ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² நவாதி⁴கஶததமஸ்ஸர்க:³ ।
ஜாபா³லேஸ்து வசஶ்ஶ்ருத்வா ராம ஸ்ஸத்யாத்மனாம் வர: ।
உவாச பரயா ப⁴க்த்யா ஸ்வபு³த்³த்⁴யா சாவிபன்னயா ॥ 1 ॥
ப⁴வான்மே ப்ரியகாமார்த²ம் வசனம் யதி³ஹோக்தவான் ।
அகார்யம் கார்யஸங்காஶமபத்²யம் பத்²யஸம்மதம் ॥ 2 ॥
நிர்மர்யாத³ஸ்து புருஷ: பாபாசாரஸமன்வித: ।
மானம் ந லப⁴தே ஸத்ஸு பி⁴ன்னசாரித்ரத³ர்ஶன: ॥ 3 ॥
குலீனமகுலீனம் வா வீரம் புருஷமானினம் ।
சாரித்ரமேவ வ்யாக்²யாதி ஶுசிம் வா யதி³ வாஶுசிம் ॥ 4 ॥
அனார்யஸ்த்வார்யஸங்காஶ ஶ்ஶௌசாத்³தீ³னஸ்தாதா²ஶுசி: ।
லக்ஷண்யவத³லக்ஷண்யோ து³ஶ்ஶீலஶ்ஶீலவானிவ ॥ 5 ॥
அத⁴ர்மம் த⁴ர்மவேஶேண யதீ³மம் லோகஸங்குரம் ।
அபி⁴பத்ஸ்யே ஶுப⁴ம் ஹித்வா க்ரியாவிதி⁴விவர்ஜிதம் ॥ 6 ॥
கஶ்சேதயான: புருஷ: கார்யாகார்யவிசக்ஷண: ।
ப³ஹுமம்ஸ்யதி மாம் லோகே து³ர்வ்ருத்தம் லோகதூ³ஷணம் ॥ 7 ॥
கஸ்ய தா³ஸ்யாம்யஹம் வ்ருத்தம் கேன வா ஸ்வர்க³மாப்னுயாம் ।
ஆனயா வர்தமானோ ஹி வ்ருத்த்யா ஹீனப்ரதிஜ்ஞயா ॥ 8 ॥
காமவ்ருத்தஸ்த்வயம் லோக: க்ருத்ஸ்ன ஸ்ஸமுபவர்ததே ।
யத்³வ்ருத்தா ஸ்ஸந்தி ராஜானஸ்தத்³வ்ருத்தா ஸ்ஸந்தி ஹி ப்ரஜா: ॥ 9 ॥
ஸத்யமேவான்ருஶம்ஸம் ச ராஜவ்ருத்தம் ஸனாதனம் ।
தஸ்மாத்ஸத்யாத்மகம் ராஜ்யம் ஸத்யே லோக: ப்ரதிஷ்டி²த: ॥ 1௦ ॥
ருஷயஶ்சைவ தே³வாஶ்ச ஸத்யமேவ ஹி மேனிரே ।
ஸத்யவாதீ³ ஹி லோகேஸ்மின்பரமம் க³ச்ச²தி க்ஷயம் ॥ 11 ॥
உத்³விஜந்தே யதா² ஸர்பான்னராத³ன்ருதவாதி³ன: ।
த⁴ர்ம ஸ்ஸத்யம் பரோ லோகே மூலம் ஸ்வர்க³ஸ்ய சோச்யதே ॥ 12 ॥
ஸத்யமேவேஶ்வரோ லோகே ஸத்யம் பத்³மாஶ்ரிதா ஸதா³ ।
ஸத்யமூலானி ஸர்வாணி ஸத்யான்னாஸ்தி பரம் பத³ம் ॥ 13 ॥
த³த்தமிஷ்டம் ஹுதம் சைவ தப்தானி ச தபாம்ஸி ச ।
வேதா³ ஸ்ஸத்யப்ரதிஷ்டா²னா ஸ்தஸ்மாத்ஸத்யபரோ ப⁴வேத் ॥ 14 ॥
ஏக: பாலயதே லோகமேக: பாலயதே குலம் ।
