শ্রীমদ্বাল্মীকীয় রামাযণে বালকাংডম্ ।
অথ ষোডশস্সর্গঃ ।
ততো নারাযণো দেবো নিয়ুক্তস্সুরসত্তমৈঃ ।
জানন্নপি সুরানেবং শ্লক্ষ্ণং বচনমব্রবীত্ ॥ 1 ॥
উপায়ঃ কো বধে তস্য় রাবণস্য় দুরাত্মনঃ ।
যমহং তং সমাস্থায় নিহন্য়ামৃষিকংটকম্ ॥ 2 ॥
এবমুক্তাস্সুরাস্সর্বে প্রত্য়ূচুর্বিষ্ণুমব্যযম্ ।
মানুষীং তনুমাস্থায় রাবণং জহি সংয়ুগে ॥ 3 ॥
স হি তেপে তপস্তীব্রং দীর্ঘকালমরিংদম ।
যেন তুষ্টোঽভবদ্ব্রহ্মা লোককৃল্লোকপূর্বজঃ ॥ 4 ॥
সংতুষ্টঃ প্রদদৌ তস্মৈ রাক্ষসায় বরং প্রভুঃ ।
04 নানাবিধেভ্য়ো ভূতেভ্য়ো ভয়ং নান্যত্র মানুষাত্ ॥ 5 ॥
অবজ্ঞাতাঃ পুরা তেন বরদানে হি মানবাঃ ।
105 এবং পিতামহাত্তস্মাদ্বরং প্রাপ্য় স দর্পিতঃ ॥ 6 ॥
উত্সাদযতি লোকাংত্রীন্ স্ত্রিযশ্চাপ্যপকর্ষতি ।
তস্মাত্তস্য় বধো দৃষ্টো মানুষেভ্য়ঃ পরংতপ ॥ 7 ॥
ইত্য়েতদ্বচনং শ্রুত্বা সুরাণাং বিষ্ণুরাত্মবান্ ।
পিতরং রোচয়ামাস তদা দশরথং নৃপম্ ॥ 8 ॥
স চাপ্যপুত্রো নৃপতিস্তস্মিন্কালে মহাদ্য়ুতিঃ ।
অযজত্পুত্রিয়ামিষ্টিং পুত্রেপ্সুররিসূদনঃ ॥ 9 ॥
স কৃত্বা নিশ্চয়ং বিষ্ণুরামংত্র্য় চ পিতামহম্ ।
অংতর্ধানং গতো দেবৈঃ পূজ্যমানো মহর্ষিভিঃ ॥ 10 ॥
তো বৈ যজমানস্য় পাবকাদতুলপ্রভম্ ।
প্রাদুর্ভূতং মহদ্ভূতং মহাবীর্য়ং মহাবলম্ ॥ 11 ॥
কৃষ্ণং রক্তাংবরধরং রক্তাস্য়ং দুংদুভিস্বনম্ ।
স্নিগ্ধহর্যক্ষতনুজশ্মশ্রুপ্রবরমূর্ধজম্ ॥ 12 ॥
শুভলক্ষণসংপন্নং দিব্য়াভরণভূষিতম্ ।
শৈলশৃংগসমুত্সেথং দৃপ্তশার্দূলবিক্রমম্ ॥ 13 ॥
দিবাকরসমাকারং দীপ্তানলশিখোপমম্ ।
তপ্তজাংবূনদময়ীং রাজতাংতপরিচ্ছদাম্ ॥ 14 ॥
দিব্যপাযসসংপূর্ণাং পাত্রীং পত্নীমিব প্রিয়াম্ ।
প্রগৃহ্য় বিপুলাং দোর্ভ্য়াং স্বয়ং মায়াময়ীমিব ॥ 15 ॥
সমবেক্ষ্য়াব্রবীদ্বাক্যমিদং দশরথং নৃপম্ ।
প্রাজাপত্য়ং নরং বিদ্ধি মামিহাভ্য়াগতং নৃপ ॥ 16 ॥
ততঃ পরং তদা রাজা প্রত্য়ুবাচ কৃতাংজলিঃ ।
