শ্রীমদ্বাল্মীকীয় রামাযণে অয়োধ্য়াকাংডম্ ।
অথ নবাধিকশততমস্সর্গঃ ।
জাবালেস্তু বচশ্শ্রুত্বা রাম স্সত্য়াত্মনাং বরঃ ।
উবাচ পরয়া ভক্ত্য়া স্ববুদ্ধ্য়া চাবিপন্নয়া ॥ 1 ॥
ভবান্মে প্রিযকামার্থং বচনং যদিহোক্তবান্ ।
অকার্য়ং কার্যসংকাশমপথ্য়ং পথ্যসম্মতম্ ॥ 2 ॥
নির্মর্য়াদস্তু পুরুষঃ পাপাচারসমন্বিতঃ ।
মানং ন লভতে সত্সু ভিন্নচারিত্রদর্শনঃ ॥ 3 ॥
কুলীনমকুলীনং বা বীরং পুরুষমানিনম্ ।
চারিত্রমেব ব্য়াখ্য়াতি শুচিং বা যদি বাঽশুচিম্ ॥ 4 ॥
অনার্যস্ত্বার্যসংকাশ শ্শৌচাদ্দীনস্তাথাঽশুচিঃ ।
লক্ষণ্যবদলক্ষণ্য়ো দুশ্শীলশ্শীলবানিব ॥ 5 ॥
অধর্মং ধর্মবেশেণ যদীমং লোকসংকুরম্ ।
অভিপত্স্য়ে শুভং হিত্বা ক্রিয়াবিধিবিবর্জিতম্ ॥ 6 ॥
কশ্চেতয়ানঃ পুরুষঃ কার্য়াকার্যবিচক্ষণঃ ।
বহুমংস্যতি মাং লোকে দুর্বৃত্তং লোকদূষণম্ ॥ 7 ॥
কস্য় দাস্য়াম্যহং বৃত্তং কেন বা স্বর্গমাপ্নুয়াম্ ।
আনয়া বর্তমানো হি বৃত্ত্য়া হীনপ্রতিজ্ঞয়া ॥ 8 ॥
কামবৃত্তস্ত্বয়ং লোকঃ কৃত্স্ন স্সমুপবর্ততে ।
যদ্বৃত্তা স্সংতি রাজানস্তদ্বৃত্তা স্সংতি হি প্রজাঃ ॥ 9 ॥
সত্যমেবানৃশংসং চ রাজবৃত্তং সনাতনম্ ।
তস্মাত্সত্য়াত্মকং রাজ্য়ং সত্য়ে লোকঃ প্রতিষ্ঠিতঃ ॥ 10 ॥
ঋষযশ্চৈব দেবাশ্চ সত্যমেব হি মেনিরে ।
সত্যবাদী হি লোকেঽস্মিন্পরমং গচ্ছতি ক্ষযম্ ॥ 11 ॥
উদ্বিজংতে যথা সর্পান্নরাদনৃতবাদিনঃ ।
ধর্ম স্সত্য়ং পরো লোকে মূলং স্বর্গস্য় চোচ্যতে ॥ 12 ॥
সত্যমেবেশ্বরো লোকে সত্য়ং পদ্মাশ্রিতা সদা ।
সত্যমূলানি সর্বাণি সত্য়ান্নাস্তি পরং পদম্ ॥ 13 ॥
দত্তমিষ্টং হুতং চৈব তপ্তানি চ তপাংসি চ ।
বেদা স্সত্যপ্রতিষ্ঠানা স্তস্মাত্সত্যপরো ভবেত্ ॥ 14 ॥
একঃ পালযতে লোকমেকঃ পালযতে কুলম্ ।
মজ্জত্য়েকো হি নিরয় এক স্স্বর্গে মহীযতে ॥ 15 ॥
সোঽহং পিতুর্নিয়োগং তু কিমর্থং নানুপালয়ে ।
সত্যপ্রতিশ্রব স্সত্য়ং সত্য়েন সময়ীকৃতঃ ॥ 16 ॥
নৈব লোভান্ন মোহাদ্বা ন হ্যজ্ঞানাত্তমোঽন্বিতঃ ।
সেতুং সত্যস্য় ভেত্স্য়ামি গুরো স্সত্যপ্রতিশ্রবঃ ॥ 17 ॥
অসত্যসংধস্য় সতশ্চলস্য়াস্থিরচেতসঃ ।
নৈব দেবা ন পিতরঃ প্রতীচ্ছংতীতি নঃ শ্রুতম্ ॥ 18 ॥
প্রত্যগাত্মমিমং ধর্মং সত্য়ং পশ্য়াম্যহং স্বযম্ ।
ভার স্সত্পুরুষাচীর্ণস্তদর্থমভিমন্যতে ॥ 19 ॥
ক্ষাত্রং ধর্মমহংত্যক্ষ্য়ে হ্যধর্মং ধর্মসংহিতম্ ।
ক্ষুদ্রৈর্নৃশংসৈর্লুব্ধৈশ্চ সেবিতং পাপকর্মভিঃ ॥ 20 ॥
কায়েন কুরুতে পাপং মনসা সংপ্রধার্য় তত্ ।
অনৃতং জিহ্বয়া চাহ ত্রিবিধং কর্মপাতকম্ ॥ 21 ॥
ভূমিঃ কীর্তির্যশো লক্ষ্মীঃ পুরুষং প্রার্থয়ংতি হি ।
সত্য়ং সমনুবর্তনে সত্যমেব ভজেত ততঃ ॥ 22 ॥
