Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Odia | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |
This document is in romanized sanskrit according to IAST standard.

VR 5.60 Sundara Kanda - Sarga 60

śrīmadvālmīkīya rāmāyaṇē sundarakāṇḍam ।
atha ṣaṣṭitamassargaḥ ।

tasya tadvachanaṃ śrutvā vālisūnurabhāṣata ।
ayuktaṃ tu vinā dēvīṃ dṛṣṭavadbhiścha vānarāḥ ॥ 1 ॥

samīpaṃ gantumasmābhī rāghavasya mahātmanaḥ ।
dṛṣṭā dēvī na chānītā iti tatra nivēdanam ॥ 2 ॥

ayuktamiva paśyāmi bhavadbhiḥ khyātavikramaiḥ ।
na hi naḥ plavanē kaśchinnāpi kaśchitparākramē ॥ 3 ॥

tulya ssāmaradaityēṣu lōkēṣu harisattamāḥ ।
tēṣvēvaṃ hatavīrēṣu rākṣasēṣu hanūmatā ॥ 4 ॥

kimanyadatra kartavyaṃ gṛhītvā yāma jānakīm ।
tamēvaṃ kṛtasaṅkalpaṃ jāmbavān harisattamaḥ ॥ 5 ॥

uvācha paramaprītō vākyamarthavadarthavit ।
na tāvadēṣā matirakṣamā nō yathā bhavān paśyati rājaputra ।
yathā tu rāmasya matirniviṣṭā tathā bhavān paśyatu kāryasiddhim ॥ 6 ॥

ityārṣē śrīmadrāmāyaṇē vālmīkīya ādikāvyē sundarakāṇḍē ṣaṣṭitamassargaḥ ॥


Browse Related Categories: