ଶ୍ରୀମଦ୍ଵାଲ୍ମୀକୀୟ ରାମାୟଣେ ୟୁଦ୍ଧକାଂଡମ୍ ।
ଅଥ ଦ୍ଵାଦଶାଧିକଶତତମସ୍ସର୍ଗଃ ।
ଭ୍ରାତରଂନିହତଂଦୃଷ୍ଟଵାଶୟାନଂନିର୍ଜିତଂରଣେ ।
ଶୋକଵେଗପରୀତାତ୍ମାଵିଲଲାପଵିଭୀଷଣଃ ॥ 1 ॥
ଵୀର ଵିକ୍ରାଂତ ଵିଖ୍ୟାତ ପ୍ରଵୀଣ ନୟକୋଵିଦ ।
ମହାର୍ହାଶୟନୋପେତକିଂଶେଷେନିହତୋଭୁଵି ॥ 2 ॥
ଵିକ୍ଷିପ୍ୟଦୀର୍ଘୌନିଶ୍ଚେଷ୍ଟୌଭୁଜାଵଂଗଭୂଷିତୌ ।
ମୁକୁଟେନାପଵୃତ୍ତେନଭାସ୍କରାକାରଵର୍ଚସା ॥ 3 ॥
ଦଂଵୀରସଂପ୍ରାପ୍ତଂୟନ୍ମୟାପୂର୍ଵମୀରିତମ୍ ।
କାମମୋହପରୀତସ୍ୟୟତ୍ତନ୍ନରୁଚିତଂତଵ ॥ 4 ॥
ୟନ୍ନଦର୍ପାତ୍ପ୍ରହସ୍ତୋଵାନେଂଦ୍ରଜିନ୍ନାପରେଜନାଃ ।
ନ କୁଂବକର୍ଣୋଽତିରଥୋନାତିକାୟୋନରାଂତକଃ ॥ 5 ॥
ନ ସ୍ଵୟଂତ୍ଵମମନ୍ୟେଥାସ୍ତସ୍ୟୋଦର୍କୋଽୟମାଗତଃ ।
ଗତସ୍ସେତୁସ୍ସୁନୀତୀନାଂଗତୋଧର୍ମସ୍ୟଵିଗ୍ରହଃ ॥ 6 ॥
ଗତସ୍ସତ୍ତ୍ଵସ୍ୟସଂକ୍ଷେପଃପ୍ରସ୍ତାଵାନାଂଗତିର୍ଗତା ।
ଆଦିତ୍ୟଃପତିତୋଭୂମୌମଗ୍ନସ୍ତମସିଚଂଦ୍ରମାଃ ॥ 7 ॥
ଚିତ୍ରଭାନୁଃପ୍ରଶାଂତାର୍ଚିର୍ଵ୍ୟଵସାୟୋନିରୁଦ୍ୟମଃ ।
ଅସ୍ମିନ୍ନିପତିତେଵୀରେ ଭୂମୌଶସ୍ତ୍ରଭୃତାଂଵରେ ॥ 8 ॥
ସୌମିତ୍ରିଂ ସତ୍ତ୍ଵସଂପନ୍ନଂ ଲକ୍ଷ୍ମଣଂ ଶୁଭଲକ୍ଷଣମ୍ ।
ଵିଭୀଷଣମିମଂ ସୌମ୍ୟ ଲଂକାୟାମଭିଷେଚୟ ॥ 9 ॥
ଧୃତିପ୍ରଵାଲଃପ୍ରସହ୍ୟାଗ୍ୟ୍ରପୁଷ୍ପସ୍ତପୋବଲଶ୍ଶୌର୍ୟନିବଦ୍ଧମୂଲଃ ।
ରଣେମହାନ୍ରାକ୍ଷସରାଜଵୃକ୍ଷଃସମ୍ମର୍ଦିତୋରାଘଵମାରୁତେନ ॥ 10 ॥
ତେଜୋଵିଷାଣଃକୁଲଵଂଶଵଂଶଃକୋପପ୍ରସାଦାପରଗାତ୍ରହସ୍ତଃ ।
ଇକ୍ଷ୍ଵାକୁସିଂହାଵଗୃହୀତଦେହଃସୁପ୍ତଃକ୍ଷିତୌରାଵଣଗଂଧହସ୍ତୀ ॥ 11 ॥
ପରାକ୍ରମୋତ୍ସାହଵିଜୃଂଭିତାର୍ଚିର୍ନିଃଶ୍ଵାସଧୂମସ୍ସ୍ଵବଲପ୍ରତାପଃ ।
ପ୍ରତାପଵାନ୍ସମ୍ୟତିରାକ୍ଷସାଗ୍ନିର୍ଵିର୍ଵାପିତୋରାମପୟୋଧରେଣ ॥ 12 ॥
ସିଂହରକ୍ଷଲାଂଗୂଲକକୁଦ୍ଵିଷାଣଃପରାଭିଜିଦ୍ଗଂଧନଗଂଧହସ୍ତୀ ।
