ஶ்ரீமத்³வால்மீகீய ராமாயணே பா³லகாண்ட³ம் ।
அத² ஏகத்ரிம்ஶஸ்ஸர்க:³ ।
அத² தாம் ரஜனீம் தத்ர க்ருதார்தௌ² ராமலக்ஷ்மணௌ ।
ஊஷதுர்முதி³தௌ வீரௌ ப்ரஹ்ருஷ்டேனாந்தராத்மனா ॥ 1 ॥
ப்ரபா⁴தாயாம் து ஶர்வர்யாம் க்ருதபௌர்வாஹ்ணிகக்ரியௌ ।
விஶ்வாமித்ரம்ருஷீம்ஶ்சான்யான் ஸஹிதாவபி⁴ஜக்³மது: ॥ 2 ॥
அபி⁴வாத்³ய முனிஶ்ரேஷ்ட²ம் ஜ்வலந்தமிவ பாவகம் ।
ஊசதுர்மது⁴ரோதா³ரம் வாக்யம் மது⁴ரபா⁴ஷிணௌ ॥ 3 ॥
இமௌ ஸ்ம முனிஶார்தூ³ல கிங்கரௌ ஸமுபஸ்தி²தௌ ।
ஆஜ்ஞாபய யதே²ஷ்டம் வை ஶாஸனம் கரவாவ கிம் ॥ 4 ॥
ஏவமுக்தா ஸ்ததஸ்தாப்⁴யாம் ஸர்வ ஏவ மஹர்ஷய: ।
விஶ்வாமித்ரம் புரஸ்க்ருத்ய ராமம் வசனமப்³ருவன் ॥ 5 ॥
மைதி²லஸ்ய நரஶ்ரேஷ்ட² ஜனகஸ்ய ப⁴விஷ்யதி ।
யஜ்ஞ: பரமத⁴ர்மிஷ்ட²ஸ்தஸ்ய யாஸ்யாமஹே வயம் ॥ 6 ॥
த்வம் சைவ நரஶார்தூ³ல ஸஹாஸ்மாபி⁴ர்க³மிஷ்யஸி ।
அத்³பு⁴தம் த⁴னுரத்னம் ச தத்ர தத்³ரஷ்டுமர்ஹஸி ॥ 7 ॥
தத்³தி⁴ பூர்வம் நரஶ்ரேஷ்ட² த³த்தம் ஸத³ஸி தை³வதை: ।
அப்ரமேயப³லம் கோ⁴ரம் மகே² பரமபா⁴ஸ்வரம் ॥ 8 ॥
நாஸ்ய தே³வா ந க³ந்த⁴ர்வா நாஸுரா ந ச ராக்ஷஸா: ।
கர்துமாரோபணம் ஶக்தா ந கத²ஞ்சன மானுஷா: ॥ 9 ॥
த⁴னுஷஸ்தஸ்ய வீர்யம் து ஜிஜ்ஞாஸந்தோ மஹீக்ஷித: ।
ந ஶேகுராரோபயிதும் ராஜபுத்ரா மஹாப³லா: ॥ 1௦ ॥
தத்³த⁴னுர்னரஶார்தூ³ல மைதி²லஸ்ய மஹாத்மன: ।
தத்ர த்³ரக்ஷ்யஸி காகுத்ஸ்த² யஜ்ஞம் சாத்³பு⁴தத³ர்ஶனம் ॥ 11 ॥
தத்³தி⁴ யஜ்ஞப²லம் தேன மைதி²லேனோத்தமம் த⁴னு: ।
யாசிதம் நரஶார்தூ³ல ஸுனாப⁴ம் ஸர்வதை³வதை: ॥ 12 ॥
ஆயாக³பூ⁴தம் ந்ருபதேஸ்தஸ்ய வேஶ்மனி ராக⁴வ ।
அர்சிதம் விவிதை⁴ர்க³ந்தை⁴ர்தூ⁴பைஶ்சாக³ருக³ந்தி⁴பி⁴: ॥ 13 ॥
ஏவமுக்த்வா முனிவர: ப்ரஸ்தா²னமகரோத்ததா³ ।
ஸர்ஷிஸங்க⁴ ஸ்ஸகாகுத்ஸ்த:² ஆமந்த்ர்ய வனதே³வதா: ॥ 14 ॥
ஸ்வஸ்தி வோஸ்து க³மிஷ்யாமி ஸித்³வஸ்ஸித்³தா⁴ஶ்ரமாத³ஹம் ।
உத்தரே ஜாஹ்னவீதீரே ஹிமவந்தம் ஶிலோச்சயம் ॥ 15 ॥
ப்ரத³க்ஷிணம் தத: க்ருத்வா ஸித்³தா⁴ஶ்ரமமனுத்தமம் ।
உத்தராம் தி³ஶமுத்³தி³ஶ்ய ப்ரஸ்தா²துமுபசக்ரமே ॥ 16 ॥
தம் ப்ரயாந்தம் முனிவரமன்வயாத³னுஸாரிணம் ।
ஶகடீஶதமாத்ரம் து ப்ராயேண ப்³ரஹ்மவாதி³னாம் ॥ 17 ॥
ம்ருக³பக்ஷிக³ணாஶ்சைவ ஸித்³தா⁴ஶ்ரமனிவாஸின: ।
அனுஜக்³முர்மஹாத்மானம் விஶ்வாமித்ரம் மஹாமுனிம் ॥ 18 ॥
நிவர்தயாமாஸ தத: பக்ஷிஸங்கா⁴ன் ம்ருகா³னபி ।
தே க³த்வா தூ³ரமத்⁴வானம் லம்ப³மானே தி³வாகரே ।
வாஸம் சக்ருர்முனிக³ணா: ஶோணாகூலே ஸமாஹிதா: ॥ 19 ॥
தேஸ்தம் க³தே தி³னகரே ஸ்னாத்வா ஹுதஹுதாஶனா: ।
விஶ்வாமித்ரம் புரஸ்க்ருத்ய நிஷேது³ரமிதௌஜஸ: ॥ 2௦ ॥
ராமோபி ஸஹஸௌமித்ரிர்முனீம் ஸ்தானபி⁴பூஜ்ய ச ।
அக்³ரதோ நிஷஸாதா³த² விஶ்வாமித்ரஸ்ய தீ⁴மத: ॥ 21 ॥
அத² ராமோ மஹாதேஜா: விஶ்வாமித்ரம் மஹாமுனிம் ।
பப்ரச்ச² நரஶார்தூ³ல: கௌதூஹலஸமன்வித: ॥ 22 ॥
ப⁴க³வன் கோன்வயம் தே³ஶஸ்ஸம்ருத்³த⁴வனஶோபி⁴த: ।
ஶ்ரோதுமிச்சா²மி ப⁴த்³ரம் தே வக்துமர்ஹஸி தத்த்வத: ॥ 23 ॥
சோதி³தோ ராமவாக்யேன கத²யாமாஸ ஸுவ்ரத: ।
தஸ்ய தே³ஶஸ்ய நிகி²லம்ருஷிமத்⁴யே மஹாதபா: ॥ 24 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே பா³லகாண்டே³ ஏகத்ரிம்ஶஸ்ஸர்க:³ ॥
