Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Odia | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |

2.34 𑌅𑌯𑍋𑌧𑍍𑌯𑌾𑌕𑌾𑌂𑌡 - 𑌚𑌤𑍁𑌸𑍍𑌤𑍍𑌰𑌿𑌂𑌶 𑌸𑌰𑍍𑌗𑌃

𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌅𑌯𑍋𑌧𑍍𑌯𑌾𑌕𑌾𑌂𑌡𑌮𑍍 ।
𑌅𑌥 𑌚𑌤𑍁𑌸𑍍𑌤𑍍𑌰𑌿𑌂𑌶𑌸𑍍𑌸𑌰𑍍𑌗𑌃 ।

𑌤𑌤𑌃 𑌕𑌮𑌲𑌪𑌤𑍍𑌰𑌾𑌕𑍍𑌷𑌃 𑌶𑍍𑌯𑌾𑌮𑍋 𑌨𑌿𑌰𑍁𑌪𑌮𑍋 𑌮𑌹𑌾𑌨𑍍 ।
𑌉𑌵𑌾𑌚 𑌰𑌾𑌮 𑌸𑍍𑌤𑌂 𑌸𑍂𑌤𑌂 𑌪𑌿𑌤𑍁𑌰𑌾𑌖𑍍𑌯𑌾𑌹𑌿 𑌮𑌾𑌮𑌿𑌤𑌿 ॥ 1 ॥

𑌸 𑌰𑌾𑌮𑌪𑍍𑌰𑍇𑌷𑌿𑌤𑌃 𑌕𑍍𑌷𑌿𑌪𑍍𑌰𑌂 𑌸𑌂𑌤𑌾𑌪𑌕𑌲𑍁𑌷𑍇𑌂𑌦𑍍𑌰𑌿𑌯𑌃 ।
𑌪𑍍𑌰𑌵𑌿𑌶𑍍𑌯 𑌨𑍃𑌪𑌤𑌿𑌂 𑌸𑍂𑌤𑍋 𑌨𑌿𑌶𑍍𑌵𑌸𑌂𑌤𑌂 𑌦𑌦𑌰𑍍𑌶 𑌹 ॥ 2 ॥

𑌉𑌪𑌰𑌕𑍍𑌤𑌮𑌿𑌵𑌾𑌦𑌿𑌤𑍍𑌯𑌂 𑌭𑌸𑍍𑌮𑌚𑍍𑌛𑌨𑍍𑌨𑌮𑌿𑌵𑌾𑌨𑌲𑌮𑍍 ।
𑌤𑌟𑌾𑌕𑌮𑌿𑌵 𑌨𑌿𑌸𑍍𑌤𑍋𑌯𑌮𑌪𑌶𑍍𑌯𑌜𑍍𑌜𑌗𑌤𑍀𑌪𑌤𑌿𑌮𑍍 ॥ 3 ॥

𑌆𑌲𑍋𑌕𑍍𑌯 𑌤𑍁 𑌮𑌹𑌾𑌪𑍍𑌰𑌾𑌜𑍍𑌞𑌃 𑌪𑌰𑌮𑌾𑌕𑍁𑌲𑌚𑍇𑌤𑌸𑌮𑍍 ।
𑌰𑌾𑌮𑌮𑍇𑌵𑌾𑌨𑍁𑌶𑍋𑌚𑌂𑌤𑌂 𑌸𑍂𑌤𑌃 𑌪𑍍𑌰𑌾𑌂𑌜𑌲𑌿𑌰𑌾𑌸𑌦𑌤𑍍 ॥ 4 ॥

𑌤𑌂 𑌵𑌰𑍍𑌧𑌯𑌿𑌤𑍍𑌵𑌾 𑌰𑌾𑌜𑌾𑌨𑌂 𑌪𑍂𑌰𑍍𑌵𑌂 𑌸𑍂𑌤𑍋 𑌜𑌯𑌾𑌶𑌿𑌷𑌾 ।
𑌭𑌯𑌵𑌿𑌕𑍍𑌲𑌬𑌯𑌾 𑌵𑌾𑌚𑌾 𑌮𑌂𑌦𑌯𑌾 𑌶𑍍𑌲𑌕𑍍𑌷𑍍𑌣𑌮𑌬𑍍𑌰𑌵𑍀𑌤𑍍 ॥ 5 ॥

𑌅𑌯𑌂 𑌸 𑌪𑍁𑌰𑍁𑌷𑌵𑍍𑌯𑌾𑌘𑍍𑌰𑍋 𑌦𑍍𑌵𑌾𑌰𑌿 𑌤𑌿𑌷𑍍𑌠𑌤𑌿 𑌤𑍇 𑌸𑍁𑌤𑌃 ।
𑌬𑍍𑌰𑌾𑌹𑍍𑌮𑌣𑍇𑌭𑍍𑌯𑍋 𑌧𑌨𑌂 𑌦𑌤𑍍𑌵𑌾 𑌸𑌰𑍍𑌵𑌂𑌚𑍈𑌵𑍋𑌪𑌜𑍀𑌵𑌿𑌨𑌾𑌮𑍍 ॥ 6 ॥

𑌗𑌮𑌿𑌷𑍍𑌯𑌤𑌿 𑌮𑌹𑌾𑌰𑌣𑍍𑌯𑌂 𑌤𑌂 𑌪𑌶𑍍𑌯 𑌜𑌗𑌤𑍀𑌪𑌤𑍇 ।
𑌵𑍃𑌤𑌂 𑌰𑌾𑌜𑌗𑍁𑌣𑍈 𑌸𑍍𑌸𑌰𑍍𑌵𑍈𑌰𑌾𑌦𑌿𑌤𑍍𑌯𑌮𑌿𑌵 𑌰𑌶𑍍𑌮𑌿𑌭𑌿𑌃 ॥ 𑍭 ॥

𑌸 𑌸𑌤𑍍𑌯𑌵𑌾𑌦𑍀 𑌧𑌰𑍍𑌮𑌾𑌤𑍍𑌮𑌾 𑌗𑌾𑌂𑌭𑍀𑌰𑍍𑌯𑌾𑌤𑍍𑌸𑌾𑌗𑌰𑍋𑌪𑌮𑌃 ।
𑌆𑌕𑌾𑌶 𑌇𑌵 𑌨𑌿𑌷𑍍𑌪𑌂𑌕𑍋 𑌨𑌰𑍇𑌂𑌦𑍍𑌰𑌃 𑌪𑍍𑌰𑌤𑍍𑌯𑍁𑌵𑌾𑌚 𑌤𑌮𑍍 ॥ 𑍮 ॥

𑌸𑍁𑌮𑌂𑌂𑌤𑍍𑌰𑌾𑌨𑌯 𑌮𑍇 𑌦𑌾𑌰𑌾𑌨𑍍 𑌯𑍇 𑌕𑍇𑌚𑌿𑌦𑌿𑌹 𑌮𑌾𑌮𑌕𑌾𑌃 ।
𑌦𑌾𑌰𑍈𑌃 𑌪𑌰𑌿𑌵𑍃𑌤𑌸𑍍𑌸𑌰𑍍𑌵𑍈𑌰𑍍𑌦𑍍𑌰𑌷𑍍𑌟𑍁𑌮𑌿𑌚𑍍𑌛𑌾𑌮𑌿 𑌧𑌾𑌰𑍍𑌮𑌿𑌕𑌮𑍍 ॥ 𑍯 ॥

𑌸𑍋𑌽𑌂𑌤𑌃𑌪𑍁𑌰𑌮𑌤𑍀𑌤𑍍𑌯𑍈𑌵 𑌸𑍍𑌤𑍍𑌰𑌿𑌯𑌸𑍍𑌤𑌾 𑌵𑌾𑌕𑍍𑌯𑌮𑌬𑍍𑌰𑌵𑍀𑌤𑍍 ।
𑌆𑌰𑍍𑌯𑌾𑌹𑍍𑌵𑌯𑌤𑌿 𑌵𑍋 𑌰𑌾𑌜𑌾 𑌗𑌮𑍍𑌯𑌤𑌾𑌂 𑌤𑌤𑍍𑌰 𑌮𑌾 𑌚𑌿𑌰𑌮𑍍 ॥ 10 ॥

𑌏𑌵𑌮𑍁𑌕𑍍𑌤𑌾𑌃 𑌸𑍍𑌤𑍍𑌰𑌿𑌯 𑌸𑍍𑌸𑌰𑍍𑌵𑌾𑌃 𑌸𑍁𑌮𑌂𑌤𑍍𑌰𑍇𑌣 𑌨𑍃𑌪𑌾𑌜𑍍𑌞𑌯𑌾 ।
𑌪𑍍𑌰𑌚𑌕𑍍𑌰𑌮𑍁 𑌸𑍍𑌤𑌦𑍍𑌭𑌵𑌨𑌂 𑌭𑌰𑍍𑌤𑍁𑌰𑌾𑌜𑍍𑌞𑌾𑌯 𑌶𑌾𑌸𑌨𑌮𑍍 ॥ 11 ॥

𑌅𑌰𑍍𑌧𑌸𑌪𑍍𑌤𑌶𑌤𑌾𑌸𑍍𑌤𑌾𑌸𑍍𑌤𑍁 𑌪𑍍𑌰𑌮𑌦𑌾𑌸𑍍𑌤𑌾𑌮𑍍𑌰𑌲𑍋𑌚𑌨𑌾𑌃 ।
𑌕𑍌𑌸𑌲𑍍𑌯𑌾𑌂 𑌪𑌰𑌿𑌵𑌾𑌰𑍍𑌯𑌾𑌥 𑌶𑌨𑍈𑌰𑍍𑌜𑌗𑍍𑌮𑍁𑌰𑍍𑌧𑍃𑌤𑌵𑍍𑌰𑌤𑌾𑌃 ॥ 12 ॥

𑌆𑌗𑌤𑍇𑌷𑍁 𑌚 𑌦𑌾𑌰𑍇𑌷𑍁 𑌸𑌮𑌵𑍇𑌕𑍍𑌷𑍍𑌯 𑌮𑌹𑍀𑌪𑌤𑌿𑌃 ।
𑌉𑌵𑌾𑌚 𑌰𑌾𑌜𑌾 𑌤𑌂 𑌸𑍂𑌤𑌂 𑌸𑍁𑌮𑌂𑌤𑍍𑌰𑌾𑌽𑌨𑌯 𑌮𑍇 𑌸𑍁𑌤𑌮𑍍 ॥ 13 ॥

𑌸 𑌸𑍂𑌤𑍋 𑌰𑌾𑌮𑌮𑌾𑌦𑌾𑌯 𑌲𑌕𑍍𑌷𑍍𑌮𑌣𑌂 𑌮𑍈𑌥𑌿𑌲𑍀𑌂 𑌤𑌦𑌾 ।
𑌜𑌗𑌾𑌮𑌾𑌭𑌿𑌮𑍁𑌖𑌸𑍍𑌤𑍂𑌰𑍍𑌣𑌂 𑌸𑌕𑌾𑌶𑌂 𑌜𑌗𑌤𑍀𑌪𑌤𑍇𑌃 ॥ 14 ॥

𑌸 𑌰𑌾𑌜𑌾 𑌪𑍁𑌤𑍍𑌰𑌮𑌾𑌯𑌾𑌂𑌤𑌂 𑌦𑍃𑌷𑍍𑌟𑍍𑌵𑌾 𑌦𑍂𑌰𑌾𑌤𑍍𑌕𑍃𑌤𑌾𑌂𑌜𑌲𑌿𑌮𑍍 ।
𑌉𑌤𑍍𑌪𑌪𑌾𑌤𑌾𑌸𑌨𑌾𑌤𑍍𑌤𑍂𑌰𑍍𑌣𑌮𑌾𑌰𑍍𑌤 𑌸𑍍𑌤𑍍𑌰𑍀𑌜𑌨𑌸𑌂𑌵𑍃𑌤𑌃 ॥ 15 ॥

