Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Odia | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |

2.45 𑌅𑌯𑍋𑌧𑍍𑌯𑌾𑌕𑌾𑌂𑌡 - 𑌪𑌂𑌚𑌚𑌤𑍍𑌵𑌾𑌰𑌿𑌂𑌶 𑌸𑌰𑍍𑌗𑌃

𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌅𑌯𑍋𑌧𑍍𑌯𑌾𑌕𑌾𑌂𑌡𑌮𑍍 ।
𑌅𑌥 𑌪𑌂𑌚𑌚𑌤𑍍𑌵𑌾𑌰𑌿𑌂𑌶𑌸𑍍𑌸𑌰𑍍𑌗𑌃 ।

𑌅𑌨𑍁𑌰𑌕𑍍𑌤𑌾 𑌮𑌹𑌾𑌤𑍍𑌮𑌾𑌨𑌂 𑌰𑌾𑌮𑌂 𑌸𑌤𑍍𑌯𑌪𑌰𑌾𑌕𑍍𑌰𑌮𑌮𑍍 ।
𑌅𑌨𑍁𑌜𑌗𑍍𑌮𑍁𑌃 𑌪𑍍𑌰𑌯𑌾𑌂𑌤𑌂 𑌤𑌂 𑌵𑌨𑌵𑌾𑌸𑌾𑌯 𑌮𑌾𑌨𑌵𑌾𑌃 ॥ 1 ॥

𑌨𑌿𑌵𑌰𑍍𑌤𑌿𑌤𑍇𑌽𑌪𑌿 𑌚 𑌬𑌲𑌾𑌤𑍍𑌸𑍁𑌹𑍃𑌦𑍍𑌵𑌰𑍍𑌗𑍇 𑌚 𑌰𑌾𑌜𑌨𑌿 ।
𑌨𑍈𑌵 𑌤𑍇 𑌸𑌂𑌨𑍍𑌯𑌵𑌰𑍍𑌤𑌂𑌤 𑌰𑌾𑌮𑌸𑍍𑌯𑌾𑌨𑍁𑌗𑌤𑌾 𑌰𑌥𑌮𑍍 ॥ 2 ॥

𑌅𑌯𑍋𑌧𑍍𑌯𑌾𑌨𑌿𑌲𑌯𑌾𑌨𑌾𑌂 𑌹𑌿 𑌪𑍁𑌰𑍁𑌷𑌾𑌣𑌾𑌂 𑌮𑌹𑌾𑌯𑌶𑌾𑌃 ।
𑌬𑌭𑍂𑌵 𑌗𑍁𑌣𑌸𑌂𑌪𑌨𑍍𑌨𑌃 𑌪𑍂𑌰𑍍𑌣𑌚𑌂𑌦𑍍𑌰 𑌇𑌵 𑌪𑍍𑌰𑌿𑌯𑌃 ॥ 3 ॥

𑌸 𑌯𑌾𑌚𑍍𑌯𑌮𑌾𑌨𑌃 𑌕𑌾𑌕𑍁𑌤𑍍𑌸𑍍𑌥𑌃 𑌸𑍍𑌵𑌾𑌭𑌿𑌃 𑌪𑍍𑌰𑌕𑍃𑌤𑌿𑌭𑌿𑌸𑍍𑌤𑌦𑌾 ।
𑌕𑍁𑌰𑍍𑌵𑌾𑌣𑌃 𑌪𑌿𑌤𑌰𑌂 𑌸𑌤𑍍𑌯𑌂 𑌵𑌨𑌮𑍇𑌵𑌾𑌨𑍍𑌵𑌪𑌦𑍍𑌯𑌤 ॥ 4 ॥

𑌅𑌵𑍇𑌕𑍍𑌷𑌮𑌾𑌣𑌃 𑌸𑌸𑍍𑌨𑍇𑌹𑌂 𑌚𑌕𑍍𑌷𑍁𑌷𑌾 𑌪𑍍𑌰𑌪𑌿𑌬𑌨𑍍𑌨𑌿𑌵 ।
𑌉𑌵𑌾𑌚 𑌰𑌾𑌮𑌃 𑌸𑍍𑌨𑍇𑌹𑍇𑌨 𑌤𑌾𑌃 𑌪𑍍𑌰𑌜𑌾𑌃 𑌸𑍍𑌵𑌾𑌃 𑌪𑍍𑌰𑌜𑌾 𑌇𑌵 ॥ 5 ॥

𑌯𑌾 𑌪𑍍𑌰𑍀𑌤𑌿𑌰𑍍𑌬𑌹𑍁𑌮𑌾𑌨𑌶𑍍𑌚 𑌮𑌯𑍍𑌯𑌯𑍋𑌧𑍍𑌯𑌾𑌨𑌿𑌵𑌾𑌸𑌿𑌨𑌾𑌮𑍍 ।
𑌮𑌤𑍍𑌪𑍍𑌰𑌿𑌯𑌾𑌰𑍍𑌥𑌂 𑌵𑌿𑌶𑍇𑌷𑍇𑌣 𑌭𑌰𑌤𑍇 𑌸𑌾 𑌨𑌿𑌵𑍇𑌶𑍍𑌯𑌤𑌾𑌮𑍍 ॥ 6 ॥

𑌸 𑌹𑌿 𑌕𑌲𑍍𑌯𑌾𑌣𑌚𑌾𑌰𑌿𑌤𑍍𑌰𑌃 𑌕𑍈𑌕𑍇𑌯𑍍𑌯𑌾𑌨𑌂𑌦𑌵𑌰𑍍𑌧𑌨𑌃 ।
𑌕𑌰𑌿𑌷𑍍𑌯𑌤𑌿 𑌯𑌥𑌾𑌵𑌦𑍍𑌵𑌃 𑌪𑍍𑌰𑌿𑌯𑌾𑌣𑌿 𑌚 𑌹𑌿𑌤𑌾𑌨𑌿 𑌚 ॥ 𑍭 ॥

𑌜𑍍𑌞𑌾𑌨𑌵𑍃𑌦𑍍𑌧𑍋 𑌵𑌯𑍋𑌬𑌾𑌲𑍋 𑌮𑍃𑌦𑍁𑌰𑍍𑌵𑍀𑌰𑍍𑌯𑌗𑍁𑌣𑌾𑌨𑍍𑌵𑌿𑌤𑌃 ।
𑌅𑌨𑍁𑌰𑍂𑌪𑌃 𑌸 𑌵𑍋 𑌭𑌰𑍍𑌤𑌾 𑌭𑌵𑌿𑌷𑍍𑌯𑌤𑌿 𑌭𑌯𑌾𑌪𑌹𑌃 ॥ 𑍮 ॥

𑌸 𑌹𑌿 𑌰𑌾𑌜𑌗𑍁𑌣𑍈𑌰𑍍𑌯𑍁𑌕𑍍𑌤𑍋 𑌯𑍁𑌵𑌰𑌾𑌜𑌃 𑌸𑌮𑍀𑌕𑍍𑌷𑌿𑌤𑌃 ।
𑌅𑌪𑌿 𑌚𑌾𑌪𑌿 𑌮𑌯𑌾 𑌶𑌿𑌷𑍍𑌟𑍈𑌃 𑌕𑌾𑌰𑍍𑌯𑌂 𑌵𑍋 𑌭𑌰𑍍𑌤𑍃𑌶𑌾𑌸𑌨𑌮𑍍 ॥ 𑍯 ॥

𑌨 𑌚 𑌸𑌂𑌤𑌪𑍍𑌯𑍇𑌦𑍍𑌯𑌥𑌾 𑌚𑌾𑌸𑍌 𑌵𑌨𑌵𑌾𑌸𑌂 𑌗𑌤𑍇 𑌮𑌯𑌿 ।
𑌮𑌹𑌾𑌰𑌾𑌜𑌸𑍍𑌤𑌥𑌾 𑌕𑌾𑌰𑍍𑌯𑍋 𑌮𑌮 𑌪𑍍𑌰𑌿𑌯𑌚𑌿𑌕𑍀𑌰𑍍𑌷𑌯𑌾 ॥ 10 ॥

