শ্রীমদ্বাল্মীকীয় রামাযণে অরণ্যকাংডম্ ।
অথ সপ্তত্রিংশস্সর্গঃ ।
তচ্ছৃত্বা রাক্ষসেংদ্রস্য় বাক্য়ং বাক্যবিশারদঃ ।
প্রত্য়ুবাচ মহাপ্রাজ্ঞো মারীচো রাক্ষসেশ্বরম্ ॥ 1 ॥
সুলভাঃ পুরুষা রাজন্সততং প্রিযবাদিনঃ ।
অপ্রিযস্য় তু পথ্যস্য় বক্তা শ্রোতা চ দুর্লভঃ ॥ 2 ॥
ন নূনং বুধ্যসে রামং মহাবীর্য়ং গুণোন্নতম্ ।
অয়ুক্তচারশ্চপলো মহেংদ্রবরুণোপমম্ ॥ 3 ॥
অপি স্বস্তি ভবেত্তাত সর্বেষাং ভুবি রক্ষসাম্ ।
অপি রামো নাসংক্রুদ্ধঃ কুর্য়াল্লোকমরাক্ষসম্ ॥ 4 ॥
অপি তে জীবিতাংতায় নোত্পন্না জনকাত্মজা ।
অপি সীতানিমিত্তং চ ন ভবেদ্ব্যসনং মম ॥ 5 ॥
অপি ত্বামীশ্বরং প্রাপ্য় কামবৃত্তং নিরংকুশম্ ।
ন বিনশ্য়েত্পুরী লংকা ত্বয়া সহ সরাক্ষসা ॥ 6 ॥
ত্বদ্বিধঃ কামবৃত্তো হি দুশ্শীলঃ পাপমংত্রিতঃ ।
আত্মানং স্বজনং রাষ্ট্রং স রাজা হংতি দুর্মতিঃ ॥ 7 ॥
ন চ পিত্রা পরিত্যক্তো নামর্য়াদঃ কথংচন ।
ন লুব্ধো ন চ দুশ্শীলো ন চ ক্ষত্রিযপাংসনঃ ॥ 8 ॥
ন চ ধর্মগুণৈর্হীনঃ কৌসল্য়ানংদবর্ধনঃ ।
ন তীক্ষ্ণো ন চ ভূতানাং সর্বেষামহিতে রতঃ ॥ 9 ॥
বংচিতং পিতরং দৃষ্ট্বা কৈকেয়্য়া সত্যবাদিনম্ ।
করিষ্য়ামীতি ধর্মাত্মা তাত প্রব্রজিতো বনম্ ॥ 10 ॥
কৈকেয়্য়াঃ প্রিযকামার্থং পিতুর্দশরথস্য় চ ।
হিত্বা রাজ্য়ং চ ভোগাংশ্চ প্রবিষ্টো দংডকাবনম্ ॥ 11 ॥
ন রামঃ কর্কশস্তাত নাবিদ্বান্নাজিতেংদ্রিয়ঃ ।
অনৃতং দুশ্শ্রুতং চৈব নৈব ত্বং বক্তুমর্হসি ॥ 12 ॥
রামো বিগ্রহবান্ ধর্মস্সাধুস্সত্যপরাক্রমঃ ।
রাজা সর্বস্য় লোকস্য় দেবানাং মঘবানিব ॥ 13 ॥
কথং ত্বং তস্য় বৈদেহীং রক্ষিতাং স্বেন তেজসা ।
ইচ্ছসি প্রসভং হর্তুং প্রভামিব বিবস্বতঃ ॥ 14 ॥
শরার্চিষমাধৃষ্য়ং চাপখংগেংধনং রণে ।
রামাগ্নিং সহসা দীপ্তং ন প্রবেষ্টুং ত্বমর্হসি ॥ 15 ॥
ধনুর্ব্য়াদিতদীপ্তাস্য়ং শরার্চিষমমর্ষণম্ ।
চাপবাণধরং তীক্ষ্ণং শত্রুসৈন্যপ্রহারিণম্ ॥ 16 ॥
রাজ্য়ং সুখং চ সংত্যজ্য় জীবিতং চেষ্টমাত্মনঃ ।
নাত্য়াসাদয়িতুং তাত রামাংতকমিহার্হসি ॥ 17 ॥
অপ্রমেয়ং হি তত্তেজো যস্য় সা জনকাত্মজা ।
ন ত্বং সমর্থস্তাং হর্তুং রামচাপাশ্রয়ং বনে ॥ 18 ॥
তস্য় সা নরসিংহস্য় সিংহোরস্কস্য় ভামিনী ।
প্রাণেভ্য়োঽপি প্রিযতরা ভার্য়া নিত্যমনুব্রতা ॥ 19 ॥
ন সা ধর্ষয়িতুং শক্য়া মৈথিল্য়োজস্বিনঃ প্রিয়া ।
দীপ্তস্য়েব হুতাশস্য় শিখা সীতা সুমধ্যমা ॥ 20 ॥
কিমুদ্যমমিমং ব্যর্থং কৃত্বা তে রাক্ষসাধিপ ।
দৃষ্টশ্চেত্বং রণে তেন তদংতং তব জীবিতম্ ॥ 21 ॥
জীবিতং চ সুখং চৈব রাজ্য়ং চৈব সুদুর্লভম্ ।
যদীচ্ছসি চিরং ভোক্তুং মা কৃথা রামবিপ্রিযম্ ॥ 22 ॥
স সর্বৈস্সচিবৈস্সার্ধং বিভীষণপুরোগমৈঃ ।
মংত্রয়িত্বা তু ধর্মিষ্ঠৈঃ কৃত্বা নিশ্চযমাত্মনঃ ॥ 23 ॥
দোষাণাং চ গুণানাং চ সংপ্রধার্য় বলাবলম্ ।
আত্মনশ্চ বলং জ্ঞাত্বা রাঘবস্য় চ তত্বতঃ ॥ 24 ॥
হিতাহিতং বিনিশ্চিত্য় ক্ষমং ত্বং কর্তুমর্হসি ।
অহং তু মন্য়ে তব ন ক্ষমং রণে সমাগমং কোসলরাজসূনুনা ।
ইদং হি ভূযশ্শৃণু বাক্যমুত্তমং ক্ষমং চ যুক্তং চ নিশাচরেশ্বর ॥ 25 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অরণ্যকাংডে সপ্তত্রিংশস্সর্গঃ ॥
