ஶ்ரீமத்³வால்மீகீய ராமாயணே ஸுந்த³ரகாண்ட³ம் ।
அத² ஸப்தவிம்ஶஸ்ஸர்க:³ ।
இத்யுக்தாஸ்ஸீதயா கோ⁴ரம் ராக்ஷஸ்ய: க்ரோத⁴மூர்சி²தா: ।
காஶ்சிஜ்ஜக்³முஸ்ததா³க்²யாதும் ராவணஸ்ய தரஸ்வின: ॥ 1 ॥
தத: ஸீதாமுபாக³ம்ய ராக்ஷஸ்யோ கோ⁴ரத³ர்ஶனா: ।
புன: பருஷமேகார்த²மனர்தா²ர்த²மதா²ப்³ருவன் ॥ 2 ॥
அத்³யேதா³னீம் தவானார்யே ஸீதே பாபவினிஶ்சயே ।
ராக்ஷஸ்யோ ப⁴க்ஷயிஷ்யந்தி மாம்ஸமேதத்³யதா²ஸுக²ம் ॥ 3 ॥
ஸீதாம் தாபி⁴ரனார்யாபி⁴ர்த்³ருஷ்டவா ஸந்தர்ஜிதாம் ததா³ ।
ராக்ஷஸீ த்ரிஜடா வ்ருத்³தா⁴ ஶயானா வாக்யமப்³ரவீத் ॥ 4 ॥
ஆத்மானம் கா²த³தானார்யா ந ஸீதாம் ப⁴க்ஷயிஷ்யத² ।
ஜனகஸ்ய ஸுதாமிஷ்டாம் ஸ்னுஷாம் த³ஶரத²ஸ்ய ச ॥ 5 ॥
ஸ்வப்னோ ஹ்யத்³ய மயா த்³ருஷ்டோ தா³ருணோ ரோமஹர்ஷண: ।
ராக்ஷஸானாமபா⁴வாய ப⁴ர்துரஸ்யா ப⁴வாய ச ॥ 6 ॥
ஏவமுக்தாஸ்த்ரிஜடயா ராக்ஷஸ்ய: க்ரோத⁴மூர்சி²தா: ।
ஸர்வா ஏவாப்³ருவன்பீ⁴தாஸ்த்ரிஜடாம் தாமித³ம் வச: ॥ 7 ॥
கத²யஸ்வ த்வயா த்³ருஷ்ட: ஸ்வப்னோயம் கீத்³ருஶோ நிஶி ।
தாஸாம் ஶ்ருத்வா து வசனம் ராக்ஷஸீனாம் முகா²ச்யுதம் ॥ 8 ॥
உவச வசனம் காலே த்ரிஜடா ஸ்வப்னஸம்ஶ்ரிதம் ।
கஜ³த³ந்தமயீம் தி³வ்யாம் ஶிபி³காமந்தரிக்ஷகா³ம் ॥ 9 ॥
யுக்தாம் ஹம்ஸஸஹஸ்ரேண ஸ்வயமாஸ்தா²ய ராக⁴வ: ।
ஶுக்லமால்யாம்ப³ரத⁴ரோ லக்ஷ்மணேன ஸஹாக³த: ॥ 1௦ ॥
ஸ்வப்னே சாத்³ய மயா த்³ருஷ்டா ஸீதா ஶுக்லாம்ப³ராவ்ருதா ।
ஸாக³ரேண பரிக்ஷிப்தம் ஶ்வேதம் பர்வதமாஸ்தி²தா ॥ 11 ॥
ராமேண ஸங்க³தா ஸீதா பா⁴ஸ்கரேண ப்ரபா⁴ யதா² ।
ராக⁴வஶ்ச மயா த்³ருஷ்டஶ்சதுர்த³ஷ்ட்ரம் மஹாகஜ³ம் ॥ 12 ॥
ஆரூட⁴ ஶ்ஶைலஸங்காஶம் சசார ஸஹலக்ஷ்மண: ।
ததஸ்தௌ நரஶார்தூ³லௌ தீ³ப்யமானௌ ஸ்வதேஜஸா ॥ 13 ॥
ஶுக்லமால்யாம்ப³ரத⁴ரௌ ஜானகீம் பர்யுபஸ்தி²தௌ ।
ததஸ்தஸ்ய நக³ஸ்யாக்³ரே ஹ்யாகாஶஸ்த²ஸ்ய த³ந்தின: ॥ 14 ॥
ப⁴ர்த்ரா பரிக்³ருஹீதஸ்ய ஜானகீ ஸ்கந்த⁴மாஶ்ரிதா ।
ப⁴ர்துரங்காத்ஸமுத்பத்ய தத: கமலலோசனா ॥ 15 ॥
சந்த்³ரஸூர்யௌ மயா த்³ருஷ்டா பாணினா பரிமார்ஜதீ ।
ததஸ்தாப்⁴யாம் குமாராப்⁴யாமாஸ்தி²த: ஸ கஜ³ோத்தம: ॥ 16 ॥
ஸீதயா ச விஶாலாக்ஷ்யா லங்காயா உபரிஸ்தி²த: ।
பாண்டு³ரர்ஷப⁴யுக்தேன ரதே²னாஷ்டயுஜா ஸ்வயம் ॥ 17 ॥
இஹோபயாத: காகுத்ஸ்த² ஸ்ஸீதயா ஸஹ பா⁴ர்யயா ।
லக்ஷ்மணேன ஸஹ ப்⁴ராத்ரா ஸீதயா ஸஹ வீர்யவான் ॥ 18 ॥
ஆருஹ்ய புஷ்பகம் தி³வ்யம் விமானம் ஸூர்யஸன்னிப⁴ம் ।
உத்தராம் தி³ஶமாலோக்ய ஜகா³ம புருஷோத்தம: ॥ 19 ॥
ஏவம் ஸ்வப்னே மயா த்³ருஷ்டோ ராமோ விஷ்ணுபராக்ரம: ।
லக்ஷ்மணேன ஸஹ ப்⁴ராத்ரா ஸீதயா ஸஹ ராக⁴வ: ॥ 2௦ ॥
ந ஹி ராமோ மஹாதேஜாஶ்ஶக்யோ ஜேதும் ஸுராஸுரை: ।
ராக்ஷஸைர்வாபி சான்யைர்வா ஸ்வர்க:³ பாபஜனைரிவ ॥ 21 ॥
ராவணஶ்ச மயா த்³ருஷ்ட: க்ஷிதௌ தைலஸமுக்ஷித: ।
ரக்தவாஸா: பிப³ன்மத்த: கரவீரக்ருதஸ்ரஜ: ॥ 22 ॥
விமானாத்புஷ்பகாத³த்³ய ராவண: பதிதோ பு⁴வி ।
க்ருஷ்யமாண: ஸ்த்ரியா த்³ருஷ்டோ முண்ட:³ க்ருஷ்ணாம்ப³ர: புன: ॥ 23 ॥
ரதே²ன க²ரயுக்தேன ரக்தமால்யானுலேபன: ।
பிபம்ஸ்தைலம் ஹஸன்ன்ருத்யன் ப்⁴ராந்தசித்தாகுலேந்த்³ரிய: ॥ 24 ॥
க³ர்த³பே⁴ன யயௌ ஶீக்⁴ரம் த³க்ஷிணாம் தி³ஶமாஸ்தி²த: ।
புனரேவ மயா த்³ருஷ்டோ ராவணோ ராக்ஷஸேஶ்வர: ॥ 25 ॥
பதிதோ வாக்சிரா ரா பூ⁴மௌ க³ர்த³பா⁴த்³ப⁴யமோஹித: ।
ஸஹஸோத்தா²ய ஸம்ப்⁴ராந்தோ ப⁴யார்தோ மத³விஹ்வல: ॥ 26 ॥
உன்மத்த இவ தி³க்³வாஸா து³ர்வாக்யம் ப்ரலபன்ப³ஹு ।
து³ர்க³ந்த⁴ம் து³ஸ்ஸஹம் கோ⁴ரம் திமிரம் நரகோபமம் ॥ 27 ॥
மலபங்கம் ப்ரவிஶ்யாஶு மக்³னஸ்தத்ர ஸ ராவண: ।
கண்டே² ப³த்³த்⁴வா த³ஶக்³ரீவம் ப்ரமதா³ ரக்தவாஸினீ ॥ 28 ॥
காலீ கர்த³மலிப்தாங்கீ³ தி³ஶம் யாம்யாம் ப்ரகர்ஷதி ।
ஏவம் தத்ர மயா த்³ருஷ்ட: கும்ப⁴கர்ணோ நிஶாசர: ॥ 29 ॥
ராவணஸ்ய ஸுதாஸ்ஸர்வே த்³ருஷ்டாஸ்தைலஸமுக்ஷிதா: ।
வராஹேண த³ஶக்³ரீவஶ்ஶிம்ஶுமாரேண சேந்த்³ரஜித் ॥ 3௦ ॥
உஷ்ட்ரேண கும்ப⁴கர்ணஶ்ச ப்ரயாதா த³க்ஷிணாம் தி³ஶம் ।
ஏகஸ்தத்ர மயா த்³ருஷ்ட: ஶ்வேதச்ச²த்ரோ விபீ⁴ஷண: ॥ 31 ॥
ஶுக்லமால்யாம்ப³ரத⁴ர: ஶுக்லக³ந்தா⁴னுலேபன: ।
ஶங்க²து³ந்து⁴பி⁴னிர்கோ⁴ஷைர்ன்ருத்தகீ³தைரலங்க்ருத: ॥ 32 ॥
ஆருஹ்ய ஶைலஸங்காஶம் மேக⁴ஸ்தனிதனிஸ்ஸ்வனம் ।
சதுர்த³ந்தம் கஜ³ம் தி³வ்யமாஸ்தே தத்ர விபீ⁴ஷண: ॥ 33 ॥
சதுர்பி⁴ஸ்ஸசிவை: ஸார்த²ம் வைஹாயஸமுபஸ்தி²த: ।
ஸமாஜஶ்ச மயா த்³ருஷ்டோ கீ³தவாதி³த்ரனி:ஸ்வன: ॥ 34 ॥
பிப³தாம் ரக்தமால்யானாம் ரக்ஷஸாம் ரக்தவாஸஸாம் ।
லங்கா சேயம் புரீ ரம்யா ஸவாஜிரத²குஞ்ஜரா: ॥ 35 ॥
ஸாக³ரே பதிதா த்³ருஷ்டா ப⁴க்³னகோ³புரதோரணா ।
லங்கா த்³ருஷ்டா மயா ஸ்வப்னே ராவணேனாபி⁴ரக்ஷிதா ॥ 36 ॥
த³க்³தா⁴ ராமஸ்ய தூ³தேன வானரேண தரஸ்வினா ।
பீத்வா தைலம் ப்ரன்ருத்தாஶ்ச ப்ரஹஸந்த்யோ மஹாஸ்வனா: ॥ 37 ॥
லங்காயாம் ப⁴ஸ்மரூக்ஷாயாம் ஸர்வா ராக்ஷஸஸ்த்ரிய: ।
கும்ப⁴கர்ணாத³யஶ்சேமே ஸர்வே ராக்ஷஸபுங்க³வா: ॥ 38 ॥
ரக்தம் நிவஸனம் க்³ருஹ்ய ப்ரவிஷ்டா கோ³மயஹ்ரதே³ ।
அபக³ச்ச²த நஶ்யத்⁴வம் ஸீதாமாப்னோதி ராக⁴வ: ॥ 39 ॥
கா⁴தயேத்பரமாமர்ஷீ யுஷ்மான்ஸார்த²ம் ஹி ராக்ஷஸை: ।
ப்ரியாம் ப³ஹுமதாம் பா⁴ர்யாம் வனவாஸமனுவ்ரதாம் ॥ 4௦ ॥
ப⁴ர்த்ஸிதாம் தர்ஜிதாம் வாபி நானுமம்ஸ்யதி ராக⁴வ: ।
தத³லம் க்ரூரவாக்யைஶ்ச ஸாந்த்வமேவாபி⁴தீ⁴யதாம் ॥ 41 ॥
அபி⁴யாசாம வைதே³ஹீமேதத்³தி⁴ மம ரோசதே ।
யஸ்யாமேவம்வித:⁴ ஸ்வப்னோ து³:கி²தாயாம் ப்ரத்³ருஶ்யதே ॥ 42 ॥
ஸா து³:கை²ர்விவிதை⁴ர்முக்தா ப்ரியம் ப்ராப்னோத்யனுத்தமம் ।
ப⁴ர்த்ஸிதாமபி யாசத்⁴வம் ராக்ஷஸ்ய: கிம் விவக்ஷயா ॥ 43 ॥
ராக⁴வாத்³தி⁴ ப⁴யம் கோ⁴ரம் ராக்ஷஸானாமுபஸ்தி²தம் ।
ப்ரணிபாதப்ரஸன்னா ஹி மைதி²லீ ஜனகாத்மஜா ॥ 44 ॥
அலமேஷா பரித்ராதும் ராக்ஷஸ்யோ மஹதோ ப⁴யாத் ।
அபி சாஸ்யா விஶாலாக்ஷ்யா ந கிஞ்சிது³பலக்ஷயே ॥ 45 ॥
விரூபமபி சாங்கே³ஷு ஸுஸூக்ஷ்மமபி லக்ஷணம் ।
சா²யாவைகு³ண்யமாத்ரம் து ஶங்கே து³:க²முபஸ்தி²தம் ॥ 46 ॥
அது³:கா²ர்ஹாமிமாம் தே³வீம் வைஹாயஸமுபஸ்தி²தாம் ।
அர்த²ஸித்³தி⁴ம் து வைதே³ஹ்யா: பஶ்யாம்யஹமுபஸ்தி²தாம் ॥ 47 ॥
ராக்ஷஸேந்த்³ரவினாஶம் ச விஜயம் ராக⁴வஸ்ய ச ।
நிமித்தபூ⁴தமேதத்து ஶ்ரோதுமஸ்யா மஹத்ப்ரியம் ॥ 48 ॥
த்³ருஶ்யதே ச ஸ்பு²ரச்சக்ஷு: பத்³மபத்ரமிவாயதம் ।
ஈஷச்ச² ஹ்ருஷிதோ வாஸ்யா த³க்ஷிணாயா ஹ்யத³க்ஷிண: ॥ 49 ॥
அகஸ்மாதே³வ வைதே³ஹ்யா பா³ஹுரேக: ப்ரகம்பதே ।
கரேணுஹஸ்தப்ரதிம ஸ்ஸவ்யஶ்சோருரனுத்தம: ॥ 5௦ ॥
வேபமான: ஸூசயதி ராக⁴வம் புரத: ஸ்தி²தம் ।
பக்ஷீ ச ஶாகா²னிலயம் ப்ரவிஷ்ட: புன: புனஶ்சோத்தமஸாந்த்வவாதீ³ ।
ஸுஸ்வாக³தாம் வாசமுதீ³ரயான: புன: புனஶ்சோத³யதீவ ஹ்ருஷ்ட: ॥ 51 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே ஸுந்த³ரகாண்டே³ ஸப்தவிம்ஶஸ்ஸர்க:³ ॥