ভগবন্ স্বাগতং তেঽস্তু কিমহং করবাণি তে ॥ 17 ॥
অথো পুনরিদং বাক্য়ং প্রাজাপত্য়ো নরোঽব্রবীত্ ।
রাজন্নর্চযতা দেবানদ্য় প্রাপ্তমিদং ত্বয়া ॥ 18 ॥
ইদং তু নৃপশার্দূল পাযসং দেবনির্মিতম্ ।
প্রজাকরং গৃহাণ ত্বং ধন্যমারোগ্যবর্ধনম্ ॥ 19 ॥
ভার্য়াণামনুরূপাণামশ্নীতেতি প্রযচ্ছ বৈ ।
তাসু ত্বং প্রাপ্স্যসে পুত্রান্যদর্থং যজসে নৃপ ॥ 20 ॥
তথেতি নৃপতিঃ প্রীতশ্শিরসা প্রতিগৃহ্যতাম্ ।
পাত্রীং দেবান্নসংপূর্ণাং দেবদত্তাং হিরণ্ময়ীম্ ॥ 21 ॥
অভিবাদ্য় চ তদ্ভূতমদ্ভুতং প্রিযদর্শনম্ ।
মুদা পরময়া যুক্তশ্চকারাভিপ্রদক্ষিণম্ ॥ 22 ॥
ততো দশরথঃ প্রাপ্য় পাযসং দেবনির্মিতম্ ।
বভূব পরমপ্রীতঃ প্রাপ্য় বিত্তমিবাধনঃ ॥ 23 ॥
ততস্তদদ্ভুতপ্রখ্য়ং ভূতং পরমভাস্বরম্ ।
সংবর্তয়িত্বা তত্কর্ম তত্রৈবাংতরধীযত ॥ 24 ॥
হর্ষরশ্মিভিরুদ্য়োতং তস্য়াংতঃপুরমাবভৌ ।
শারদস্য়াভিরামস্য় চংদ্রস্য়েব নভোংঽশুভিঃ ॥ 25 ॥
সোঽংতঃপুরং প্রবিশ্য়ৈব কৌসল্য়ামিদমব্রবীত্ ।
পাযসং প্রতিগৃহ্ণীষ্ব পুত্রীয়ং ত্বিদমাত্মনঃ ॥ 26 ॥
কৌসল্য়ায়ৈ নরপতিঃ পাযসার্ধং দদৌ তদা ।
অর্ধাদর্ধং দদৌ চাপি সুমিত্রায়ৈ নরাধিপঃ ॥ 27 ॥
কৈকেয়্য়ৈ চাবশিষ্টার্ধং দদৌ পুত্রার্থকারণাত্ ।
প্রদদৌ চাবশিষ্টার্ধং পাযসস্য়ামৃতোপমম্ ॥ 28 ॥
অনুচিংত্য় সুমিত্রায়ৈ পুনরেব মহীপতিঃ ।
এবং তাসাং দদৌ রাজা ভার্য়াণাং পাযসং পৃথক্ ॥ 29 ॥
তাস্ত্বেতত্পাযসং প্রাপ্য় নরেংদ্রস্য়োত্তমাস্স্ত্রয়ঃ ।
সম্মানং মেনিরে সর্বাংঃ প্রহর্ষোদিতচেতসঃ ॥ 30 ॥
ততস্তু তাঃ প্রাশ্য় তদুত্তমাস্ত্রিয়ো মহীপতেরুত্তমপাযসং পৃথক্ ।
হুতাশনাদিত্যসমানতেজসো ঽচিরেণ গর্ভান্প্রতিপেদিরে তদা ॥ 31 ॥
ততস্তু রাজা প্রসমীক্ষ্য় তাঃ স্ত্রিয়ঃ প্ররূঢগর্ভাঃ প্রতিলব্ধমানসঃ ।
বভূব হৃষ্টস্ত্রিদিবে যথা হরিঃ সুরেংদ্রসিদ্ধর্ষিগণাভিপূজিতঃ ॥ 32 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে বালকাংডে ষোডশস্সর্গঃ ॥
