শ্রীমদ্বাল্মীকীয় রামাযণে অরণ্যকাংডম্ ।
অথ চতুর্থস্সর্গঃ ।
হ্রিযমাণৌ তু তৌ দৃষ্ট্বা বৈদেহী রামলক্ষ্মণৌ ।
উচ্চৈস্স্বরেণ চুক্রোশ প্রগৃহ্য় সুমহাজাভুজৌ ॥ 1 ॥
এষ দাশরথী রামঃ সত্যবান্ শীলবান্ শুচিঃ ।
রক্ষসা রৌদ্ররূপেণ হ্রিযতে সহলক্ষ্মণঃ ॥ 2 ॥
মামৃকা ভক্ষয়িষ্য়ংতি শার্দূলাদ্বীপিনস্তথা ।
মাং হরোত্সৃজ কাকুত্স্থৌ নমস্তে রাক্ষসোত্তম ॥ 3 ॥
তস্য়াস্তদ্বচনং শ্রুত্বা বৈদেহ্য়া রামলক্ষ্মণৌ ।
বেগং প্রচক্রতুর্বীরৌ বধে তস্য় দুরাত্মনঃ ॥ 4 ॥
তস্য় রৌদ্রস্য় সৌমিত্রিঃ সব্য়ং বাহুং বভংজ হ ।
রামস্তু দক্ষিণং বাহুং তরসা তস্য় রক্ষসঃ ॥ 5 ॥
স ভগ্নবাহুস্সবিগ্নো নিপপাতাশু রাক্ষসঃ ।
ধরণ্য়াং মেঘসংকাশো বজ্রভিন্ন ইবাচলঃ ॥ 6 ॥
মুষ্টিভির্জানুভিঃ পদ্ভিঃ সূদয়ংতৌ তু রাক্ষসম্ ।
উদ্যম্য়োদ্যম্য় চাপ্য়েনং স্থংডিলে নিষ্পিপেষতুঃ ॥ 7 ॥
স বিদ্ধো বহুভির্বাণৈঃ খংগাভ্য়াং চ পরিক্ষতঃ ।
নিষ্পিষ্টো বহুধা ভূমৌ ন মমার স রাক্ষসঃ ॥ 8 ॥
তং প্রেক্ষ্য় রামঃ সুভৃশমবধ্যমচলোপমম্ ।
ভয়েষ্বভযদশ্শ্রীমানিদং বচনমব্রবীত্ ॥ 9 ॥
তপসা পুরুষব্য়াঘ্র রাক্ষসোঽয়ং ন শক্যতে ।
শস্ত্রেণ যুধি নির্জেতুং রাক্ষসং নিখনাবহে ॥ 10 ॥
কুংজরস্য়েব রৌদ্রস্য় রাক্ষসস্য়াস্য় লক্ষ্মণ ।
বনেঽস্মিন্ সুমহচ্ছ্বভ্রং খন্যতাং রৌদ্রবর্চসঃ ॥ 11 ॥
ইত্য়ুক্ত্বা লক্ষ্মণং রামঃ প্রদরঃ খন্যতামিতি ।
তস্থৌ বিরাধমাক্রম্য় কংঠে পাদেন বীর্যবান্ ॥ 12 ॥
তচ্ছ্রুত্বা রাঘবেণোক্তং রাক্ষসঃ প্রশ্রিতং বচঃ ।
ইদং প্রোবাচ কাকুত্থ্সং বিরাধঃ পুরুষর্ষভম্ ॥ 13 ॥
হতোঽস্মি পুরুষব্য়াঘ্র শক্রতুল্যবলেন বৈ ।
ময়া তু পূর্বং ত্বং মোহান্ন জ্ঞাতঃ পুরুষর্ষভ ॥ 14 ॥
কৌসল্য়াসুপ্রজা রাম তাতস্ত্বং বিদিতো ময়া ।
বৈদেহী চ মহাভাগা লক্ষ্মণশ্চ মহাযশাঃ ॥ 15 ॥
অভিশাপাদহং ঘোরাং প্রবিষ্টো রাক্ষসীং তনুম্ ।
তুংবুরুর্নাম গংধর্বঃ শপ্তো বৈশ্রবণেন হ ॥ 16 ॥
প্রসাদ্যমানশ্চ ময়া সোঽব্রবীন্মাং মহাযশাঃ ।
যদা দাশরথী রামস্ত্বাং বধিষ্যতি সংয়ুগে ।
তদা প্রকৃতিমাপন্নো ভবান্স্বর্গং গমিষ্যতি ॥ 17 ॥
অনুপস্থীযমানো মাং স ক্রুদ্ধো ব্য়াজহার হ ।
ইতি বৈশ্রবণো রাজা রংভাসক্তমুবাচ হ ॥ 18 ॥
তব প্রসাদান্মুক্তোঽহমিহশাপাত্সুদারুণাত্ ।
ভুবনং স্বং গমিষ্য়ামি স্বস্তি বোঽস্তু পরংতপ ॥ 19 ॥
ইতো বসতি ধর্মাত্মা শরভংগঃ প্রতাপবান্ ॥ 20 ॥
অধ্যর্ধয়োজনে তাত মহর্ষিস্সূর্যসন্নিভঃ ।
তং ক্ষিপ্রমধিগচ্ছ ত্বং স তে শ্রেয়োঽভিধাস্যতি ॥ 21 ॥
অবটে চাপি মাং রাম প্রক্ষিপ্য় কুশলী ব্রজ ।
রক্ষসাং গতসত্ত্বানামেষ ধর্মস্সসনাতনঃ ।
অবটে যে নিধীয়ংতে তেষাং লোকাস্সনাতনাঃ ॥ 22 ॥
এবমুক্ত্বা তু কাকুত্থ্সং বিরাধশ্শরপীডিতঃ ।
বভূব স্বর্গসংপ্রাপ্তো ন্যস্তদেহো মহাবলঃ ॥ 23 ॥
তচ্ছ্রুত্বা রাঘবো বাক্য়ং লক্ষ্মণং ব্য়াদিদেশ হ ।
কুংজরস্য়েব রৌদ্রস্য় রাক্ষসস্য়াস্য় লক্ষ্মণ ॥ 24 ॥
বনেঽস্মিন্ সুমহচ্ছ্বভ্রং খন্যতাং রৌদকর্মণঃ ।
ইত্য়ুক্ত্বা লক্ষ্মণং রামঃ প্রদরঃ খন্যতামিতি ।
তস্থৌ বিরাধমাক্রম্য় কংঠে পাদেন বীর্যবান্ ॥ 25 ॥
ততঃ খনিত্রমাদায় লক্ষ্মণশ্শ্বভ্রমুত্তমম্ ।
অখনত্পার্শ্বতস্তস্য় বিরাধস্য় মহাত্মনঃ ॥ 26 ॥
তং মুক্তকংঠংনিক্ষিপ্য় শংকুকর্ণং মহাস্বনম্ ।
বিরাধং প্রাক্ষিপচ্ছ্বভ্রে নদংতং ভৈরবস্বনম্ ॥ 27 ॥
তমাহবে দারুণমাশুবিক্রমৌ স্থিরাবুভৌ সংযতি রামলক্ষ্মণৌ ।
মুদান্বিতৌ চিক্ষিপতুর্ভয়াবহং নদংতমুত্ক্ষিপ্য় বিলে তু রাক্ষসম্ ॥ 28 ॥
অবধ্যতাং প্রেক্ষ্য় মহাসুরস্য় তৌ শিতেন শস্ত্রেণ তদা নরর্ষভৌ ।
সমর্থ্য় চাত্যর্থবিশারদাবুভৌ বিলে বিরাধস্য় বধং প্রচক্রতুঃ ॥ 29 ॥
স্বয়ং বিরাধেন হি মৃত্য়ুরাত্মনঃ প্রসহ্য় রামেণ যথার্থমীপ্সিতঃ ।
নিবেদিতঃ কাননচারিণা স্বয়ং ন মে বধঃ শস্ত্রকৃতো ভবেদিতি ॥ 30 ॥
তদেব রামেণ নিশম্য় ভাষিতং কৃতা মতিস্তস্য় বিলপ্রবেশনে ।
বিলং চ রামেণাতিবলেন রক্ষসা প্রবেশ্যমানেন বনং বিনাদিতম্ ॥ 31 ॥
প্রহৃষ্টরূপাবিব রামলক্ষ্মণৌ বিরাধমুর্ব্য়া প্রদরে নিহত্য় তৌ ।
ননংদতুর্বীতভয়ৌ মহাবনে শিলাভিরংতর্দধতুশ্চ রাক্ষসম্ ॥ 32 ॥
ততস্তু তৌ কাংচনচিত্রকার্মুকৌ নিহত্য় রক্ষঃ পরিগৃহ্য় মৈথিলীম্ ।
বিজহ্রতু স্তৌ মুদিতৌ মহাবনে দিবি স্থিতৌ চংদ্রদিবাকরাবিব ॥ 33 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অরণ্যকাংডে চতুর্থস্সর্গঃ ॥
