ஶ்ரீமத்³வால்மீகீய ராமாயணே அரண்யகாண்ட³ம் ।
அத² ப்ரத²மஸ்ஸர்க:³ ।
ப்ரவிஶ்ய து மஹாரண்யம் த³ண்ட³காரண்யமாத்மவான் ।
த³த³ர்ஶ ராமோ து³ர்த⁴ர்ஷஸ்தாபஸாஶ்ரமமண்ட³லம் ॥ 1 ॥
குஶசீரபரிக்ஷிப்தம் ப்³ராஹ்ம்யா லக்ஷ்ம்யா ஸமாவ்ருதம் ।
யதா² ப்ரதீ³ப்தம் து³ர்த³ர்ஶம் க³க³னே ஸூர்யமண்ட³லம் ॥ 2 ॥
ஶரண்யம் ஸர்வபூ⁴தானாம் ஸுஸம்ம்ருஷ்டாஜிரம் ஸதா³ ।
ம்ருகை³ர்ப³ஹுபி⁴ராகீர்ணம் பக்ஷிஸங்கை⁴ஸ்ஸமாவ்ருதம் ॥ 3 ॥
பூஜிதம் ச ப்ரன்ருத்தம் ச நித்யமப்ஸரஸாம் க³ணை: ।
விஶாலைரக்³னிஶரணை: ஸ்ருக்³பா⁴ண்டை³ரஜினை: குஶை: ॥ 4 ॥
ஸமித்³பி⁴ஸ்தோயகலஶை: ப²லமூலைஶ்ச ஶோபி⁴தம் ।
ஆரண்யைஶ்ச மஹாவ்ருக்ஷை: புண்யைஸ்ஸ்வாது³ப²லைர்வ்ருதம் ॥ 5 ॥
ப³லிஹோமார்சிதம் புண்யம் ப்³ரஹ்மகோ⁴ஷனினாதி³தம் ।
புஷ்பைஶ்சான்யை: பரிக்ஷிப்தம் பத்³மின்யா ச ஸபத்³மயா ॥ 6 ॥
ப²லமூலாஶனைர்தா³ந்தைஶ்சீரக்ருஷ்ணாஜினாம்ப³ரை: ।
ஸூர்யவைஶ்வானராபை⁴ஶ்ச புராணைர்முனிபி⁴ர்வுதம் ॥ 7 ॥
புண்யைஶ்ச நியதாஹாரை: ஶோபி⁴தம் பரமர்ஷிபி⁴: ।
தத்³ப்³ரஹ்மப⁴வனப்ரக்²யம் ப்³ரஹ்மகோ⁴ஷனினாதி³தம் ॥ 8 ॥
ப்³ரஹ்மவித்³பி⁴ர்மஹாபா⁴கை³ர்ப்³ராஹ்மணைருபஶோபி⁴தம் ।
தத்³த்³ருஷ்ட்வா ராக⁴வ: ஶ்ரீமாம்ஸ்தாபஸாஶ்ரமமண்ட³லம் ॥ 9 ॥
அப்⁴யக³ச்ச²ன்மஹாதேஜா விஜ்யம் க்ருத்வா மஹத்³த⁴னு: ।
தி³வ்யஜ்ஞானோபபன்னாஸ்தே ராமம் த்³ருஷ்ட்வா மஹர்ஷய: ॥ 1௦ ॥
அப்⁴யக³ச்ச²ன்ஸ்ததா³ ப்ரீதா வைதே³ஹீம் ச யஶஸ்வினீம் ।
தே தம் ஸோமமிவோத்³யந்தம் த்³ருஷ்ட்வா வை த⁴ர்மசாரிணம் ॥ 11 ॥
லக்ஷ்மணம் சைவ த்³ருஷ்ட்வா து வைதே³ஹீம் ச யஶஸ்வினீம் ।
மங்க³லானி ப்ரயுஞ்ஜானா: ப்ரத்யக்³ருஹ்ணந்த்³ருட⁴வ்ரதா: ॥ 12 ॥
ரூபஸம்ஹனநம் லக்ஷ்மீம் ஸௌகுமார்யம் ஸுவேஷதாம் ।
த³த்³ருஶுர்விஸ்மிதாகாரா ராமஸ்ய வனவாஸின: ॥ 13 ॥
வைதே³ஹீம் லக்ஷ்மணம் ராமம் நேத்ரைரனிமிஷைரிவ ।
ஆஶ்சர்யபூ⁴தாந்த³த்³ருஶு: ஸர்வே தே வனசாரிண: ॥ 14 ॥
அத்ரைனம் ஹி மஹாபா⁴கா³ ஸ்ஸர்வபூ⁴தஹிதே ரதா: ।
அதிதி²ம் பர்ணஶாலாயாம் ராக⁴வம் ஸம்ன்யவேஶயன் ॥ 15 ॥
ததோ ராமஸ்ய ஸத்க்ருத்ய விதி⁴னா பாவகோபமா: ।
ஆஜஹ்ருஸ்தே மஹாபா⁴கா³: ஸலிலம் த⁴ர்மசாரிண: ॥ 16 ॥
புஷ்பம் மூலம் ப²லம் ஸர்வமாஶ்ரமம் ச மஹாத்மன: ।
நிவேத³யித்வா த⁴ர்மஜ்ஞாஸ்தே தத: ப்ராஞ்ஜலயோப்³ருவன் ॥ 17 ॥
த⁴ர்மபாலோ ஜனஸ்யாஸ்ய ஶரண்யஸ்த்வம் மஹாயஶா: ।
பூஜனீயஶ்ச மான்யஶ்ச ராஜா த³ண்ட³த⁴ரோ கு³ரு: ॥ 18 ॥
இந்த்³ரஸ்யேஹ சதுர்பா⁴க:³ ப்ரஜா ரக்ஷதி ராக⁴வ ।
ராஜா தஸ்மாத்³வரான்போ⁴கா³ன்ரம்யான் பு⁴ஙக்தேலோகனமஸ்க்ருத: ॥ 19 ॥
தே வயம் ப⁴வதா ரக்ஷ்யா ப⁴வத்³விஷயவாஸின: ।
நக³ரஸ்தோ² வனஸ்தோ² வா த்வம் நோ ராஜா ஜனேஶ்வர: ॥ 2௦ ॥
ந்யஸ்தத³ண்டா³ வயம் ராஜஞ்ஜிதக்ரோதா⁴ ஜிதேந்த்³ரியா: ।
ரக்ஷணீயாஸ்த்வயா ஶஶ்வத³க³ர்ப⁴பூ⁴தாஸ்தபோத⁴னா: ॥ 21 ॥
ஏவமுக்த்வா ப²லைர்மூலை: புஷ்பைர்வன்யைஶ்ச ராக⁴வம் ।
அன்யைஶ்ச விவிதா⁴ஹாரை: ஸலக்ஷ்மணமபூஜயன் ॥ 22 ॥
ததா²ன்யே தாபஸாஸ்ஸித்³தா⁴ ராமம் வைஶ்வானரோபமா: ।
ந்யாயவ்ருத்தா யதா²ன்யாயம் தர்பயாமாஸுரீஶ்வரம் ॥ 23 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அரண்யகாண்டே³ ப்ரத²மஸ்ஸர்க:³ ॥
