ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² ஸப்தஷஷ்டிதமஸ்ஸர்க:³ ।
ஆக்ரந்தி³தனிரானந்தா³ ஸாஸ்ரகண்டஜ²னாகுலா ।
அயோத்⁴யாயாமவததா ஸா வ்யதீயாய ஶர்வரீ ॥ 1 ॥
வ்யதீதாயாம் து ஶர்வர்யாமாதி³த்யஸ்யோத³யே தத: ।
ஸமேத்ய ராஜகர்தார: ஸபா⁴மீயுர்த்³விஜாதய: ॥ 2 ॥
மார்கண்டே³யோத² மௌத்³க³ல்யோ வாமதே³வஶ்ச காஶ்யப: ।
காத்யாயனோ கௌ³தமஶ்ச ஜாபா³லிஶ்ச மஹாயஶா: ॥ 3 ॥
ஏதே த்³விஜா ஸ்ஸஹாமாத்யை: ப்ருத²க்³வா ச முதீ³ரயன் ।
வஸிஷ்ட²மேவாபி⁴முகா²: ஶ்ரேஷ்ட²ம் ராஜபுரோஹிதம் ॥ 4 ॥
அதீதா ஶர்வரீ து³:க²ம் யா நோ வர்ஷஶதோபமா ।
அஸ்மின்பஞ்சத்வமாபன்னே புத்ரஶோகேன பார்தி²வே ॥ 5 ॥
ஸ்வர்க³தஶ்ச மஹாராஜோ ராமஶ்சாரண்யமாஶ்ரித: ।
லக்ஷ்மணஶ்சாபி தேஜஸ்வீ ராமேணைவ க³தஸ்ஸஹ ॥ 6 ॥
உபௌ⁴ ப⁴ரதஶத்ருக்⁴னௌ கேகயேஷு பரந்தபௌ ।
புரே ராஜக்³ருஹே ரம்யே மாதாமஹனிவேஶனே ॥ 7 ॥
இக்ஷ்வாகூணாமிஹாத்³யைவ கஶ்சித்³ராஜா விதீ⁴யதாம் ।
அராஜகம் ஹி நோ ராஷ்ட்ரம் வினாஶம் ஸமவாப்னுயாத் ॥ 8 ॥
நாராஜகே ஜனபதே³ வித்³யுன்மாலீ மஹாஸ்வன: ।
அபி⁴வர்ஷதி பர்ஜன்யோ மஹீம் தி³வ்யேன வாரிணா ॥ 9 ॥
நாராஜகே ஜனபதே³ பீ³ஜமுஷ்டி: ப்ரகீர்யதே ।
நாராஜகே பிது: புத்ரோ பா⁴ர்யா வா வர்ததே வஶே ॥ 1௦ ॥
நாராஜகே த⁴னம் சாஸ்தி நாஸ்தி பா⁴ர்யா ப்யராஜகே ।
இத³ மத்யாஹிதம் சான்யத்குதஸ்ஸத்ய மராஜகே ॥ 11 ॥
நாராஜகே ஜனபதே³ காரயந்தி ஸபா⁴ம் நரா: ।
உத்³யானானி ச ரம்யாணி ஹ்ருஷ்டா: புண்யக்³ருஹாணி ச ॥ 12 ॥
நாராஜகே ஜனபதே³ யஜ்ஞஶீலா த்³விஜாதய: ।
ஸத்ராண்யன்வாஸதே தா³ந்தா ப்³ராஹ்மணா ஸ்ஸம்ஶிதவ்ரதா: ॥ 13 ॥
நாராஜகே ஜனபதே³ மஹாயஜ்ஞேஷு யஜ்வன: ।
ப்³ராஹ்மணா வஸுஸம்பன்னா விஸ்ருஜந்த்யாப்தத³க்ஷிணா: ॥ 14 ॥
நாராஜகே ஜனபதே³ ப்ரபூ⁴தனடனர்தகா: ।
உத்ஸவாஶ்ச ஸமாஜாஶ்ச வர்த⁴ந்தே ராஷ்ட்ரவர்த⁴னா: ॥ 15 ॥
நாராஜகே ஜனபதே³ ஸித்³தா⁴ர்தா² வ்யவஹாரிண: ।
கதா²பி⁴ரனுரஜ்யந்தே கதா²ஶீலா: கதா²ப்ரியை: ॥ 16 ॥
நாராஜகே ஜனபதே³ உத்³யானானி ஸமாக³தா: ।
ஸாயாஹ்னே க்ரீடி³தும் யாந்தி குமார்யோ ஹேமபூ⁴ஷிதா: ॥ 17 ॥
நாராஜகே ஜனபதே³ வாஹனை ஶஶீக்⁴ரகா³மிபி⁴: ।
நரா நிர்யாந்த்யரண்யானி நாரீபி⁴ஸ்ஸஹ காமின: ॥ 18 ॥
நாராஜகே ஜனபதே³ த⁴னவந்தஸ்ஸுரக்ஷிதா: ।
ஶேரதே விவ்ருதத்³வாரா: க்ருஷிகோ³ரக்ஷஜீவின: ॥ 19 ॥
நாராஜகே ஜனபதே³ ப³த்³த⁴க⁴ண்டாவிஷாணின: ।
அடந்தி ராஜமார்கே³ஷு குஞ்ஜரா ஷஷ்டிஹாயனா: ॥ 2௦ ॥
நாராஜகே ஜனபதே³ ஶரான்ஸந்ததமஸ்யதாம் ।
ஶ்ரூயதே தலனிர்கோ⁴ஷ இஷ்வஸ்த்ராணாமுபாஸனே ॥ 21 ॥
நாராஜகே ஜனபதே³ வணிஜோ தூ³ரகா³மின: ।
க³ச்ச²ந்தி க்ஷேமமத்⁴வானம் ப³ஹுபண்யஸமாசிதா: ॥ 22 ॥
நாராஜகே ஜனபதே³ சரத்யேகசரோ வஶீ ।
பா⁴வயன்னாத்மனாத்மானம் யத்ர ஸாயங்க்³ருஹோ முனி: ॥ 23 ॥
நாராஜகே ஜனபதே³ யோக³க்ஷேமம் ப்ரவர்ததே ।
நசாப்யராஜகே ஸேனா ஶத்ரூன்விஷஹதே யுதி⁴ ॥ 24 ॥
நாராஜகே ஜனபதே³ ஹ்ருஷ்டை: பரமவாஜிபி⁴: ।
நராஸ்ஸம்யாந்தி ஸஹஸா ரதை²ஶ்ச பரிமண்டி³தா: ॥ 25 ॥
நாராஜகே ஜனபதே³ நராஶ்ஶாஸ்த்ரவிஶாரதா³: ।
ஸம்வத³ந்தோவதிஷ்ட²ந்தே வனேஷூபவனேஷு ச ॥ 26 ॥
நாராஜகே ஜனபதே³ மால்யமோத³கத³க்ஷிணா: ।
தே³வதாப்⁴யர்சனார்தா²ய கல்ப்யந்தே நியதைர்ஜனை: ॥ 27 ॥
நாராஜகே ஜனபதே³ சந்த³னாக³ருரூஷிதா: ।
ராஜபுத்ரா விராஜந்தே வஸந்த இவ ஶாகி²ன: ॥ 28 ॥
யதா² ஹ்யனுத³கா நத்³ய: யதா² வாப்யத்ருணம் வனம் ।
அகோ³பாலா யதா² கா³வஸ்ததா² ராஷ்ட்ரமராஜகம் ॥ 29 ॥
நாராஜகே ஜனபதே³ ஸ்வகம் ப⁴வதி கஸ்யசித் ।
மத்ஸ்யா இவ நரா நித்யம் ப⁴க்ஷயந்தி பரஸ்பரம் ॥ 3௦ ॥
யே ஹி ஸம்பி⁴ன்னமர்யாதா³ நாஸ்திகாஶ்சி²ன்னஸம்ஶயா: ।
தேபி பா⁴வாய கல்பந்தே ராஜத³ண்ட³னிபீடி³தா: ॥ 31 ॥
யதா² த்³ருஷ்டி ஶ்ஶரீரஸ்ய நித்யமேவ ப்ரவர்ததே ।
ததா² நரேந்த்³ரோ ராஷ்ட்ரஸ்ய ப்ரப⁴வஸ்ஸத்யத⁴ர்மயோ: ॥ 32 ॥
ராஜா ஸத்யம் ச த⁴ர்மஶ்ச ராஜா குலவதாம் குலம் ।
ராஜா மாதா பிதா சைவ ராஜா ஹிதகரோ ந்ருணாம் ॥ 33 ॥
யமோ வைஶ்ரவண ஶ்ஶக்ர: வருணஶ்ச மஹாப³ல: ।
விஶேஷ்யந்தே நரேந்த்³ரேண வ்ருத்தேன மஹதா தத: ॥ 34 ॥
அஹோ தம இவேத³ம் ஸ்யான்னப்ரஜ்ஞாயேத கிஞ்சன ।
ராஜா சே ந்ன ப⁴வே ல்லோகே விபஜ⁴ ஸாத்⁴வஸாது⁴னீ ॥ 35 ॥
ஜீவத்யபி மஹாராஜே தவைவ வசனம் வயம் ।
நாதிக்ரமாமஹே ஸர்வே வேலாம் ப்ராப்யேவ ஸாக³ர: ॥ 36 ॥
ஸ ந ஸ்ஸமீக்ஷ்ய த்³விஜவர்ய வ்ருத்தம் ந்ருபம் வினா ராஜ்யமரண்யபூ⁴தம் ।
குமாரமிக்ஷ்வாகுஸுதம் வதா³ன்யம் த்வமேவ ராஜானமிஹாபி⁴ஷிஞ்ச ॥ 37 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ ஸப்தஷஷ்டிதமஸ்ஸர்க:³ ॥
