শ্রীমদ্বাল্মীকীয় রামাযণে সুংদরকাংডম্ ।
অথ নবমস্সর্গঃ ।
তস্য়ালযবরিষ্ঠস্য় মধ্য়ে বিপুলমাযতম্ ।
দদর্শ ভবনশ্রেষ্ঠং হনুমান্মারুতাত্মজঃ ॥ 1 ॥
অর্ধয়োজনবিস্তীর্ণমাযতং যোজনং হি তত্ ।
ভবনং রাক্ষসেংদ্রস্য় বহুপ্রাসাদসংকুলম্ ॥ 2 ॥
মার্গমাণস্তু বৈদেহীং সীতামাযতলোচনাম্ ।
সর্বতঃ পরিচক্রাম হনূমানরিসূদনঃ ॥ 3 ॥
উত্তমং রাক্ষসাবাসং হনুমানবলোকযন্ ।
আসসাদাথ লক্ষ্মীবান্ রাক্ষসেংদ্রনিবেশনম্ ॥ 4 ॥
চতুর্বিষাণৈর্দ্বিরদৈস্ত্রিবিষাণৈস্তথৈব চ ।
পরিক্ষিপ্তমসংবাধং রক্ষ্যমাণমুদায়ুধৈঃ ॥ 5 ॥
রাক্ষসীভিশ্চ পত্নীভী রাবণস্য় নিবেশনম্ ।
আহৃতাভিশ্চ বিক্রম্য় রাজকন্য়াভিরাবৃতম্ ॥ 6 ॥
তন্নক্রমকরাকীর্ণং তিমিংগিলঝষাকুলম্ ।
বায়ুবেগসমাধূতং পন্নগৈরিব সাগরম্ ॥ 7 ॥
যা হি বৈশ্রবণে লক্ষ্মীর্য়া চেংদ্রে হরিবাহনে ।
সা রাবণগৃহে সর্বা নিত্যমেবানপায়িনী ॥ 8 ॥
যা চ রাজ্ঞঃ কুবেরস্য় যমস্য় বরুণস্য় চ ।
তাদৃশী তদ্বিশিষ্টা বা ঋদ্ধী রক্ষোগৃহেষ্বিহ ॥ 9 ॥
তস্য় হর্ম্যস্য় মধ্যস্থং বেশ্ম চান্যত্সুনির্মিতম্ ।
বহুনির্য়ূহসংকীর্ণং দদর্শ পবনাত্মজঃ ॥ 10 ॥
ব্রহ্মণোঽর্থে কৃতং দিব্য়ং দিবি যদ্বিশ্বকর্মণা ।
বিমানং পুষ্পকং নাম সর্বরত্নবিভূষিতম্ ॥ 11 ॥
পরেণ তপসা লেভে যত্কুবেরঃ পিতামহাত্ ।
কুবেরমোজসা জিত্বা লেভে তদ্রাক্ষসেশ্বরঃ ॥ 12 ॥
ঈহামৃগসমায়ুক্ত্তৈঃ কার্তস্বরহিরমণ্ময়ৈঃ ।
সুকৃতৈরাচিতং স্তংভৈঃ প্রদীপ্তমিব চ শ্রিয়া ॥ 13 ॥
মেরুমংদরসংকাশৈরুল্লিখদ্ভিরিবাংবরম্ ।
কূটাগারৈশ্শুভাকারৈস্সর্বতস্সমলংকৃতম্ ॥ 14 ॥
জ্বলনার্কপ্রতীকাশং সুকৃতং বিশ্বকর্মণা ।
হেমসোপানসংয়ুক্তং চারুপ্রবরবেদিকম্ ॥ 15 ॥
জালবাতাযনৈর্য়ুক্তং কাংচনৈঃ স্স্ফাটিকৈরপি ।
ইংদ্রনীলমহানীলমণিপ্রবরবেদিকম্ ॥ 16 ॥
বিদ্রুমেণ বিচিত্রেণ মণিভিশ্চ মহাঘনৈঃ ।
নিস্তুলাভিশ্চ মুক্তাভিস্তলেনাভিবিরাজিতম্ ॥ 17 ॥
চংদনেন চ রক্তেন তপনীযনিভেন চ ।
সুপুণ্যগংধিনা যুক্তমাদিত্যতরুণোপমম্ ॥ 18 ॥
কূটাগারৈর্বরাকারৈর্বিবিধৈস্সমলংকৃতম্ ।
বিমানং পুষ্পকং দিব্যমারুরোহ মহাকপিঃ ॥ 19 ॥
তত্রস্থস্স তদা গংধং পানভক্ষ্য়ান্নসংভবম্ ।
দিব্য়ং সম্মূর্ছিতং জিঘ্রদ্রূপবংতমিবানিলম্ ॥ 20 ॥
স গংধস্তং মহাসত্ত্বং বংধুর্বংধুমিবোত্তমম্ ।
ইত এহীত্য়ুবাচেন তত্র যত্র স রাবণঃ ॥ 21 ॥
ততস্তাং প্রস্থিতশ্শালাং দদর্শ মহতীং শুভাম্ ।
রাবণস্য় মনঃ কাংতাং কাংতামিব বরস্ত্রিযম্ ॥ 22 ॥
মণিসোপানবিকৃতাং হেমজালবিভূষিতাম্ ।
স্ফাটিকৈরাবৃততলাং দংতাংতরিতরূপিকাম্ ॥ 23 ॥
মুক্তাভিশ্চ প্রবালৈশ্চ রূপ্যচামীকরৈরপি ।
বিভূষিতাং মণিস্তংভৈস্সুবহুস্তংভভূষিতাম্ ॥ 24 ॥
নম্রৈরৃজুভিরত্য়ুচ্চৈস্সমংতাত্সুবিভূষিতৈঃ ।
স্তংভৈঃ পক্ষৈরিবাত্য়ুচ্চৈর্দিবং সংপ্রস্থিতামিব ॥ 25 ॥
মহত্য়া কুথয়াস্তীর্ণাং পৃথিবীলক্ষণাংকয়া ।
পৃথিবীমিব বিস্তীর্ণাং সরাষ্ট্রগৃহমালিনীম্ ॥ 26 ॥
নাদিতাং মত্তবিহগৈর্দিব্যগংধাধিবাসিতাম্ ।
পরার্ধ্য়াস্তরণোপেতাং রক্ষোধিপনিষেবিতাম্ ॥ 27 ॥
ধূম্রামগরুধূপেন বিমলাং হংসপাংডুরাম্ ।
চিত্রাং পুষ্পোপহারেণ কল্মাষীমিব সুপ্রভাম্ ॥ 28 ॥
মনস্সংহ্লাদজননীং বর্ণস্য়াপি প্রসাদিনীম্ ।
তাং শোকনাশিনীং দিব্য়াং শ্রিয়ঃ সংজননীমিব ॥ 29 ॥
ইংদ্রিয়াণীংদ্রিয়ার্থৈস্তু পংচ পংচভিরুত্তমৈঃ ।
তর্পয়ামাস মাতেব তদা রাবণপালিতা ॥ 30 ॥
স্বর্গোঽয়ং দেবলোকোঽযমিংদ্রস্য়েয়ং পুরী ভবেত্ ।
সিদ্ধির্বেয়ং পরা হি স্য়াদিত্যমন্যত মারুতিঃ ॥ 31 ॥
প্রধ্য়াযত ইবাপশ্যত্প্রদীপাংস্তত্র কাংচনান্ ।
ধূর্তানিব মহাধূতৈর্দেবনেন পরাজিতান্ ॥ 32 ॥
দীপানাং চ প্রকাশেন তেজসা রাবণস্য় চ ।
অর্চির্ভির্ভূষণানাং চ প্রদীপ্তেত্যভ্যমন্যত ॥ 33 ॥
ততোঽপশ্যত্কুথাঽঽসীনং নানাবরায়ংবরস্রজম্ ।
সহস্রং বরনারীণাং নানাবেষবিভূষিতম্ ॥ 34 ॥
পরিবৃত্তেঽর্ধরাত্রে তু পাননিদ্রাবশং গতম্ ।
ক্রীডিত্বোপরতং রাত্রৌ সুষ্বাপ বলবত্তদা ॥ 35 ॥
তত্প্রসুপ্তং বিরুরুচে নিশ্শব্দাংতরভূষণম্ ।
নিঃশব্দহংসভ্রমরং যথা পদ্মবনং মহত্ ॥ 36 ॥
তাসাং সংবৃতদংতানি মীলিতাক্ষীণি মারুতিঃ ।
অপশ্যত্পদ্মগংধীনি বদনানি সুয়োষিতাম্ ॥ 37 ॥
প্রবুদ্ধানীব পদ্মানি তাসাং ভূত্বা ক্ষপাক্ষয়ে ।
পুনস্সংবৃতপত্রাণি রাত্রাবিব বভুস্তদা ॥ 38 ॥
ইমানি মুখপদ্মানি নিযতং মত্তষট্পদাঃ ।
অংবুজানীব ফুল্লানি প্রার্থয়ংতি পুনঃ পুনঃ ॥ 39 ॥
ইতি চামন্যত শ্রীমানুপপত্ত্য়া মহাকপিঃ ।
মেনে হি গুণতস্তানি সমানি সলিলোদ্ভবৈঃ ॥ 40 ॥
সা তস্য় শুশুভে শালা তাভিস্ত্রীভির্বিরাজিতা ।
শারদীব প্রসন্না দ্য়ৌস্তারাভিরভিশোভিতা ॥ 41 ॥
স চ তাভিঃ পরিবৃতশ্শুশুভে রাক্ষসাধিপঃ ।
যথা হ্য়ুডুপতিশ্শীমাংস্তারাভিরভিসংবৃতঃ ॥ 42 ॥
যাশ্চ্যবংতেঽংবরাত্তারাঃ পুণ্যশেষসমাবৃতাঃ ।
ইমাস্তাস্সংগতাঃ কৃত্স্না ইতি মেনে হরিস্তদা ॥ 43 ॥
তারাণামিব সুব্যক্তং মহতীনাং শুভার্চিষাম্ ।
প্রভাবর্ণপ্রসাদাশ্চ বিরেজুস্তত্র যোষিতাম্ ॥ 44 ॥
ব্য়াবৃত্তগুরুপীনস্রক্প্রকীর্ণবরভূষণাঃ ।
পানব্য়ায়ামকালেষু নিদ্রাপহৃতচেতসঃ ॥ 45 ॥
ব্য়াবৃত্ততিলকাঃ কাশ্চিত্কাশ্চিদুদ্ভ্রংতনূপুরাঃ ।
পার্শ্বে গলিতহারাশ্চ কাশ্চিত্পরময়োষিতঃ ॥ 46 ॥
মুক্তাহারাঽবৃতাশ্চান্য়াঃ কাশ্চিদ্বিস্রস্তবাসসঃ ।
ব্য়াবিদ্ধরশনাদামাঃ কিশোর্য় ইব বাহিতাঃ ॥ 47 ॥
সুকুংডলধরাশ্চান্য়া বিচ্ছিন্নমৃদিতস্রজঃ ।
গজেংদ্রমৃদিতাঃ ফুল্লা লতা ইব মহাবনে ॥ 48 ॥
চংদ্রাংশুকিরণাভাশ্চ হারাঃ কাসাংচিদুত্কটাঃ ।
হংসা ইব বভুস্সুপ্তাঃ স্তনমধ্য়েষু যোষিতাম্ ॥ 49 ॥
অপরাসাং চ বৈডূর্য়াঃ কাদংবা ইব পক্ষিণঃ ।
হেমসূত্রাণি চান্য়াসাং চক্রবাকা ইবাভবন্ ॥ 50 ॥
হংসকারংডবাকীর্ণাশ্চক্রবাকোপশোভিতাঃ ।
আপগা ইব তা রেজুর্জঘনৈঃ পুলিনৈরিব ॥ 51 ॥
কিংকিণীজালসংকোশাস্তা হৈমবিপুলাংবুজাঃ ।
ভাবগ্রাহা যশস্তীরাঃ সুপ্তা নদ্য় ইবাঽঽবভুঃ ॥ 52 ॥
মৃদুষ্বংগেষু কাসাংচিত্কুচাগ্রেষু চ সংস্থিতাঃ ।
বভুর্বর্ভূষণানীব শুভা ভূষণরাজয়ঃ ॥ 53 ॥
অংশুকাংতাশ্চ কাসাংচিন্মুখমারুতকংপিতাঃ ।
উপর্য়ুপরি বক্ত্রাণাং ব্য়াধূয়ংতে পুনঃ পুনঃ ॥ 54 ॥
তাঃ পতাকা ইবোদ্ধূতাঃ পত্নীনাং রুচিরপ্রভাঃ ।
নানাবর্ণসুবর্ণানাং বক্ত্রমূলেষু রেজিরে ॥ 55 ॥
ববল্গুশ্চাত্র কাসাংচিত্কুংডলানি শুভার্চিষাম্ ।
মুখমারুতসংসর্গান্মংদং মংদং সুয়োষিতাম্ ॥ 56 ॥
শর্করাঽসবগংধৈশ্চ প্রকৃত্য়া সুরভিঃ সুখঃ ।
তাসাং বদননিশ্বাসস্সিষেবে রাবণং তদা ॥ 57 ॥
রাবণাননশংকাশ্চ কাশ্চিদ্রাবণয়োষিতঃ ।
মুখানি স্ম সপত্নীনামুপাজিঘ্রন্পুনঃ পুনঃ ॥ 58 ॥
অত্যর্থং সক্তমনসো রাবণে তা বরস্ত্রিয়ঃ ।
অস্বতংত্রাঃ সপত্নীনাং প্রিযমেবাঽচরংস্তদা ॥ 59 ॥
বাহূনুপনিধায়ান্য়াঃ পারিহার্যবিভূষিতান্ ।
অংশুকানি চ রম্য়াণি প্রমদাস্তত্র শিশ্য়িরে ॥ 60 ॥
অন্য়া বক্ষসি চান্যস্য়াস্তস্য়াঃ কাচিত্পুনর্ভুজম্ ।
অপরা ত্বংকমন্যস্য়াস্তস্য়াশ্চাপ্যপরা ভুজৌ ॥ 61 ॥
ঊরুপার্শ্বকটীপৃষ্ঠমন্য়োন্যস্য় সমাশ্রিতাঃ ।
পরস্পরনিবিষ্টাংগ্য়ো মদস্নেহবশানুগাঃ ॥ 62 ॥
অন্য়োন্যভুজসূত্রেণ স্ত্রীমালা গ্রথিতা হি সা ।
মালেব গ্রথিতা সূত্রে শুশুভে মত্তষট্পদা ॥ 63 ॥
লতানাং মাধবে মাসি ফুল্লানাং বায়ুসেবনাত্ ।
অন্য়োন্য় মালাগ্রথিতং সংসক্তকুসুমোচ্চযম্ ॥ 64 ॥
ব্যতিবেষ্টিতসুস্কংধমন্য়োন্যভ্রমরাকুলম্ ।
আসীদ্বনমিবোদ্ধূতং স্ত্রীবনং রাবণস্য় তত্ ॥ 65 ॥
উচিতেষ্বপি সুব্যক্তং ন তাসাং যোষিতাং তদা ।
বিবেকঃ শক্য় আধাতুং ভূষণাংগাংবরস্রজাম্ ॥ 66 ॥
রাবণে সুখসংবিষ্টে তাস্ত্রিয়ো বিবিধপ্রভাঃ ।
জ্বলংতঃ কাংচনা দীপাঃ প্রৈক্ষংতানিমিষা ইব ॥ 67 ॥
রাজর্ষিপিতৃদৈত্য়ানাং গংধর্বাণাং চ যোষিতঃ ।
রাক্ষসানাং চ যাঃ কন্য়াস্তস্য় কামবশং গতাঃ ॥ 68 ॥
যুদ্ধকামেন তাঃ সর্বা রাবণেন হৃতাঃ স্ত্রিয়ঃ ।
সমদা মদনেনৈব মোহিতাঃ কাশ্চিদাগতাঃ ॥ 69 ॥
ন তত্র কাচিত্প্রমদা প্রসহ্য় বীর্য়োপপন্নেন গুণেন লব্ধা ।
ন চান্যকামাপি ন চান্যপূর্বা বিনা বরার্হাং জনকাত্মজাং তাম্ ॥ 70 ॥
ন চাকুলীনা ন চ হীনরূপা নাদক্ষিণা নানুপচারয়ুক্তা ।
ভার্য়াভবত্তস্য় ন হীনসত্ত্বা ন চাপি কাংতস্য় ন কামনীয়া ॥ 71 ॥
বভূব বুদ্ধিস্তু হরীশ্বরস্য় যদীদৃশী রাঘবধর্মপত্নী ।
ইমা যথা রাক্ষসরাজভার্য়াঃ সুজাতমস্য়েতি হি সাধুবুদ্ধেঃ ॥ 72 ॥
পুনশ্চ সোঽচিংতয়াদাত্তরূপো ধ্রুবং বিশিষ্টা গুণতো হি সীতা ।
অথাযমস্য়াং কৃতবান্মহাত্মা লংকেশ্বরঃ কষ্টমনার্যকর্ম ॥ 73 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে সুংদরকাংডে নবমস্সর্গঃ ॥
