ശ്രീമദ്വാല്മീകീയ രാമായണേ യുദ്ധകാംഡമ് ।
അഥ പംചവിംശസ്സര്ഗഃ ।
സബലേസാഗരംതീര്ണേരാമേദശരഥാത്മജേ ।
അമാത്യൌരാവണശ്രീമാനബ്രവീച്ഛുകസാരണൌ ॥ 1 ॥
സമഗ്രംസാഗരംതീര്ണംദുസ്തരംവാനരംബലമ് ।
അഭൂതപൂർവംരാമേണസാഗരേസേതുബംധനമ് ॥ 2 ॥
സാഗരേസേതുബംദംതുനശ്രദ്ദധ്യാംകഥംചന ।
അവശ്യംചാപിസങ് ഖ്യേയംതന്മയാവാനരംബലമ് ॥ 3 ॥
ഭവംതൌവാനരംസൈന്യംപ്രവിശ്യാനുപലക്ഷിതൌ ।
പരിമാണംചവീര്യംചയേചമുഖ്യാഃപ്ലവംഘമാഃ ॥ 4 ॥
മംത്രിണോയേചരാമസ്യസുഗ്രീവസ്യചസമ്മതാഃ ।
യേപൂർവമഭിവര്തംതേയേചശൂരാഃപ്ലവംഗമാഃ ॥ 5 ॥
സചസേതുര്യഥാബദ്ധസ്സാഗരേസലിലാര്ണവേ ।
നിവേശംചയധാതേഷാംവാനരാണാംമഹാത്മനാമ് ॥ 6 ॥
രാമസ്യവ്യവസായംചവീര്യംപ്രഹരണാനിച ।
ലക്ഷ്മണസ്യചവീര്യംതത്ത്വതോജ്ഞാതുമര്ഹഥഃ ॥ 7 ॥
കശ്ചസേനാപതിസ്തേഷാംവാനരാണാംമഹൌജസാമ് ।
തച്ചജ്ഞാത്വായഥാതത്ത്വംശീഘ്രമഗംതുമര്ഹഥഃ ॥ 8 ॥
ഇതിപ്രതിസമാദിഷ്ടൌരാക്ഷസൌശുകസാരണൌ ।
ഹരിരൂപധരൌവീരൌപ്രവിഷ്ടൌവാനരംബലമ് ॥ 9 ॥
തതസ്തദ്വാനരംസൈന്യമചിംത്യംരോമഹര്ഷണമ് ।
സങ് ഖ്യാതുംനാധ്യഗച്ഛേതാംതദാതൌശുകസാരണൌ ॥ 10 ॥
സംസ്ഥിതംപർവതാഗ്രേഷുനിര്ദരേഷുഗുഹാസുച ।
സമുദ്രസ്യചതീരേഷുവനേഷൂപവനേഷുച ॥ 11 ॥
തരമാണംചതീര്ണംചതര്തുകാമംചസർവശഃ ।
നിവിഷ്ടംനിവിശ്ചൈവഭീമനാദംമഹാബലമ് ॥ 12 ॥
തദ്ബലാര്ണവമക്ഷോഭ്യംദദൃശാതേനിശാചരൌ ।
തൌദദര്ശമഹാതേജാഃപ്രതിച്ഛന്നൌചവിഭീഷണഃ ।
ആചചക്ഷേഽഥരാമായഗൃഹീത്വാശുകസാരണൌ ॥ 13 ॥
തസ്യൈമൌരാക്ഷസേംദ്രസ്യമംത്രിണൌശുകസാരണൌ ।
ലംകായസ്സമനുപ്രാപ്തൌചാരൌപരപുരംജയഃ ॥ 14 ॥
തൌദൃഷ്ടവാവ്യഥിതൌരാമംനിരാശൌജീവിതേതഥാ ।
കൃതാംജലിപുടൌഭീതൌവചനംചേദമൂചതുഃ ॥ 15 ॥
ആവാമിഹാഗതൌസൌമ്യ രാവണപ്രഹിതാവുഭൌ ।
പരിജ്ഞാതുംബലംസർവംതവേദംരഘുനംദനഃ ॥ 16 ॥
തയോസ്തദ്വചനംശ്രുത്വാരാമോദശരഥാത്മജഃ ।
അബ്രവീത്പ്രഹസന്വാക്യംസർവഭൂതഹിതേരതഃ ॥ 17 ॥
യദിദൃഷ്ടംബലംസർവംവയംവാസുപരിക്ഷിതാഃ ।
