ශ්රීමද්වාල්මීකීය රාමායණේ බාලකාංඩම් ।
අථ ෂෝඩශස්සර්ගඃ ।
තතෝ නාරායණෝ දේවෝ නියුක්තස්සුරසත්තමෛඃ ।
ජානන්නපි සුරානේවං ශ්ලක්ෂ්ණං වචනමබ්රවීත් ॥ 1 ॥
උපායඃ කෝ වධේ තස්ය රාවණස්ය දුරාත්මනඃ ।
යමහං තං සමාස්ථාය නිහන්යාමෘෂිකංටකම් ॥ 2 ॥
ඒවමුක්තාස්සුරාස්සර්වේ ප්රත්යූචුර්විෂ්ණුමව්යයම් ।
මානුෂීං තනුමාස්ථාය රාවණං ජහි සංයුගේ ॥ 3 ॥
ස හි තේපේ තපස්තීව්රං දීර්ඝකාලමරිංදම ।
යේන තුෂ්ටෝऽභවද්බ්රහ්මා ලෝකකෘල්ලෝකපූර්වජඃ ॥ 4 ॥
සංතුෂ්ටඃ ප්රදදෞ තස්මෛ රාක්ෂසාය වරං ප්රභුඃ ।
04 නානාවිධේභ්යෝ භූතේභ්යෝ භයං නාන්යත්ර මානුෂාත් ॥ 5 ॥
අවජ්ඤාතාඃ පුරා තේන වරදානේ හි මානවාඃ ।
105 ඒවං පිතාමහාත්තස්මාද්වරං ප්රාප්ය ස දර්පිතඃ ॥ 6 ॥
උත්සාදයති ලෝකාංත්රීන් ස්ත්රියශ්චාප්යපකර්ෂති ।
තස්මාත්තස්ය වධෝ දෘෂ්ටෝ මානුෂේභ්යඃ පරංතප ॥ 7 ॥
ඉත්යේතද්වචනං ශ්රුත්වා සුරාණාං විෂ්ණුරාත්මවාන් ।
පිතරං රෝචයාමාස තදා දශරථං නෘපම් ॥ 8 ॥
ස චාප්යපුත්රෝ නෘපතිස්තස්මින්කාලේ මහාද්යුතිඃ ।
අයජත්පුත්රියාමිෂ්ටිං පුත්රේප්සුරරිසූදනඃ ॥ 9 ॥
ස කෘත්වා නිශ්චයං විෂ්ණුරාමංත්ර්ය ච පිතාමහම් ।
අංතර්ධානං ගතෝ දේවෛඃ පූජ්යමානෝ මහර්ෂිභිඃ ॥ 10 ॥
තෝ වෛ යජමානස්ය පාවකාදතුලප්රභම් ।
ප්රාදුර්භූතං මහද්භූතං මහාවීර්යං මහාබලම් ॥ 11 ॥
කෘෂ්ණං රක්තාංබරධරං රක්තාස්යං දුංදුභිස්වනම් ।
ස්නිග්ධහර්යක්ෂතනුජශ්මශ්රුප්රවරමූර්ධජම් ॥ 12 ॥
ශුභලක්ෂණසංපන්නං දිව්යාභරණභූෂිතම් ।
ශෛලශෘංගසමුත්සේථං දෘප්තශාර්දූලවික්රමම් ॥ 13 ॥
දිවාකරසමාකාරං දීප්තානලශිඛෝපමම් ।
තප්තජාංබූනදමයීං රාජතාංතපරිච්ඡදාම් ॥ 14 ॥
දිව්යපායසසංපූර්ණාං පාත්රීං පත්නීමිව ප්රියාම් ।
ප්රගෘහ්ය විපුලාං දෝර්භ්යාං ස්වයං මායාමයීමිව ॥ 15 ॥
සමවේක්ෂ්යාබ්රවීද්වාක්යමිදං දශරථං නෘපම් ।
ප්රාජාපත්යං නරං විද්ධි මාමිහාභ්යාගතං නෘප ॥ 16 ॥
තතඃ පරං තදා රාජා ප්රත්යුවාච කෘතාංජලිඃ ।