শ্রেষ্ঠং হ্যনার্যমেব স্য়াদ্যদ্ভবানবধার্য় মাম্ ।
আহ যুক্তি করৈর্বাক্য়ৈরিদং ভদ্রং কুরুষ্ব হ ॥ 23 ॥
কথং হ্যহং প্রতিজ্ঞায় বনবাসমিমং গুরোঃ ।
ভরতস্য় করিষ্য়ামি বচো হিত্বা গুরোর্বচঃ ॥ 24 ॥
স্থিরা ময়া প্রতিজ্ঞাতা প্রতিজ্ঞা গুরুসন্নিধৌ ।
প্রহৃষ্যমাণা সা দেবী কৈকেয়ী চাভবত্তদা ॥ 25 ॥
বনবাসং বসন্নেব শুচির্নিযতভোজনঃ ।
মূলপুষ্পফলৈঃ পুণ্য়ৈঃ পিত্রূন্ দেবাংশ্চ তর্পযন্ ॥ 26 ॥
সংতুষ্টপংচবর্গোঽহং লোকয়াত্রাং প্রবর্তয়ে ।
অকুহ শ্শ্রদ্ধধানস্সন্কার্য়াকার্যবিচক্ষণঃ ॥ 27 ॥
বনবাসং বসন্নেবং শুচির্নিযতভোজনঃ ।
মূলৈঃ পুষ্পৈঃ ফলৈঃ পুণ্য়ৈঃ পিত্রূন্ দেবাংশ্চ তর্পযন্ ॥ 28 ॥
সংতুষ্টপংচবর্গোঽহং লোকয়াত্রাং প্রবর্তয়ে ।
অকুহ শ্শ্রদ্ধধানস্সন্কার্য়াকার্যবিচক্ষণঃ ॥ 29 ॥
কর্মভূমিমাং প্রাপ্য় কর্তব্য়ং কর্ম যচ্ছুভম্ ।
অগ্নির্বায়ুশ্চ সোমশ্চ কর্মণাং ফলভাগিনঃ ॥ 30 ॥
শতং ক্রতূনামাহৃত্য় দেবরাট্ ত্রিদিবং গতঃ ।
তপাংস্য়ুগ্রাণি চাস্থায় দিবং যাতা মহর্ষয়ঃ ॥ 31 ॥
অমৃষ্যমাণঃ পুনরুগ্রতেজাঃ নিশম্য় তং নাস্তিকবাক্যহেতুম্ ।
অথাব্রবীত্তং নৃপতেস্তনূজো বিগর্হমাণো বচনানি তস্য় ॥ 32 ॥
সত্য়ং চ ধর্মং চ পরাক্রমং চ ভূতানুকংপাং প্রিযবাদিতাং চ ।
দ্বিজাতিদেবাতিধিপূজনং চ পংথানমাহুস্ত্রিদিবস্য় সংতঃ ॥ 33 ॥
তেনৈবমাজ্ঞায় যথাবদর্থমেকোদয়ং সংপ্রতিপদ্য় বিপ্রাঃ ।
ধর্মং চরংত স্সকলং যথাবত্কাংক্ষংতি লোকাগমমপ্রমত্তাঃ ॥ 34 ॥
নিংদাম্যহং কর্ম কৃতং পিতুস্তদ্যস্ত্বামগৃহ্ণাদ্বিষমস্থবুদ্ধিম্ ।
বুদ্ধ্য়াঽনয়ৈবংবিধয়া চরংতং সুনাস্তিকং ধর্মপথাদপেতম্ ॥ 35 ॥
যথা হি চোরঃ স তথা হি বুদ্ধস্তথাগতং নাস্তিকমত্র বিদ্ধি ।
তস্মাদ্ধি যঃ শংক্যতমঃ প্রজানাং ন নাস্তিকেনাভিমুখো বুধঃ স্য়াত্ ॥ 36 ॥
ত্বত্তো জনাঃ পূর্বতরে দ্বিজাচ্শ্র শুভানি কর্মাণি বহূনি চক্রুঃ ।
জিত্বা সদেমং চ পরং চ লোকং তস্মাব্দিজা স্বস্তি হুতং কৃতং চ ॥ 37 ॥
ধর্মে রতাঃ সত্পুরুষৈঃ সমেতাস্তেজস্বিনো দানগুণপ্রধানাঃ ।
অহিংসকা বীতমলাশ্চ লোকে ভবংতি পূজ্য়া মুনয়ঃ প্রধানাঃ ॥ 38 ॥
ইতি ব্রুবংতং বচনং সরোষং রামং মহাত্মানমদীনসত্ত্বম্ ।
উবাচ পথ্য়ং পুনরাস্তিকং চ সত্য়ং বচঃ সানুনয়ং চ বিপ্রঃ ॥ 39 ॥
ন নাস্তিকানাং বচনং ব্রবীম্যহং ন নাস্তিকোঽহং ন চ নাস্তি কিংচন ।
সমীক্ষ্য় কালং পুনরাস্তিকোঽভবং ভবেয় কালে পুনরেব নাস্তিকঃ ॥ 40 ॥
ন চাপি কালোঽয় মুপাগতশ্শনৈর্যথা ময়া নাস্তিকবাগুদীরিতা ।
নিবর্তনার্থং তব রাম কারণাত্ প্রসাদনার্থং চ ময়ৈতদীরিতম্ ॥ 41 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অয়োধ্য়াকাংডে নবাধিকশততমস্সর্গঃ ॥
