ଶ୍ରୀମଦ୍ଵାଲ୍ମୀକୀୟ ରାମାୟଣେ ୟୁଦ୍ଧକାଂଡମ୍ ।
ଅଥ ପଂଚଵିଂଶସ୍ସର୍ଗଃ ।
ସବଲେସାଗରଂତୀର୍ଣେରାମେଦଶରଥାତ୍ମଜେ ।
ଅମାତ୍ୟୌରାଵଣଶ୍ରୀମାନବ୍ରଵୀଚ୍ଛୁକସାରଣୌ ॥ 1 ॥
ସମଗ୍ରଂସାଗରଂତୀର୍ଣଂଦୁସ୍ତରଂଵାନରଂବଲମ୍ ।
ଅଭୂତପୂର୍ଵଂରାମେଣସାଗରେସେତୁବଂଧନମ୍ ॥ 2 ॥
ସାଗରେସେତୁବଂଦଂତୁନଶ୍ରଦ୍ଦଧ୍ୟାଂକଥଂଚନ ।
ଅଵଶ୍ୟଂଚାପିସଙ୍ ଖ୍ୟେୟଂତନ୍ମୟାଵାନରଂବଲମ୍ ॥ 3 ॥
ଭଵଂତୌଵାନରଂସୈନ୍ୟଂପ୍ରଵିଶ୍ୟାନୁପଲକ୍ଷିତୌ ।
ପରିମାଣଂଚଵୀର୍ୟଂଚୟେଚମୁଖ୍ୟାଃପ୍ଲଵଂଘମାଃ ॥ 4 ॥
ମଂତ୍ରିଣୋୟେଚରାମସ୍ୟସୁଗ୍ରୀଵସ୍ୟଚସମ୍ମତାଃ ।
ୟେପୂର୍ଵମଭିଵର୍ତଂତେୟେଚଶୂରାଃପ୍ଲଵଂଗମାଃ ॥ 5 ॥
ସଚସେତୁର୍ୟଥାବଦ୍ଧସ୍ସାଗରେସଲିଲାର୍ଣଵେ ।
ନିଵେଶଂଚୟଧାତେଷାଂଵାନରାଣାଂମହାତ୍ମନାମ୍ ॥ 6 ॥
ରାମସ୍ୟଵ୍ୟଵସାୟଂଚଵୀର୍ୟଂପ୍ରହରଣାନିଚ ।
ଲକ୍ଷ୍ମଣସ୍ୟଚଵୀର୍ୟଂତତ୍ତ୍ଵତୋଜ୍ଞାତୁମର୍ହଥଃ ॥ 7 ॥
କଶ୍ଚସେନାପତିସ୍ତେଷାଂଵାନରାଣାଂମହୌଜସାମ୍ ।
ତଚ୍ଚଜ୍ଞାତ୍ଵାୟଥାତତ୍ତ୍ଵଂଶୀଘ୍ରମଗଂତୁମର୍ହଥଃ ॥ 8 ॥
ଇତିପ୍ରତିସମାଦିଷ୍ଟୌରାକ୍ଷସୌଶୁକସାରଣୌ ।
ହରିରୂପଧରୌଵୀରୌପ୍ରଵିଷ୍ଟୌଵାନରଂବଲମ୍ ॥ 9 ॥
ତତସ୍ତଦ୍ଵାନରଂସୈନ୍ୟମଚିଂତ୍ୟଂରୋମହର୍ଷଣମ୍ ।
ସଙ୍ ଖ୍ୟାତୁଂନାଧ୍ୟଗଚ୍ଛେତାଂତଦାତୌଶୁକସାରଣୌ ॥ 10 ॥
ସଂସ୍ଥିତଂପର୍ଵତାଗ୍ରେଷୁନିର୍ଦରେଷୁଗୁହାସୁଚ ।
ସମୁଦ୍ରସ୍ୟଚତୀରେଷୁଵନେଷୂପଵନେଷୁଚ ॥ 11 ॥
ତରମାଣଂଚତୀର୍ଣଂଚତର୍ତୁକାମଂଚସର୍ଵଶଃ ।