භගවන් ස්වාගතං තේऽස්තු කිමහං කරවාණි තේ ॥ 17 ॥
අථෝ පුනරිදං වාක්යං ප්රාජාපත්යෝ නරෝऽබ්රවීත් ।
රාජන්නර්චයතා දේවානද්ය ප්රාප්තමිදං ත්වයා ॥ 18 ॥
ඉදං තු නෘපශාර්දූල පායසං දේවනිර්මිතම් ।
ප්රජාකරං ගෘහාණ ත්වං ධන්යමාරෝග්යවර්ධනම් ॥ 19 ॥
භාර්යාණාමනුරූපාණාමශ්නීතේති ප්රයච්ඡ වෛ ।
තාසු ත්වං ප්රාප්ස්යසේ පුත්රාන්යදර්ථං යජසේ නෘප ॥ 20 ॥
තථේති නෘපතිඃ ප්රීතශ්ශිරසා ප්රතිගෘහ්යතාම් ।
පාත්රීං දේවාන්නසංපූර්ණාං දේවදත්තාං හිරණ්මයීම් ॥ 21 ॥
අභිවාද්ය ච තද්භූතමද්භුතං ප්රියදර්ශනම් ।
මුදා පරමයා යුක්තශ්චකාරාභිප්රදක්ෂිණම් ॥ 22 ॥
තතෝ දශරථඃ ප්රාප්ය පායසං දේවනිර්මිතම් ।
බභූව පරමප්රීතඃ ප්රාප්ය විත්තමිවාධනඃ ॥ 23 ॥
තතස්තදද්භුතප්රඛ්යං භූතං පරමභාස්වරම් ।
සංවර්තයිත්වා තත්කර්ම තත්රෛවාංතරධීයත ॥ 24 ॥
හර්ෂරශ්මිභිරුද්යෝතං තස්යාංතඃපුරමාබභෞ ।
ශාරදස්යාභිරාමස්ය චංද්රස්යේව නභෝංऽශුභිඃ ॥ 25 ॥
සෝऽංතඃපුරං ප්රවිශ්යෛව කෞසල්යාමිදමබ්රවීත් ।
පායසං ප්රතිගෘහ්ණීෂ්ව පුත්රීයං ත්විදමාත්මනඃ ॥ 26 ॥
කෞසල්යායෛ නරපතිඃ පායසාර්ධං දදෞ තදා ।
අර්ධාදර්ධං දදෞ චාපි සුමිත්රායෛ නරාධිපඃ ॥ 27 ॥
කෛකේය්යෛ චාවශිෂ්ටාර්ධං දදෞ පුත්රාර්ථකාරණාත් ।
ප්රදදෞ චාවශිෂ්ටාර්ධං පායසස්යාමෘතෝපමම් ॥ 28 ॥
අනුචිංත්ය සුමිත්රායෛ පුනරේව මහීපතිඃ ।
ඒවං තාසාං දදෞ රාජා භාර්යාණාං පායසං පෘථක් ॥ 29 ॥
තාස්ත්වේතත්පායසං ප්රාප්ය නරේංද්රස්යෝත්තමාස්ස්ත්රයඃ ।
සම්මානං මේනිරේ සර්වාංඃ ප්රහර්ෂෝදිතචේතසඃ ॥ 30 ॥
තතස්තු තාඃ ප්රාශ්ය තදුත්තමාස්ත්රියෝ මහීපතේරුත්තමපායසං පෘථක් ।
හුතාශනාදිත්යසමානතේජසෝ ऽචිරේණ ගර්භාන්ප්රතිපේදිරේ තදා ॥ 31 ॥
තතස්තු රාජා ප්රසමීක්ෂ්ය තාඃ ස්ත්රියඃ ප්රරූඪගර්භාඃ ප්රතිලබ්ධමානසඃ ।
බභූව හෘෂ්ටස්ත්රිදිවේ යථා හරිඃ සුරේංද්රසිද්ධර්ෂිගණාභිපූජිතඃ ॥ 32 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ බාලකාංඩේ ෂෝඩශස්සර්ගඃ ॥
