Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Odia | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |

5.60 સુંદરકાંડ - ષષ્ટિતમ સર્ગઃ

શ્રીમદ્વાલ્મીકીય રામાયણે સુંદરકાંડમ્ ।
અથ ષષ્ટિતમસ્સર્ગઃ ।

તસ્ય તદ્વચનં શ્રુત્વા વાલિસૂનુરભાષત ।
અયુક્તં તુ વિના દેવીં દૃષ્ટવદ્ભિશ્ચ વાનરાઃ ॥ 1 ॥

સમીપં ગંતુમસ્માભી રાઘવસ્ય મહાત્મનઃ ।
દૃષ્ટા દેવી ન ચાનીતા ઇતિ તત્ર નિવેદનમ્ ॥ 2 ॥

અયુક્તમિવ પશ્યામિ ભવદ્ભિઃ ખ્યાતવિક્રમૈઃ ।
ન હિ નઃ પ્લવને કશ્ચિન્નાપિ કશ્ચિત્પરાક્રમે ॥ 3 ॥

તુલ્ય સ્સામરદૈત્યેષુ લોકેષુ હરિસત્તમાઃ ।
તેષ્વેવં હતવીરેષુ રાક્ષસેષુ હનૂમતા ॥ 4 ॥

કિમન્યદત્ર કર્તવ્યં ગૃહીત્વા યામ જાનકીમ્ ।
તમેવં કૃતસંકલ્પં જાંબવાન્ હરિસત્તમઃ ॥ 5 ॥

ઉવાચ પરમપ્રીતો વાક્યમર્થવદર્થવિત્ ।
ન તાવદેષા મતિરક્ષમા નો યથા ભવાન્ પશ્યતિ રાજપુત્ર ।
યથા તુ રામસ્ય મતિર્નિવિષ્ટા તથા ભવાન્ પશ્યતુ કાર્યસિદ્ધિમ્ ॥ 6 ॥

ઇત્યાર્ષે શ્રીમદ્રામાયણે વાલ્મીકીય આદિકાવ્યે સુંદરકાંડે ષષ્ટિતમસ્સર્ગઃ ॥


Browse Related Categories: