Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Odia | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |
This document is in సరళ తెలుగు with simplified anusvaras. View this in శుద్ధ తెలుగు, with correct anusvaras marked.

5.60 సుందరకాండ - షష్టితమ సర్గః

శ్రీమద్వాల్మీకీయ రామాయణే సుందరకాండమ్ ।
అథ షష్టితమస్సర్గః ।

తస్య తద్వచనం శ్రుత్వా వాలిసూనురభాషత ।
అయుక్తం తు వినా దేవీం దృష్టవద్భిశ్చ వానరాః ॥ 1 ॥

సమీపం గంతుమస్మాభీ రాఘవస్య మహాత్మనః ।
దృష్టా దేవీ న చానీతా ఇతి తత్ర నివేదనమ్ ॥ 2 ॥

అయుక్తమివ పశ్యామి భవద్భిః ఖ్యాతవిక్రమైః ।
న హి నః ప్లవనే కశ్చిన్నాపి కశ్చిత్పరాక్రమే ॥ 3 ॥

తుల్య స్సామరదైత్యేషు లోకేషు హరిసత్తమాః ।
తేష్వేవం హతవీరేషు రాక్షసేషు హనూమతా ॥ 4 ॥

కిమన్యదత్ర కర్తవ్యం గృహీత్వా యామ జానకీమ్ ।
తమేవం కృతసంకల్పం జాంబవాన్ హరిసత్తమః ॥ 5 ॥

ఉవాచ పరమప్రీతో వాక్యమర్థవదర్థవిత్ ।
న తావదేషా మతిరక్షమా నో యథా భవాన్ పశ్యతి రాజపుత్ర ।
యథా తు రామస్య మతిర్నివిష్టా తథా భవాన్ పశ్యతు కార్యసిద్ధిమ్ ॥ 6 ॥

ఇత్యార్షే శ్రీమద్రామాయణే వాల్మీకీయ ఆదికావ్యే సుందరకాండే షష్టితమస్సర్గః ॥


Browse Related Categories: