ශ්රීමද්වාල්මීකීය රාමායණේ බාලකාංඩම් ।
අථ ෂෂ්ටිතමස්සර්ගඃ ।
තපෝබලහතාන් කෘත්වා වාසිෂ්ඨාන් සමහෝදයාන් ।
ඍෂිමධ්යේ මහාතේජා විශ්වාමිත්රෝऽභ්යභාෂත ॥ 1 ॥
අයමික්ෂ්වාකුදායාදස්ත්රිශංකුරිති විශ්රුතඃ ।
ධර්මිෂ්ඨශ්ච වදාන්යශ්ච මාං චෛව ශරණං ගතඃ ॥ 2 ॥
තේනානේන ශරීරේණ දේවලෝකජිගීෂයා ।
යථාऽයං ස්වශරීරේණ ස්වර්ගලෝකං ගමිෂ්යති ॥ 3 ॥
තථා ප්රවර්ත්යතාං යජ්ඤේ භවද්භිශ්ච මයා සහ ।
විශ්වාමිත්රවච ශ්ශ්රුත්වා සර්ව ඒව මහර්ෂයඃ ॥ 4 ॥
ඌචුස්සමේත්ය සහිතා ධර්මජ්ඤා ධර්මසංහිතම් ।
අයං කුශිකදායාදෝ මුනිඃ පරමකෝපනඃ ॥ 5 ॥
යදාහ වචනං සම්යගේතත්කාර්යං න සංශයඃ ।
අග්නිකල්පෝ හි භගවාන් ශාපං දාස්යති රෝෂිතඃ ॥ 6 ॥
තස්මාත්ප්රවර්ත්යතාං යජ්ඤ ස්සශරීරෝ යථා දිවම් ।
ගච්ඡේදික්ෂ්වාකුදායාදෝ විශ්වාමිත්රස්ය තේජසා ॥ 7 ॥
තථා ප්රවර්ත්යතාං යජ්ඤ ස්සර්වේ සමධිතිෂ්ඨත ।
ඒවමුක්ත්වා මහර්ෂයඃ චක්රුස්තාස්තාඃක්රියාස්තදා ॥ 8 ॥
යාජකශ්ච මහාතේජා විශ්වාමිත්රෝऽභවත්ක්රතෞ ।
ඍත්විජශ්චානුපූර්ව්යේණ මංත්රවන්මංත්රකෝවිදාඃ ॥ 9 ॥
චක්රුඃ කර්මාණි සර්වාණි යථාකල්පං යථාවිධි ।
තතඃ කාලේන මහතා විශ්වාමිත්රෝ මහාතපාඃ ॥ 10 ॥
චකාරාවාහනං තත්ර භාගාර්ථං සර්වදේවතාඃ ।
නාභ්යාගමංස්තදාහූතා භාගාර්ථං සර්වදේවතාඃ ॥ 11 ॥
තතඃ ක්රෝධසමාවිෂ්ටෝ විශ්වාමිත්රෝ මහාමුනිඃ ।
ස්රුවමුද්යම්ය සක්රෝධස්ත්රිශංකුමිදමබ්රවීත් ॥ 12 ॥
පශ්ය මේ තපසෝ වීර්යං ස්වාර්ජිතස්ය නරේශ්වර ।
ඒෂ ත්වාං සශරීරේණ නයාමි ස්වර්ගමෝජසා ॥ 13 ॥
දුෂ්ප්රාපං සශරීරේණ දිවං ගච්ඡ නරාධිප ।
ස්වාර්ජිතං කිංචිදප්යස්ති මයා හි තපසඃඵලම් ॥ 14 ॥
රාජන් ස්වතේජසා තස්ය සශරීරෝ දිවං ව්රජ ।
උක්තවාක්යේ මුනෞ තස්මින් සශරීරෝ නරේශ්වරඃ ॥ 15 ॥
දිවං ජගාම කාකුත්ස්ථ මුනීනාං පශ්යතාං තදා ।
දේවලෝකගතං දෘෂ්ට්වා ත්රිශංකුං පාකශාසනඃ ॥ 16 ॥
සහ සර්වෛස්සුරගණෛරිදං වචනමබ්රවීත් ।
ත්රිශංකෝ ගච්ඡ භූයස්ත්වං නාසි ස්වර්ගකෘතාලයඃ ॥ 17 ॥
ගුරුශාපහතෝ මූඪ පත භූමිමවාක්ඡිරාඃ ।
