Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Odia | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |

5.60 සුංදරකාංඩ - ෂෂ්ටිතම සර්ගඃ

ශ්රීමද්වාල්මීකීය රාමායණේ සුංදරකාංඩම් ।
අථ ෂෂ්ටිතමස්සර්ගඃ ।

තස්ය තද්වචනං ශ්රුත්වා වාලිසූනුරභාෂත ।
අයුක්තං තු විනා දේවීං දෘෂ්ටවද්භිශ්ච වානරාඃ ॥ 1 ॥

සමීපං ගංතුමස්මාභී රාඝවස්ය මහාත්මනඃ ।
දෘෂ්ටා දේවී න චානීතා ඉති තත්ර නිවේදනම් ॥ 2 ॥

අයුක්තමිව පශ්යාමි භවද්භිඃ ඛ්යාතවික්රමෛඃ ।
න හි නඃ ප්ලවනේ කශ්චින්නාපි කශ්චිත්පරාක්රමේ ॥ 3 ॥

තුල්ය ස්සාමරදෛත්යේෂු ලෝකේෂු හරිසත්තමාඃ ।
තේෂ්වේවං හතවීරේෂු රාක්ෂසේෂු හනූමතා ॥ 4 ॥

කිමන්යදත්ර කර්තව්යං ගෘහීත්වා යාම ජානකීම් ।
තමේවං කෘතසංකල්පං ජාංබවාන් හරිසත්තමඃ ॥ 5 ॥

උවාච පරමප්රීතෝ වාක්යමර්ථවදර්ථවිත් ।
න තාවදේෂා මතිරක්ෂමා නෝ යථා භවාන් පශ්යති රාජපුත්ර ।
යථා තු රාමස්ය මතිර්නිවිෂ්ටා තථා භවාන් පශ්යතු කාර්යසිද්ධිම් ॥ 6 ॥

ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ සුංදරකාංඩේ ෂෂ්ටිතමස්සර්ගඃ ॥


Browse Related Categories: