ஶ்ரீமத்³வால்மீகீய ராமாயணே ஸுந்த³ரகாண்ட³ம் ।
அத² பஞ்சவிம்ஶஸ்ஸர்க:³ ।
அத² தாஸாம் வத³ந்தீனாம் பருஷம் தா³ருணம் ப³ஹு ।
ராக்ஷஸீனாமாஸௌம்யானாம் ருரோத³ ஜனகாத்மஜா ॥ 1 ॥
ஏவமுக்தா து வைதே³ஹீ ராக்ஷஸீபி⁴ர்மனஸ்வினீ ।
உவாச பரமத்ரஸ்தா பா⁴ஷ்பக்³த்³க³த³யா கி³ரா ॥ 2 ॥
ந மானுஷீ ராக்ஷஸஸ்ய பா⁴ர்யா ப⁴விதுமர்ஹதி ।
காமம் கா²த³த மாம் ஸர்வா ந கரிஷ்யாமி வோ வச: ॥ 3 ॥
ஸா ராக்ஷஸீமத்⁴யக³தா ஸீதா ஸுரஸுதோபமா ।
ந ஶர்ம லேபே⁴ து³:கா²ர்தா ராவணேன ச தர்ஜிதா ॥ 4 ॥
வேபதே ஸ்மாதி⁴கம் ஸீதா விஶந்தீ வாங்க³மாத்மன: ।
வனே யூத²பரிப்⁴ரஷ்டா ம்ருகீ³ கோகைரிவார்தி³தா ॥ 5 ॥
ஸா த்வஶோகஸ்ய விபுலாம் ஶாகா²மாலம்ப்³ய புஷ்பிதாம் ।
சிந்தயாமாஸ ஶோகேன ப⁴ர்தாரம் ப⁴க்³னமானஸா ॥ 6 ॥
ஸா ஸ்னாபயந்தீ விபுலௌ ஸ்தனௌ நேத்ரஜலஸ்ரவை: ।
சிந்தயந்தீ ந ஶோகஸ்ய ததா³ந்தமதி⁴க³ச்ச²தி ॥ 7 ॥
ஸா வேபமானா பதிதா ப்ரவாதே கத³லீ யதா² ।
ராக்ஷஸீனாம் ப⁴யத்ரஸ்தா விவர்ணவத³னாப⁴வத் ॥ 8 ॥
தஸ்யா: ஸா தீ³ர்க⁴விபுலா வேபந்த்யா ஸீதயா ததா³ ।
த³த்³ருஶே கம்பினீ வேணீ வ்யாலீவ பரிஸர்பதீ ॥ 9 ॥
ஸா நி:ஶ்வஸந்தீ து³:கா²ர்தா ஶோகோபஹதசேதனா ।
ஆர்தா வ்யஸ்ருஜத³ஶ்ரூணி மைதி²லீ விலலாப ச ॥ 1௦ ॥
ஹா ராமேதி ச து³:கா²ர்தா ஹா புனர்லக்ஷ்மணேதி ச ।
ஹா ஶ்வஶ்ரு மம கௌஸல்யே ஹா ஸுமித்ரேதி பா⁴மினீ ॥ 11 ॥
லோகப்ரவாத:³ ஸத்யோயம் பண்டி³தை: ஸமுதா³ஹ்ருத: ।
அகாலே து³ர்லபோ⁴ ம்ருத்யு: ஸ்த்ரியா வா புருஷஸ்ய வா ॥ 12 ॥
யத³ஹமேவம் க்ரூராபீ⁴ ராக்ஷஸீபி⁴ரிஹார்தி³தா ।
ஜீவாமி ஹீனா ராமேண முஹூர்தமபி து³:கி²தா ॥ 13 ॥
ஏஷால்பபுண்யா க்ருபணா வினஶிஷ்யாம்யனாத²வத் ।
ஸமுத்³ரமத்⁴யே நௌ: பூர்ணா வாயுவேகை³ரிவாஹதா ॥ 14 ॥
ப⁴ர்தாரம் தமபஶ்யந்தீ ராக்ஷஸீவஶமாக³தா ।
ஸீதா³மி க²லு ஶோகேன கூலம் தோயஹதம் யதா² ॥ 15 ॥
தம் பத்³மத³லபத்ராக்ஷம் ஸிம்ஹவிக்ராந்தகா³மினம் ।
த⁴ன்யா: பஶ்யந்தி மே நாத²ம் க்ருதஜ்ஞம் ப்ரியவாதி³னம் ॥ 16 ॥
ஸர்வதா² தேன ஹீனாயா ராமேண விதி³தாத்மனா ।
தீக்ஷ்ணம் விஷமிவாஸ்வாத்³ய து³ர்லப⁴ம் மம ஜீவிதம் ॥ 17 ॥
கீத்³ருஶம் து மஹாபாபம் மயா ஜன்மாந்தரே க்ருதம் ।
யனேத³ம் ப்ராப்யதே து³:க²ம் மயா கோ⁴ரம் ஸுதா³ருணம் ॥ 18 ॥
ஜீவிதம் த்யக்துமிச்சா²மி ஶோகேன மஹதா வ்ருதா ।
ராக்ஷஸீபி⁴ஶ்ச ரக்ஷந்த்யா ராமோ நாஸாத்³யதே மயா ॥ 19 ॥
தி⁴க³ஸ்து க²லு மானுஷ்யம் தி⁴க³ஸ்து பரவஶ்யதாம் ।
ந ஶக்யம் யத்பரித்யக்துமாத்மச்ச²ந்தே³ன ஜீவிதம் ॥ 2௦ ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே ஸுந்த³ரகாண்டே³ பஞ்சவிம்ஶஸ்ஸர்க:³ ॥
