ஶ்ரீமத்³வால்மீகீய ராமாயணே பா³லகாண்ட³ம் ।
அத² பஞ்சஸப்ததிதமஸ்ஸர்க:³ ।
ராம தா³ஶரதே² ராம வீர்யம் தே ஶ்ரூயதேத்³பு⁴தம் ।
த⁴னுஷோ பே⁴த³னம் சைவ நிகி²லேன மயா ஶ்ருதம் ॥ 1 ॥
தத³த்³பு⁴தமசிந்த்யம் ச பே⁴த³னம் த⁴னுஷஸ்த்வயா ।
தச்ச்²ருத்வாஹமனுப்ராப்தோ த⁴னுர்க்³ருஹ்யாபரம் ஶுப⁴ம் ॥ 2 ॥
ததி³த³ம் கோ⁴ரஸங்காஶம் ஜாமத³க்³ன்யம் மஹத்³த⁴னு: ।
பூரயஸ்வ ஶரேணைவ ஸ்வப³லம் த³ர்ஶயஸ்வ ச ॥ 3 ॥
தத³ஹம் தே ப³லம் த்³ருஷ்ட்வா த⁴னுஷோஸ்ய ப்ரபூரணே ।
த்³வந்த்³வயுத்³த⁴ம் ப்ரதா³ஸ்யாமி வீர்யஶ்லாக்⁴யஸ்ய ராக⁴வ ॥ 4 ॥
தஸ்ய தத்³வசனம் ஶ்ருத்வா ராஜா த³ஶரத²ஸ்ததா³ ।
விஷண்ணவத³னோ தீ³ன: ப்ராஞ்ஜலிர்வாக்யமப்³ரவீத் ॥ 5 ॥
க்ஷத்ரரோஷாத்ப்ரஶாந்தஸ்த்வம் ப்³ராஹ்மணஶ்ச மஹாயஶா: ।
பா³லானாம் மம புத்ராணாமப⁴யம் தா³துமர்ஹஸி ॥ 6 ॥
பா⁴ர்க³வாணாம் குலே ஜாத: ஸ்வாத்⁴யாயவ்ரதஶாலினாம் ।
ஸஹாஸ்ராக்ஷே ப்ரதிஜ்ஞாய ஶஸ்த்ரம் நிக்ஷிப்தவானஸி ॥ 7 ॥
ஸ த்வம் த⁴ர்மபரோ பூ⁴த்வா காஶ்யபாய வஸுந்த⁴ராம் ।
த³த்த்வா வனமுபாக³ம்ய மஹேந்த்³ரக்ருதகேதன: ॥ 8 ॥
மம ஸர்வவினாஶாய ஸம்ப்ராப்தஸ்த்வம் மஹாமுனே ।
ந சைகஸ்மின் ஹதே ராமே ஸர்வே ஜீவாமஹே வயம் ॥ 9 ॥
ப்³ருவத்யேவம் த³ஶரதே² ஜாமத³க்³ன்ய: ப்ரதாபவான் ।
அனாத்³ருத்யைவ தத்³வாக்யம் ராமமேவாப்⁴யபா⁴ஷத ॥ 1௦ ॥
இமே த்³வே த⁴னுஷீ ஶ்ரேஷ்டே² தி³வ்யே லோகாபி⁴விஶ்ருதே ।
த்³ருடே⁴ ப³லவதீ முக்²யே ஸுக்ருதே விஶ்வகர்மணா ॥ 11 ॥
அதிஸ்ருஷ்டம் ஸுரைரேகம் த்ர்யம்ப³காய யுயுத்ஸவே ।
த்ரிபுரக்⁴னம் நரஶ்ரேஷ்ட² ப⁴க்³னம் காகுத்ஸ்த² யத்த்வயா ॥ 12 ॥
இத³ம் த்³விதீயம் து³ர்த⁴ர்ஷம் விஷ்ணோர்த³த்தம் ஸுரோத்தமை: ।
ததி³த³ம் வைஷ்ணவம் ராம த⁴னு: பரமபா⁴ஸ்வரம் ।
ஸமானஸாரம் காகுத்ஸ்த² ரௌத்³ரேண த⁴னுஷா த்வித³ம் ॥ 13 ॥
ததா³ து தே³வதாஸ்ஸர்வா: ப்ருச்ச²ந்தி ஸ்ம பிதாமஹம் ।
ஶிதிகண்ட²ஸ்ய விஷ்ணோஶ்ச ப³லாப³லனிரீக்ஷயா ॥ 14 ॥
அபி⁴ப்ராயம் து விஜ்ஞாய தே³வதானாம் பிதாமஹ: ।
விரோத⁴ம் ஜனயாமாஸ தயோ ஸ்ஸத்யவதாம் வர: ॥ 15 ॥
விரோதே⁴ ச மஹத்³யுத்³த⁴மப⁴வத்³ரோமஹர்ஷணம் ।
ஶிதிகண்ட²ஸ்ய விஷ்ணோஶ்ச பரஸ்பரஜிகீ³ஷுணோ: ॥ 16 ॥
ததா³ து ஜ்ரும்பி⁴தம் ஶைவம் த⁴னுர்பீ⁴மபராக்ரமம் ।
ஹுங்காரேண மஹாதே³வ ஸ்தம்பி⁴தோத² த்ரிலோசன: ॥ 17 ॥
தே³வைஸ்ததா³ ஸமாக³ம்ய ஸர்ஷிஸகை⁴ ஸ்ஸசாரணை: ।
யாசிதௌ ப்ரஶமம் தத்ர ஜக்³மதுஸ்தௌ ஸுரோத்தமௌ ॥ 18 ॥
ஜ்ரும்பி⁴தம் தத்³த⁴னுர்த்³ர்ருஷ்ட்வா ஶைவம் விஷ்ணுபராக்ரமை: ।
அதி⁴கம் மேனிரே விஷ்ணும் தே³வா ஸ்ஸர்ஷிக³ணாஸ்ததா³ ॥ 19 ॥
த⁴னூ ருத்³ரஸ்து ஸங்க்ருத்³தோ⁴ விதே³ஹேஷு மஹாயஶா: ।
தே³வராதஸ்ய ராஜர்ஷேர்த³தௌ³ ஹஸ்தே ஸஸாயகம் ॥ 2௦ ॥
இத³ம் ச வைஷ்ணவம் ராம த⁴னு: பரபுரஞ்ஜயம் ।
ருசீகே பா⁴ர்க³வே ப்ராதா³த்³விஷ்ணு: ஸ ந்யாஸமுத்தமம் ॥ 21 ॥
ருசீகஸ்து மஹாதேஜா: புத்ரஸ்யாப்ரதிகர்மண: ।
பிதுர்மம த³தௌ³ தி³வ்யம் ஜமத³க்³னேர்மஹாத்மன: ॥ 22 ॥
ந்யஸ்தஶஸ்த்ரே பிதரி மே தபோப³லஸமன்விதே ।
அர்ஜுனோ வித³தே⁴ ம்ருத்யும் ப்ராக்ருதாம் பு³த்³தி⁴மாஸ்தி²த: ॥ 23 ॥
வத⁴மப்ரதிரூபம் து பிது ஶ்ஶ்ருத்வா ஸுதா³ருணம் ।
க்ஷத்ரமுத்ஸாத³யன்ரோஷாஜ்ஜாதம் ஜாதமனேகஶ: ॥ 24 ॥
ப்ருதி²வீம் சாகி²லாம் ப்ராப்ய காஶ்யபாய மஹாத்மனே ।
யஜ்ஞஸ்யாந்தே ததா³ ராம த³க்ஷிணாம் புண்யகர்மணே ।
த³த்த்வா மஹேந்த்³ரனிலயஸ்தபோப³லஸமன்வித: ॥ 25 ॥
அத்³யதூத்தமவீர்யேண த்வயா ராம மஹாப³ல ।
ஶ்ருதவான் த⁴னுஷோ பே⁴த³ம் ததோஹம் த்³ருதமாக³த: ॥ 26 ॥
ததி³த³ம் வைஷ்ணவம் ராம பித்ருபைதாமஹம் மஹத் ।
க்ஷத்ரத⁴ர்மம் புரஸ்க்ருத்ய க்³ருஹ்ணீஷ்வ த⁴னுருத்தமம் ॥ 27 ॥
யோஜயஸ்வ த⁴னுஶ்ஶ்ரேஷ்டே² ஶரம் பரபுரஞ்ஜயம் ।
யதி³ ஶக்னோஷி காகுத்ஸ்த² த்³வந்த்³வம் தா³ஸ்யாமி தே தத: ॥ 28 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே பா³லகாண்டே³ பஞ்சஸப்ததிதமஸ்ஸர்க:³ ॥
