ஶ்ரீமத்³வால்மீகீய ராமாயணே அரண்யகாண்ட³ம் ।
அத² ஸப்தவிம்ஶஸ்ஸர்க:³ ।
க²ரம் து ராமாபி⁴முக²ம் ப்ரயாந்தம் வாஹினீபதி: ।
ராக்ஷஸஸ்த்ரிஶிரா நாம ஸன்னிபத்யேத³மப்³ரவீத் ॥ 1 ॥
மாம் நியோஜய விக்ராந்த ஸன்னிவர்தஸ்வ ஸாஹஸாத் ।
பஶ்ய ராமம் மஹாபா³ஹும் ஸம்யுகே³ வினிபாதிதம் ॥ 2 ॥
ப்ரதிஜானாமி தே ஸத்யமாயுத⁴ம் சாஹமாலபே⁴ ।
யதா² ராமம் வதி⁴ஷ்யாமி வதா⁴ர்ஹம் ஸர்வரக்ஷஸாம் ॥ 3 ॥
அஹம் வாஸ்ய ரணே ம்ருத்யுரேஷ வா ஸமரே மம ।
வினிவ்ருத்ய ரணோத்ஸாஹான்முஹூர்தம் ப்ராஶ்னிகோ ப⁴வ ॥ 4 ॥
ப்ரஹ்ருஷ்டோ வா ஹதே ராமே ஜனஸ்தா²னம் ப்ரயாஸ்யஸி ।
மயி வா நிஹதே ராமம் ஸம்யுகா³யோபயாஸ்யஸி ॥ 5 ॥
க²ரஸ்த்ரிஶிரஸா தேன ம்ருத்யுலோபா⁴த்ப்ரஸாதி³த: ।
க³ச்ச² யுத்⁴யேத்யனுஜ்ஞாதோ ராக⁴வாபி⁴முகோ² யயௌ ॥ 6 ॥
த்ரிஶிராஶ்ச ரதே²னைவ வாஜியுக்தேன பா⁴ஸ்வதா ।
அப்⁴யத்³ரவத்³ரணே ராமம் த்ரிஶ்ருங்க³ இவ பர்வத: ॥ 7 ॥
ஶரதா⁴ராஸமூஹான்ஸ மஹாமேக⁴ இவோத்ஸ்ருஜன் ।
வ்யஸ்ருஜத்ஸத்³ருஶம் நாத³ம் ஜலார்த்³ரஸ்ய து து³ந்து³பே⁴: ॥ 8 ॥
ஆக³ச்ச²ந்தம் த்ரிஶிரஸம் ராக்ஷஸம் ப்ரேக்ஷ்ய ராக⁴வ: ।
த⁴னுஷா ப்ரதிஜக்³ராஹ விது⁴ன்வன்ஸாயகான் ஶிதான் ॥ 9 ॥
ஸ ஸம்ப்ரஹாரஸ்துமுலோ ராமத்ரிஶிரஸோர்மஹான் ।
ப³பூ⁴வாதீவ ப³லினோஸ்ஸிம்ஹகுஞ்ஜரயோரிவ ॥ 1௦ ॥
ததஸ்த்ரிஶிரஸா பா³ணைர்லலாடே தாடி³தஸ்த்ரிபி⁴: ।
அமர்ஷீ குபிதோராமஸ்ஸம்ரப்³த⁴மித³மப்³ரவீத் ॥ 11 ॥
அஹோ விக்ரமஶூரஸ்ய ராக்ஷஸஸ்யேத்³ருஶம் ப³லம் ।
புஷ்பைரிவ ஶரைர்யஸ்ய லலாடேஸ்மின்பரிக்ஷத: ॥ 12 ॥
மமாபி ப்ரதிக்³ருஹ்ணீஷ்வ ஶராம்ஶ்சாபகு³ணாச்ச்யுதான் ।
ஏவமுக்த்வா து ஸம்ரப்³த⁴ஶ்ஶரானாஶீவிஷோபமான் ॥ 13 ॥
த்ரிஶிரோவக்ஷஸி க்ருத்³தோ⁴ நிஜகா⁴ன சதுர்த³ஶ ।
சதுர்பி⁴ஸ்துரகா³னஸ்ய ஶரை: ஸன்னதபர்வபி⁴: ॥ 14 ॥
ந்யபாதயத தேஜஸ்வீ சதுரஸ்தஸ்ய வாஜின: ।
அஷ்டபி⁴ஸ்ஸாயகைஸ்ஸூதம் ரதோ²பஸ்தா²ன்ன்யபாதயத் ॥ 15 ॥
ராமஶ்சிச்சே²த³ பா³ணேன த்⁴வஜம் சாஸ்ய ஸமுச்ச்²ரிதம் ।
ததோ ஹதரதா²த்தஸ்மாது³த்பதந்தம் நிஶாசரம் ॥ 16 ॥
பி³பே⁴த³ ராமஸ்தம் பா³ணைர்ஹ்ருத³யே ஸோப⁴வஜ்ஜட:³ ।
ஸாயகைஶ்சாப்ரமேயாத்மா ஸாமர்ஷஸ்தஸ்ய ரக்ஷஸ: ॥ 17 ॥
ஶிராம்ஸ்யபாதயத்³ராமோ வேக³வத்³பி⁴ஸ்த்ரிபி⁴ஶ்ஶிதை: ।
ஸ பூ⁴மௌ ருதி⁴ரோத்³கா³ரீ ராமபா³ணாபி⁴பீடி³த: ॥ 18 ॥
ந்யபதத்பதிதை: பூர்வம் ஸ்வஶிரோபி⁴ர்னிஶாசர: ।
ஹதஶேஷாஸ்ததோ ப⁴க்³னா ராக்ஷஸா: க²ரஸம்ஶ்ரயா ॥ 19 ॥
த்³ரவந்தி ஸ்ம ந திஷ்ட²ந்தி வ்யாக்⁴ரத்ரஸ்தா ம்ருகா³ இவ ।
தான்க²ரோ த்³ரவதோ த்³ருஷ்ட்வா நிவர்த்ய ருஷிதஸ்ஸ்வயம் ॥ 2௦ ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அரண்யகாண்டே³ ஸப்தவிம்ஶஸ்ஸர்க:³ ॥
