শ্রীমদ্বাল্মীকীয় রামাযণে অরণ্যকাংডম্ ।
অথ সপ্তপংচাশস্সর্গঃ ।
রাক্ষসং মৃগরূপেণ চরংতং কামরূপিণম্ ।
নিহত্য় রামো মারীচং তূর্ণং পথি ন্যবর্তত ॥ 1 ॥
তস্য় সংত্বরমাণস্য় দ্রষ্টুকামস্য় মৈথিলীম্ ।
ক্রূরস্বনোঽথ গোমায়ুর্বিননাদাস্য় পৃষ্ঠতঃ ॥ 2 ॥
স তস্য় স্বরমাজ্ঞায় দারুণং রোমহর্ষণম্ ।
চিংতয়ামাস গোমায়োস্স্বরেণ পরিশংকিতঃ ॥ 3 ॥
অশুভং বত মন্য়েঽহং গোমায়ুর্বাশ্যতে যথা ।
স্বস্তি স্য়াদপি বৈদেহ্য়া রাক্ষসৈর্ভক্ষণং বিনা ॥ 4 ॥
মারীচেন তু বিজ্ঞায় স্বরমালংব্য় মামকম্ ।
বিক্রুষ্টং মৃগরূপেণ লক্ষ্মণশ্শৃণুয়াদ্যদি ॥ 5 ॥
স সৌমিত্রিস্স্বরং শ্রুত্বা তাং চ হিত্বাচ মৈথিলীম্ ।
তয়েহ প্রহিতঃ ক্ষিপ্রং মত্সকাশমিহৈষ্যতি ॥ 6 ॥
রাক্ষসৈস্সহিতৈর্নূনং সীতায়া ঈপ্সিতো বধঃ ।
কাংচনশ্চ মৃগো ভূত্বা ব্যপনীয়াশ্রমাত্তু মাম্ ॥ 7 ॥
দূরং নীত্বা তু মারীচো রাক্ষসোঽভূচ্ছরা হতঃ ।
হা লক্ষ্মণ হতোঽস্মীতি যদ্বাক্য়ং ব্য়াজহার হ ॥ 8 ॥
অপি স্বস্তি ভবেত্তাভ্য়াং রহিতাভ্য়াং মহাবনে ।
জনস্থাননিমিত্তং হি কৃতবৈরোঽস্মি রাক্ষসৈঃ ॥ 9 ॥
নিমিত্তানি চ ঘোরাণি দৃশ্য়ংতেঽদ্য় বহূনি চ ।
ইত্য়েবং চিংতযন্রামশ্শ্রুত্বা গোমায়ুনিস্স্বনম্ ॥ 10 ॥
আত্মনশ্চাপনযনান্মৃগরূপেণ রক্ষসা ।
আজগাম জনস্থানং রাঘবঃ পরিশংকিতঃ ॥ 11 ॥
তং দীনমনসো দীনমাসেদুর্মৃগপক্ষিণঃ ।
সব্য়ং কৃত্বা মহাত্মানং ঘোরাংশ্চ সসৃজুস্স্বরান্ ॥ 12 ॥
তানি দৃষ্ট্বা নিমিত্তানি মহাঘোরাণি রাঘবঃ ।
ন্যবর্ততাথ ত্বরিতো জবেনাশ্রমমাত্মনঃ ॥ 13 ॥
সীতাং স তু বরারোহাং লক্ষ্মণং চ মহাবলম্ ।
আজগাম জনস্থানং চিংতযন্নেব রাঘবঃ ॥ 14 ॥
ততো লক্ষ্মণমায়াংতং দদর্শ বিগতপ্রভম্ ।
ততোঽবিদূরে রামেণ সমীয়ায় স লক্ষ্মণঃ ॥ 15 ॥
বিষণ্ণস্সুবিষণ্ণেন দুঃখিতো দুঃখভাগিনা ।
সংজগর্হেঽথ তং ভ্রাতা জ্য়েষ্ঠো লক্ষ্মণমাগতম্ ॥ 16 ॥
বিহায় সীতাং বিজনে বনে রাক্ষসসেবিতে ।
গৃহীত্বা চ করং সব্য়ং লক্ষ্মণং রঘুনংদনঃ ॥ 17 ॥
উবাচ মধুরোদর্কমিদং পরুষমার্তিমত্ ।
অহো লক্ষ্মণ গর্হ্য়ং তে কৃতং যস্ত্বং বিহায় তাম্ ॥ 18 ॥
সীতামিহাঽগতস্সৌম্য় কচ্চিত্স্বস্তি ভবেদিহ ।
ন মেঽস্তি সংশয়ো বীর সর্বথা জনকাত্মজা ॥ 19 ॥
বিনষ্টা ভক্ষিতা বাপি রাক্ষসৈর্বনচারিভিঃ ।
অশুভান্য়েব ভূয়িষ্ঠং যথা প্রাদুর্ভবংতি মে ॥ 20 ॥
অপি লক্ষ্মণ সীতায়াস্সামগ্র্য়ং প্রাপ্নুয়াবহে ।
জীবংত্য়াঃ পুরুষব্য়াঘ্র সুতায়া জনকস্য় বৈ ॥ 21 ॥
যথা বৈ মৃগসংঘাশ্চ গোমায়ুশ্চৈব ভৈরবম্ ।
বাশ্য়ংতে শকুনাশ্চাপি প্রদীপ্তামভিতো দিশম্ ॥ 22 ॥
অপি স্বস্তি ভবেত্তস্য়া রাজপুত্র্য়া মহাবল ।
ইদং হি রক্ষো মৃগসন্নিকাশং প্রলোভ্য় মাং দূরমনুপ্রয়াংতম্ ।
হতং কথংচিন্মহতা শ্রমেণ স রাক্ষসোঽভূন্ম্রিযমাণ এব ॥ 23 ॥
মনশ্চ মে দীনমিহাপ্রহৃষ্টং চক্ষুশ্চ সব্য়ং কুরুতে বিকারম্ ।
অসংশয়ং লক্ষ্মণ নাস্তি সীতা হৃতা মৃতা বা পথি বর্ততে বা ॥ 24 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অরণ্যকাংডে সপ্তপংচাশস্সর্গঃ ॥