ନିଵିଷ୍ଟଂନିଵିଶ୍ଚୈଵଭୀମନାଦଂମହାବଲମ୍ ॥ 12 ॥
ତଦ୍ବଲାର୍ଣଵମକ୍ଷୋଭ୍ୟଂଦଦୃଶାତେନିଶାଚରୌ ।
ତୌଦଦର୍ଶମହାତେଜାଃପ୍ରତିଚ୍ଛନ୍ନୌଚଵିଭୀଷଣଃ ।
ଆଚଚକ୍ଷେଽଥରାମାୟଗୃହୀତ୍ଵାଶୁକସାରଣୌ ॥ 13 ॥
ତସ୍ୟୈମୌରାକ୍ଷସେଂଦ୍ରସ୍ୟମଂତ୍ରିଣୌଶୁକସାରଣୌ ।
ଲଂକାୟସ୍ସମନୁପ୍ରାପ୍ତୌଚାରୌପରପୁରଂଜୟଃ ॥ 14 ॥
ତୌଦୃଷ୍ଟଵାଵ୍ୟଥିତୌରାମଂନିରାଶୌଜୀଵିତେତଥା ।
କୃତାଂଜଲିପୁଟୌଭୀତୌଵଚନଂଚେଦମୂଚତୁଃ ॥ 15 ॥
ଆଵାମିହାଗତୌସୌମ୍ୟ ରାଵଣପ୍ରହିତାଵୁଭୌ ।
ପରିଜ୍ଞାତୁଂବଲଂସର୍ଵଂତଵେଦଂରଘୁନଂଦନଃ ॥ 16 ॥
ତୟୋସ୍ତଦ୍ଵଚନଂଶ୍ରୁତ୍ଵାରାମୋଦଶରଥାତ୍ମଜଃ ।
ଅବ୍ରଵୀତ୍ପ୍ରହସନ୍ଵାକ୍ୟଂସର୍ଵଭୂତହିତେରତଃ ॥ 17 ॥
ୟଦିଦୃଷ୍ଟଂବଲଂସର୍ଵଂଵୟଂଵାସୁପରିକ୍ଷିତାଃ ।
ୟଥୋକ୍ତଂଵାକୃତଂକାର୍ୟଛଂଦତଃପ୍ରତିଗମ୍ୟତାମ୍ ॥ 18 ॥
ଅଥକିଂଚିଦଦୃଷ୍ଟଂଵାଭୂୟସ୍ତଦ୍ଦ୍ରଷ୍ଟୁମର୍ହଥଃ ।
ଵିଭୀଷଣୋଵାକାତ୍ସ୍ନର୍ୟେନଭୂୟସ୍ସଂଦର୍ଶୟିଷ୍ୟତି ॥ 19 ॥
ନଚେଦଂଗ୍ରହଣଂପ୍ରାପ୍ୟଭେତ୍ତଵ୍ୟଂଜୀଵିତଂପ୍ରତି ।
ନ୍ୟସ୍ତଶସ୍ତ୍ରୌଗୃହତୌଵାନଦୂତୌଵଧମର୍ହତଃ ॥ 20 ॥
ପ୍ରଚ୍ଛମାନୌଵିମୁଂଚୈତୌଚାରୌରାତ୍ରିଂଚରାଵୁଭୌ ।
ଶତ୍ରୁପକ୍ଷସ୍ୟସତତଂଵିଭୀଷଣଃ ଵିକର୍ଷିଣୌ ॥ 21 ॥
ପ୍ରଵିଶ୍ୟନଗରୀଂଲଂକାଂଭଵଦ୍ ଭ୍ୟାଂଧନଦାନୁଜଃ ।
ଵକ୍ତଵ୍ୟୋରକ୍ଷସାଂରାଜାୟଥୋକ୍ତଂଵଚନଂମମ ॥ 22 ॥
ୟଦ୍ବଲଂଚସମାଶ୍ରିତ୍ୟସୀତାଂମେହୃତଵାନପି ।
ତଦ୍ଦର୍ଶୟୟଥାକାମଂସସୈନ୍ୟସ୍ସହବାଂଧଵଃ ॥ 23 ॥
