শ্রীমদ্বাল্মীকীয় রামাযণে সুংদরকাংডম্ ।
অথ পংচবিংশস্সর্গঃ ।
অথ তাসাং বদংতীনাং পরুষং দারুণং বহু ।
রাক্ষসীনামাসৌম্য়ানাং রুরোদ জনকাত্মজা ॥ 1 ॥
এবমুক্তা তু বৈদেহী রাক্ষসীভির্মনস্বিনী ।
উবাচ পরমত্রস্তা ভাষ্পগ্দ্গদয়া গিরা ॥ 2 ॥
ন মানুষী রাক্ষসস্য় ভার্য়া ভবিতুমর্হতি ।
কামং খাদত মাং সর্বা ন করিষ্য়ামি বো বচঃ ॥ 3 ॥
সা রাক্ষসীমধ্যগতা সীতা সুরসুতোপমা ।
ন শর্ম লেভে দুঃখার্তা রাবণেন চ তর্জিতা ॥ 4 ॥
বেপতে স্মাধিকং সীতা বিশংতী বাংগমাত্মনঃ ।
বনে যূথপরিভ্রষ্টা মৃগী কোকৈরিবার্দিতা ॥ 5 ॥
সা ত্বশোকস্য় বিপুলাং শাখামালংব্য় পুষ্পিতাম্ ।
চিংতয়ামাস শোকেন ভর্তারং ভগ্নমানসা ॥ 6 ॥
সা স্নাপয়ংতী বিপুলৌ স্তনৌ নেত্রজলস্রবৈঃ ।
চিংতয়ংতী ন শোকস্য় তদাংতমধিগচ্ছতি ॥ 7 ॥
সা বেপমানা পতিতা প্রবাতে কদলী যথা ।
রাক্ষসীনাং ভযত্রস্তা বিবর্ণবদনাভবত্ ॥ 8 ॥
তস্য়াঃ সা দীর্ঘবিপুলা বেপংত্য়া সীতয়া তদা ।
দদৃশে কংপিনী বেণী ব্য়ালীব পরিসর্পতী ॥ 9 ॥
সা নিঃশ্বসংতী দুঃখার্তা শোকোপহতচেতনা ।
আর্তা ব্যসৃজদশ্রূণি মৈথিলী বিললাপ চ ॥ 10 ॥
হা রামেতি চ দুঃখার্তা হা পুনর্লক্ষ্মণেতি চ ।
হা শ্বশ্রু মম কৌসল্য়ে হা সুমিত্রেতি ভামিনী ॥ 11 ॥
লোকপ্রবাদঃ সত্য়োঽয়ং পংডিতৈঃ সমুদাহৃতঃ ।
অকালে দুর্লভো মৃত্য়ুঃ স্ত্রিয়া বা পুরুষস্য় বা ॥ 12 ॥
যদহমেবং ক্রূরাভী রাক্ষসীভিরিহার্দিতা ।
জীবামি হীনা রামেণ মুহূর্তমপি দুঃখিতা ॥ 13 ॥
এষাল্পপুণ্য়া কৃপণা বিনশিষ্য়াম্যনাথবত্ ।
সমুদ্রমধ্য়ে নৌঃ পূর্ণা বায়ুবেগৈরিবাহতা ॥ 14 ॥
ভর্তারং তমপশ্য়ংতী রাক্ষসীবশমাগতা ।
সীদামি খলু শোকেন কূলং তোযহতং যথা ॥ 15 ॥
তং পদ্মদলপত্রাক্ষং সিংহবিক্রাংতগামিনম্ ।
ধন্য়াঃ পশ্য়ংতি মে নাথং কৃতজ্ঞং প্রিযবাদিনম্ ॥ 16 ॥
সর্বথা তেন হীনায়া রামেণ বিদিতাত্মনা ।
তীক্ষ্ণং বিষমিবাস্বাদ্য় দুর্লভং মম জীবিতম্ ॥ 17 ॥
কীদৃশং তু মহাপাপং ময়া জন্মাংতরে কৃতম্ ।
যনেদং প্রাপ্যতে দুঃখং ময়া ঘোরং সুদারুণম্ ॥ 18 ॥
জীবিতং ত্যক্তুমিচ্ছামি শোকেন মহতা বৃতা ।
রাক্ষসীভিশ্চ রক্ষংত্য়া রামো নাসাদ্যতে ময়া ॥ 19 ॥
ধিগস্তু খলু মানুষ্য়ং ধিগস্তু পরবশ্যতাম্ ।
ন শক্য়ং যত্পরিত্যক্তুমাত্মচ্ছংদেন জীবিতম্ ॥ 20 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে সুংদরকাংডে পংচবিংশস্সর্গঃ ॥
