শ্রীমদ্বাল্মীকীয় রামাযণে অরণ্যকাংডম্ ।
অথ দ্বাত্রিংশস্সর্গঃ ।
ততশ্শূর্পণখা দৃষ্ট্বা সহস্রাণি চতুর্দশ ।
হতান্য়েকেন রামেণ রক্ষসাং ভীমকর্মণাম্ ॥ 1 ॥
দূষণং চ খরং চৈব হতং ত্রিশিরসা সহ ।
দৃষ্ট্বা পুনর্মহানাদং ননাদ জলদো যথা ॥ 2 ॥
সা দৃষ্ট্বা কর্ম রামস্য় কৃতমন্য়ৈস্সুদুষ্করম্ ।
জগাম পরমোদ্বিগ্না লংকাং রাবণপালিতাম্ ॥ 3 ॥
সা দদর্শ বিমানাগ্রে রাবণং দীপ্ততেজসম্ ।
উপোপবিষ্টং সচিবৈর্মরুদ্ভিরিব বাসবম্ ॥ 4 ॥
আসীনং সূর্যসংকাশে কাংচনে পরমাসনে ।
রুক্মবেদিগতং প্রাজ্য়ং জ্বলংতমিব পাবকম্ ॥ 5 ॥
দেবগংধর্বভূতানামৃষীণাং চ মহাত্মনাম্ ।
অজেয়ং সমরে শূরং ব্য়াত্তাননমিবাংতকম্ ॥ 6 ॥
দেবাসুরবিমর্দেষু বজ্রাশনিকৃতব্রণম্ ।
ঐরাবতবিষাণগ্রৈরুদ্ঘৃষ্টকিণবক্ষসম্ ॥ 7 ॥
বিংশদ্ভুজং দশগ্রীবং দর্শনীযপরিচ্ছদম্ ।
বিশালবক্ষসং বীরং রাজলক্ষণ শোভিতম্ ॥ 8 ॥
স্নিগ্ধবৈডূর্যসংকাশং তপ্তকাংচনকুংডলম্ ।
সুভুজং শুক্লদশনং মহাস্য়ং পর্বতোপমম্ ॥ 9 ॥
বিষ্ণুচক্রনিপাতৈশ্চ শতশো দেবসংয়ুগে ।
অন্য়ৈশ্শস্ত্রপ্রহারৈশ্চ মহায়ুদ্ধেষু তাডিতম্ ॥ 10 ॥
অহতাংগং সমস্তৈশ্চ দেবপ্রহরণৈস্তথা ।
অক্ষোভ্য়াণাং সমুদ্রাণাং ক্ষোভণং ক্ষিপ্রকারিণম্ ॥ 11 ॥
ক্ষেপ্তারং পর্বতেংদ্রাণাং সুরাণাং চ প্রমর্দনম্ ।
উচ্ছেত্তারং চ ধর্মাণাং পরদারাভিমর্শনম্ ॥ 12 ॥
সর্বদিব্য়াস্ত্রয়োক্তারং যজ্ঞবিঘ্নকরং সদা ।
পুরীং ভোগবতীং প্রাপ্য় পরাজিত্য় চ বাসুকিম্ ॥ 13 ॥
তক্ষকস্য় প্রিয়াং ভার্য়াং পরাজিত্য় জহার যঃ ।
কৈলাসপর্বতং গত্বা বিজিত্য় নরবাহনম্ ।
বিমানং পুষ্পকং তস্য় কামগং বৈ জহার যঃ ॥ 14 ॥
বনং চৈত্ররথং দিব্য়ং নলিনীং নংদনং বনম্ ।
বিনাশযতি যঃ ক্রোধাদ্দেবোদ্য়ানানি বীর্যবান্ ॥ 15 ॥
চংদ্রসূর্য়ৌ মহাভাগাবুত্তিষ্ঠংতৌ পরংতপৌ ।
নিবারযতি বাহুভ্য়াং যশ্শৈলশিখরোপমঃ ॥ 16 ॥
দশবর্ষসহস্রাণি তপস্তপ্বা মহাবনে ।
পুরা স্বয়ংভুবে ধীরশ্শিরাংস্য়ুপজহার যঃ ॥ 17 ॥
দেবদানবগংধর্বপিশাচপতগোরগৈঃ ।
অভয়ং যস্য় সংগ্রামে মৃত্য়ুতো মানুষাদৃতে ॥ 18 ॥
মংত্রৈরভিষ্টুতং পুণ্যমধ্বরেষু দ্বিজাতিভিঃ ।
হবির্ধানেষু যস্সোমমুপহংতি মহাবলঃ ॥ 19 ॥
আপ্তযজ্ঞহরং ক্রূরং ব্রহ্মঘ্নং দুষ্টচারিণম্ ।
কর্কশং নিরনুক্রোশং প্রজানামহিতে রতম্ ॥ 20 ॥
রাবণং সর্বভূতানাং সর্বলোকভয়াবহম্ ।
রাক্ষসী ভ্রাতরং শূরং সা দদর্শ মহাবলম্ ॥ 21 ॥
তং দিব্যবস্ত্রাভরণং দিব্যমাল্য়োপশোভিতম্ ।
আসনে সূপবিষ্টং চ কালকালমিবোদ্যতম্ ॥ 22 ॥
রাক্ষসেংদ্রং মহাভাগং পৌলস্ত্যকুলনংদনম্ ॥ 23 ॥
রাবণং শত্রুহংতারং মংত্রিভিঃ পরিবারিতম্ ।
অভিগম্য়াব্রবীদ্বাক্য়ং রাক্ষসী ভযবিহ্বলা ॥ 24 ॥
তমব্রবীদ্দীপ্তবিশাললোচনং প্রদর্শয়িত্বা ভযমোহমূর্ছিতা ।
সুদারুণং বাক্যমভীতচারিণী মহাত্মনা শূর্পণখা বিরূপিতা ॥ 25 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অরণ্যকাংডে দ্বাত্রিংশস্সর্গঃ ॥
