑌪𑍍𑌰𑌾𑌣𑍇𑌭𑍍𑌯𑍋𑌽𑌪𑌿 𑌗𑌰𑍀𑌯𑌸𑍀 ॥ 22 ॥

𑌇𑌤𑍍𑌯𑍇𑌵𑌮𑍁𑌕𑍍𑌤𑍍𑌵𑌾 𑌵𑌚𑌨𑌂 𑌮𑌹𑌾𑌤𑍍𑌮𑌾 𑌸𑍀𑌤𑌾𑌂 𑌪𑍍𑌰𑌿𑌯𑌾𑌂 𑌮𑍈𑌥𑌿𑌲𑌰𑌾𑌜𑌪𑍁𑌤𑍍𑌰𑍀𑌮𑍍 ।
𑌰𑌾𑌮𑍋 𑌧𑌨𑍁𑌷𑍍𑌮𑌾𑌨𑍍𑌸𑌹 𑌲𑌕𑍍𑌷𑍍𑌮𑌣𑍇𑌨 𑌜𑌗𑌾𑌮 𑌰𑌮𑍍𑌯𑌾𑌣𑌿 𑌤𑌪𑍋𑌵𑌨𑌾𑌨𑌿 ॥ 23 ॥

𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌅𑌰𑌣𑍍𑌯𑌕𑌾𑌂𑌡𑍇 𑌦𑌶𑌮𑌸𑍍𑌸𑌰𑍍𑌗𑌃 ॥


Browse Related Categories: