শ্রীমদ্বাল্মীকীয় রামাযণে কিষ্কিংধাকাংডম্ ।
অথ সপ্তদশস্সর্গঃ ।
ততশ্শরেণাভিহতো রামেণ রণকর্কশঃ ।
পপাত সহসা বালী নিকৃত্ত ইব পাদপঃ ॥ 1 ॥
স ভূমৌ ন্যস্তসর্বাংগস্তপ্তকাংচনভূষণঃ ।
অপতদ্দেবরাজস্য় মুক্তরশ্মিরিব ধ্বজঃ ॥ 2 ॥
তস্মিন্নিপতিতে ভূমৌ বানরাণাং গণেশ্বরে ।
নষ্টচংদ্রমিব ব্য়োম ন ব্যরাজত ভূতলম্ ॥ 3 ॥
ভূমৌ নিপতিতস্য়াপি তস্য় দেহং মহাত্মনঃ ।
ন শ্রীর্জহাতি ন প্রাণা ন তেজো ন পরাক্রমঃ ॥ 4 ॥
শক্রদত্তা বরা মালা কাংচনী বজ্রভূষিতা ।
দধার হরিমুখ্যস্য় প্রাণাংস্তেজ্শিয়ং চ সা ॥ 5 ॥
স তয়া মালয়া বীরো হেময়া হরিয়ূথপঃ ।
সংধ্য়ানুগতপর্য়ংতঃ পয়োধর ইবাভবত্ ॥ 6 ॥
তস্য় মালা চ দেহশ্চ মর্মঘাতী চ যশ্শরঃ ।
ত্রিধেব রচিতা লক্ষ্মীঃ পতিতস্য়াপি শোভতে ॥ 7 ॥
তদস্ত্রং তস্য় বীরস্য় স্বর্গমার্গপ্রভাবনম্ ।
রামবাণাসনক্ষিপ্তমাবহত্পরমাং গতিম্ ॥ 8 ॥
তং তদা পতিতং সংখ্য়ে গতার্চিষমিবানলম্ ।
বহুমান্য় চ তং বীর বীক্ষমাণং শনৈরিব ॥ 9 ॥
যয়াতিমিব পুণ্য়াংতে দেবলোকাদিহচ্য়ুতম্ ।
আদিত্যমিব কালেন যুগাংতে ভুবি পাতিতম্ ॥ 10 ॥
মহেংদ্রমিব দুর্ধর্ষংমুপেংদ্রমিব দুস্সহম্ ।
মহেংদ্রপুত্রং পতিতং বালিনং হেমমালিনম্ ॥ 11 ॥
সিংহোরস্কং মহাবাহুং দীপ্তাস্য়ং হরিলোচনম্ ।
লক্ষ্মণানুগতো রামো দদর্শোপসসর্প চ ॥ 12 ॥
তং দৃষ্ট্বা রাঘবং বালী লক্ষ্মণং চ মহাবলম্ ।
অব্রবীত্প্রশ্রিতং বাক্য়ং পরুষং ধর্মসংহিতম্ ॥ 13 ॥
ত্বং নরাধিপতেঃ পুত্রঃ প্রথিতঃ প্রিযদর্শনঃ কুলীনস্সত্ত্বসংপন্ন স্তেজস্বী চরিতব্রতঃ ॥ 14 ॥
পরাঙ্মুখবধং কৃত্বা কোঽত্র প্রাপ্তস্ত্বয়া গুণঃ ।
যদহং যুদ্ধসংরব্ধশ্শরেণোরসি তাডিতঃ ॥ 15 ॥
রামঃ করুণবেদী চ প্রজানাং চ হিতে রতঃ ।
সানুক্রোশো জিতোত্সাহস্সমযজ্ঞো দৃঢব্রতঃ ॥ 16 ॥
ইতি তে সর্বভূতানি কথয়ংতি যশো ভুবি ॥ 17 ॥
দমশ্শমঃ ক্ষমা ধর্মো ধৃতিস্সত্য়ং পরাক্রমঃ ।
পার্থিবানাং গুণা রাজংদংডশ্চাপ্যপরাধিষু ॥ 18 ॥
তান্গুণান্সংপ্রধার্য়াহমগ্র্য়ং চাভিজনং তব ।
তারয়া প্রতিষিদ্ধোঽপি সুগ্রীবেণ সমাগতঃ ॥ 19 ॥
ন মামন্য়েন সম্রব্ধং প্রমত্তং যোদ্ধু মর্হসি ।
ইতি মে বুদ্ধিরুত্পন্না বভূবাদর্শনে তব ॥ 20 ॥
ন ত্বাং বিনিহতাত্মানং ধর্মধ্বজমধার্মিকম্ ।
জানে পাপসমাচারং তৃণৈঃ কূপমিবাবৃতম্ ॥ 21 ॥
সতাং বেষধরং পাপং প্রচ্ছন্নমিব পাবকম্ ।
নাহং ত্বামভিজানামি ধর্মচ্ছদ্মাভিসংবৃতম্ ॥ 22 ॥
বিষয়ে বা পুরে বা তে যদা পাপং করোম্যহম্ ।
ন চ ত্বামবজানে চ কস্মাত্ত্বং হংস্যকিল্বিষম্ ॥ 23 ॥
ফলমূলাশনং নিত্য়ং বানরং বনগোচরম্ ।
মামিহাপ্রতিয়ুধ্য়ংতমন্য়েন চ সমাগতম্ ॥ 24 ॥
ত্বং নরাধিপতেঃ পুত্রঃ প্রতীতঃ প্রিযদর্শনঃ ।
লিংগমপ্যস্তি তে রাজনংদৃশ্যতে ধর্মসংহিতম্ ॥ 25 ॥
কঃ ক্ষত্রিযকুলে জাত্শৃতবান্নষ্টসংশয়ঃ ।
ধর্মলিংগপ্রতিচ্ছন্ন ক্রূরং কর্ম সমাচরেত্ ॥ 26 ॥
রাম রাজকুলে জাতো ধর্মবানিতি বিশ্রুতঃ ॥ 27 ॥
অভব্য়ো ভব্যরূপেণ কিমর্থং পরিধাবসি ।
সাম দানং ক্ষমা ধর্মস্সত্য়ং ধৃতিপরাক্রমৌ ।
পার্থিবানাং গুণা রাজন্ দংডশ্চাপ্যপরাধিষু ॥ 28 ॥
বয়ং বনচরা রাম মৃগা মূলফলাশনাঃ ।
এষা প্রকৃতিরস্মাকং পুরুষস্ত্বং নরেশ্বরঃ ॥ 29 ॥
ভূমির্হিরণ্য়ং রূপ্য়ং চ বিগ্রহে কারণানি চ ।
অত্র কস্তে বনে লোভো মদীয়েষু ফলেষু বা ॥ 30 ॥
নযশ্চ বিনযশ্চোভৌ নিগ্রহানুগ্রহাবপি ॥ 31 ॥
রাজবৃত্তিরসংকীর্ণা ন নৃপাঃ কামবৃত্তয়ঃ ।
ত্বং তু কামপ্রধানশ্চ কোপনশ্চানবস্থিতঃ ॥ 32 ॥
রাজবৃত্তেশ্চ সংকীণশ্শরাসনপরাযণঃ ।
ন তেঽস্ত্যপচিতির্ধর্মে নার্থে বুদ্ধিরবস্থিতা ॥ 33 ॥
ইংদ্রিয়ৈঃ কামবৃত্তস্সন্কৃষ্যসে মনুজেশ্বর ।
হত্বা বাণেন কাকুত্স্থ মামিহানপরাধিনম্ ॥ 34 ॥
কিং বক্ষ্যসি সতাং মধ্য়ে কর্ম কৃত্বা জুগুপ্সিতম্ ।
রাজহা ব্রহ্মহা গোঘ্নশ্চোরঃ প্রাণিবধে রতঃ ॥ 35 ॥
নাস্তিকঃ পরিবেত্তা চ সর্বে নিরযগামিনঃ ।
সূচকশ্চ কদর্যশ্চ মিত্রঘ্নো গুরুতল্পগঃ ॥ 36 ॥
লোকং পাপাত্মনামেতে গচ্ছংতে নাত্র সংশয়ঃ ।
অধার্য়ং চর্ম মে সদ্ভী রোমাণ্যস্থি চ বর্জিতম্ ।
অভক্ষ্য়াণি চ মাংসানি ত্বদ্বিধৈর্ধর্মচারিভিঃ ॥ 37 ॥
পংচ পংচ নখা ভক্ষ্য়া ব্রহ্মক্ষত্রেণ রাঘব ॥ 38 ॥
শল্যক শ্শ্বাবিধো গোধা শশঃ কূর্মশ্চ পংচমঃ ।
চর্ম চাস্থি চ মে রাজন্ নস্পৃশংতি মনীষিণঃ ॥ 39 ॥
অভক্ষ্য়াণি চ মাংসানি সোঽহং পংচনখো হতঃ ।
তারয়া বাক্যমুক্তোঽহং সত্য়ং সর্বজ্ঞয়া হিতম্ ॥ 40 ॥
তদতিক্রম্য় মোহেন কালস্য় বশমাগতঃ ।
ত্বয়া নাথেন কাকুত্স্থ ন সনাথা বসুংধরা ।
প্রমদা শীলসংপন্না ধূর্তেন পতিনা যথা ॥ 41 ॥
শঠো নৈকৃতিকঃ ক্ষুদ্রো মিথ্য়াপ্রশ্রিতমানসঃ ।
কথং দশরথেন ত্বং জাতঃ পাপো মহাত্মনা ॥ 42 ॥
ছিন্নচারিত্রকক্ষ্য়েণ সতাং ধর্মাতিবর্তিনা ।
ত্যক্তধর্মাংকুশেনাহং নিহতো রামহস্তিনা ॥ 43 ॥
অশুভং চাপ্যয়ুক্তং চ সতাং চৈব বিগর্হিতম্ ।
বক্ষ্যসে চেদৃশং কৃত্বা সদ্ভিস্সহ সমাগতঃ ॥ 44 ॥
উদাসীনেষু যোঽস্মাসু বিক্রমঽস্তে প্রকাশিতঃ ।
অপকারিষু তে রাজন্নহি পশ্য়ামি বিক্রমম্ ॥ 45 ॥
দৃশ্যমানস্তু যুদ্ধ্য়েথা ময়া যদি নৃপাত্মজ ।
অদ্য় বৈবস্বতং দেবং পশ্য়েস্ত্বং নিহতো ময়া ॥ 46 ॥
ত্বয়াঽদৃশ্য়েন তু রণে নিহতোঽহং দুরাসদঃ ।
প্রসুপ্তঃ পন্নগেনেব নরঃ পানবশং গতঃ ॥ 47 ॥
মামেব যদি পূর্বং ত্বমেতদর্থমচোদয়ঃ ॥ 48 ॥
মৈথিলীমহমেকাহ্না তব চানীতবান্ভবেত্ ।
সুগ্রীবপ্রিযকামেন যদহং নিহতস্ত্বয়া ।
কংঠে বদ্ধ্বা প্রদদ্য়াং তে নিহতং রাবণং রণে ॥ 49 ॥
ন্যস্তাং সাগরতোয়ে বা পাতালে বাপি মৈথিলীম্ ।
আনয়েয়ং তবাদেশাচ্ছ্বেতামশ্বতরীমিব ॥ 50 ॥
যুক্তং যত্প্রাপ্নুয়াদ্রাজ্য়ং সুগ্রীবস্স্বর্গতে ময়ি ।
অয়ুক্তং যদধর্মেণ ত্বয়াঽহং নিহতো রণে ॥ 51 ॥
কামমেবং বিধো লোকঃ কালেন বিনিয়ুজ্যতে ।
ক্ষমং চেদ্ভবতা প্রাপ্তমুত্তরং সাধু চিংত্যতাম্ ॥ 52 ॥
ইত্য়েবমুক্ত্বা পরিশুষ্কবক্ত্রঃ শরাভিঘাতাদ্ব্যথিতো মহাত্মা ।
সমীক্ষ্য় রামং রবিসন্নিকাশং তূষ্ণীং বভূবামররাজসূনুঃ ॥ 53 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে কিষ্কিংধাকাংডে সপ্তদশস্সর্গঃ ॥
