ஶ்ரீமத்³வால்மீகீய ராமாயணே அரண்யகாண்ட³ம் ।
அத² நவமஸ்ஸர்க:³ ।
ஸுதீக்ஷ்ணேனாப்⁴யனுஜ்ஞாதம் ப்ரஸ்தி²தம் ரகு⁴னந்த³னம் ।
ஹ்ருத்³யயா ஸ்னிக்³த⁴யா வாசா ப⁴ர்தாரமித³மப்³ரவீத் ॥ 1 ॥
அயம் த⁴ர்மஸ்ஸுஸூக்ஷ்மேண விதி⁴னா ப்ராப்யதே மஹான் ।
நிவ்ருத்தேன து ஶக்யோயம் வ்யஸனாத்காமஜாதி³ஹ ॥ 2 ॥
த்ரீண்யேவ வ்யஸனான்யத்ர காமஜானி ப⁴வந்த்யுத ।
மித்²யாவாக்யம் பரமகம் தஸ்மாத்³கு³ருதராவுபௌ⁴ ॥ 3 ॥
பரதா³ராபி⁴க³மனம் வினா வைரம் ச ரௌத்³ரதா ।
மித்²யாவாக்யம் ந தே பூ⁴தம் ந ப⁴விஷ்யதி ராக⁴வ ॥ 4 ॥
குதோபி⁴லாஷணம் ஸ்த்ரீணாம் பரேஷாம் த⁴ர்மனாஶனம் ।
தவ நாஸ்தி மனுஷ்யேந்த்³ர ந சாபூ⁴த்தே கதா³சன ॥ 5 ॥
மனஸ்யபி ததா² ராம ந சைதத்³வித்³யதே க்வசித் ।
ஸ்வதா³ரனிரதஸ்த்வம் ச நித்யமேவ ந்ருபாத்மஜ ॥ 6 ॥
த⁴ர்மிஷ்ட²ஸ்ஸத்யஸந்த⁴ஶ்ச பிதுர்னிர்தே³ஶகாரக: ।
ஸத்யஸந்த⁴ மஹாபா⁴க³ ஶ்ரீமல்லக்ஷ்மணபூர்வஜ ॥ 7 ॥
த்வயி த⁴ர்மஶ்ச ஸத்யம் ச த்வயி ஸர்வம் ப்ரதிஷ்டி²தம் ।
தச்ச ஸர்வம் மஹாபா³ஹோ ஶக்யம் த⁴ர்தும் ஜிதேந்த்³ரியை: ॥ 8 ॥
தவ வஶ்யேந்த்³ரியத்வம் ச ஜானாமி ஶுப⁴த³ர்ஶன ।
த்ருதீயம் யதி³த³ம் ரௌத்³ரம் பரப்ராணாபி⁴ஹிம்ஸனம் ॥ 9 ॥
நிர்வைரம் க்ரியதே மோஹாத்தச்ச தே ஸமுபஸ்தி²தம் ।
ப்ரதிஜ்ஞாதஸ்த்வயா வீர த³ண்ட³காரண்யவாஸினாம் ॥ 1௦ ॥
ருஷீணாம் ரக்ஷணார்தா²ய வத⁴ஸ்ஸம்யதி ரக்ஷஸாம் ।
ஏதன்னிமித்தம் ச வனம் த³ண்ட³கா இதி விஶ்ருதம் ॥ 11 ॥
ப்ரஸ்தி²தஸ்த்வம் ஸஹ ப்⁴ராத்ரா த்⁴ருதபா³ணஶராஸன: ।
ததஸ்த்வாம் ப்ரஸ்தி²தம் த்³ருஷ்ட்வா மம சிந்தாகுலம் மன: ॥ 12 ॥
த்வத்³வ்ருத்தம் சிந்தயந்த்யா வை ப⁴வேன்னிஶ்ஶ்ரேயஸம் ஹிதம் ।
த்வாம் சைவ ப்ரஸ்தி²தம் த்³ருஷ்ட்வா ராம சிந்தாகுலம் மன: ॥ 13 ॥
ஸர்வதசஶிந்தய்னத்யா மே தவ நிஶ்ஶ்ரேயஸம் ந்ருப ।
ந ஹி மே ரோசதே வீர க³மனம் த³ண்ட³கான்ப்ரதி ॥ 14 ॥
காரணம் தத்ர வக்ஷ்யாமி வத³ந்த்யாஶ்ஶ்ரூயதாம் மம ।
த்வம் ஹி பா³ணத⁴னுஷ்பாணிர்ப்⁴ராத்ரா ஸஹ வனம் க³த: ॥ 15 ॥
த்³ருஷ்ட்வா வனசரான்ஸர்வான்கச்சித்குர்யாஶ்ஶரவ்யயம் ।
க்ஷத்ரியாணாமபி த⁴னுர்ஹுதாஶஸ்யேந்த⁴னானி ச ॥ 16 ॥
ஸமீபதஸ்ஸ்தி²தம் தேஜோ ப³லமுச்ச்²ரயதே ப்⁴ருஶம் ।
புரா கில மஹாபா³ஹோ தபஸ்ஸ்வீ ஸத்யவாக்சு²சி: ॥ 17 ॥
கஸ்மிம்ஶ்சித³ப⁴வத்புண்யே வனே ரதம்ருக³த்³விஜே ।
தஸ்யைவ தபஸோ விக்⁴னம் கர்துமிந்த்³ரஶ்ஶசீபதி: ॥ 18 ॥
க²ங்க³பாணிரதா²க³ச்ச²தா³ஶ்ரமம் ப⁴டரூபத்⁴ருத் ।
தஸ்மிம்ஸ்ததா³ஶ்ரமபதே³ நிஶித: க²ங்க³ உத்தம: ॥ 19 ॥
ஸ ந்யாஸவிதி⁴னா த³த்த: புண்யே தபஸி திஷ்ட²த: ।
ஸ தச்ச²ஸ்த்ரமனுப்ராப்ய ந்யாஸரக்ஷணதத்பர: ॥ 2௦ ॥
வனே து விசரத்யேவ ரக்ஷன்ப்ரத்யயமாத்மன: ।
யத்ர க³ச்ச²த்யுபாதா³தும் மூலானி ச ப²லானி ச ॥ 21 ॥
ந வினா யாதி தம் க²ங்க³ம் ந்யாஸரக்ஷணதத்பர: ।
நித்யம் ஶஸ்த்ரம் பரிவஹன்க்ரமேண ஸ தபோத⁴ன: ॥ 22 ॥
சகார ரௌத்³ரீம் ஸ்வாம் பு³த்³தி⁴ம் த்யக்த்வா தபஸி நிஶ்சயம் ।
ததஸ்ஸரௌத்³ரேபி⁴ரத: ப்ரமத்தோத⁴ர்மகர்ஶித: ॥ 23 ॥
தஸ்ய ஶஸ்த்ரஸ்ய ஸம்வாஸாஜ்ஜகா³ம நரகம் முனி: ।
ஏவமேதத்புரா வ்ருத்தம் ஶஸ்த்ரஸம்யோக³காரணம் ॥ 24 ॥
அக்³னிஸம்யோக³வத்³தே⁴துஶ்ஶஸ்த்ரஸம்யோக³ உச்யதே ।
ஸ்னேஹாச்ச ப³ஹுமானாச்ச ஸ்மாரயே த்வாம் ந ஶிக்ஷயே ॥ 25 ॥
ந கத²ஞ்சன ஸா கார்யா க்³ருஹீதத⁴னுஷா த்வயா ।
பு³த்³தி⁴ர்வைரம் வினா ஹந்தும் ராக்ஷஸாந்த³ண்ட³காஶ்ரிதான் ॥ 26 ॥
அபராத⁴ம் வினா ஹந்தும் லோகான்வீர ந காமயே ।
க்ஷத்ரியாணாம் து வீராணாம் வனேஷு நிரதாத்மனாம் ॥ 27 ॥
த⁴னுஷா கார்யமேதாவதா³ர்தானாம் த்வபி⁴ரக்ஷணம் ।
க்வச ஶஸ்த்ரம் க்வ ச வனம் க்வ ச க்ஷாத்ரம் தப: க்வச ॥ 28 ॥
வ்யாவித்³த⁴மித³மஸ்மாபி⁴ர்த்³தே³ஶத⁴ர்மஸ்து பூஜ்யதாம் ।
ததா³ர்ய கலுஷா பு³த்³தி⁴ர்ஜாயதே ஶஸ்த்ரஸேவனாத் ॥ 29 ॥
புனர்க³த்வா த்வயோத்⁴யாயாம் க்ஷத்ரத⁴ர்மம் சரிஷ்யஸி ।
அக்ஷயா து ப⁴வேத்ப்ரீதிஶ்ஶ்வஶ்ரூஶ்வஶுரயோர்மம ॥ 3௦ ॥
யதி³ ராஜ்யம் பரித்யஜ்ய ப⁴வேஸ்த்வம் நிரதோ முனி: ।
த⁴ர்மாத³ர்த:² ப்ரப⁴வதி த⁴ர்மாத்ப்ரப⁴வதே ஸுக²ம் ॥ 31 ॥
த⁴ர்மேண லப⁴தே ஸர்வம் த⁴ர்மஸாரமித³ம் ஜக³த் ।
ஆத்மானம் நியமைஸ்தைஸ்தை கர்ஶயித்வா ப்ரயத்னத: ॥ 32 ॥
ப்ராப்யதே நிபுணைர்த⁴ர்மோ ந ஸுகா²ல்லப்⁴யதே ஸுக²ம் ।
நித்யம் ஶுசிமதிஸ்ஸௌம்ய சர த⁴ர்மம் தபோவனே ॥ 33 ॥
ஸர்வம் ஹி விதி³தம் துப்⁴யம் த்ரைலோக்யமபி தத்த்வத: ।
ஸ்த்ரீசாபலாதே³தது³தா³ஹ்ருதம் மே த⁴ர்மம் ச வக்தும் தவ கஸ்ஸமர்த:² ।
விசார்ய பு³த்³த்⁴யா து ஸஹானுஜேன யத்³ரோசதே தத்குரு மா சிரேண ॥ 34 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அரண்யகாண்டே³ நவமஸ்ஸர்க:³ ॥
