Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Odia | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |

5.60 ସୁଂଦରକାଂଡ - ଷଷ୍ଟିତମ ସର୍ଗଃ

ଶ୍ରୀମଦ୍ଵାଲ୍ମୀକୀୟ ରାମାୟଣେ ସୁଂଦରକାଂଡମ୍ ।
ଅଥ ଷଷ୍ଟିତମସ୍ସର୍ଗଃ ।

ତସ୍ୟ ତଦ୍ଵଚନଂ ଶ୍ରୁତ୍ଵା ଵାଲିସୂନୁରଭାଷତ ।
ଅୟୁକ୍ତଂ ତୁ ଵିନା ଦେଵୀଂ ଦୃଷ୍ଟଵଦ୍ଭିଶ୍ଚ ଵାନରାଃ ॥ 1 ॥

ସମୀପଂ ଗଂତୁମସ୍ମାଭୀ ରାଘଵସ୍ୟ ମହାତ୍ମନଃ ।
ଦୃଷ୍ଟା ଦେଵୀ ନ ଚାନୀତା ଇତି ତତ୍ର ନିଵେଦନମ୍ ॥ 2 ॥

ଅୟୁକ୍ତମିଵ ପଶ୍ୟାମି ଭଵଦ୍ଭିଃ ଖ୍ୟାତଵିକ୍ରମୈଃ ।
ନ ହି ନଃ ପ୍ଲଵନେ କଶ୍ଚିନ୍ନାପି କଶ୍ଚିତ୍ପରାକ୍ରମେ ॥ 3 ॥

ତୁଲ୍ୟ ସ୍ସାମରଦୈତ୍ୟେଷୁ ଲୋକେଷୁ ହରିସତ୍ତମାଃ ।
ତେଷ୍ଵେଵଂ ହତଵୀରେଷୁ ରାକ୍ଷସେଷୁ ହନୂମତା ॥ 4 ॥

କିମନ୍ୟଦତ୍ର କର୍ତଵ୍ୟଂ ଗୃହୀତ୍ଵା ୟାମ ଜାନକୀମ୍ ।
ତମେଵଂ କୃତସଂକଲ୍ପଂ ଜାଂବଵାନ୍ ହରିସତ୍ତମଃ ॥ 5 ॥

ଉଵାଚ ପରମପ୍ରୀତୋ ଵାକ୍ୟମର୍ଥଵଦର୍ଥଵିତ୍ ।
ନ ତାଵଦେଷା ମତିରକ୍ଷମା ନୋ ୟଥା ଭଵାନ୍ ପଶ୍ୟତି ରାଜପୁତ୍ର ।
ୟଥା ତୁ ରାମସ୍ୟ ମତିର୍ନିଵିଷ୍ଟା ତଥା ଭଵାନ୍ ପଶ୍ୟତୁ କାର୍ୟସିଦ୍ଧିମ୍ ॥ 6 ॥

ଇତ୍ୟାର୍ଷେ ଶ୍ରୀମଦ୍ରାମାୟଣେ ଵାଲ୍ମୀକୀୟ ଆଦିକାଵ୍ୟେ ସୁଂଦରକାଂଡେ ଷଷ୍ଟିତମସ୍ସର୍ଗଃ ॥


Browse Related Categories: