শ্রীমদ্বাল্মীকীয় রামাযণে অরণ্যকাংডম্ ।
অথ নবমস্সর্গঃ ।
সুতীক্ষ্ণেনাভ্যনুজ্ঞাতং প্রস্থিতং রঘুনংদনম্ ।
হৃদ্যয়া স্নিগ্ধয়া বাচা ভর্তারমিদমব্রবীত্ ॥ 1 ॥
অয়ং ধর্মস্সুসূক্ষ্মেণ বিধিনা প্রাপ্যতে মহান্ ।
নিবৃত্তেন তু শক্য়োঽয়ং ব্যসনাত্কামজাদিহ ॥ 2 ॥
ত্রীণ্য়েব ব্যসনান্যত্র কামজানি ভবংত্য়ুত ।
মিথ্য়াবাক্য়ং পরমকং তস্মাদ্গুরুতরাবুভৌ ॥ 3 ॥
পরদারাভিগমনং বিনা বৈরং চ রৌদ্রতা ।
মিথ্য়াবাক্য়ং ন তে ভূতং ন ভবিষ্যতি রাঘব ॥ 4 ॥
কুতোঽভিলাষণং স্ত্রীণাং পরেষাং ধর্মনাশনম্ ।
তব নাস্তি মনুষ্য়েংদ্র ন চাভূত্তে কদাচন ॥ 5 ॥
মনস্যপি তথা রাম ন চৈতদ্বিদ্যতে ক্বচিত্ ।
স্বদারনিরতস্ত্বং চ নিত্যমেব নৃপাত্মজ ॥ 6 ॥
ধর্মিষ্ঠস্সত্যসংধশ্চ পিতুর্নির্দেশকারকঃ ।
সত্যসংধ মহাভাগ শ্রীমল্লক্ষ্মণপূর্বজ ॥ 7 ॥
ত্বয়ি ধর্মশ্চ সত্য়ং চ ত্বয়ি সর্বং প্রতিষ্ঠিতম্ ।
তচ্চ সর্বং মহাবাহো শক্য়ং ধর্তুং জিতেংদ্রিয়ৈঃ ॥ 8 ॥
তব বশ্য়েংদ্রিযত্বং চ জানামি শুভদর্শন ।
তৃতীয়ং যদিদং রৌদ্রং পরপ্রাণাভিহিংসনম্ ॥ 9 ॥
নির্বৈরং ক্রিযতে মোহাত্তচ্চ তে সমুপস্থিতম্ ।
প্রতিজ্ঞাতস্ত্বয়া বীর দংডকারণ্যবাসিনাম্ ॥ 10 ॥
ঋষীণাং রক্ষণার্থায় বধস্সংযতি রক্ষসাম্ ।
এতন্নিমিত্তং চ বনং দংডকা ইতি বিশ্রুতম্ ॥ 11 ॥
প্রস্থিতস্ত্বং সহ ভ্রাত্রা ধৃতবাণশরাসনঃ ।
ততস্ত্বাং প্রস্থিতং দৃষ্ট্বা মম চিংতাকুলং মনঃ ॥ 12 ॥
ত্বদ্বৃত্তং চিংতয়ংত্য়া বৈ ভবেন্নিশ্শ্রেযসং হিতম্ ।
ত্বাং চৈব প্রস্থিতং দৃষ্ট্বা রাম চিংতাকুলং মনঃ ॥ 13 ॥
সর্বতচশিংতয়্নত্য়া মে তব নিশ্শ্রেযসং নৃপ ।
ন হি মে রোচতে বীর গমনং দংডকান্প্রতি ॥ 14 ॥
কারণং তত্র বক্ষ্য়ামি বদংত্য়াশ্শ্রূযতাং মম ।
ত্বং হি বাণধনুষ্পাণির্ভ্রাত্রা সহ বনং গতঃ ॥ 15 ॥
দৃষ্ট্বা বনচরান্সর্বান্কচ্চিত্কুর্য়াশ্শরব্যযম্ ।
ক্ষত্রিয়াণামপি ধনুর্হুতাশস্য়েংধনানি চ ॥ 16 ॥
সমীপতস্স্থিতং তেজো বলমুচ্ছ্রযতে ভৃশম্ ।
পুরা কিল মহাবাহো তপস্স্বী সত্যবাক্ছুচিঃ ॥ 17 ॥
কস্মিংশ্চিদভবত্পুণ্য়ে বনে রতমৃগদ্বিজে ।
তস্য়ৈব তপসো বিঘ্নং কর্তুমিংদ্রশ্শচীপতিঃ ॥ 18 ॥
খংগপাণিরথাগচ্ছদাশ্রমং ভটরূপধৃত্ ।
তস্মিংস্তদাশ্রমপদে নিশিতঃ খংগ উত্তমঃ ॥ 19 ॥
স ন্য়াসবিধিনা দত্তঃ পুণ্য়ে তপসি তিষ্ঠতঃ ।
স তচ্ছস্ত্রমনুপ্রাপ্য় ন্য়াসরক্ষণতত্পরঃ ॥ 20 ॥
বনে তু বিচরত্য়েব রক্ষন্প্রত্যযমাত্মনঃ ।
যত্র গচ্ছত্য়ুপাদাতুং মূলানি চ ফলানি চ ॥ 21 ॥
ন বিনা যাতি তং খংগং ন্য়াসরক্ষণতত্পরঃ ।
নিত্য়ং শস্ত্রং পরিবহন্ক্রমেণ স তপোধনঃ ॥ 22 ॥
চকার রৌদ্রীং স্বাং বুদ্ধিং ত্যক্ত্বা তপসি নিশ্চযম্ ।
ততস্সরৌদ্রেঽভিরতঃ প্রমত্তোঽধর্মকর্শিতঃ ॥ 23 ॥
তস্য় শস্ত্রস্য় সংবাসাজ্জগাম নরকং মুনিঃ ।
এবমেতত্পুরা বৃত্তং শস্ত্রসংয়োগকারণম্ ॥ 24 ॥
অগ্নিসংয়োগবদ্ধেতুশ্শস্ত্রসংয়োগ উচ্যতে ।
স্নেহাচ্চ বহুমানাচ্চ স্মারয়ে ত্বাং ন শিক্ষয়ে ॥ 25 ॥
ন কথংচন সা কার্য়া গৃহীতধনুষা ত্বয়া ।
বুদ্ধির্বৈরং বিনা হংতুং রাক্ষসাংদংডকাশ্রিতান্ ॥ 26 ॥
অপরাধং বিনা হংতুং লোকান্বীর ন কাময়ে ।
ক্ষত্রিয়াণাং তু বীরাণাং বনেষু নিরতাত্মনাম্ ॥ 27 ॥
ধনুষা কার্যমেতাবদার্তানাং ত্বভিরক্ষণম্ ।
ক্বচ শস্ত্রং ক্ব চ বনং ক্ব চ ক্ষাত্রং তপঃ ক্বচ ॥ 28 ॥
ব্য়াবিদ্ধমিদমস্মাভির্দ্দেশধর্মস্তু পূজ্যতাম্ ।
তদার্য় কলুষা বুদ্ধির্জাযতে শস্ত্রসেবনাত্ ॥ 29 ॥
পুনর্গত্বা ত্বয়োধ্য়ায়াং ক্ষত্রধর্মং চরিষ্যসি ।
অক্ষয়া তু ভবেত্প্রীতিশ্শ্বশ্রূশ্বশুরয়োর্মম ॥ 30 ॥
যদি রাজ্য়ং পরিত্যজ্য় ভবেস্ত্বং নিরতো মুনিঃ ।
ধর্মাদর্থঃ প্রভবতি ধর্মাত্প্রভবতে সুখম্ ॥ 31 ॥
ধর্মেণ লভতে সর্বং ধর্মসারমিদং জগত্ ।
আত্মানং নিযমৈস্তৈস্তৈ কর্শয়িত্বা প্রযত্নতঃ ॥ 32 ॥
প্রাপ্যতে নিপুণৈর্ধর্মো ন সুখাল্লভ্যতে সুখম্ ।
নিত্য়ং শুচিমতিস্সৌম্য় চর ধর্মং তপোবনে ॥ 33 ॥
সর্বং হি বিদিতং তুভ্য়ং ত্রৈলোক্যমপি তত্ত্বতঃ ।
স্ত্রীচাপলাদেতদুদাহৃতং মে ধর্মং চ বক্তুং তব কস্সমর্থঃ ।
বিচার্য় বুদ্ধ্য়া তু সহানুজেন যদ্রোচতে তত্কুরু মা চিরেণ ॥ 34 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অরণ্যকাংডে নবমস্সর্গঃ ॥