𑌸𑍋𑌽𑌭𑌿𑌦𑍁𑌦𑍍𑌰𑌾𑌵 𑌵𑍇𑌗𑍇𑌨 𑌰𑌾𑌮𑌂 𑌦𑍃𑌷𑍍𑌟𑍍𑌵𑌾 𑌵𑌿𑌶𑌾𑌂𑌪𑌤𑌿𑌃 ।
𑌤𑌮𑌸𑌂𑌪𑍍𑌰𑌾𑌪𑍍𑌯 𑌦𑍁𑌃𑌖𑌾𑌰𑍍𑌤𑌃 𑌪𑌪𑌾𑌤 𑌭𑍁𑌵𑌿 𑌮𑍂𑌰𑍍𑌛𑌿𑌤𑌃 ॥ 16 ॥

𑌤𑌂 𑌰𑌾𑌮𑍋𑌽𑌭𑍍𑌯𑌪𑌤𑌤𑍍 𑌕𑍍𑌷𑌿𑌪𑍍𑌰𑌂 𑌲𑌕𑍍𑌷𑍍𑌮𑌣𑌶𑍍𑌚 𑌮𑌹𑌾𑌰𑌥𑌃 ।
𑌵𑌿𑌸𑌂𑌜𑍍𑌞𑌮𑌿𑌵 𑌦𑍁𑌃𑌖𑍇𑌨 𑌸𑌶𑍋𑌕𑌂 𑌨𑍃𑌪𑌤𑌿𑌂 𑌤𑌦𑌾 ॥ 1𑍭 ॥

𑌸𑍍𑌤𑍍𑌰𑍀𑌸𑌹𑌸𑍍𑌰𑌨𑌿𑌨𑌾𑌦𑌶𑍍𑌚 𑌸𑌂𑌜𑌜𑍍𑌞𑍇 𑌰𑌾𑌜𑌵𑍇𑌶𑍍𑌮𑌨𑌿 ।
𑌹𑌾 𑌹𑌾 𑌰𑌾𑌮𑍇𑌤𑌿 𑌸𑌹𑌸𑌾 𑌭𑍂𑌷𑌣𑌧𑍍𑌵𑌨𑌿𑌮𑍂𑌰𑍍𑌛𑌿𑌤𑌃 ॥ 1𑍮 ॥

𑌤𑌂 𑌪𑌰𑌿𑌷𑍍𑌵𑌜𑍍𑌯 𑌬𑌾𑌹𑍁𑌭𑍍𑌯𑌾𑌂 𑌤𑌾𑌵𑍁𑌭𑍌 𑌰𑌾𑌮𑌲𑌕𑍍𑌷𑍍𑌮𑌣𑍌 ।
𑌪𑌰𑍍𑌯𑌂𑌂𑌕𑍇 𑌸𑍀𑌤𑌯𑌾 𑌸𑌾𑌰𑍍𑌧𑌂 𑌰𑍁𑌦𑌂𑌤𑌃 𑌸𑌮𑌵𑍇𑌶𑌯𑌨𑍍 ॥ 1𑍯 ॥

𑌅𑌥 𑌰𑌾𑌮𑍋 𑌮𑍁𑌹𑍂𑌰𑍍𑌤𑍇𑌨 𑌲𑌬𑍍𑌧𑌸𑌂𑌜𑍍𑌞𑌂 𑌮𑌹𑍀𑌪𑌤𑌿𑌮𑍍 ।
𑌉𑌵𑌾𑌚 𑌪𑍍𑌰𑌾𑌂𑌜𑌲𑌿𑌰𑍍𑌭𑍂𑌤𑍍𑌵𑌾 𑌶𑍋𑌕𑌾𑌰𑍍𑌣𑌵𑌪𑌰𑌿𑌪𑍍𑌲𑍁𑌤𑌮𑍍 ॥ 20 ॥

𑌆𑌪𑍃𑌚𑍍𑌛𑍇 𑌤𑍍𑌵𑌾𑌂 𑌮𑌹𑌾𑌰𑌾𑌜 𑌸𑌰𑍍𑌵𑍇𑌷𑌾𑌮𑍀𑌶𑍍𑌵𑌰𑍋𑌽𑌸𑌿 𑌨𑌃 ।
𑌪𑍍𑌰𑌸𑍍𑌥𑌿𑌤𑌂 𑌦𑌂𑌡𑌕𑌾𑌰𑌣𑍍𑌯𑌂 𑌪𑌶𑍍𑌯 𑌤𑍍𑌵𑌂 𑌕𑍁𑌶𑌲𑍇𑌨 𑌮𑌾𑌮𑍍 ॥ 21 ॥

𑌲𑌕𑍍𑌷𑍍𑌮𑌣𑌂 𑌚𑌾𑌨𑍁𑌜𑌾𑌨𑍀𑌹𑌿 𑌸𑍀𑌤𑌾 𑌚𑌾𑌨𑍍𑌵𑍇𑌤𑌿 𑌮𑌾𑌂 𑌵𑌨𑌮𑍍 ।
𑌕𑌾𑌰𑌣𑍈𑌰𑍍𑌬𑌹𑍁𑌭𑌿 𑌸𑍍𑌤𑌥𑍍𑌯𑍈𑌰𑍍𑌵𑌾𑌰𑍍𑌯𑌮𑌾𑌣𑍌 𑌨 𑌚𑍇𑌚𑍍𑌛𑌤𑌃 ॥ 22 ॥

𑌅𑌨𑍁𑌜𑌾𑌨𑍀𑌹𑌿 𑌸𑌰𑍍𑌵𑌾𑌨𑍍𑌨𑌃 𑌶𑍋𑌕𑌮𑍁𑌤𑍍𑌸𑍃𑌜𑍍𑌯 𑌮𑌾𑌨𑌦 ।
𑌲𑌕𑍍𑌷𑍍𑌮𑌣𑌂 𑌮𑌾𑌂 𑌚 𑌸𑍀𑌤𑌾𑌂 𑌚 𑌪𑍍𑌰𑌜𑌾𑌪𑌤𑌿𑌰𑌿𑌵 𑌪𑍍𑌰𑌜𑌾𑌃 ॥ 23 ॥