𑌯𑌥𑌾 𑌯𑌥𑌾 𑌦𑌾𑌶𑌰𑌥𑌿 𑌰𑍍𑌧𑌰𑍍𑌮 𑌏𑌵𑌾𑌸𑍍𑌥𑌿𑌤𑍋𑌽𑌭𑌵𑌤𑍍 ।
𑌤𑌥𑌾 𑌤𑌥𑌾 𑌪𑍍𑌰𑌕𑍃𑌤𑌯𑍋 𑌰𑌾𑌮𑌂 𑌪𑌤𑌿𑌮𑌕𑌾𑌮𑌯𑌨𑍍 ॥ 11 ॥

𑌬𑌾𑌷𑍍𑌪𑍇𑌣 𑌪𑌿𑌹𑌿𑌤𑌂 𑌦𑍀𑌨𑌂 𑌰𑌾𑌮𑌃 𑌸𑍌𑌮𑌿𑌤𑍍𑌰𑌿𑌣𑌾 𑌸𑌹 ।
𑌚𑌕𑌰𑍍𑌷𑍇𑌵 𑌗𑍁𑌣𑍈𑌰𑍍𑌬𑌦𑍍𑌧𑍍𑌵𑌾 𑌜𑌨𑌂 𑌪𑍁𑌰𑌨𑌿𑌵𑌾𑌸𑌿𑌨𑌮𑍍 ॥ 12 ॥

𑌤𑍇 𑌦𑍍𑌵𑌿𑌜𑌾𑌸𑍍𑌤𑍍𑌰𑌿𑌵𑌿𑌧𑌂 𑌵𑍃𑌦𑍍𑌧𑌾 𑌜𑍍𑌞𑌾𑌨𑍇𑌨 𑌵𑌯𑌸𑍌𑌜𑌸𑌾 ।
𑌵𑌯𑌃 𑌪𑍍𑌰𑌕𑌂𑌪𑌶𑌿𑌰𑌸𑍋 𑌦𑍂𑌰𑌾𑌦𑍂𑌚𑍁𑌰𑌿𑌦𑌂 𑌵𑌚𑌃 ॥ 13 ॥

𑌵𑌹𑌂𑌤𑍋 𑌜𑌵𑌨𑌾 𑌰𑌾𑌮𑌂 𑌭𑍋 𑌭𑍋 𑌜𑌾𑌤𑍍𑌯𑌾𑌸𑍍𑌤𑍁𑌰𑌂𑌗𑌮𑌾𑌃 ।
𑌨𑌿𑌵𑌰𑍍𑌤𑌧𑍍𑌵𑌂 𑌨 𑌗𑌂𑌤𑌵𑍍𑌯𑌂 𑌹𑌿𑌤𑌾 𑌭𑌵𑌤 𑌭𑌰𑍍𑌤𑌰𑌿 ॥ 14 ॥

𑌕𑌰𑍍𑌣𑌵𑌂𑌤𑌿 𑌹𑌿 𑌭𑍂𑌤𑌾𑌨𑌿 𑌵𑌿𑌶𑍇𑌷𑍇𑌣 𑌤𑍁𑌰𑌂𑌗𑌮𑌾𑌃 ।
𑌯𑍂𑌯𑌂 𑌤𑌸𑍍𑌮𑌾𑌨𑍍𑌨𑌿𑌵𑌰𑍍𑌤𑌧𑍍𑌵𑌂 𑌯𑌾𑌚𑌨𑌾𑌂 𑌪𑍍𑌰𑌤𑌿𑌵𑍇𑌦𑌿𑌤𑌾𑌃 ॥ 15 ॥

𑌧𑌰𑍍𑌮𑌤𑌃 𑌸 𑌵𑌿𑌶𑍁𑌦𑍍𑌧𑌾𑌤𑍍𑌮𑌾 𑌵𑍀𑌰𑌃 𑌶𑍁𑌭𑌦𑍃𑌢𑌵𑍍𑌰𑌤𑌃 ।
𑌉𑌪𑌵𑌾𑌹𑍍𑌯𑌸𑍍𑌤𑍁 𑌵𑍋 𑌭𑌰𑍍𑌤𑌾 𑌨𑌾𑌪𑌵𑌾𑌹𑍍𑌯𑌃 𑌪𑍁𑌰𑌾𑌦𑍍𑌵𑌨𑌮𑍍 ॥ 16 ॥

𑌏𑌵𑌮𑌾𑌰𑍍𑌤𑌪𑍍𑌰𑌲𑌾𑌪𑌾𑌂𑌸𑍍𑌤𑌾𑌨𑍍 𑌵𑍃𑌦𑍍𑌧𑌾𑌨𑍍 𑌪𑍍𑌰𑌲𑌪𑌤𑍋 𑌦𑍍𑌵𑌿𑌜𑌾𑌨𑍍 ।
𑌅𑌵𑍇𑌕𑍍𑌷𑍍𑌯 𑌸𑌹𑌸𑌾 𑌰𑌾𑌮𑍋 𑌰𑌥𑌾𑌦𑌵𑌤𑌤𑌾𑌰 𑌹 ॥ 1𑍭 ॥