ඒවමුක්තෝ මහේංද්රේණ ත්රිශංකුරපතත්පුනඃ ॥ 18 ॥
වික්රෝශමානස්ත්රාහීති විශ්වාමිත්රං තපෝධනම් ।
තච්ඡ්රුත්වා වචනං තස්ය ක්රෝශමානස්ය කෞශිකඃ ॥ 19 ॥
රෝෂමාහාරයත්තීව්රං තිෂ්ඨ තිෂ්ඨේති චාබ්රවීත් ।
ඍෂිමධ්යේ ස තේජස්ස්වී ප්රජාපතිරිවාපරඃ ॥ 20 ॥
සෘජන් දක්ෂිණමාර්ගස්ථාන් සප්තර්ෂීනපරාන් පුනඃ ।
නක්ෂත්රමාලාමපරාමසෘජත්ක්රෝධමූර්ච්ඡිතඃ ॥ 21 ॥
දක්ෂිණාං දිශමාස්ථාය මුනිමධ්යේ මහායශාඃ ।
සෘෂ්ට්වා නක්ෂත්රවංශං ච ක්රෝධේන කලුෂීකෘතඃ ॥ 22 ॥
අන්යමිංද්රං කරිෂ්යාමි ලෝකෝ වා ස්යාදනිංද්රකඃ ।
දෛවතාන්යපි ස ක්රෝධා ත්ස්රෂ්ටුං සමුපචක්රමේ ॥ 23 ॥
තතඃ පරමසංභ්රාංතාස්සර්ෂිසංඝාස්සුරාසුරාඃ ।
විශ්වාමිත්රං මහාත්මානමූචුඃ සානුනයං වචඃ ॥ 24 ॥
අයං රාජා මහාභාග ගුරුශාපපරික්ෂතඃ ।
සශරීරෝ දිවං යාතුං නාර්හත්යේව තපෝධන ॥ 25 ॥
තේෂාං තද්වචනං ශ්රුත්වා දේවානාං මුනිපුංගවඃ ।
අබ්රවීත්සුමහද්වාක්යං කෞශිකඃ සර්වදේවතාඃ ॥ 26 ॥
සශරීරස්ය භද්රං වස්ත්රිශංකෝරස්ය භූපතේඃ ।
ආරෝහණං ප්රතිජ්ඤාය නානෘතං කර්තුමුත්සහේ ॥ 27 ॥
ස්වර්ගෝऽස්තු සශරීරස්ය ත්රිශංකෝරස්ය ශාශ්වතඃ ।
නක්ෂත්රාණි ච සර්වාණි මාමකානි ධ්රුවාණ්යථ ॥ 28 ॥
යාවල්ලෝකා ධරිෂ්යංති තිෂ්ඨංත්වේතානි සර්වශඃ ।
මත්කෘතානි සුරා ස්සර්වේ තදනුජ්ඤාතුමර්හථ ॥ 29 ॥
ඒවමුක්තාඃ සුරාස්සර්වේ ප්රත්යූචුර්මුනිපුංගවම් ।
ඒවං භවතු භද්රං තේ තිෂ්ඨංත්වේතානි සර්වශඃ ॥ 30 ॥
ගගනේ තාන්යනේකානි වෛශ්වානරපථාද්බහිඃ ।
නක්ෂත්රාණි මුනිශ්රේෂ්ඨ තේෂු ජ්යෝතිෂ්ෂු ජාජ්වලන් ॥ 31 ॥
අවාක්ඡිරාස්ත්රිශංකුශ්ච තිෂ්ඨත්වමරසන්නිභඃ ।
අනුයාස්යංති චෛතානි ජ්යෝතීංෂි නෘපසත්තමම් ॥ 32 ॥
කෘතාර්ථං කීර්තිමංතං ච ස්වර්ගලෝකගතං යථා ।
විශ්වාමිත්රස්තු ධර්මාත්මා සර්වදේවෛරභිෂ්ටුතඃ ॥ 33 ॥
ඍෂිභිශ්ච මහාතේජා බාඪමිත්යාහ දේවතාඃ ।
තතෝ දේවා මහාත්මානෝ මුනයශ්ච තපෝධනාඃ ।
ජග්මුර්යථාऽऽගතං සර්වේ යජ්ඤස්යාංතේ නරෝත්තම ॥ 34 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ බාලකාංඩේ ෂෂ්ටිතමස්සර්ගඃ ॥
