ஶ்ரீமத்³வால்மீகீய ராமாயணே அரண்யகாண்ட³ம் ।
அத² சதுஶ்சத்வாரிம்ஶஸ்ஸர்க:³ ।
ததா² து தம் ஸமாதி³ஶ்ய ப்⁴ராதரம் ரகு⁴னந்த³ன: ।
ப³ப³ந்தா⁴ஸிம் மஹாதேஜா ஜாம்பூ³னத³மயத்ஸரும் ॥ 1 ॥
தத ஸ்த்ர்யவனதம் சாபமாதா³யாத்மவிபூ⁴ஷணம் ।
ஆப³த்⁴ய ச கலாபௌ த்³வௌ ஜகா³மோத³க்³ரவிக்ரம: ॥ 2 ॥
தம் வஞ்சயானோ ராஜேந்த்³ரமாபதந்தம் நிரீக்ஷ்யவை ।
ப³பூ⁴வாந்தர்ஹிதஸ்த்ராஸாத்புனஸ்ஸந்த³ர்ஶனேப⁴வத் ।
ச ॥ 3 ॥
ப³த்³தா⁴ஸிர்த⁴னுராதா³ய ப்ரது³த்³ராவ யதோ ம்ருக:³ ।
தம் ஸ்ம பஶ்யதி ரூபேண த்³யோதமானமிவாக்³ரத: ॥ 4 ॥
அவேக்ஷ்யாவேக்ஷ்ய தா⁴வந்தம் த⁴னுஷ்பாணிர்மஹாவனே ।
அதிவ்ருத்தமிஷோ: பாதால்லோப⁴யானம் கதா³சன ॥ 5 ॥
ஶங்கிதந்து ஸமுத்³ப்⁴ராந்தமுத்பதந்தமிவாம்ப³ரே ।
த்³ருஶ்யமானமத்³ருஶ்யம் ச வனோத்³தே³ஶேஷு கேஷுசித் ॥ 6 ॥
சி²ன்னாப்⁴ரைரிவ ஸம்வீதம் ஶாரத³ம் சந்த்³ரமண்ட³லம் ।
முஹுர்தாதே³வ த³த்³ருஶே முஹுர்தூ³ராத்ப்ரகாஶதே ॥ 7 ॥
த³ர்ஶனாத³ர்ஶனாதே³வம் ஸோபாகர்ஷத ராக⁴வம் ।
ஸுதூ³ரமாஶ்ரமஸ்யாஸ்ய மாரீசோ ம்ருக³தாம் க³த: ॥ 8 ॥
ஆஸீத் க்ருத்³த⁴ஸ்து காகுத்ஸ்தோ² விவஶஸ்தேன மோஹித: ।
அதா²வதஸ்தே² ஸம்ப்⁴ராந்தஶ்சாயாமாஶ்ரித்ய ஶாத்³வலே ॥ 9 ॥
ஸ தமுன்மாத³யாமாஸ ம்ருக³ரூபோ நிஶாசர: ।
ம்ருகை³: பரிவ்ருதோ வன்யைரதூ³ராத்ப்ரத்யத்³ருஶ்யத ॥ 1௦ ॥
க்³ருஹீதுகாமம் த்³ருஷ்ட்வைவம் புனரேவாப்⁴யதா⁴வத ।
தத்க்ஷணாதே³வ ஸந்த்ராஸாத்புனரந்தர்ஹிதோப⁴வத் ॥ 11 ॥
புனரேவ ததோ தூ³ராத்³வ்ருக்ஷஷண்டா³த்³வினிஸ்ஸ்ருதம் ।
த்³ருஷ்ட்வா ராமோ மஹாதேஜாஸ்தம் ஹந்தும் க்ருதனிஶ்சய: ॥ 12 ॥
பூ⁴யஸ்து ஶரமுத்³த்⁴ருத்ய குபிதஸ்தத்ர ராக⁴வ: ।
ஸூர்யரஶ்மிப்ரதீகாஶம் ஜ்வலந்தமரிமர்த³ன: ॥ 13 ॥
ஸந்தா⁴ய ஸுத்³ருடே⁴ சாபே விக்ருஷ்ய ப³லவத்³ப³லீ ।
