ශ්රීමද්වාල්මීකීය රාමායණේ අයෝධ්යාකාංඩම් ।
අථ සප්තෂෂ්ටිතමස්සර්ගඃ ।
ආක්රංදිතනිරානංදා සාස්රකංඨජනාකුලා ।
අයෝධ්යායාමවතතා සා ව්යතීයාය ශර්වරී ॥ 1 ॥
ව්යතීතායාං තු ශර්වර්යාමාදිත්යස්යෝදයේ තතඃ ।
සමේත්ය රාජකර්තාරඃ සභාමීයුර්ද්විජාතයඃ ॥ 2 ॥
මාර්කංඩේයෝऽථ මෞද්ගල්යෝ වාමදේවශ්ච කාශ්යපඃ ।
කාත්යායනෝ ගෞතමශ්ච ජාබාලිශ්ච මහායශාඃ ॥ 3 ॥
ඒතේ ද්විජා ස්සහාමාත්යෛඃ පෘථග්වා ච මුදීරයන් ।
වසිෂ්ඨමේවාභිමුඛාඃ ශ්රේෂ්ඨං රාජපුරෝහිතම් ॥ 4 ॥
අතීතා ශර්වරී දුඃඛං යා නෝ වර්ෂශතෝපමා ।
අස්මින්පංචත්වමාපන්නේ පුත්රශෝකේන පාර්ථිවේ ॥ 5 ॥
ස්වර්ගතශ්ච මහාරාජෝ රාමශ්චාරණ්යමාශ්රිතඃ ।
ලක්ෂ්මණශ්චාපි තේජස්වී රාමේණෛව ගතස්සහ ॥ 6 ॥
උභෞ භරතශත්රුඝ්නෞ කේකයේෂු පරංතපෞ ।
පුරේ රාජගෘහේ රම්යේ මාතාමහනිවේශනේ ॥ 7 ॥
ඉක්ෂ්වාකූණාමිහාද්යෛව කශ්චිද්රාජා විධීයතාම් ।
අරාජකං හි නෝ රාෂ්ට්රං විනාශං සමවාප්නුයාත් ॥ 8 ॥
නාරාජකේ ජනපදේ විද්යුන්මාලී මහාස්වනඃ ।
අභිවර්ෂති පර්ජන්යෝ මහීං දිව්යේන වාරිණා ॥ 9 ॥
නාරාජකේ ජනපදේ බීජමුෂ්ටිඃ ප්රකීර්යතේ ।
නාරාජකේ පිතුඃ පුත්රෝ භාර්යා වා වර්තතේ වශේ ॥ 10 ॥
නාරාජකේ ධනං චාස්ති නාස්ති භාර්යා ප්යරාජකේ ।
ඉද මත්යාහිතං චාන්යත්කුතස්සත්ය මරාජකේ ॥ 11 ॥
නාරාජකේ ජනපදේ කාරයංති සභාං නරාඃ ।
උද්යානානි ච රම්යාණි හෘෂ්ටාඃ පුණ්යගෘහාණි ච ॥ 12 ॥
නාරාජකේ ජනපදේ යජ්ඤශීලා ද්විජාතයඃ ।
සත්රාණ්යන්වාසතේ දාංතා බ්රාහ්මණා ස්සංශිතව්රතාඃ ॥ 13 ॥
නාරාජකේ ජනපදේ මහායජ්ඤේෂු යජ්වනඃ ।
බ්රාහ්මණා වසුසංපන්නා විසෘජංත්යාප්තදක්ෂිණාඃ ॥ 14 ॥
නාරාජකේ ජනපදේ ප්රභූතනටනර්තකාඃ ।
උත්සවාශ්ච සමාජාශ්ච වර්ධංතේ රාෂ්ට්රවර්ධනාඃ ॥ 15 ॥
නාරාජකේ ජනපදේ සිද්ධාර්ථා ව්යවහාරිණඃ ।
කථාභිරනුරජ්යංතේ කථාශීලාඃ කථාප්රියෛඃ ॥ 16 ॥
නාරාජකේ ජනපදේ උද්යානානි සමාගතාඃ ।
සායාහ්නේ ක්රීඩිතුං යාංති කුමාර්යෝ හේමභූෂිතාඃ ॥ 17 ॥
නාරාජකේ ජනපදේ වාහනෛ ශශීඝ්රගාමිභිඃ ।
නරා නිර්යාංත්යරණ්යානි නාරීභිස්සහ කාමිනඃ ॥ 18 ॥
නාරාජකේ ජනපදේ ධනවංතස්සුරක්ෂිතාඃ ।
ශේරතේ විවෘතද්වාරාඃ කෘෂිගෝරක්ෂජීවිනඃ ॥ 19 ॥
නාරාජකේ ජනපදේ බද්ධඝංටාවිෂාණිනඃ ।
අටංති රාජමාර්ගේෂු කුංජරා ෂෂ්ටිහායනාඃ ॥ 20 ॥
නාරාජකේ ජනපදේ ශරාන්සංතතමස්යතාම් ।
ශ්රූයතේ තලනිර්ඝෝෂ ඉෂ්වස්ත්රාණාමුපාසනේ ॥ 21 ॥
නාරාජකේ ජනපදේ වණිජෝ දූරගාමිනඃ ।
ගච්ඡංති ක්ෂේමමධ්වානං බහුපණ්යසමාචිතාඃ ॥ 22 ॥
නාරාජකේ ජනපදේ චරත්යේකචරෝ වශී ।
භාවයන්නාත්මනාऽත්මානං යත්ර සායංගෘහෝ මුනිඃ ॥ 23 ॥
නාරාජකේ ජනපදේ යෝගක්ෂේමං ප්රවර්තතේ ।
නචාප්යරාජකේ සේනා ශත්රූන්විෂහතේ යුධි ॥ 24 ॥
නාරාජකේ ජනපදේ හෘෂ්ටෛඃ පරමවාජිභිඃ ।
නරාස්සංයාංති සහසා රථෛශ්ච පරිමංඩිතාඃ ॥ 25 ॥
නාරාජකේ ජනපදේ නරාශ්ශාස්ත්රවිශාරදාඃ ।
සංවදංතෝऽවතිෂ්ඨංතේ වනේෂූපවනේෂු ච ॥ 26 ॥
නාරාජකේ ජනපදේ මාල්යමෝදකදක්ෂිණාඃ ।
දේවතාභ්යර්චනාර්ථාය කල්ප්යංතේ නියතෛර්ජනෛඃ ॥ 27 ॥
නාරාජකේ ජනපදේ චංදනාගරුරූෂිතාඃ ।
රාජපුත්රා විරාජංතේ වසංත ඉව ශාඛිනඃ ॥ 28 ॥
යථා හ්යනුදකා නද්යඃ යථා වාऽප්යතෘණං වනම් ।
අගෝපාලා යථා ගාවස්තථා රාෂ්ට්රමරාජකම් ॥ 29 ॥
නාරාජකේ ජනපදේ ස්වකං භවති කස්යචිත් ।
මත්ස්යා ඉව නරා නිත්යං භක්ෂයංති පරස්පරම් ॥ 30 ॥
යේ හි සංභින්නමර්යාදා නාස්තිකාශ්ඡින්නසංශයාඃ ।
තේऽපි භාවාය කල්පංතේ රාජදංඩනිපීඩිතාඃ ॥ 31 ॥
යථා දෘෂ්ටි ශ්ශරීරස්ය නිත්යමේව ප්රවර්තතේ ।
තථා නරේංද්රෝ රාෂ්ට්රස්ය ප්රභවස්සත්යධර්මයෝඃ ॥ 32 ॥
රාජා සත්යං ච ධර්මශ්ච රාජා කුලවතාං කුලම් ।
රාජා මාතා පිතා චෛව රාජා හිතකරෝ නෘණාම් ॥ 33 ॥
යමෝ වෛශ්රවණ ශ්ශක්රඃ වරුණශ්ච මහාබලඃ ।
විශේෂ්යංතේ නරේංද්රේණ වෘත්තේන මහතා තතඃ ॥ 34 ॥
අහෝ තම ඉවේදං ස්යාන්නප්රජ්ඤායේත කිංචන ।
රාජා චේ න්න භවේ ල්ලෝකේ විභජ සාධ්වසාධුනී ॥ 35 ॥
ජීවත්යපි මහාරාජේ තවෛව වචනං වයම් ।
නාතික්රමාමහේ සර්වේ වේලාං ප්රාප්යේව සාගරඃ ॥ 36 ॥
ස න ස්සමීක්ෂ්ය ද්විජවර්ය වෘත්තං නෘපං විනා රාජ්යමරණ්යභූතම් ।
කුමාරමික්ෂ්වාකුසුතං වදාන්යං ත්වමේව රාජානමිහාභිෂිංච ॥ 37 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ අයෝධ්යාකාංඩේ සප්තෂෂ්ටිතමස්සර්ගඃ ॥
