শ্রীমদ্বাল্মীকীয় রামাযণে অরণ্যকাংডম্ ।
অথ অষ্টত্রিংশস্সর্গঃ ।
কদাচিদপ্যহং বীর্য়াত্পর্যটন্পৃথিবীমিমাম্ ।
বলং নাগসহস্রস্য় ধারযন্পর্বতোপমঃ ॥ 1 ॥
নীলজীমূতসংকাশস্তপ্তকাংচনকুংডলঃ ।
ভয়ং লোকস্য় জনযন্কিরীটী পরিঘায়ুধঃ ॥ 2 ॥
ব্যচরং দংডকারণ্য়ে ঋষিমাংসানি ভক্ষযন্ ।
বিশ্বামিত্রোঽথ ধর্মাত্মা মদ্বিত্রস্তো মহামুনিঃ ॥ 3 ॥
স্বয়ং গত্বা দশরথং নরেংদ্রমিদমব্রবীত্ ।
অদ্য় রক্ষতু মাং রামঃ পর্বকালে সমাহিতঃ ॥ 4 ॥
মারীচান্মে ভয়ং ঘোরং সমুত্পন্নং নরেশ্বর ।
ইত্য়েবমুক্তো ধর্মাত্মা রাজা দশরথস্তদা ॥ 5 ॥
প্রত্য়ুবাচ মহাভাগং বিশ্বামিত্রং মহামুনিম্ ।
বালো দ্বাদশবর্ষোঽযমকৃতাস্ত্রশ্চ রাঘবঃ ॥ 6 ॥
কামং তু মম যত্সৈন্য়ং ময়া সহ গমিষ্যতি ।
বলেন চতুরংগেণ স্বযমেত্য় নিশাচরান্ ॥ 7 ॥
বধিষ্য়ামি মুনিশ্রেষ্ঠ শত্রূংস্তে মনসেপ্সিতান্ ।
ইত্য়েবমুক্তস্সমুনী রাজানমিদমব্রবীত্ ॥ 8 ॥
রামান্নান্যদ্বলং লোকে পর্য়াপ্তং তস্য় রক্ষসঃ ।
দেবতানামপি ভবান্ সমরেষ্বভিপালকঃ ॥ 9 ॥
আসীত্তব কৃতং কর্ম ত্রিলোকে বিদিতং নৃপ ।
কামমস্তু মহত্সৈন্য়ং তিষ্ঠত্বিহ পরংতপ ॥ 10 ॥
বালোঽপ্য়েষ মহাতেজাস্সমর্থস্তস্য় নিগ্রহে ।
গমিষ্য়ে রামমাদায় স্বস্তি তেঽস্তু পরংতপ ॥ 11 ॥
এবমুক্ত্বা তু স মুনিস্তমাদায় নৃপাত্মজম্ ।
জগাম পরমপ্রীতো বিশ্বামিত্রস্স্বমাশ্রমম্ ॥ 12 ॥
তং তদা দংডকারণ্য়ে যজ্ঞমুদ্দিশ্য় দীক্ষিতম্ ।
বভূবোপস্থিতো রামশ্চিত্রং বিষ্ফারয়ংধনুঃ ॥ 13 ॥
অজাতব্য়ংজনশ্রীমান্পদ্মপত্রনিভেক্ষণঃ ।
একবস্ত্রধরো ধন্বী শিখী কনকমালয়া ॥ 14 ॥
শোভযন্ দংডকারণ্য়ং দীপ্তেন স্বেন তেজসা ।
অদৃশ্যত ততো রামো বালচংদ্র ইবোদিতঃ ॥ 15 ॥
ততোঽহং মেঘসংকাশস্তপ্তকাংচনকুংডলঃ ।
বলী দত্তবরোদর্পাদাজগাম তদাশ্রমম্ ॥ 16 ॥
তেন দৃষ্টঃ প্রবিষ্টোঽহং সহসৈবোদ্যতায়ুধঃ ।
মাং তু দৃষ্ট্বা ধনুস্সজ্যমসংভ্রাংতশ্চকার সঃ ॥ 17 ॥
অবজানন্নহং মোহাদ্বালোঽযমিতি রাঘবম্ ।
বিশ্বামিত্রস্য় তাং বেদিমভ্যধাবং কৃতত্বরঃ ॥ 18 ॥
তেন মুক্তস্ততো বাণঃ শিতশ্শত্রুনিবর্হণঃ ।
তেনাহং ত্বাহতঃ ক্ষিপ্তস্সমুদ্রে শতয়োজনে ॥ 19 ॥
নেচ্ছতা তাত মাং হংতুং তদা বীরেণ রক্ষিতঃ ।
রামস্য় শরবেগেন নিরস্তোঽহমচেতনঃ ॥ 20 ॥
পাতিতোঽহং তদা তেন গংভীরে সাগরাংভসি ।
প্রাপ্য় সংজ্ঞাং চিরাত্তাত লংকাং প্রতিগতঃ পুরীম্ ॥ 21 ॥
এবমস্মি তদা মুক্তস্সহায়াস্তু নিপাতিতাঃ ।
অকৃতাস্ত্রেণ বালেন রামেণাক্লিষ্টকর্মণা ॥ 22 ॥
তন্ময়া বার্যমাণস্ত্বং যদি রামেণ বিগ্রহম্ ।
করিষ্যস্য়াপদং ঘোরাং ক্ষিপ্রং প্রাপ্স্যসি রাবণ ॥ 23 ॥
ক্রীডারতিবিধিজ্ঞানাং সমাজোত্সবশালিনাম্ ।
রক্ষসাং চৈব সংতাপমনর্থং চাহরিষ্যসি ॥ 24 ॥
হর্ম্যপ্রাসাদসংবাধাং নানারত্নবিভূষিতাম্ ।
দ্রক্ষ্যসি ত্বং পুরীং লংকাং বিনষ্টাং মৈথিলীকৃতে ॥ 25 ॥
অকুর্বংতোঽপি পাপানি শুচয়ঃ পাপসংশ্রয়াত্ ।
পরপাপৈর্বিনশ্য়ংতি মত্স্য়া নাগহ্রদে যথা ॥ 26 ॥
দিব্যচংদনদিগ্ধাংগাংদিব্য়াভরণভূষিতান্ ।
দ্রক্ষ্যস্যভিহতান্ভূমৌ তব দোষাত্তু রাক্ষসান্ ॥ 27 ॥
হৃতদারান্ সদারাংশ্চ দশ বিদ্রবতো দিশঃ ।
হতশেষানশরণাংদ্রক্ষ্যসি ত্বং নিশাচরান্ ॥ 28 ॥
শরজালপরিক্ষিপ্তামগ্নিজ্বালাসমাবৃতাম্ ।
প্রদগ্ধভবনাং লংকাং দ্রক্ষ্যসি ত্বং ন সংশয়ঃ ॥ 29 ॥
পরদারাভিমর্শাত্তু নান্যত্পাপতরং মহত্ ।
প্রমদানাং সহস্রং চ তব রাজন্পরিগ্রহঃ ॥ 30 ॥
ভব স্বদারনিরতস্বকুলং রক্ষ রাক্ষস ।
মানমৃদ্ধিং চ রাজ্য়ং চ জীবিতং চেষ্টমাত্মনঃ ॥ 31 ॥
কলত্রাণি চ সৌম্য়ানি মিত্রবর্গং তথৈব চ ।
যদীচ্ছসি চিরং ভোক্তং মা কৃথা রামবিপ্রিযম্ ॥ 32 ॥
নিবার্যমাণস্সুহৃদা ময়া ভৃশং প্রসহ্য় সীতাং যদি ধর্ষয়িষ্যসি ।
গমিষ্যসি ক্ষীণবলস্সবাংধবো যমক্ষয়ং রামশরাত্তজীবিতঃ ॥ 33 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অরণ্যকাংডে অষ্টত্রিংশস্সর্গঃ ॥