தமேவ ம்ருக³முத்³தி³ஶ்ய ஶ்வஸந்தமிவ பன்னக³ம் ॥ 14 ॥
முமோச ஜ்வலிதம் தீ³ப்தமஸ்த்ரம் ப்³ரஹ்மவினிர்மிதம் ।
ஶரீரம் ம்ருக³ரூபஸ்ய வினிர்பி⁴த்³ய ஶரோத்தம: ॥ 15 ॥
மாரீசஸ்யைவ ஹ்ருத³யம் பி³பே⁴தா³ஶனிஸன்னிப:⁴ ।
தாலமாத்ரமதோ²த்ப்லுத்ய ந்யபதத்ஸஶராதுர: ॥ 16 ॥
வினத³ன்பை⁴ரவம் நாத³ம் த⁴ரண்யாமல்பஜீவித: ।
ம்ரியமாணஸ்து மாரீசோ ஜஹௌ தாம் க்ருத்ரிமாம் தனும் ॥ 17 ॥
ஸ்ம்ருத்வா தத்³வசனம் ரக்ஷோ த³த்⁴யௌ கேன து லக்ஷ்மணம் ।
இஹ ப்ரஸ்தா²பயேத்ஸீதா ஶூன்யே தாம் ராவணோ ஹரேத் ॥ 18 ॥
ஸ ப்ராப்தகாலமாஜ்ஞாய சகார ச தத ஸ்வனம் ।
ஸத்³ருஶம் ராக⁴வஸ்யேஹ ஹா ஸீதே லக்ஷ்மணேதி ச ॥ 19 ॥
தேன மர்மணி நிர்வித்³த⁴ம் ஶரேணானுபமேன ஹி ।
ம்ருக³ரூபம் து தத்த்யக்த்வா ராக்ஷஸம் ரூபமாஸ்தி²த: ॥ 2௦ ॥
சக்ரே ஸ ஸுமஹாகாயம் மாரீசோ ஜீவிதம் த்யஜன் ।
தம் த்³ருஷ்ட்வா பதிதம் பூ⁴மௌ ராக்ஷஸம் கோ⁴ரத³ர்ஶனம் ॥ 21 ॥
ராமோ ருதி⁴ரஸிக்தாங்க³ம் சேஷ்டமானம் மஹீதலே ।
ஜகா³ம மனஸா ஸீதாம் லக்ஷ்மணஸ்ய வசஸ்ஸ்மரன் ॥ 22 ॥
மாரீசஸ்ய து மாயைஷா பூர்வோக்தம் லக்ஷ்மணேன து ।
தத்ததா² ஹ்யப⁴வச்சாத்³ய மாரீசோயம் மயா ஹத: ॥ 23 ॥
ஹா ஸீதே லக்ஷ்மணேத்யேவமாக்ருஶ்ய ச மஹாஸ்வரம் ।
மமார ராக்ஷஸஸ்ஸோயம் ஶ்ருத்வா ஸீதா கத²ம் ப⁴வேத் ॥ 24 ॥
லக்ஷ்மணஶ்ச மஹாபா³ஹு: காமவஸ்தா²ம் க³மிஷ்யதி ।
இதி ஸஞ்சிந்த்ய த⁴ர்மாத்மா ராமோ ஹ்ருஷ்டதனூருஹ: ॥ 25 ॥
தத்ர ராமம் ப⁴யம் தீவ்ரமாவிவேஶ விஷாதஜ³ம் ।
ராக்ஷஸம் ம்ருக³ரூபம் தம் ஹத்வா ஶ்ருத்வா ச தத்ஸ்வரம் ॥ 26 ॥
நிஹத்ய ப்ருஷதம் சான்யம் மாம்ஸமாதா³ய ராக⁴வ: ।
த்வரமாணோ ஜனஸ்தா²னம் ஸஸாராபி⁴முக²ஸ்ததா³ ॥ 27 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அரண்யகாண்டே³ சதுஶ்சத்வாரிம்ஶஸ்ஸர்க:³ ॥
