𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌕𑌿𑌷𑍍𑌕𑌿𑌂𑌧𑌾𑌕𑌾𑌂𑌡𑌮𑍍 ।
𑌅𑌥 𑌚𑌤𑍁𑌸𑍍𑌤𑍍𑌰𑌿𑌂𑌶𑌸𑍍𑌸𑌰𑍍𑌗𑌃 ।
𑌤𑌮𑌪𑍍𑌰𑌤𑌿𑌹𑌤𑌂 𑌕𑍍𑌰𑍁𑌦𑍍𑌧𑌂 𑌪𑍍𑌰𑌵𑌿𑌷𑍍𑌟𑌂 𑌪𑍁𑌰𑍁𑌷𑌰𑍍𑌷𑌭𑌮𑍍 ।
𑌸𑍁𑌗𑍍𑌰𑍀𑌵𑍋 𑌲𑌕𑍍𑌷𑍍𑌮𑌣𑌂 𑌦𑍃𑌷𑍍𑌟𑍍𑌵𑌾 𑌬𑌭𑍂𑌵 𑌵𑍍𑌯𑌥𑌿𑌤𑍇𑌂𑌦𑍍𑌰𑌿𑌯𑌃 ॥ 1 ॥
𑌕𑍍𑌰𑍁𑌦𑍍𑌧𑌂 𑌨𑌿𑌶𑍍𑌶𑍍𑌵𑌸𑌮𑌾𑌨𑌂 𑌤𑌂 𑌪𑍍𑌰𑌦𑍀𑌪𑍍𑌤𑌮𑌿𑌵 𑌤𑍇𑌜𑌸𑌾 ।
𑌭𑍍𑌰𑌾𑌤𑍁𑌰𑍍𑌵𑍍𑌯𑌸𑌨𑌸𑌂𑌤𑌪𑍍𑌤𑌂 𑌦𑍃𑌷𑍍𑌟𑍍𑌵𑌾 𑌦𑌶𑌰𑌥𑌾𑌤𑍍𑌮𑌜𑌮𑍍 ॥ 2 ॥
𑌉𑌤𑍍𑌪𑌪𑌾𑌤 𑌹𑌰𑌿𑌶𑍍𑌰𑍇𑌷𑍍𑌠𑍋 𑌹𑌿𑌤𑍍𑌵𑌾 𑌸𑍌𑌵𑌰𑍍𑌣𑌮𑌾𑌸𑌨𑌮𑍍 ।
𑌮𑌹𑌾𑌨𑍍𑌮𑌹𑍇𑌂𑌦𑍍𑌰𑌸𑍍𑌯 𑌯𑌥𑌾 𑌸𑍍𑌵𑌲𑌂𑌕𑍃𑌤 𑌇𑌵 𑌧𑍍𑌵𑌜𑌃 ॥ 3 ॥
𑌉𑌤𑍍𑌪𑌤𑌂𑌤𑌮𑌨𑍂𑌤𑍍𑌪𑍇𑌤𑍂 𑌰𑍁𑌮𑌾𑌪𑍍𑌰𑌭𑍃𑌤𑌯𑌃 𑌸𑍍𑌤𑍍𑌰𑌿𑌯𑌃 ।
𑌸𑍁𑌗𑍍𑌰𑍀𑌵𑌂 𑌗𑌗𑌨𑍇 𑌪𑍂𑌰𑍍𑌣𑌚𑌂𑌦𑍍𑌰𑌂 𑌤𑌾𑌰𑌾𑌗𑌣𑌾 𑌇𑌵 ॥ 4 ॥
𑌸𑌂𑌰𑌕𑍍𑌤𑌨𑌯𑌨𑌃 𑌶𑍍𑌰𑍀𑌮𑌾𑌨𑍍𑌵𑌿𑌚𑌚𑌾𑌲 𑌕𑍃𑌤𑌾𑌂𑌜𑌲𑌿𑌃 ।