மஜ்ஜத்யேகோ ஹி நிரய ஏக ஸ்ஸ்வர்கே³ மஹீயதே ॥ 15 ॥
ஸோஹம் பிதுர்னியோக³ம் து கிமர்த²ம் நானுபாலயே ।
ஸத்யப்ரதிஶ்ரவ ஸ்ஸத்யம் ஸத்யேன ஸமயீக்ருத: ॥ 16 ॥
நைவ லோபா⁴ன்ன மோஹாத்³வா ந ஹ்யஜ்ஞானாத்தமோன்வித: ।
ஸேதும் ஸத்யஸ்ய பே⁴த்ஸ்யாமி கு³ரோ ஸ்ஸத்யப்ரதிஶ்ரவ: ॥ 17 ॥
அஸத்யஸந்த⁴ஸ்ய ஸதஶ்சலஸ்யாஸ்தி²ரசேதஸ: ।
நைவ தே³வா ந பிதர: ப்ரதீச்ச²ந்தீதி ந: ஶ்ருதம் ॥ 18 ॥
ப்ரத்யகா³த்மமிமம் த⁴ர்மம் ஸத்யம் பஶ்யாம்யஹம் ஸ்வயம் ।
பா⁴ர ஸ்ஸத்புருஷாசீர்ணஸ்தத³ர்த²மபி⁴மன்யதே ॥ 19 ॥
க்ஷாத்ரம் த⁴ர்மமஹந்த்யக்ஷ்யே ஹ்யத⁴ர்மம் த⁴ர்மஸம்ஹிதம் ।
க்ஷுத்³ரைர்ன்ருஶம்ஸைர்லுப்³தை⁴ஶ்ச ஸேவிதம் பாபகர்மபி⁴: ॥ 2௦ ॥
காயேன குருதே பாபம் மனஸா ஸம்ப்ரதா⁴ர்ய தத் ।
அன்ருதம் ஜிஹ்வயா சாஹ த்ரிவித⁴ம் கர்மபாதகம் ॥ 21 ॥
பூ⁴மி: கீர்திர்யஶோ லக்ஷ்மீ: புருஷம் ப்ரார்த²யந்தி ஹி ।
ஸத்யம் ஸமனுவர்தனே ஸத்யமேவ பஜ⁴ேத தத: ॥ 22 ॥
ஶ்ரேஷ்ட²ம் ஹ்யனார்யமேவ ஸ்யாத்³யத்³ப⁴வானவதா⁴ர்ய மாம் ।
ஆஹ யுக்தி கரைர்வாக்யைரித³ம் ப⁴த்³ரம் குருஷ்வ ஹ ॥ 23 ॥
கத²ம் ஹ்யஹம் ப்ரதிஜ்ஞாய வனவாஸமிமம் கு³ரோ: ।
ப⁴ரதஸ்ய கரிஷ்யாமி வசோ ஹித்வா கு³ரோர்வச: ॥ 24 ॥
ஸ்தி²ரா மயா ப்ரதிஜ்ஞாதா ப்ரதிஜ்ஞா கு³ருஸன்னிதௌ⁴ ।
ப்ரஹ்ருஷ்யமாணா ஸா தே³வீ கைகேயீ சாப⁴வத்ததா³ ॥ 25 ॥
வனவாஸம் வஸன்னேவ ஶுசிர்னியதபோ⁴ஜன: ।
மூலபுஷ்பப²லை: புண்யை: பித்ரூன் தே³வாம்ஶ்ச தர்பயன் ॥ 26 ॥
ஸந்துஷ்டபஞ்சவர்கோ³ஹம் லோகயாத்ராம் ப்ரவர்தயே ।
அகுஹ ஶ்ஶ்ரத்³த⁴தா⁴னஸ்ஸன்கார்யாகார்யவிசக்ஷண: ॥ 27 ॥
வனவாஸம் வஸன்னேவம் ஶுசிர்னியதபோ⁴ஜன: ।
மூலை: புஷ்பை: ப²லை: புண்யை: பித்ரூன் தே³வாம்ஶ்ச தர்பயன் ॥ 28 ॥
ஸந்துஷ்டபஞ்சவர்கோ³ஹம் லோகயாத்ராம் ப்ரவர்தயே ।
அகுஹ ஶ்ஶ்ரத்³த⁴தா⁴னஸ்ஸன்கார்யாகார்யவிசக்ஷண: ॥ 29 ॥
கர்மபூ⁴மிமாம் ப்ராப்ய கர்தவ்யம் கர்ம யச்சு²ப⁴ம் ।
அக்³னிர்வாயுஶ்ச ஸோமஶ்ச கர்மணாம் ப²லபா⁴கி³ன: ॥ 3௦ ॥
ஶதம் க்ரதூனாமாஹ்ருத்ய தே³வராட் த்ரிதி³வம் க³த: ।
தபாம்ஸ்யுக்³ராணி சாஸ்தா²ய தி³வம் யாதா மஹர்ஷய: ॥ 31 ॥
அம்ருஷ்யமாண: புனருக்³ரதேஜா: நிஶம்ய தம் நாஸ்திகவாக்யஹேதும் ।
அதா²ப்³ரவீத்தம் ந்ருபதேஸ்தனூஜோ விக³ர்ஹமாணோ வசனானி தஸ்ய ॥ 32 ॥
ஸத்யம் ச த⁴ர்மம் ச பராக்ரமம் ச பூ⁴தானுகம்பாம் ப்ரியவாதி³தாம் ச ।
த்³விஜாதிதே³வாதிதி⁴பூஜனம் ச பந்தா²னமாஹுஸ்த்ரிதி³வஸ்ய ஸந்த: ॥ 33 ॥
தேனைவமாஜ்ஞாய யதா²வத³ர்த²மேகோத³யம் ஸம்ப்ரதிபத்³ய விப்ரா: ।
த⁴ர்மம் சரந்த ஸ்ஸகலம் யதா²வத்காங்க்ஷந்தி லோகாக³மமப்ரமத்தா: ॥ 34 ॥
நிந்தா³ம்யஹம் கர்ம க்ருதம் பிதுஸ்தத்³யஸ்த்வாமக்³ருஹ்ணாத்³விஷமஸ்த²பு³த்³தி⁴ம் ।
பு³த்³த்⁴யானயைவம்வித⁴யா சரந்தம் ஸுனாஸ்திகம் த⁴ர்மபதா²த³பேதம் ॥ 35 ॥
யதா² ஹி சோர: ஸ ததா² ஹி பு³த்³த⁴ஸ்ததா²க³தம் நாஸ்திகமத்ர வித்³தி⁴ ।
தஸ்மாத்³தி⁴ ய: ஶங்க்யதம: ப்ரஜானாம் ந நாஸ்திகேனாபி⁴முகோ² பு³த:⁴ ஸ்யாத் ॥ 36 ॥
த்வத்தோ ஜனா: பூர்வதரே த்³விஜாச்ஶ்ர ஶுபா⁴னி கர்மாணி ப³ஹூனி சக்ரு: ।
ஜித்வா ஸதே³மம் ச பரம் ச லோகம் தஸ்மாவ்தி³ஜா ஸ்வஸ்தி ஹுதம் க்ருதம் ச ॥ 37 ॥
த⁴ர்மே ரதா: ஸத்புருஷை: ஸமேதாஸ்தேஜஸ்வினோ தா³னகு³ணப்ரதா⁴னா: ।
அஹிம்ஸகா வீதமலாஶ்ச லோகே ப⁴வந்தி பூஜ்யா முனய: ப்ரதா⁴னா: ॥ 38 ॥
இதி ப்³ருவந்தம் வசனம் ஸரோஷம் ராமம் மஹாத்மானமதீ³னஸத்த்வம் ।
உவாச பத்²யம் புனராஸ்திகம் ச ஸத்யம் வச: ஸானுனயம் ச விப்ர: ॥ 39 ॥
ந நாஸ்திகானாம் வசனம் ப்³ரவீம்யஹம் ந நாஸ்திகோஹம் ந ச நாஸ்தி கிஞ்சன ।
ஸமீக்ஷ்ய காலம் புனராஸ்திகோப⁴வம் ப⁴வேய காலே புனரேவ நாஸ்திக: ॥ 4௦ ॥
ந சாபி காலோய முபாக³தஶ்ஶனைர்யதா² மயா நாஸ்திகவாகு³தீ³ரிதா ।
நிவர்தனார்த²ம் தவ ராம காரணாத் ப்ரஸாத³னார்த²ம் ச மயைததீ³ரிதம் ॥ 41 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ நவாதி⁴கஶததமஸ்ஸர்க:³ ॥