𑌪𑍍𑌰𑌤𑍀𑌕𑍍𑌷𑌮𑌾𑌣𑌮𑌵𑍍𑌯𑌗𑍍𑌰𑌮𑌨𑍁𑌜𑍍𑌞𑌾𑌂 𑌜𑌗𑌤𑍀𑌪𑌤𑍇𑌃 ।
𑌉𑌵𑌾𑌚 𑌰𑌾𑌜𑌾 𑌸𑌂𑌪𑍍𑌰𑍇𑌕𑍍𑌷𑍍𑌯 𑌵𑌨𑌵𑌾𑌸𑌾𑌯 𑌰𑌾𑌘𑌵𑌮𑍍 ॥ 24 ॥

𑌅𑌹𑌂 𑌰𑌾𑌘𑌵 𑌕𑍈𑌕𑍇𑌯𑍍𑌯𑌾 𑌵𑌰𑌦𑌾𑌨𑍇𑌨 𑌮𑍋𑌹𑌿𑌤𑌃 ।
𑌅𑌯𑍋𑌧𑍍𑌯𑌾𑌯𑌾𑌸𑍍𑌤𑍍𑌵𑌮𑍇𑌵𑌾𑌦𑍍𑌯 𑌭𑌵 𑌰𑌾𑌜𑌾 𑌨𑌿𑌗𑍃𑌹𑍍𑌯 𑌮𑌾𑌮𑍍 ॥ 25 ॥

𑌏𑌵𑌮𑍁𑌕𑍍𑌤𑍋 𑌨𑍃𑌪𑌤𑌿𑌨𑌾 𑌰𑌾𑌮𑍋 𑌧𑌰𑍍𑌮𑌭𑍃𑌤𑌾𑌂 𑌵𑌰𑌃 ।
𑌪𑍍𑌰𑌤𑍍𑌯𑍁𑌵𑌾𑌚𑌾𑌂𑌜𑌲𑌿𑌂 𑌕𑍃𑌤𑍍𑌵𑌾 𑌪𑌿𑌤𑌰𑌂 𑌵𑌾𑌕𑍍𑌯𑌕𑍋𑌵𑌿𑌦𑌃 ॥ 26 ॥

𑌭𑌵𑌾𑌨𑍍𑌵𑌰𑍍𑌷 𑌸𑌹𑌸𑍍𑌰𑌾𑌯 𑌪𑍃𑌥𑌿𑌵𑍍𑌯𑌾 𑌨𑍃𑌪𑌤𑍇 𑌪𑌤𑌿𑌃 ।
𑌅𑌹𑌂 𑌤𑍍𑌵𑌰𑌣𑍍𑌯𑍇𑌵𑌤𑍍𑌸𑍍𑌯𑌾𑌮𑌿 𑌨 𑌮𑍇 𑌕𑌾𑌰𑍍𑌯𑌂 𑌤𑍍𑌵𑌯𑌾𑌽𑌨𑍃𑌤𑌮𑍍 ॥ 2𑍭 ॥

𑌨𑌵 𑌪𑌂𑌚 𑌚 𑌵𑌰𑍍𑌷𑌾𑌣𑌿 𑌵𑌨𑌵𑌾𑌸𑍇 𑌵𑌿𑌹𑍃𑌤𑍍𑌯 𑌤𑍇 ।
𑌪𑍁𑌨𑌃𑌪𑌾𑌦𑍌 𑌗𑍍𑌰𑌹𑍀𑌷𑍍𑌯𑌾𑌮𑌿 𑌪𑍍𑌰𑌤𑌿𑌜𑍍𑌞𑌾𑌂𑌤𑍇 𑌨𑌰𑌾𑌧𑌿𑌪 ॥ 2𑍮 ॥

𑌰𑍁𑌦𑌨𑍍𑌨𑌾𑌰𑍍𑌤𑌃 𑌪𑍍𑌰𑌿𑌯𑌂 𑌪𑍁𑌤𑍍𑌰𑌂 𑌸𑌤𑍍𑌯𑌪𑌾𑌶𑍇𑌨 𑌸𑌂𑌯𑌤𑌃 ।
𑌕𑍈𑌕𑍇𑌯𑍍𑌯𑌾 𑌚𑍋𑌦𑍍𑌯𑌮𑌾𑌨𑌸𑍍𑌤𑍁 𑌮𑌿𑌥𑍋 𑌰𑌾𑌜𑌾 𑌤𑌮𑌬𑍍𑌰𑌵𑍀𑌤𑍍 ॥ 2𑍯 ॥

𑌶𑍍𑌰𑍇𑌯𑌸𑍇 𑌵𑍃𑌦𑍍𑌧𑌯𑍇 𑌤𑌾𑌤 𑌪𑍁𑌨𑌰𑌾𑌗𑌮𑌨𑌾𑌯 𑌚 ।
𑌗𑌚𑍍𑌛𑌸𑍍𑌵𑌾𑌰𑌿𑌷𑍍𑌟𑌮𑌵𑍍𑌯𑌗𑍍𑌰𑌃 𑌪𑌂𑌥𑌾𑌨𑌮𑌕𑍁𑌤𑍋𑌭𑌯𑌮𑍍 ॥ 30 ॥

𑌨 𑌹𑌿 𑌸𑌤𑍍𑌯𑌾𑌤𑍍𑌮𑌨𑌸𑍍𑌤𑌾𑌤 𑌧𑌰𑍍𑌮𑌾𑌭𑌿𑌮𑌨𑌸 𑌸𑍍𑌤𑌵 ।
𑌵𑌿𑌨𑌿𑌵𑌰𑍍𑌤𑌯𑌿𑌤𑍁𑌂 𑌬𑍁𑌦𑍍𑌧𑌿𑌃 𑌶𑌕𑍍𑌯𑌤𑍇 𑌰𑌘𑍁𑌨𑌂𑌦𑌨 ॥ 31 ॥