യഥോക്തംവാകൃതംകാര്യഛംദതഃപ്രതിഗമ്യതാമ് ॥ 18 ॥
അഥകിംചിദദൃഷ്ടംവാഭൂയസ്തദ്ദ്രഷ്ടുമര്ഹഥഃ ।
വിഭീഷണോവാകാത്സ്നര്യേനഭൂയസ്സംദര്ശയിഷ്യതി ॥ 19 ॥
നചേദംഗ്രഹണംപ്രാപ്യഭേത്തവ്യംജീവിതംപ്രതി ।
ന്യസ്തശസ്ത്രൌഗൃഹതൌവാനദൂതൌവധമര്ഹതഃ ॥ 20 ॥
പ്രച്ഛമാനൌവിമുംചൈതൌചാരൌരാത്രിംചരാവുഭൌ ।
ശത്രുപക്ഷസ്യസതതംവിഭീഷണഃ വികര്ഷിണൌ ॥ 21 ॥
പ്രവിശ്യനഗരീംലംകാംഭവദ് ഭ്യാംധനദാനുജഃ ।
വക്തവ്യോരക്ഷസാംരാജായഥോക്തംവചനംമമ ॥ 22 ॥
യദ്ബലംചസമാശ്രിത്യസീതാംമേഹൃതവാനപി ।
തദ്ദര്ശയയഥാകാമംസസൈന്യസ്സഹബാംധവഃ ॥ 23 ॥
ശ്വഃകാല്യേനഗരീംലംകാംസപ്രാകാരാംസതോരണാമ് ।
രക്ഷസംചബലംപശ്യശരൈർവിധ്വംസിതംമയാ ॥ 24 ॥
ക്രോധംഭീമമഹംമോക്ഷ്യേസസൈന്യേത്വയിരാവണഃ ।
ശ്വഃകാല്യേവജ്രവാന്വജ്രംദാനവേഷ്വിവവാസവഃ ॥ 25 ॥
ഇതിപ്രതിസമാദിഷ്ടൌരാക്ഷസൌശുകസാരണൌ ॥ 26 ॥
ജയേതിപ്രതിനംദ്യൈതൌരാഘവംധര്മവത്സലമ് ।
ആഗമ്യനഗരീംലംകാമബ്രൂതാംരാക്ഷസാധിപമ് ॥ 27 ॥
വിഭീഷണഗൃഹീതൌതുവധാര്തൌരാക്ഷസേശ്വരഃ ।
ദൃഷ്ടവാധര്മാത്മനാമുക്തൌരാമേണാമിതതേജസാ ॥ 28 ॥
ഏകസ്ഥാനഗതായത്രചത്വാരഃപുരുഷര്ഷഭാഃ ।
ലോകപാലസമാശ്ശൂരാഃകൃതാസ്ത്രാദൃഢവിക്രമാ ॥ 29 ॥
രാമോ ദാശരഥിഃ ശ്രീമാമ്ല് ലക്ഷ്മണഃ ച വിഭീഷണഃ ।
സുഗ്രീവഃ ച മഹാതേജാ മഹാഇംദ്ര സമ വിക്രമഃ ॥ 30 ॥
ഏതേശക്താഃപുരീലംകാംസപ്രാകാരാംസതോരണാമ് ।
ഉത്പാട്യസംക്രമയിതുംസർവേതിഷ്ഠംതുവാനരാഃ ॥ 31 ॥
യാദൃശ്യംതസ്യരാമസ്യരൂപംപ്രഹരണാനിച ।
വധിഷ്യതിപുരീംലംകാമേകസ്തിഷ്ഠംതുതേത്രയഃ ॥ 32 ॥
രാമലക്ഷ്മണഗുപ്താസാസുഗ്രീവേണചവാഹിനീ ।
ബഭൂവദുര്ദര്ഷതരാസർവൈരപിസുരാസുരൈഃ ॥ 33 ॥
പ്രഹൃഷ്ടരൂപാധ്വജിനീവനൌകസാമ് ।
മഹാത്മനാം സംപ്രതിയോദ്ധുമിച്ഛതാമ് ।
അലംവിരോധേനശമോവിധീയതാംപ്രദീയതാംദാശരഥായമൈദിലീ ॥ 34 ॥
ഇത്യാര്ഷേ ശ്രീമദ്രാമായണേ വാല്മീകീയ ആദികാവ്യേ യുദ്ധകാംഡേ പംചവിംശസ്സര്ഗഃ ॥