ଶ୍ଵଃକାଲ୍ୟେନଗରୀଂଲଂକାଂସପ୍ରାକାରାଂସତୋରଣାମ୍ ।
ରକ୍ଷସଂଚବଲଂପଶ୍ୟଶରୈର୍ଵିଧ୍ଵଂସିତଂମୟା ॥ 24 ॥
କ୍ରୋଧଂଭୀମମହଂମୋକ୍ଷ୍ୟେସସୈନ୍ୟେତ୍ଵୟିରାଵଣଃ ।
ଶ୍ଵଃକାଲ୍ୟେଵଜ୍ରଵାନ୍ଵଜ୍ରଂଦାନଵେଷ୍ଵିଵଵାସଵଃ ॥ 25 ॥
ଇତିପ୍ରତିସମାଦିଷ୍ଟୌରାକ୍ଷସୌଶୁକସାରଣୌ ॥ 26 ॥
ଜୟେତିପ୍ରତିନଂଦ୍ୟୈତୌରାଘଵଂଧର୍ମଵତ୍ସଲମ୍ ।
ଆଗମ୍ୟନଗରୀଂଲଂକାମବ୍ରୂତାଂରାକ୍ଷସାଧିପମ୍ ॥ 27 ॥
ଵିଭୀଷଣଗୃହୀତୌତୁଵଧାର୍ତୌରାକ୍ଷସେଶ୍ଵରଃ ।
ଦୃଷ୍ଟଵାଧର୍ମାତ୍ମନାମୁକ୍ତୌରାମେଣାମିତତେଜସା ॥ 28 ॥
ଏକସ୍ଥାନଗତାୟତ୍ରଚତ୍ଵାରଃପୁରୁଷର୍ଷଭାଃ ।
ଲୋକପାଲସମାଶ୍ଶୂରାଃକୃତାସ୍ତ୍ରାଦୃଢଵିକ୍ରମା ॥ 29 ॥
ରାମୋ ଦାଶରଥିଃ ଶ୍ରୀମାମ୍ଲ୍ ଲକ୍ଷ୍ମଣଃ ଚ ଵିଭୀଷଣଃ ।
ସୁଗ୍ରୀଵଃ ଚ ମହାତେଜା ମହାଇଂଦ୍ର ସମ ଵିକ୍ରମଃ ॥ 30 ॥
ଏତେଶକ୍ତାଃପୁରୀଲଂକାଂସପ୍ରାକାରାଂସତୋରଣାମ୍ ।
ଉତ୍ପାଟ୍ୟସଂକ୍ରମୟିତୁଂସର୍ଵେତିଷ୍ଠଂତୁଵାନରାଃ ॥ 31 ॥
ୟାଦୃଶ୍ୟଂତସ୍ୟରାମସ୍ୟରୂପଂପ୍ରହରଣାନିଚ ।
ଵଧିଷ୍ୟତିପୁରୀଂଲଂକାମେକସ୍ତିଷ୍ଠଂତୁତେତ୍ରୟଃ ॥ 32 ॥
ରାମଲକ୍ଷ୍ମଣଗୁପ୍ତାସାସୁଗ୍ରୀଵେଣଚଵାହିନୀ ।
ବଭୂଵଦୁର୍ଦର୍ଷତରାସର୍ଵୈରପିସୁରାସୁରୈଃ ॥ 33 ॥
ପ୍ରହୃଷ୍ଟରୂପାଧ୍ଵଜିନୀଵନୌକସାମ୍ ।
ମହାତ୍ମନାଂ ସଂପ୍ରତିୟୋଦ୍ଧୁମିଚ୍ଛତାମ୍ ।
ଅଲଂଵିରୋଧେନଶମୋଵିଧୀୟତାଂପ୍ରଦୀୟତାଂଦାଶରଥାୟମୈଦିଲୀ ॥ 34 ॥
ଇତ୍ୟାର୍ଷେ ଶ୍ରୀମଦ୍ରାମାୟଣେ ଵାଲ୍ମୀକୀୟ ଆଦିକାଵ୍ୟେ ୟୁଦ୍ଧକାଂଡେ ପଂଚଵିଂଶସ୍ସର୍ଗଃ ॥
