ஶ்ரீமத்³வால்மீகீய ராமாயணே அரண்யகாண்ட³ம் ।
அத² ஷட்த்ரிம்ஶஸ்ஸர்க:³ ।
மாரீச ஶ்ரூயாதாம் தாத வசனம் மம பா⁴ஷத: ।
ஆர்தோஸ்மி மம சார்தஸ்ய ப⁴வான்ஹி பரமா க³தி: ॥ 1 ॥
ஜானீஷே த்வம் ஜனஸ்தா²னே யதா² ப்⁴ராதா க²ரோ மம ।
தூ³ஷணஶ்ச மஹாபா³ஹு ஸ்வஸா ஶூர்பணகா² ச மே ॥ 2 ॥
த்ரிஶிராஶ்ச மஹாதேஜா ராக்ஷஸ: பிஶிதாஶன: ।
அன்யே ச ப³ஹவஶ்ஶூரா லப்³த⁴லக்ஷா நிஶாசரா: ॥ 3 ॥
வஸத்னி மன்னியோகே³ன நித்யவாஸம் ச ராக்ஷஸா: ।
பா³த⁴மானா மஹாரண்யே முனீன்வை த⁴ர்மசாரிண: ॥ 4 ॥
சதுர்த³ஶ ஸஹஸ்ராணி ரக்ஷஸாம் பீ⁴மகர்மணாம் ।
ஶூராணாம் லப்³த⁴லக்ஷாணாம் க²ரசித்தானுவர்தினாம் ॥ 5 ॥
தே த்விதா³னீம் ஜனஸ்தா²னே வஸமானா மஹாப³லா: ।
ஸங்க³தா: பரமாயத்தா ராமேண ஸஹ ஸம்யுகே³ ॥ 6 ॥
நானாப்ரஹரணோபேதா: க²ரப்ரமுக²ராக்ஷஸா: ।
தேன ஸஞ்ஜாதரோஷேண ராமேண ரணமூர்த⁴னி ।
அனுக்த்வா பருஷம் கிஞ்சிச்ச²ரைர்வ்யாபாரிதம் த⁴னு: ॥ 7 ॥
சதுர்த³ஶ ஸஹஸ்ராணி ரக்ஷஸாமுக்³ரதேஜஸாம் ।
நிஹதானி ஶரைஸ்தீக்ஷ்ணைர்மானுஷேண பதா³தினா ॥ 8 ॥
க²ரஶ்ச நிஹதஸ்ஸங்க்²யே தூ³ஷணஶ்ச நிபாதித: ।
ஹதஶ்ச த்ரிஶிராஶ்சாபி நிர்ப⁴யா த³ண்ட³கா: க்ருதா: ॥ 9 ॥
பித்ரா நிரஸ்த: க்ருத்³தே⁴ன ஸபா⁴ர்ய: க்ஷீணஜீவித: ।
ஸ ஹந்தா தஸ்ய ஸைன்யஸ்ய ராம: க்ஷத்ரியபாம்ஸன: ॥ 1௦ ॥
து³ஶ்ஶீல: கர்கஶஸ்தீக்ஷ்ணோ மூர்கோ² லுப்³தோ⁴ஜிதேந்த்³ரிய: ॥ 11 ॥
த்யக்தத⁴ர்மோ ஹ்யத⁴ர்மாத்மா பூ⁴தானாமஹிதே ரத: ।
யேன வைரம் வினாரண்யே ஸத்வமாஶ்ரித்ய கேவலம் ॥ 12 ॥
கர்ணனாஸாபஹரணாத்³ப⁴கி³னீ மே விரூபிதா ।
தஸ்யபா⁴ர்யாம் ஜனஸ்தா²னாத்ஸீதாம் ஸுரஸுதோபமாம் ॥ 13 ॥
ஆனயிஷ்யாமி விக்ரம்ய ஸஹாயஸ்தத்ர மே ப⁴வ ।
த்வயா ஹ்யஹம் ஸஹாயேன பார்ஶ்வஸ்தே²ன மஹாப³ல ॥ 14 ॥
ப்⁴ராத்ருபி⁴ஶ்ச ஸுரான்யுத்³தே⁴ ஸமக்³ரான்னாபி⁴சிந்தயே ।
தத்ஸஹாயோ ப⁴வ த்வம் மே ஸமர்தோ² ஹ்யஸி ராக்ஷஸ ॥ 15 ॥
வீர்யே யுத்³தே⁴ ச த³ர்பே ச ந ஹ்யஸ்தி ஸத்³ருஶஸ்தவ ।
உபாயஜ்ஞோ மஹான்ஶூரஸ்ஸர்வமாயாவிஶாரத:³ ॥ 16 ॥
ஏதத³ர்த²மஹம் ப்ராப்தஸ்த்வத்ஸமீபம் நிஶாசர ।
ஶ்ருணு தத்கர்ம ஸாஹாய்யே யத்கார்யம் வசனான்மம ॥ 17 ॥
ஸௌவர்ணஸ்த்வம் ம்ருகோ³ பூ⁴த்வா சித்ரோ ரஜதபி³ந்து³பி⁴: ।
ஆஶ்ரமே தஸ்ய ராமஸ்ய ஸீதாயா: ப்ரமுகே² சர ॥ 18 ॥
த்வாம் து நிஸ்ஸம்ஶயம் ஸீதா த்³ருஷ்ட்வா து ம்ருக³ரூபிணம் ।
க்³ருஹ்யதாமிதி ப⁴ர்தாரம் லக்ஷ்மணம் சாபி⁴தா⁴ஸ்யதி ॥ 19 ॥
ததஸ்தயோரபாயே து ஶூன்யே ஸீதாம் யதா²ஸுக²ம் ।
நிராபா³தோ⁴ ஹரிஷ்யாமி ராஹுஶ்சந்த்³ரப்ரபா⁴மிவ ॥ 2௦ ॥
தத: பஶ்சாத்ஸுக²ம் ராமே பா⁴ர்யாஹரணகர்ஶிதே ।
விஸ்ரப்³த:⁴ ப்ரஹரிஷ்யாமி க்ருதார்தே²னாந்தராத்மனா ॥ 21 ॥
தஸ்ய ராமகதா²ம் ஶ்ருத்வா மாரீசஸ்ய மஹாத்மன: ।
ஶுஷ்கம் ஸமப⁴வத்³வக்த்ரம் பரிதப்தா ப³பூ⁴வ ஹ ॥ 22 ॥
ஓஷ்டௌ² பரிலிஹஞ்சுஷ்கௌ நேத்ரைரனிமிஷைரிவ ।
ம்ருதபூ⁴த இவார்தஸ்து ராவணம் ஸமுதை³க்ஷத ॥ 23 ॥
ஸ ராவணம் த்ரஸ்தவிஷண்ணசேதா மஹாவனே ராமபராக்ரமஜ்ஞ: ।
க்ருதாஞ்ஜலிஸ்தத்வமுவாச வாக்யம் ஹிதம் ச தஸ்மை ஹிதமாத்மனஶ்ச ॥ 24 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அரண்யகாண்டே³ ஷட்த்ரிம்ஶஸ்ஸர்க:³ ॥