𑌅𑌦𑍍𑌯 𑌤𑍍𑌵𑌿𑌦𑌾𑌨𑍀𑌂 𑌰𑌜𑌨𑍀𑌂 𑌪𑍁𑌤𑍍𑌰 𑌮𑌾 𑌗𑌚𑍍𑌛 𑌸𑌰𑍍𑌵𑌥𑌾 ।
𑌏𑌕𑌾𑌹𑌦𑌰𑍍𑌶𑌨𑍇𑌨𑌾𑌪𑌿 𑌸𑌾𑌧𑍁 𑌤𑌾𑌵𑌚𑍍𑌚𑌰𑌾𑌮𑍍𑌯𑌹𑌮𑍍 ॥ 32 ॥

𑌮𑌾𑌤𑌰𑌂 𑌮𑌾𑌂 𑌚 𑌸𑌂𑌪𑌶𑍍𑌯𑌨𑍍 𑌵𑌸𑍇𑌮𑌾𑌮𑌦𑍍𑌯 𑌶𑌰𑍍𑌵𑌰𑍀𑌮𑍍 ।
𑌤𑌰𑍍𑌪𑌿𑌤 𑌸𑍍𑌸𑌰𑍍𑌵𑌕𑌾𑌮𑍈𑌸𑍍𑌤𑍍𑌵𑌂 𑌶𑍍𑌵𑌃 𑌕𑌾𑌲𑍇 𑌸𑌾𑌧𑌯𑌿𑌷𑍍𑌯𑌸𑌿 ॥ 33 ॥

𑌦𑍁𑌷𑍍𑌕𑌰𑌂 𑌕𑍍𑌰𑌿𑌯𑌤𑍇 𑌪𑍁𑌤𑍍𑌰 𑌸𑌰𑍍𑌵𑌥𑌾 𑌰𑌾𑌘𑌵 𑌤𑍍𑌵𑌯𑌾 ।
𑌮𑌤𑍍𑌪𑍍𑌰𑌿𑌯𑌾𑌰𑍍𑌥𑌂 𑌪𑍍𑌰𑌿𑌯𑌾𑌂𑌸𑍍𑌤𑍍𑌯𑌕𑍍𑌤𑍍𑌵𑌾 𑌯𑌦𑍍𑌯𑌾𑌸𑌿 𑌵𑌿𑌜𑌨𑌂 𑌵𑌨𑌮𑍍 ॥ 34 ॥

𑌨 𑌚𑍈𑌤𑌨𑍍𑌮𑍇 𑌪𑍍𑌰𑌿𑌯𑌂 𑌪𑍁𑌤𑍍𑌰 𑌶𑌪𑍇 𑌸𑌤𑍍𑌯𑍇𑌨 𑌰𑌾𑌘𑌵 ।
𑌛𑌨𑍍𑌨𑌯𑌾 𑌚𑌲𑌿𑌤𑌸𑍍𑌤𑍍𑌵𑌸𑍍𑌮𑌿 𑌸𑍍𑌤𑍍𑌰𑌿𑌯𑌾 𑌛𑌨𑍍𑌨𑌾𑌗𑍍𑌨𑌿𑌕𑌲𑍍𑌪𑌯𑌾 ॥ 35 ॥

𑌵𑌂𑌚𑌨𑌾 𑌯𑌾 𑌤𑍁 𑌲𑌬𑍍𑌧𑌾 𑌮𑍇 𑌤𑌾𑌂 𑌤𑍍𑌵𑌂 𑌨𑌿𑌸𑍍𑌤𑌰𑍍𑌤𑍁𑌮𑌿𑌚𑍍𑌛𑌸𑌿 ।
𑌅𑌨𑌯𑌾 𑌵𑍃𑌤𑍍𑌤𑌸𑌾𑌦𑌿𑌨𑍍𑌯𑌾 𑌕𑍈𑌕𑍇𑌯𑍍𑌯𑌾𑌽𑌭𑌿𑌪𑍍𑌰𑌚𑍋𑌦𑌿𑌤𑌃 ॥ 36 ॥

𑌨 𑌚𑍈𑌤𑌦𑌾𑌶𑍍𑌚𑌰𑍍𑌯𑌤𑌮𑌂 𑌯𑌤𑍍𑌤𑌜𑍍𑌯𑍇𑌷𑍍𑌠𑌸𑍍𑌸𑍁𑌤𑍋 𑌮𑌮 ।
𑌅𑌪𑌾𑌨𑍃𑌤𑌕𑌥𑌂 𑌪𑍁𑌤𑍍𑌰 𑌪𑌿𑌤𑌰𑌂 𑌕𑌰𑍍𑌤𑍁𑌮𑌿𑌚𑍍𑌛𑌸𑌿 ॥ 3𑍭 ॥

𑌅𑌥 𑌰𑌾𑌮𑌸𑍍𑌤𑌥𑌾 𑌶𑍍𑌰𑍁𑌤𑍍𑌵𑌾 𑌪𑌿𑌤𑍁𑌰𑌾𑌰𑍍𑌤𑌸𑍍𑌯 𑌭𑌾𑌷𑌿𑌤𑌮𑍍 ।
𑌲𑌕𑍍𑌷𑍍𑌮𑌣𑍇𑌨 𑌸𑌹 𑌭𑍍𑌰𑌾𑌤𑍍𑌰𑌾 𑌦𑍀𑌨𑍋 𑌵𑌚𑌨𑌮𑌬𑍍𑌰𑌵𑍀𑌤𑍍 ॥ 3𑍮 ॥

𑌪𑍍𑌰𑌾𑌪𑍍𑌸𑍍𑌯𑌾𑌮𑌿 𑌯𑌾𑌨𑌦𑍍𑌯 𑌗𑍁𑌣𑌾𑌨𑍍𑌕𑍋 𑌮𑍇 𑌶𑍍𑌵𑌸𑍍𑌤𑌾𑌨𑍍 𑌪𑍍𑌰𑌦𑌾𑌸𑍍𑌯𑌤𑌿 ।
𑌅𑌪𑌕𑍍𑌰𑌮𑌣𑌮𑍇𑌵𑌾𑌤𑌃 𑌸𑌰𑍍𑌵𑌕𑌾𑌮𑍈𑌰𑌹𑌂 𑌵𑍃𑌣𑍇 ॥ 3𑍯 ॥

𑌇𑌯𑌂 𑌸𑌰𑌾𑌷𑍍𑌟𑍍𑌰𑌾 𑌸𑌜𑌨𑌾 𑌧𑌨𑌧𑌾𑌨𑍍𑌯𑌸𑌮𑌾𑌕𑍁𑌲𑌾 ।
𑌮𑌯𑌾 𑌵𑌿𑌸𑍃𑌷𑍍𑌟𑌾 𑌵𑌸𑍁𑌧𑌾 𑌭𑌰𑌤𑌾𑌯 𑌪𑍍𑌰𑌦𑍀𑌯𑌤𑌾𑌮𑍍 ॥ 40 ॥

𑌵𑌨𑌵𑌾𑌸𑌕𑍃𑌤𑌾 𑌬𑍁𑌦𑍍𑌧𑌿𑌰𑍍𑌨 𑌚 𑌮𑍇𑌽𑌦𑍍𑌯 𑌚𑌲𑌿𑌷𑍍𑌯𑌤𑌿 ।
𑌯𑌸𑍍𑌤𑍁𑌷𑍍𑌟𑍇𑌨 𑌵𑌰𑍋 𑌦𑌤𑍍𑌤𑌃 𑌕𑍈𑌕𑍇𑌯𑍍𑌯𑍈 𑌵𑌰𑌦 𑌤𑍍𑌵𑌯𑌾 ॥ 41 ॥

𑌦𑍀𑌯𑌤𑌾𑌂 𑌨𑌿𑌖𑌿𑌲𑍇𑌨𑍈𑌵 𑌸𑌤𑍍𑌯𑌸𑍍𑌤𑍍𑌵𑌂 𑌭𑌵 𑌪𑌾𑌰𑍍𑌥𑌿𑌵 ।
𑌅𑌹𑌂 𑌨𑌿𑌦𑍇𑌶𑌂 𑌭𑌵𑌤𑍋 𑌯𑌥𑍋𑌕𑍍𑌤𑌮𑌨𑍁𑌪𑌾𑌲𑌯𑌨𑍍 ॥ 42 ॥

𑌚𑌤𑍁𑌰𑍍𑌦𑌶 𑌸𑌮𑌾 𑌵𑌤𑍍𑌸𑍍𑌯𑍇 𑌵𑌨𑍇 𑌵𑌨𑌚𑌰𑍈𑌸𑍍𑌸𑌹 ।
𑌮𑌾 𑌵𑌿𑌮𑌰𑍍𑌶𑍋 𑌵𑌸𑍁𑌮𑌤𑍀 𑌭𑌰𑌤𑌾𑌯 𑌪𑍍𑌰𑌦𑍀𑌯𑌤𑌾𑌮𑍍 ॥ 43 ॥

𑌨 𑌹𑌿 𑌮𑍇 𑌕𑌾𑌂𑌕𑍍𑌷𑌿𑌤𑌂 𑌰𑌾𑌜𑍍𑌯𑌂 𑌸𑍁𑌖𑌮𑌾𑌤𑍍𑌮𑌨𑌿 𑌵𑌾 𑌪𑍍𑌰𑌿𑌯𑌮𑍍 ।
𑌯𑌥𑌾𑌨𑌿𑌦𑍇𑌶𑌂 𑌕𑌰𑍍𑌤𑍁𑌂 𑌵𑍈 𑌤𑌵𑍈𑌵 𑌰𑌘𑍁𑌨𑌂𑌦𑌨 ॥ 44 ॥

𑌅𑌪𑌗𑌚𑍍𑌛𑌤𑍁 𑌤𑍇 𑌦𑍁𑌃𑌖𑌂 𑌮𑌾𑌭𑍂𑌰𑍍𑌬𑌾𑌷𑍍𑌪𑌪𑌰𑌿𑌪𑍍𑌲𑍁𑌤𑌃 ।
𑌨 𑌹𑌿 𑌕𑍍𑌷𑍁𑌭𑍍𑌯𑌤𑌿 𑌦𑍁𑌰𑍍𑌧𑌰𑍍𑌷𑌃 𑌸𑌮𑍁𑌦𑍍𑌰𑌃 𑌸𑌰𑌿𑌤𑌾𑌂 𑌪𑌤𑌿𑌃 ॥ 45 ॥

𑌨𑍈𑌵𑌾𑌹𑌂 𑌰𑌾𑌜𑍍𑌯𑌮𑌿𑌚𑍍𑌛𑌾𑌮𑌿 𑌨 𑌸𑍁𑌖𑌂 𑌨 𑌚 𑌮𑍇𑌦𑌿𑌨𑍀𑌮𑍍 ।
𑌨𑍈𑌵 𑌸𑌰𑍍𑌵𑌾𑌨𑌿𑌮𑌾𑌨𑍍 𑌕𑌾𑌮𑌾 𑌨𑍍𑌨𑌸𑍍𑌵𑌰𑍍𑌗𑌂 𑌨𑍈𑌵 𑌜𑍀𑌵𑌿𑌤𑌮𑍍 ॥ 46 ॥

𑌤𑍍𑌵𑌾𑌮𑌹𑌂 𑌸𑌤𑍍𑌯𑌮𑌿𑌚𑍍𑌛𑌾𑌮𑌿 𑌨𑌾𑌨𑍃𑌤𑌂 𑌪𑍁𑌰𑍁𑌷𑌰𑍍𑌷𑌭 ।
𑌪𑍍𑌰𑌤𑍍𑌯𑌕𑍍𑌷𑌂 𑌤𑌵 𑌸𑌤𑍍𑌯𑍇𑌨 𑌸𑍁𑌕𑍃𑌤𑍇𑌨 𑌚 𑌤𑍇 𑌶𑌪𑍇 ॥ 4𑍭 ॥

𑌨 𑌚 𑌶𑌕𑍍𑌯𑌂 𑌮𑌯𑌾 𑌤𑌾𑌤 𑌸𑍍𑌥𑌾𑌤𑍁𑌂 𑌕𑍍𑌷𑌣𑌮𑌪𑌿 𑌪𑍍𑌰𑌭𑍋 ।
𑌸 𑌶𑍋𑌕𑌂 𑌧𑌾𑌰𑌯𑌸𑍍𑌵𑍇𑌮𑌂 𑌨 𑌹𑌿 𑌮𑍇𑌽𑌸𑍍𑌤𑌿 𑌵𑌿𑌪𑌰𑍍𑌯𑌯𑌃 ॥ 4𑍮 ॥

𑌅𑌰𑍍𑌥𑌿𑌤𑍋 𑌹𑍍𑌯𑌸𑍍𑌮𑌿 𑌕𑍈𑌕𑍇𑌯𑍍𑌯𑌾 𑌵𑌨𑌂 𑌗𑌚𑍍𑌛𑍇𑌤𑌿 𑌰𑌾𑌘𑌵 ।
𑌮𑌯𑌾 𑌚𑍋𑌕𑍍𑌤𑌂 𑌵𑍍𑌰𑌜𑌾𑌮𑍀𑌤𑌿 𑌤𑌤𑍍𑌸𑌤𑍍𑌯𑌮𑌨𑍁𑌪𑌾𑌲𑌯𑍇 ॥ 4𑍯 ॥

𑌮𑌾 𑌚𑍋𑌤𑍍𑌕𑌂𑌠𑌾𑌂 𑌕𑍃𑌥𑌾 𑌦𑍇𑌵 𑌵𑌨𑍇 𑌰𑌂𑌸𑍍𑌯𑌾𑌮𑌹𑍇 𑌵𑌯𑌮𑍍 ।
𑌪𑍍𑌰𑌶𑌾𑌂𑌤𑌹𑌰𑌿𑌣𑌾𑌕𑍀𑌰𑍍𑌣𑍇 𑌨𑌾𑌨𑌾𑌶𑌕𑍁𑌨𑌿𑌨𑌾𑌦𑌿𑌤𑍇 ॥ 50 ॥

𑌪𑌿𑌤𑌾 𑌹𑌿 𑌦𑍈𑌵𑌤𑌂 𑌤𑌾𑌤 𑌦𑍇𑌵𑌤𑌾𑌨𑌾𑌮𑌪𑌿 𑌸𑍍𑌮𑍃𑌤𑌮𑍍 ।
𑌤𑌸𑍍𑌮𑌾𑌦𑍍𑌦𑍈𑌵𑌤𑌮𑌿𑌤𑍍𑌯𑍇𑌵 𑌕𑌰𑌿𑌷𑍍𑌯𑌾𑌮𑌿 𑌪𑌿𑌤𑍁𑌰𑍍𑌵𑌚𑌃 ॥ 51 ॥

𑌚𑌤𑍁𑌰𑍍𑌦𑌶𑌸𑍁 𑌵𑌰𑍍𑌷𑍇𑌷𑍁 𑌗𑌤𑍇𑌷𑍁 𑌨𑌰𑌸𑌤𑍍𑌤𑌮 ।
𑌪𑍁𑌨𑌰𑍍𑌦𑍍𑌰𑌕𑍍𑌷𑍍𑌯𑌸𑌿 𑌮𑌾𑌂 𑌪𑍍𑌰𑌾𑌪𑍍𑌤𑌂 𑌸𑌂𑌤𑌾𑌪𑍋𑌽𑌯𑌂 𑌵𑌿𑌮𑍁𑌚𑍍𑌯𑌤𑌾𑌮𑍍 ॥ 52 ॥

𑌯𑍇𑌨 𑌸𑌂𑌸𑍍𑌤𑌂𑌭𑌨𑍀𑌯𑍋𑌽𑌯𑌂 𑌸𑌰𑍍𑌵𑍋 𑌬𑌾𑌷𑍍𑌪𑌗𑌲𑍋 𑌜𑌨𑌃 ।
𑌸 𑌤𑍍𑌵𑌂 𑌪𑍁𑌰𑍁𑌷𑌶𑌾𑌰𑍍𑌦𑍂𑌲 𑌕𑌿𑌮𑌰𑍍𑌥𑌂 𑌵𑌿𑌕𑍍𑌰𑌿𑌯𑌾𑌂 𑌗𑌤𑌃 ॥ 53 ॥

𑌪𑍁𑌰𑌂 𑌚 𑌰𑌾𑌷𑍍𑌟𑍍𑌰𑌂 𑌚 𑌮𑌹𑍀 𑌚 𑌕𑍇𑌵𑌲𑌾 𑌮𑌯𑌾 𑌨𑌿𑌸𑍃𑌷𑍍𑌟𑌾 𑌭𑌰𑌤𑌾𑌯 𑌦𑍀𑌯𑌤𑌾𑌮𑍍 ।
𑌅𑌹𑌂 𑌨𑌿𑌦𑍇𑌶𑌂 𑌭𑌵𑌤𑍋𑌽𑌨𑍁𑌪𑌾𑌲𑌯𑌨𑍍 𑌵𑌨𑌂 𑌗𑌮𑌿𑌷𑍍𑌯𑌾𑌮𑌿 𑌚𑌿𑌰𑌾𑌯 𑌸𑍇𑌵𑌿𑌤𑍁𑌮𑍍 ॥ 54 ॥

𑌮𑌯𑌾 𑌨𑌿𑌸𑍃𑌷𑍍𑌟𑌾𑌂 𑌭𑌰𑌤𑍋 𑌮𑌹𑍀𑌮𑌿𑌮𑌾𑌂 𑌸𑌶𑍈𑌲𑌷𑌂𑌡𑌾𑌂 𑌸𑌪𑍁𑌰𑌾𑌂 𑌸𑌕𑌾𑌨𑌨𑌾𑌮𑍍 ।
𑌶𑌿𑌵𑌾𑌂 𑌸𑍁𑌸𑍀𑌮𑌾𑌮𑌨𑍁𑌶𑌾𑌸𑍍𑌤𑍁 𑌕𑍇𑌵𑌲𑌂 𑌤𑍍𑌵𑌯𑌾 𑌯𑌦𑍁𑌕𑍍𑌤𑌂 𑌨𑍃𑌪𑌤𑍇 𑌤𑌥𑌾𑌸𑍍𑌤𑍁 𑌤𑌤𑍍 ॥ 55 ॥

𑌨 𑌮𑍇 𑌤𑌥𑌾 𑌪𑌾𑌰𑍍𑌥𑌿𑌵 𑌧𑍀𑌯𑌤𑍇 𑌮𑌨𑍋 𑌮𑌹𑌤𑍍𑌸𑍁 𑌕𑌾𑌮𑍇𑌷𑍁 𑌨 𑌚𑌾𑌤𑍍𑌮𑌨𑌃𑌪𑍍𑌰𑌿𑌯𑍇 ।
𑌯𑌥𑌾 𑌨𑌿𑌦𑍇𑌶𑍇 𑌤𑌵 𑌶𑌿𑌷𑍍𑌟𑌸𑌮𑍍𑌮𑌤𑍇 𑌵𑍍𑌯𑌪𑍈𑌤𑍁 𑌦𑍁𑌃𑌖𑌂 𑌤𑌵 𑌮𑌤𑍍𑌕𑍃𑌤𑍇𑌽𑌨𑌘 ॥ 56 ॥

𑌤𑌦𑌦𑍍𑌯 𑌨𑍈𑌵𑌾𑌨𑌘 𑌰𑌾𑌜𑍍𑌯𑌮𑌵𑍍𑌯𑌯𑌂 𑌨 𑌸𑌰𑍍𑌵𑌕𑌾𑌮𑌾𑌨𑍍𑌨 𑌸𑍁𑌖𑌂 𑌨 𑌮𑍈𑌥𑌿𑌲𑍀𑌮𑍍 ।
𑌨 𑌜𑍀𑌵𑌿𑌤𑌂 𑌤𑍍𑌵𑌾𑌮𑌨𑍃𑌤𑍇𑌨 𑌯𑍋𑌜𑌯𑌨𑍍 𑌵𑍃𑌣𑍀𑌯 𑌸𑌤𑍍𑌯𑌂 𑌵𑍍𑌰𑌤𑌮𑌸𑍍𑌤𑍁 𑌤𑍇 𑌤𑌥𑌾 ॥ 5𑍭 ॥

𑌫𑌲𑌾𑌨𑌿 𑌮𑍂𑌲𑌾𑌨𑌿 𑌚 𑌭𑌕𑍍𑌷𑌯𑌨𑍍𑌵𑌨𑍇 𑌗𑌿𑌰𑍀𑌂𑌶𑍍𑌚 𑌪𑌶𑍍𑌯𑌨𑍍 𑌸𑌰𑌿𑌤𑌸𑍍𑌸𑌰𑌾𑌂𑌸𑌿 𑌚 ।
𑌵𑌨𑌂 𑌪𑍍𑌰𑌵𑌿𑌶𑍍𑌯𑍈𑌵 𑌵𑌿𑌚𑌿𑌤𑍍𑌰𑌪𑌾𑌦𑌪𑌂 𑌸𑍁𑌖𑍀 𑌭𑌵𑌿𑌷𑍍𑌯𑌾𑌮𑌿 𑌤𑌵𑌾𑌸𑍍𑌤𑍁 𑌨𑌿𑌰𑍍𑌵𑍃𑌤𑌿𑌃 ॥ 5𑍮 ॥

𑌏𑌵𑌂 𑌸 𑌰𑌾𑌜𑌾 𑌵𑍍𑌯𑌸𑌨𑌾𑌭𑌿𑌪𑌨𑍍𑌨𑌃 𑌶𑍋𑌕𑍇𑌨 𑌦𑍁𑌃𑌖𑍇𑌨 𑌚 𑌤𑌾𑌮𑍍𑌯𑌮𑌾𑌨𑌃 ।
𑌆𑌲𑌿𑌂𑌗𑍍𑌯 𑌪𑍁𑌤𑍍𑌰𑌂 𑌸𑍁𑌵𑌿𑌨𑌷𑍍𑌟𑌸𑌂𑌜𑍍𑌞𑍋 𑌮𑍋𑌹𑌂 𑌗𑌤𑍋 𑌨𑍈𑌵 𑌚𑌿𑌚𑍇𑌷𑍍𑌟 𑌕𑌿𑌂𑌂𑌚𑌿𑌤𑍍 ॥ 5𑍯 ॥

𑌦𑍇𑌵𑍍𑌯𑌸𑍍𑌤𑌤 𑌸𑍍𑌸𑌂𑌰𑍁𑌰𑍁𑌦𑍁𑌸𑍍𑌸𑌮𑍇𑌤𑌾 𑌸𑍍𑌤𑌾𑌂 𑌵𑌰𑍍𑌜𑌯𑌿𑌤𑍍𑌵𑌾 𑌨𑌰𑌦𑍇𑌵𑌪𑌤𑍍𑌨𑍀𑌮𑍍 ।
𑌰𑍁𑌦𑌨𑍍 𑌸𑍁𑌮𑌂𑌤𑍍𑌰𑍋𑌽𑌽𑌪𑌿 𑌜𑌗𑌾𑌮 𑌮𑍂𑌰𑍍𑌛𑌾𑌂 𑌹𑌾𑌹𑌾𑌕𑍃𑌤𑌂 𑌤𑌤𑍍𑌰 𑌬𑌭𑍂𑌵 𑌸𑌰𑍍𑌵𑌮𑍍 ॥ 60 ॥

𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌅𑌯𑍋𑌧𑍍𑌯𑌾𑌕𑌾𑌂𑌡𑍇 𑌚𑌤𑍁𑌸𑍍𑌤𑍍𑌰𑌿𑌂𑌶𑌸𑍍𑌸𑌰𑍍𑌗𑌃 ॥


Browse Related Categories: