ஶ்ரீமத்³வால்மீகீய ராமாயணே அரண்யகாண்ட³ம் ।
அத² அஷ்டத்ரிம்ஶஸ்ஸர்க:³ ।
கதா³சித³ப்யஹம் வீர்யாத்பர்யடன்ப்ருதி²வீமிமாம் ।
ப³லம் நாக³ஸஹஸ்ரஸ்ய தா⁴ரயன்பர்வதோபம: ॥ 1 ॥
நீலஜீமூதஸங்காஶஸ்தப்தகாஞ்சனகுண்ட³ல: ।
ப⁴யம் லோகஸ்ய ஜனயன்கிரீடீ பரிகா⁴யுத:⁴ ॥ 2 ॥
வ்யசரம் த³ண்ட³காரண்யே ருஷிமாம்ஸானி ப⁴க்ஷயன் ।
விஶ்வாமித்ரோத² த⁴ர்மாத்மா மத்³வித்ரஸ்தோ மஹாமுனி: ॥ 3 ॥
ஸ்வயம் க³த்வா த³ஶரத²ம் நரேந்த்³ரமித³மப்³ரவீத் ।
அத்³ய ரக்ஷது மாம் ராம: பர்வகாலே ஸமாஹித: ॥ 4 ॥
மாரீசான்மே ப⁴யம் கோ⁴ரம் ஸமுத்பன்னம் நரேஶ்வர ।
இத்யேவமுக்தோ த⁴ர்மாத்மா ராஜா த³ஶரத²ஸ்ததா³ ॥ 5 ॥
ப்ரத்யுவாச மஹாபா⁴க³ம் விஶ்வாமித்ரம் மஹாமுனிம் ।
பா³லோ த்³வாத³ஶவர்ஷோயமக்ருதாஸ்த்ரஶ்ச ராக⁴வ: ॥ 6 ॥
காமம் து மம யத்ஸைன்யம் மயா ஸஹ க³மிஷ்யதி ।
ப³லேன சதுரங்கே³ண ஸ்வயமேத்ய நிஶாசரான் ॥ 7 ॥
வதி⁴ஷ்யாமி முனிஶ்ரேஷ்ட² ஶத்ரூம்ஸ்தே மனஸேப்ஸிதான் ।
இத்யேவமுக்தஸ்ஸமுனீ ராஜானமித³மப்³ரவீத் ॥ 8 ॥
ராமான்னான்யத்³ப³லம் லோகே பர்யாப்தம் தஸ்ய ரக்ஷஸ: ।
தே³வதானாமபி ப⁴வான் ஸமரேஷ்வபி⁴பாலக: ॥ 9 ॥
ஆஸீத்தவ க்ருதம் கர்ம த்ரிலோகே விதி³தம் ந்ருப ।
காமமஸ்து மஹத்ஸைன்யம் திஷ்ட²த்விஹ பரந்தப ॥ 1௦ ॥
பா³லோப்யேஷ மஹாதேஜாஸ்ஸமர்த²ஸ்தஸ்ய நிக்³ரஹே ।
க³மிஷ்யே ராமமாதா³ய ஸ்வஸ்தி தேஸ்து பரந்தப ॥ 11 ॥
ஏவமுக்த்வா து ஸ முனிஸ்தமாதா³ய ந்ருபாத்மஜம் ।
ஜகா³ம பரமப்ரீதோ விஶ்வாமித்ரஸ்ஸ்வமாஶ்ரமம் ॥ 12 ॥
தம் ததா³ த³ண்ட³காரண்யே யஜ்ஞமுத்³தி³ஶ்ய தீ³க்ஷிதம் ।
ப³பூ⁴வோபஸ்தி²தோ ராமஶ்சித்ரம் விஷ்பா²ரயந்த⁴னு: ॥ 13 ॥
அஜாதவ்யஞ்ஜனஶ்ரீமான்பத்³மபத்ரனிபே⁴க்ஷண: ।
ஏகவஸ்த்ரத⁴ரோ த⁴ன்வீ ஶிகீ² கனகமாலயா ॥ 14 ॥
ஶோப⁴யன் த³ண்ட³காரண்யம் தீ³ப்தேன ஸ்வேன தேஜஸா ।
அத்³ருஶ்யத ததோ ராமோ பா³லசந்த்³ர இவோதி³த: ॥ 15 ॥
ததோஹம் மேக⁴ஸங்காஶஸ்தப்தகாஞ்சனகுண்ட³ல: ।
ப³லீ த³த்தவரோத³ர்பாதா³ஜகா³ம ததா³ஶ்ரமம் ॥ 16 ॥
தேன த்³ருஷ்ட: ப்ரவிஷ்டோஹம் ஸஹஸைவோத்³யதாயுத:⁴ ।
மாம் து த்³ருஷ்ட்வா த⁴னுஸ்ஸஜ்யமஸம்ப்⁴ராந்தஶ்சகார ஸ: ॥ 17 ॥
அவஜானந்னஹம் மோஹாத்³பா³லோயமிதி ராக⁴வம் ।
விஶ்வாமித்ரஸ்ய தாம் வேதி³மப்⁴யதா⁴வம் க்ருதத்வர: ॥ 18 ॥
தேன முக்தஸ்ததோ பா³ண: ஶிதஶ்ஶத்ருனிப³ர்ஹண: ।
தேனாஹம் த்வாஹத: க்ஷிப்தஸ்ஸமுத்³ரே ஶதயோஜனே ॥ 19 ॥
நேச்ச²தா தாத மாம் ஹந்தும் ததா³ வீரேண ரக்ஷித: ।
ராமஸ்ய ஶரவேகே³ன நிரஸ்தோஹமசேதன: ॥ 2௦ ॥
பாதிதோஹம் ததா³ தேன க³ம்பீ⁴ரே ஸாக³ராம்ப⁴ஸி ।
ப்ராப்ய ஸஞ்ஜ்ஞாம் சிராத்தாத லங்காம் ப்ரதிக³த: புரீம் ॥ 21 ॥
ஏவமஸ்மி ததா³ முக்தஸ்ஸஹாயாஸ்து நிபாதிதா: ।
அக்ருதாஸ்த்ரேண பா³லேன ராமேணாக்லிஷ்டகர்மணா ॥ 22 ॥
தன்மயா வார்யமாணஸ்த்வம் யதி³ ராமேண விக்³ரஹம் ।
கரிஷ்யஸ்யாபத³ம் கோ⁴ராம் க்ஷிப்ரம் ப்ராப்ஸ்யஸி ராவண ॥ 23 ॥
க்ரீடா³ரதிவிதி⁴ஜ்ஞானாம் ஸமாஜோத்ஸவஶாலினாம் ।
ரக்ஷஸாம் சைவ ஸந்தாபமனர்த²ம் சாஹரிஷ்யஸி ॥ 24 ॥
ஹர்ம்யப்ராஸாத³ஸம்பா³தா⁴ம் நானாரத்னவிபூ⁴ஷிதாம் ।
த்³ரக்ஷ்யஸி த்வம் புரீம் லங்காம் வினஷ்டாம் மைதி²லீக்ருதே ॥ 25 ॥
அகுர்வந்தோபி பாபானி ஶுசய: பாபஸம்ஶ்ரயாத் ।
பரபாபைர்வினஶ்யந்தி மத்ஸ்யா நாக³ஹ்ரதே³ யதா² ॥ 26 ॥
தி³வ்யசந்த³னதி³க்³தா⁴ங்கா³ந்தி³வ்யாப⁴ரணபூ⁴ஷிதான் ।
த்³ரக்ஷ்யஸ்யபி⁴ஹதான்பூ⁴மௌ தவ தோ³ஷாத்து ராக்ஷஸான் ॥ 27 ॥
ஹ்ருததா³ரான் ஸதா³ராம்ஶ்ச த³ஶ வித்³ரவதோ தி³ஶ: ।
ஹதஶேஷானஶரணாந்த்³ரக்ஷ்யஸி த்வம் நிஶாசரான் ॥ 28 ॥
ஶரஜாலபரிக்ஷிப்தாமக்³னிஜ்வாலாஸமாவ்ருதாம் ।
ப்ரத³க்³த⁴ப⁴வனாம் லங்காம் த்³ரக்ஷ்யஸி த்வம் ந ஸம்ஶய: ॥ 29 ॥
பரதா³ராபி⁴மர்ஶாத்து நான்யத்பாபதரம் மஹத் ।
ப்ரமதா³னாம் ஸஹஸ்ரம் ச தவ ராஜன்பரிக்³ரஹ: ॥ 3௦ ॥
ப⁴வ ஸ்வதா³ரனிரதஸ்வகுலம் ரக்ஷ ராக்ஷஸ ।
மானம்ருத்³தி⁴ம் ச ராஜ்யம் ச ஜீவிதம் சேஷ்டமாத்மன: ॥ 31 ॥
கலத்ராணி ச ஸௌம்யானி மித்ரவர்க³ம் ததை²வ ச ।
யதீ³ச்ச²ஸி சிரம் போ⁴க்தம் மா க்ருதா² ராமவிப்ரியம் ॥ 32 ॥
நிவார்யமாணஸ்ஸுஹ்ருதா³ மயா ப்⁴ருஶம் ப்ரஸஹ்ய ஸீதாம் யதி³ த⁴ர்ஷயிஷ்யஸி ।
க³மிஷ்யஸி க்ஷீணப³லஸ்ஸபா³ந்த⁴வோ யமக்ஷயம் ராமஶராத்தஜீவித: ॥ 33 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அரண்யகாண்டே³ அஷ்டத்ரிம்ஶஸ்ஸர்க:³ ॥
