śrīmadvālmīkīya rāmāyaṇē yuddhakāṇḍam ।
atha pañchaviṃśassargaḥ ।
sabalēsāgarantīrṇērāmēdaśarathātmajē ।
amātyaurāvaṇaśrīmānabravīchChukasāraṇau ॥ 1 ॥
samagraṃsāgarantīrṇandustaraṃvānarambalam ।
abhūtapūrvaṃrāmēṇasāgarēsētubandhanam ॥ 2 ॥
sāgarēsētubandantunaśraddadhyāṅkathañchana ।
avaśyañchāpisaṅ khyēyantanmayāvānarambalam ॥ 3 ॥
bhavantauvānaraṃsainyampraviśyānupalakṣitau ।
parimāṇañchavīryañchayēchamukhyāḥplavaṅghamāḥ ॥ 4 ॥
mantriṇōyēcharāmasyasugrīvasyachasammatāḥ ।
yēpūrvamabhivartantēyēchaśūrāḥplavaṅgamāḥ ॥ 5 ॥
sachasēturyathābaddhassāgarēsalilārṇavē ।
nivēśañchayadhātēṣāṃvānarāṇāmmahātmanām ॥ 6 ॥
rāmasyavyavasāyañchavīryampraharaṇānicha ।
lakṣmaṇasyachavīryantattvatōjñātumarhathaḥ ॥ 7 ॥
kaśchasēnāpatistēṣāṃvānarāṇāmmahaujasām ।
tachchajñātvāyathātattvaṃśīghramagantumarhathaḥ ॥ 8 ॥
itipratisamādiṣṭaurākṣasauśukasāraṇau ।
harirūpadharauvīraupraviṣṭauvānarambalam ॥ 9 ॥
tatastadvānaraṃsainyamachintyaṃrōmaharṣaṇam ।
saṅ khyātunnādhyagachChētāntadātauśukasāraṇau ॥ 10 ॥
saṃsthitamparvatāgrēṣunirdarēṣuguhāsucha ।
samudrasyachatīrēṣuvanēṣūpavanēṣucha ॥ 11 ॥
taramāṇañchatīrṇañchatartukāmañchasarvaśaḥ ।
niviṣṭanniviśchaivabhīmanādammahābalam ॥ 12 ॥
tadbalārṇavamakṣōbhyandadṛśātēniśācharau ।
taudadarśamahātējāḥpratichChannauchavibhīṣaṇaḥ ।
āchachakṣē'tharāmāyagṛhītvāśukasāraṇau ॥ 13 ॥
tasyaimaurākṣasēndrasyamantriṇauśukasāraṇau ।
laṅkāyassamanuprāptauchārauparapurañjayaḥ ॥ 14 ॥
taudṛṣṭavāvyathitaurāmannirāśaujīvitētathā ।
kṛtāñjalipuṭaubhītauvachanañchēdamūchatuḥ ॥ 15 ॥
āvāmihāgatausaumya rāvaṇaprahitāvubhau ।
parijñātumbalaṃsarvantavēdaṃraghunandanaḥ ॥ 16 ॥
tayōstadvachanaṃśrutvārāmōdaśarathātmajaḥ ।
abravītprahasanvākyaṃsarvabhūtahitērataḥ ॥ 17 ॥
yadidṛṣṭambalaṃsarvaṃvayaṃvāsuparikṣitāḥ ।
yathōktaṃvākṛtaṅkāryaChandataḥpratigamyatām ॥ 18 ॥
athakiñchidadṛṣṭaṃvābhūyastaddraṣṭumarhathaḥ ।
vibhīṣaṇōvākātsnaryēnabhūyassandarśayiṣyati ॥ 19 ॥
nachēdaṅgrahaṇamprāpyabhēttavyañjīvitamprati ।
nyastaśastraugṛhatauvānadūtauvadhamarhataḥ ॥ 20 ॥
prachChamānauvimuñchaitauchāraurātriñcharāvubhau ।
śatrupakṣasyasatataṃvibhīṣaṇaḥ vikarṣiṇau ॥ 21 ॥
praviśyanagarīṃlaṅkāmbhavad bhyāndhanadānujaḥ ।
vaktavyōrakṣasāṃrājāyathōktaṃvachanammama ॥ 22 ॥
yadbalañchasamāśrityasītāmmēhṛtavānapi ।
taddarśayayathākāmaṃsasainyassahabāndhavaḥ ॥ 23 ॥
śvaḥkālyēnagarīṃlaṅkāṃsaprākārāṃsatōraṇām ।
rakṣasañchabalampaśyaśarairvidhvaṃsitammayā ॥ 24 ॥
krōdhambhīmamahammōkṣyēsasainyētvayirāvaṇaḥ ।
śvaḥkālyēvajravānvajrandānavēṣvivavāsavaḥ ॥ 25 ॥
itipratisamādiṣṭaurākṣasauśukasāraṇau ॥ 26 ॥
jayētipratinandyaitaurāghavandharmavatsalam ।
āgamyanagarīṃlaṅkāmabrūtāṃrākṣasādhipam ॥ 27 ॥
vibhīṣaṇagṛhītautuvadhārtaurākṣasēśvaraḥ ।
dṛṣṭavādharmātmanāmuktaurāmēṇāmitatējasā ॥ 28 ॥
ēkasthānagatāyatrachatvāraḥpuruṣarṣabhāḥ ।
lōkapālasamāśśūrāḥkṛtāstrādṛḍhavikramā ॥ 29 ॥
rāmō dāśarathiḥ śrīmāml lakṣmaṇaḥ cha vibhīṣaṇaḥ ।
sugrīvaḥ cha mahātējā mahāindra sama vikramaḥ ॥ 30 ॥
ētēśaktāḥpurīlaṅkāṃsaprākārāṃsatōraṇām ।
utpāṭyasaṅkramayituṃsarvētiṣṭhantuvānarāḥ ॥ 31 ॥
yādṛśyantasyarāmasyarūpampraharaṇānicha ।
vadhiṣyatipurīṃlaṅkāmēkastiṣṭhantutētrayaḥ ॥ 32 ॥
rāmalakṣmaṇaguptāsāsugrīvēṇachavāhinī ।
babhūvadurdarṣatarāsarvairapisurāsuraiḥ ॥ 33 ॥
prahṛṣṭarūpādhvajinīvanaukasām ।
mahātmanāṃ sampratiyōddhumichChatām ।
alaṃvirōdhēnaśamōvidhīyatāmpradīyatāndāśarathāyamaidilī ॥ 34 ॥
ityārṣē śrīmadrāmāyaṇē vālmīkīya ādikāvyē yuddhakāṇḍē pañchaviṃśassargaḥ ॥