𑌪𑌦𑍍𑌭𑍍𑌯𑌾𑌮𑍇𑌵 𑌜𑌗𑌾𑌮𑌾𑌥 𑌸𑌸𑍀𑌤 𑌸𑍍𑌸𑌹𑌲𑌕𑍍𑌷𑍍𑌮𑌣𑌃 ।
𑌸𑌨𑍍𑌨𑌿𑌕𑍃𑌷𑍍𑌟𑌪𑌦𑌨𑍍𑌯𑌾𑌸𑍋 𑌰𑌾𑌮𑍋 𑌵𑌨𑌪𑌰𑌾𑌯𑌣𑌃 ॥ 1𑍮 ॥

𑌦𑍍𑌵𑌿𑌜𑌾𑌤𑍀𑌂𑌸𑍍𑌤𑍁 𑌪𑌦𑌾𑌤𑍀𑌂𑌸𑍍𑌤𑌾𑌨𑍍 𑌰𑌾𑌮𑌶𑍍𑌚𑌾𑌰𑌿𑌤𑍍𑌰𑌵𑌤𑍍𑌸𑌲𑌃 ।
𑌨 𑌶𑌶𑌾𑌕 𑌘𑍃𑌣𑌾𑌚𑌕𑍍𑌷𑍁𑌃 𑌪𑌰𑌿𑌮𑍋𑌕𑍍𑌤𑍁𑌂 𑌰𑌥𑍇𑌨 𑌸𑌃 ॥ 1𑍯 ॥

𑌗𑌚𑍍𑌛𑌂𑌤𑌮𑍇𑌵 𑌤𑌂 𑌦𑍃𑌷𑍍𑌟𑍍𑌵𑌾 𑌰𑌾𑌮𑌂 𑌸𑌂𑌭𑍍𑌰𑌾𑌂𑌤𑌚𑍇𑌤𑌸𑌃 ।
𑌊𑌚𑍁𑌃 𑌪𑌰𑌮𑌸𑌂𑌤𑌪𑍍𑌤𑌾 𑌰𑌾𑌮𑌂 𑌵𑌾𑌕𑍍𑌯𑌮𑌿𑌦𑌂 𑌦𑍍𑌵𑌿𑌜𑌾𑌃 ॥ 20 ॥

𑌬𑍍𑌰𑌾𑌹𑍍𑌮𑌣𑍍𑌯𑌂 𑌸𑌰𑍍𑌵𑌮𑍇𑌤𑌤𑍍𑌤𑍍𑌵𑌾𑌂 𑌬𑍍𑌰𑌹𑍍𑌮𑌣𑍍𑌯𑌮𑌨𑍁𑌗𑌚𑍍𑌛𑌤𑌿 ।
𑌦𑍍𑌵𑌿𑌜𑌸𑍍𑌕𑌂𑌧𑌾𑌧𑌿𑌰𑍂𑌢𑌾𑌸𑍍𑌤𑍍𑌵𑌾𑌮𑌗𑍍𑌨𑌯𑍋𑌽𑌪𑍍𑌯𑌨𑍁𑌯𑌾𑌂𑌤𑍍𑌯𑌮𑍀 ॥ 21 ॥

𑌵𑌾𑌜𑌪𑍇𑌯𑌸𑌮𑍁𑌤𑍍𑌥𑌾𑌨𑌿 𑌛𑌤𑍍𑌰𑌾𑌣𑍍𑌯𑍇𑌤𑌾𑌨𑌿 𑌪𑌶𑍍𑌯 𑌨𑌃 ।
𑌪𑍃𑌷𑍍𑌠𑌤𑍋𑌽𑌨𑍁𑌪𑍍𑌰𑌯𑌾𑌤𑌾𑌨𑌿 𑌮𑍇𑌘𑌾𑌨𑌿𑌵 𑌜𑌲𑌾𑌤𑍍𑌯𑌯𑍇 ॥ 22 ॥