ରକ୍ଷୋଵୃଷଶ୍ଚାପଲକର୍ଣଚକ୍ଷୁଃକ୍ଷିତୀଶ୍ଵରଵ୍ୟାଘ୍ରହତୋଽଵସନ୍ନଃ ॥ 13 ॥
ଵଦଂତଂହେତୁମଦ୍ଵାକ୍ୟଂପରିଦୃଷ୍ଟାର୍ଥନିଶ୍ଚୟମ୍ ।
ରାମଃଶୋକସମାଵିଷ୍ଟମିତ୍ୟୁଵାଚଵିଭୀଷଣମ୍ ॥ 14 ॥
ନାୟଂଵିନଷ୍ଟୋନିଶ୍ଚେଷ୍ଟସ୍ସମରେଚଂଡଵିକ୍ରମଃ ।
ଅତ୍ୟୁନ୍ନତମହୋତ୍ସାହଃପତିତୋଽୟମଶଂକିତଃ ॥ 15 ॥
ନୈଵଂଵିନଷ୍ଟାଃଶୋଚ୍ୟଂତେକ୍ଷତ୍ରଧର୍ମଵ୍ୟଵସ୍ଥିତାଃ ।
ଵୃଧଦିମାଶଂସମାନାୟେନିପତଂତିରଣାଜିରେ ॥ 16 ॥
ୟେନସେଂଦ୍ରାସ୍ତ୍ରୟୋଲୋକାସ୍ତ୍ରାସିତାୟୁଧିଧୀମତା ।
ତସ୍ମିନ୍କାଲସମାୟୁକ୍ତେ ନ କାଲଃପରିଶୋଚିତୁମ୍ ॥ 17 ॥
ନୈକାଂତଵିଜୟୋୟୁଦ୍ଧେଭୂତପୂର୍ଵଃକଦାଚନ ।
ପରୈରାହନ୍ୟତେଵୀରଃପରାନ୍ଵାହଂତିସଂୟୁଗେ ॥ 18 ॥
ସ ତଦ୍ରାଜ୍ୟଂ ମହତ୍ପ୍ରାପ୍ୟ ରାମଦତ୍ତଂ ଵିଭୀଷଣଃ ।
ପ୍ରକୃତୀଃ ସାଂତ୍ୟୟିତ୍ଵା ଚ ତତୋ ରାମମୁପାଗମତ୍ ॥ 19 ॥
ତଦେଵଂନିଶ୍ଚୟଂଦୃଷ୍ଟଵାତତ୍ତ୍ଵମାସ୍ଥାୟଵିଜ୍ଵରଃ ।
ୟଦିହାନଂତରଂକାର୍ୟଂକଲ୍ପ୍ୟଂତଦନୁଚିଂତୟ ॥ 20 ॥
ମୁକ୍ତଵାକ୍ୟଂଵିକ୍ରାଂତଂରାଜପୁତ୍ରଂଵିଭୀଷଣଃ ।
ଉଵାଚଶୋକସଂତପ୍ତୋଭ୍ରାତୁର୍ହିତମନଂତରମ୍ ॥ 21 ॥
ୟୋଽୟଂଵିମର୍ଦେଷ୍ଵଵିଭଗ୍ନପୂର୍ଵଃସୁରୈସ୍ସମସ୍ଥେରପିଵାସଵେନ ।
ଭଵଂତମାସାଦ୍ୟରଣେଵିଭଗ୍ନୋଵେଲାମିଵାସାଦ୍ୟୟଥାସମୁଦ୍ରଃ ॥ 22 ॥
ଅନେନଦତ୍ତାନିଵନୀପକେଷୁଭୁକ୍ତାଶ୍ଚଭୋଗାନିଭୃତାଶ୍ଚଭୃତ୍ୟାଃ ।
ଧନାନିମିତ୍ରେଷୁସମର୍ପିତାନିଵୈରାଣ୍ୟମିତ୍ରେଷୁନିପାତିତାନି ॥ 23 ॥
ଏଷୋହିତାଗ୍ନିଶ୍ଚଃମହାତପାଶ୍ଚଵେଦାଂତଗଃକର୍ମସୁଚାଗ୍ୟ୍ରଶୂରଃ ।
ଏତସ୍ୟୟତ୍ପ୍ରେତଗତସ୍ୟକୃତ୍ୟଂତତ୍କର୍ତୁମିଚ୍ଛାମିତଵପ୍ରସାଦାତ୍ ॥ 24 ॥
ମରଣାଂତାନିଵୈରାଣିନିର୍ଵୃତ୍ତଂଵଃପ୍ରୟୋଜନମ୍ ।
କ୍ରିୟତାମସ୍ୟସଂସ୍କାରୋମମାପ୍ୟେଷୟଥାତଵ ॥ 25 ॥
ଇତ୍ୟାର୍ଷେ ଶ୍ରୀମଦ୍ରାମାୟଣେ ଵାଲ୍ମୀକୀୟ ଆଦିକାଵ୍ୟେ ୟୁଦ୍ଧକାଂଡେ ଦ୍ଵାଦଶାଧିକଶତତମସ୍ସର୍ଗଃ ॥
