শ্রীমদ্বাল্মীকীয় রামাযণে বালকাংডম্ ।
অথ একত্রিংশস্সর্গঃ ।
অথ তাং রজনীং তত্র কৃতার্থৌ রামলক্ষ্মণৌ ।
ঊষতুর্মুদিতৌ বীরৌ প্রহৃষ্টেনাংতরাত্মনা ॥ 1 ॥
প্রভাতায়াং তু শর্বর্য়াং কৃতপৌর্বাহ্ণিকক্রিয়ৌ ।
বিশ্বামিত্রমৃষীংশ্চান্য়ান্ সহিতাবভিজগ্মতুঃ ॥ 2 ॥
অভিবাদ্য় মুনিশ্রেষ্ঠং জ্বলংতমিব পাবকম্ ।
ঊচতুর্মধুরোদারং বাক্য়ং মধুরভাষিণৌ ॥ 3 ॥
ইমৌ স্ম মুনিশার্দূল কিংকরৌ সমুপস্থিতৌ ।
আজ্ঞাপয় যথেষ্টং বৈ শাসনং করবাব কিম্ ॥ 4 ॥
এবমুক্তা স্ততস্তাভ্য়াং সর্ব এব মহর্ষয়ঃ ।
বিশ্বামিত্রং পুরস্কৃত্য় রামং বচনমব্রুবন্ ॥ 5 ॥
মৈথিলস্য় নরশ্রেষ্ঠ জনকস্য় ভবিষ্যতি ।
যজ্ঞঃ পরমধর্মিষ্ঠস্তস্য় যাস্য়ামহে বযম্ ॥ 6 ॥
ত্বং চৈব নরশার্দূল সহাস্মাভির্গমিষ্যসি ।
অদ্ভুতং ধনুরত্নং চ তত্র তদ্রষ্টুমর্হসি ॥ 7 ॥
তদ্ধি পূর্বং নরশ্রেষ্ঠ দত্তং সদসি দৈবতৈঃ ।
অপ্রমেযবলং ঘোরং মখে পরমভাস্বরম্ ॥ 8 ॥
নাস্য় দেবা ন গংধর্বা নাসুরা ন চ রাক্ষসাঃ ।
কর্তুমারোপণং শক্তা ন কথংচন মানুষাঃ ॥ 9 ॥
ধনুষস্তস্য় বীর্য়ং তু জিজ্ঞাসংতো মহীক্ষিতঃ ।
ন শেকুরারোপয়িতুং রাজপুত্রা মহাবলাঃ ॥ 10 ॥
তদ্ধনুর্নরশার্দূল মৈথিলস্য় মহাত্মনঃ ।
তত্র দ্রক্ষ্যসি কাকুত্স্থ যজ্ঞং চাদ্ভুতদর্শনম্ ॥ 11 ॥
তদ্ধি যজ্ঞফলং তেন মৈথিলেনোত্তমং ধনুঃ ।
যাচিতং নরশার্দূল সুনাভং সর্বদৈবতৈঃ ॥ 12 ॥
আয়াগভূতং নৃপতেস্তস্য় বেশ্মনি রাঘব ।
অর্চিতং বিবিধৈর্গংধৈর্ধূপৈশ্চাগরুগংধিভিঃ ॥ 13 ॥
এবমুক্ত্বা মুনিবরঃ প্রস্থানমকরোত্তদা ।
সর্ষিসংঘ স্সকাকুত্স্থঃ আমংত্র্য় বনদেবতাঃ ॥ 14 ॥
স্বস্তি বোঽস্তু গমিষ্য়ামি সিদ্বস্সিদ্ধাশ্রমাদহম্ ।
উত্তরে জাহ্নবীতীরে হিমবংতং শিলোচ্চযম্ ॥ 15 ॥
প্রদক্ষিণং ততঃ কৃত্বা সিদ্ধাশ্রমমনুত্তমম্ ।
উত্তরাং দিশমুদ্দিশ্য় প্রস্থাতুমুপচক্রমে ॥ 16 ॥
তং প্রয়াংতং মুনিবরমন্বয়াদনুসারিণম্ ।
শকটীশতমাত্রং তু প্রায়েণ ব্রহ্মবাদিনাম্ ॥ 17 ॥
মৃগপক্ষিগণাশ্চৈব সিদ্ধাশ্রমনিবাসিনঃ ।
অনুজগ্মুর্মহাত্মানং বিশ্বামিত্রং মহামুনিম্ ॥ 18 ॥
নিবর্তয়ামাস ততঃ পক্ষিসংঘান্ মৃগানপি ।
তে গত্বা দূরমধ্বানং লংবমানে দিবাকরে ।
বাসং চক্রুর্মুনিগণাঃ শোণাকূলে সমাহিতাঃ ॥ 19 ॥
তেঽস্তং গতে দিনকরে স্নাত্বা হুতহুতাশনাঃ ।
বিশ্বামিত্রং পুরস্কৃত্য় নিষেদুরমিতৌজসঃ ॥ 20 ॥
রামোঽপি সহসৌমিত্রির্মুনীং স্তানভিপূজ্য় চ ।
অগ্রতো নিষসাদাথ বিশ্বামিত্রস্য় ধীমতঃ ॥ 21 ॥
অথ রামো মহাতেজাঃ বিশ্বামিত্রং মহামুনিম্ ।
পপ্রচ্ছ নরশার্দূলঃ কৌতূহলসমন্বিতঃ ॥ 22 ॥
ভগবন্ কোঽন্বয়ং দেশস্সমৃদ্ধবনশোভিতঃ ।
শ্রোতুমিচ্ছামি ভদ্রং তে বক্তুমর্হসি তত্ত্বতঃ ॥ 23 ॥
চোদিতো রামবাক্য়েন কথয়ামাস সুব্রতঃ ।
তস্য় দেশস্য় নিখিলমৃষিমধ্য়ে মহাতপাঃ ॥ 24 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে বালকাংডে একত্রিংশস্সর্গঃ ॥