𑌬𑌭𑍂𑌵𑌾𑌵𑌸𑍍𑌥𑌿𑌤𑌸𑍍𑌤𑌤𑍍𑌰 𑌕𑌲𑍍𑌪𑌵𑍃𑌕𑍍𑌷𑍋 𑌮𑌹𑌾𑌨𑌿𑌵 ॥ 5 ॥
𑌰𑍁𑌮𑌾𑌦𑍍𑌵𑌿𑌤𑍀𑌯𑌂 𑌸𑍁𑌗𑍍𑌰𑍀𑌵𑌂 𑌨𑌾𑌰𑍀𑌮𑌧𑍍𑌯𑌗𑌤𑌂 𑌸𑍍𑌥𑌿𑌤𑌮𑍍 ।
𑌅𑌬𑍍𑌰𑌵𑍀𑌲𑍍𑌲𑌕𑍍𑌷𑍍𑌮𑌣𑌃 𑌕𑍍𑌰𑍁𑌦𑍍𑌧𑌸𑍍𑌸𑌤𑌾𑌰𑌂 𑌶𑌶𑌿𑌨𑌂 𑌯𑌥𑌾 ॥ 6 ॥
𑌸𑌤𑍍𑌤𑍍𑌵𑌾𑌭𑌿𑌜𑌨𑌸𑌂𑌪𑌨𑍍𑌨𑌸𑍍𑌸𑌾𑌨𑍁𑌕𑍍𑌰𑍋𑌶𑍋 𑌜𑌿𑌤𑍇𑌂𑌦𑍍𑌰𑌿𑌯𑌃 ।
𑌕𑍃𑌤𑌜𑍍𑌞𑌸𑍍𑌸𑌤𑍍𑌯𑌵𑌾𑌦𑍀 𑌚 𑌰𑌾𑌜𑌾 𑌲𑍋𑌕𑍇 𑌮𑌹𑍀𑌯𑌤𑍇 ॥ ॥
𑌯𑌸𑍍𑌤𑍁 𑌰𑌾𑌜𑌾 𑌸𑍍𑌥𑌿𑌤𑍋𑌽𑌧𑌰𑍍𑌮𑍇 𑌮𑌿𑌤𑍍𑌰𑌾𑌣𑌾𑌮𑍁𑌪𑌕𑌾𑌰𑌿𑌣𑌾𑌮𑍍 ।
𑌮𑌿𑌥𑍍𑌯𑌾 𑌪𑍍𑌰𑌤𑌿𑌜𑍍𑌞𑌾𑌂 𑌕𑍁𑌰𑍁𑌤𑍇 𑌕𑍋 𑌨𑍃𑌶𑌂𑌸𑌤𑌰𑌸𑍍𑌤𑌤𑌃 ॥ ॥
𑌶𑌤𑌮𑌶𑍍𑌵𑌾𑌨𑍃𑌤𑍇 𑌹𑌂𑌤𑌿 𑌸𑌹𑌸𑍍𑌰𑌂 𑌤𑍁 𑌗𑌵𑌾𑌨𑍃𑌤𑍇 ।
𑌆𑌤𑍍𑌮𑌾𑌨𑌂 𑌸𑍍𑌵𑌜𑌨𑌂 𑌹𑌂𑌤𑌿 𑌪𑍁𑌰𑍁𑌷𑌃 𑌪𑍁𑌰𑍁𑌷𑌾𑌨𑍃𑌤𑍇 ॥ ॥
𑌪𑍂𑌰𑍍𑌵𑌂 𑌕𑍃𑌤𑌾𑌰𑍍𑌥𑍋 𑌮𑌿𑌤𑍍𑌰𑌾𑌣𑌾𑌂 𑌨 𑌤𑌤𑍍𑌪𑍍𑌰𑌤𑌿𑌕𑌰𑍋𑌤𑌿 𑌯𑌃 ।
𑌕𑍃𑌤𑌘𑍍𑌨𑌸𑍍𑌸𑌰𑍍𑌵𑌭𑍂𑌤𑌾𑌨𑌾𑌂 𑌸 𑌵𑌧𑍍𑌯𑌃 𑌪𑍍𑌲𑌵𑌗𑍇𑌶𑍍𑌵𑌰 ॥ 10 ॥
𑌗𑍀𑌤𑍋𑌽𑌯𑌂 𑌬𑍍𑌰𑌹𑍍𑌮𑌣𑌾 𑌶𑍍𑌲𑍋𑌕 𑌸𑍍𑌸𑌰𑍍𑌵𑌲𑍋𑌕𑌨𑌮𑌸𑍍𑌕𑍃𑌤𑌃 ।
𑌦𑍃𑌷𑍍𑌟𑍍𑌵𑌾 𑌕𑍃𑌤𑌘𑍍𑌨𑌂 𑌕𑍍𑌰𑍁𑌦𑍍𑌧𑍇𑌨 𑌤𑌨𑍍𑌨𑌿𑌬𑍋𑌧 𑌪𑍍𑌲𑌵𑌂𑌗𑌮 ॥ 11 ॥
𑌬𑍍𑌰𑌹𑍍𑌮𑌘𑍍𑌨𑍇 𑌚 𑌸𑍁𑌰𑌾𑌪𑍇 𑌚 𑌚𑍋𑌰𑍇 𑌭𑌗𑍍𑌨𑌵𑍍𑌰𑌤𑍇 𑌤𑌥𑌾 ।
𑌨𑌿𑌷𑍍𑌕𑍃𑌤𑌿𑌰𑍍𑌵𑌿𑌹𑌿𑌤𑌾 𑌸𑌦𑍍𑌭𑌿𑌃 𑌕𑍃𑌤𑌘𑍍𑌨𑍇 𑌨𑌾𑌸𑍍𑌤𑌿 𑌨𑌿𑌷𑍍𑌕𑍃𑌤𑌿𑌃 ॥ 12 ॥
𑌅𑌨𑌾𑌰𑍍𑌯𑌸𑍍𑌤𑍍𑌵𑌂 𑌕𑍃𑌤𑌘𑍍𑌨𑌶𑍍𑌚 𑌮𑌿𑌥𑍍𑌯𑌾𑌵𑌾𑌦𑍀 𑌚 𑌵𑌾𑌨𑌰 ।
𑌪𑍂𑌰𑍍𑌵𑌂 𑌕𑍃𑌤𑌾𑌰𑍍𑌥𑍋 𑌰𑌾𑌮𑌸𑍍𑌯 𑌨 𑌤𑌤𑍍𑌪𑍍𑌰𑌤𑌿𑌕𑌰𑍋𑌷𑌿 𑌯𑌤𑍍 ॥ 13 ॥
𑌨𑌨𑍁 𑌨𑌾𑌮 𑌕𑍃𑌤𑌾𑌰𑍍𑌥𑍇𑌨 𑌤𑍍𑌵𑌯𑌾 𑌰𑌾𑌮𑌸𑍍𑌯 𑌵𑌾𑌨𑌰 ।
𑌸𑍀𑌤𑌾𑌯𑌾 𑌮𑌾𑌰𑍍𑌗𑌣𑍇 𑌯𑌤𑍍𑌨𑌃 𑌕𑌰𑍍𑌤𑌵𑍍𑌯𑌃 𑌕𑍃𑌤𑌮𑌿𑌚𑍍𑌛𑌤𑌾 ॥ 14 ॥
𑌸 𑌤𑍍𑌵𑌂 𑌗𑍍𑌰𑌾𑌮𑍍𑌯𑍇𑌷𑍁 𑌭𑍋𑌗𑍇𑌷𑍁 𑌸𑌕𑍍𑌤𑍋 𑌮𑌿𑌥𑍍𑌯𑌾𑌪𑍍𑌰𑌤𑌿𑌶𑍍𑌰𑌵𑌃 ।
𑌨 𑌤𑍍𑌵𑌾𑌂 𑌰𑌾𑌮𑍋 𑌵𑌿𑌜𑌾𑌨𑍀𑌤𑍇 𑌸𑌰𑍍𑌪𑌂 𑌮𑌂𑌡𑍂𑌕𑌰𑌾𑌵𑌿𑌣𑌮𑍍 ॥ 15 ॥
𑌮𑌹𑌾𑌭𑌾𑌗𑍇𑌨 𑌰𑌾𑌮𑍇𑌣 𑌪𑌾𑌪𑌃 𑌕𑌰𑍁𑌣𑌵𑍇𑌦𑌿𑌨𑌾 ।
𑌹𑌰𑍀𑌣𑌾𑌂 𑌪𑍍𑌰𑌾𑌪𑌿𑌤𑍋 𑌰𑌾𑌜𑍍𑌯𑌂 𑌤𑍍𑌵𑌂 𑌦𑍁𑌰𑌾𑌤𑍍𑌮𑌾 𑌮𑌹𑌾𑌤𑍍𑌮𑌨𑌾 ॥ 16 ॥
𑌕𑍃𑌤𑌂 𑌚𑍇𑌨𑍍𑌨𑌾𑌭𑌿𑌜𑌾𑌨𑍀𑌷𑍇 𑌰𑌾𑌮𑌸𑍍𑌯𑌾𑌕𑍍𑌲𑌿𑌷𑍍𑌟𑌕𑌰𑍍𑌮𑌣𑌃 ।
𑌸𑌦𑍍𑌯𑌸𑍍𑌤𑍍𑌵𑌂 𑌨𑌿𑌶𑌿𑌤𑍈𑌰𑍍𑌭𑌾𑌵𑌾𑌰𑍍𑌹𑌤𑍋 𑌦𑍍𑌰𑌕𑍍𑌷𑍍𑌯𑌸𑌿 𑌵𑌾𑌲𑌿𑌨𑌮𑍍 ॥ 1 ॥
𑌨 𑌚 𑌸𑌂𑌕𑍁𑌚𑌿𑌤𑌃 𑌪𑌂𑌥𑌾 𑌯𑍇𑌨 𑌵𑌾𑌲𑍀 𑌹𑌤𑍋 𑌗𑌤𑌃 ।
𑌸𑌮𑌯𑍇 𑌤𑌿𑌷𑍍𑌠 𑌸𑍁𑌗𑍍𑌰𑍀𑌵 𑌮𑌾 𑌵𑌾𑌲𑌿𑌪𑌥𑌮𑌨𑍍𑌵𑌗𑌾𑌃 ॥ 1 ॥
𑌨 𑌨𑍂𑌨𑌮𑌿𑌕𑍍𑌷𑍍𑌵𑌾𑌕𑍁𑌵𑌰𑌸𑍍𑌯 𑌕𑌾𑌰𑍍𑌮𑍁𑌕 𑌚𑍍𑌯𑍁𑌤𑌾𑌨𑍍 𑌶𑌰𑌾𑌨𑍍𑌪𑌶𑍍𑌯𑌸𑌿 𑌵𑌜𑍍𑌰 𑌸𑌨𑍍𑌨𑌿𑌭𑌾𑌨𑍍 ।
𑌤𑌤 𑌸𑍍𑌸𑍁𑌖𑌂 𑌨𑌾𑌮 𑌨𑌿𑌷𑍇𑌵𑌸𑍇 𑌸𑍁𑌖𑍀 ।
𑌨 𑌰𑌾𑌮𑌕𑌾𑌰𑍍𑌯𑌂 𑌮𑌨𑌸𑌾𑌽𑌪𑍍𑌯𑌵𑍇𑌕𑍍𑌷𑌸𑍇 ॥ 1 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌕𑌿𑌷𑍍𑌕𑌿𑌂𑌧𑌾𑌕𑌾𑌂𑌡𑍇 𑌚𑌤𑍁𑌸𑍍𑌤𑍍𑌰𑌿𑌂𑌶𑌸𑍍𑌸𑌰𑍍𑌗𑌃 ॥