𑌅𑌨𑌵𑌾𑌪𑍍𑌤𑌾𑌤𑌪𑌤𑍍𑌰𑌸𑍍𑌯 𑌰𑌶𑍍𑌮𑌿𑌸𑌂𑌤𑌾𑌪𑌿𑌤𑌸𑍍𑌯 𑌤𑍇 ।
𑌏𑌭𑌿𑌶𑍍𑌛𑌾𑌯𑌾𑌂 𑌕𑌰𑌿𑌷𑍍𑌯𑌾𑌮𑌃 𑌸𑍍𑌵𑍈𑌶𑍍𑌛𑌤𑍍𑌰𑍈𑌰𑍍𑌵𑌾𑌜𑌪𑍇𑌯𑌿𑌕𑍈𑌃 ॥ 23 ॥

𑌯𑌾 𑌹𑌿 𑌨𑌃 𑌸𑌤𑌤𑌂 𑌬𑍁𑌦𑍍𑌧𑌿𑌰𑍍𑌵𑍇𑌦𑌮𑌂𑌤𑍍𑌰𑌾𑌨𑍁𑌸𑌾𑌰𑌿𑌣𑍀 ।
𑌤𑍍𑌵𑌤𑍍𑌕𑍃𑌤𑍇 𑌸𑌾 𑌕𑍃𑌤𑌾 𑌵𑌤𑍍𑌸 𑌵𑌨𑌵𑌾𑌸𑌾𑌨𑍁𑌸𑌾𑌰𑌿𑌣𑍀 ॥ 24 ॥

𑌹𑍃𑌦𑌯𑍇𑌷𑍍𑌵𑍇𑌵 𑌤𑌿𑌷𑍍𑌠𑌂𑌤𑌿 𑌵𑍇𑌦𑌾 𑌯𑍇 𑌨𑌃 𑌪𑌰𑌂 𑌧𑌨𑌮𑍍 ।
𑌵𑌤𑍍𑌸𑍍𑌯𑌂𑌤𑍍𑌯𑌪𑌿 𑌗𑍃𑌹𑍇𑌷𑍍𑌵𑍇𑌵 𑌦𑌾𑌰𑌾𑌶𑍍𑌚𑌾𑌰𑌿𑌤𑍍𑌰𑌰𑌕𑍍𑌷𑌿𑌤𑌾𑌃 ॥ 25 ॥

𑌨 𑌪𑍁𑌨𑌰𑍍𑌨𑌿𑌶𑍍𑌚𑌯𑌃 𑌕𑌾𑌰𑍍𑌯𑌸𑍍𑌤𑍍𑌵𑌦𑍍𑌗𑌤𑍌 𑌸𑍁𑌕𑍃𑌤𑌾 𑌮𑌤𑌿𑌃 ।
𑌤𑍍𑌵𑌯𑌿 𑌧𑌰𑍍𑌮𑌵𑍍𑌯𑌪𑍇𑌕𑍍𑌷𑍇 𑌤𑍁 𑌕𑌿𑌂 𑌸𑍍𑌯𑌾𑌦𑍍𑌧𑌰𑍍𑌮𑌪𑌥𑍇 𑌸𑍍𑌥𑌿𑌤𑌮𑍍 ॥ 26 ॥

𑌯𑌾𑌚𑌿𑌤𑍋 𑌨𑍋 𑌨𑌿𑌵𑌰𑍍𑌤𑌸𑍍𑌵 𑌹𑌂𑌸𑌶𑍁𑌕𑍍𑌲𑌶𑌿𑌰𑍋𑌰𑍁𑌹𑍈𑌃 ।
𑌶𑌿𑌰𑍋𑌭𑌿𑌰𑍍𑌨𑌿𑌭𑍃𑌤𑌾𑌚𑌾𑌰 𑌮𑌹𑍀𑌪𑌤𑌨𑌪𑌾𑌂𑌸𑍁𑌲𑍈𑌃 ॥ 2𑍭 ॥

𑌬𑌹𑍂𑌨𑌾𑌂 𑌵𑌿𑌤𑌤𑌾 𑌯𑌜𑍍𑌞𑌾 𑌦𑍍𑌵𑌿𑌜𑌾𑌨𑌾𑌂 𑌯 𑌇𑌹𑌾𑌗𑌤𑌾𑌃 ।
𑌤𑍇𑌷𑌾𑌂 𑌸𑌮𑌾𑌪𑍍𑌤𑌿𑌰𑌾𑌯𑌤𑍍𑌤𑌾 𑌤𑌵 𑌵𑌤𑍍𑌸 𑌨𑌿𑌵𑌰𑍍𑌤𑌨𑍇 ॥ 2𑍮 ॥

𑌭𑌕𑍍𑌤𑌿𑌮𑌂𑌤𑌿 𑌹𑌿 𑌭𑍂𑌤𑌾𑌨𑌿 𑌜𑌂𑌗𑌮𑌾𑌜𑌂𑌗𑌮𑌾𑌨𑌿 𑌚 ।
𑌯𑌾𑌚𑌮𑌾𑌨𑍇𑌷𑍁 𑌰𑌾𑌮 𑌤𑍍𑌵𑌂 𑌭𑌕𑍍𑌤𑌿𑌂 𑌭𑌕𑍍𑌤𑍇𑌷𑍁 𑌦𑌰𑍍𑌶𑌯 ॥ 2𑍯 ॥

𑌅𑌨𑍁𑌗𑌂𑌤𑍁𑌮𑌶𑌕𑍍𑌤𑌾 𑌸𑍍𑌤𑍍𑌵𑌾𑌂 𑌮𑍂𑌲𑍈𑌰𑍁𑌦𑍍𑌧𑌤𑌵𑍇𑌗𑌿𑌨𑌃 ।
𑌉𑌨𑍍𑌨𑌤𑌾 𑌵𑌾𑌯𑍁𑌵𑍇𑌗𑍇𑌨 𑌵𑌿𑌕𑍍𑌰𑍋𑌶𑌂𑌤𑍀𑌵 𑌪𑌾𑌦𑌪𑌾𑌃 ॥ 30 ॥

𑌨𑌿𑌶𑍍𑌚𑍇𑌷𑍍𑌟𑌾𑌹𑌾𑌰𑌸𑌂𑌚𑌾𑌰𑌾 𑌵𑍃𑌕𑍍𑌷𑍈𑌕𑌸𑍍𑌥𑌾𑌨𑌵𑌿𑌷𑍍𑌠𑌿𑌤𑌾𑌃 ।
𑌪𑌕𑍍𑌷𑌿𑌣𑍋𑌽𑌪𑌿 𑌪𑍍𑌰𑌯𑌾𑌚𑌂𑌤𑍇 𑌸𑌰𑍍𑌵𑌭𑍂𑌤𑌾𑌨𑍁𑌕𑌂𑌪𑌿𑌨𑌮𑍍 ॥ 31 ॥

𑌏𑌵𑌂 𑌵𑌿𑌕𑍍𑌰𑍋𑌶𑌤𑌾𑌂 𑌤𑍇𑌷𑌾𑌂 𑌦𑍍𑌵𑌿𑌜𑌾𑌤𑍀𑌨𑌾𑌂 𑌨𑌿𑌵𑌰𑍍𑌤𑌨𑍇 ।
𑌦𑌦𑍃𑌶𑍇 𑌤𑌮𑌸𑌾 𑌤𑌤𑍍𑌰 𑌵𑌾𑌰𑌯𑌂𑌤𑍀𑌵 𑌰𑌾𑌘𑌵𑌮𑍍 ॥ 32 ॥

𑌤𑌤𑌃 𑌸𑍁𑌮𑌂𑌤𑍍𑌰𑍋𑌽𑌪𑌿 𑌰𑌥𑌾𑌦𑍍𑌵𑌿𑌮𑍁𑌚𑍍𑌯 𑌶𑍍𑌰𑌾𑌂𑌤𑌾𑌨𑍍𑌹𑌯𑌾𑌨𑍍𑌸𑌂𑌪𑌰𑌿𑌵𑌰𑍍𑌤𑍍𑌯 𑌶𑍀𑌘𑍍𑌰𑌮𑍍 ।
𑌪𑍀𑌤𑍋𑌦𑌕𑌾𑌂𑌸𑍍𑌤𑍋𑌯𑌪𑌰𑌿𑌪𑍍𑌲𑍁𑌤𑌾𑌂𑌗𑌾 𑌨𑌚𑌾𑌰𑌯𑌦𑍍𑌵𑍈 𑌤𑌮𑌸𑌾𑌵𑌿𑌦𑍂𑌰𑍇 ॥ 33 ॥

𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌅𑌯𑍋𑌧𑍍𑌯𑌾𑌕𑌾𑌂𑌡𑍇 𑌪𑌂𑌚𑌚𑌤𑍍𑌵𑌾𑌰𑌿𑌂𑌶𑌸𑍍𑌸𑌰𑍍𑌗𑌃 ॥


Browse Related Categories: