শ্রীমদ্বাল্মীকীয় রামাযণে সুংদরকাংডম্ ।
অথ সপ্তবিংশস্সর্গঃ ।
ইত্য়ুক্তাস্সীতয়া ঘোরং রাক্ষস্য়ঃ ক্রোধমূর্ছিতাঃ ।
কাশ্চিজ্জগ্মুস্তদাখ্য়াতুং রাবণস্য় তরস্বিনঃ ॥ 1 ॥
ততঃ সীতামুপাগম্য় রাক্ষস্য়ো ঘোরদর্শনাঃ ।
পুনঃ পরুষমেকার্থমনর্থার্থমথাব্রুবন্ ॥ 2 ॥
অদ্য়েদানীং তবানার্য়ে সীতে পাপবিনিশ্চয়ে ।
রাক্ষস্য়ো ভক্ষয়িষ্য়ংতি মাংসমেতদ্যথাসুখম্ ॥ 3 ॥
সীতাং তাভিরনার্য়াভির্দৃষ্টবা সংতর্জিতাং তদা ।
রাক্ষসী ত্রিজটা বৃদ্ধা শয়ানা বাক্যমব্রবীত্ ॥ 4 ॥
আত্মানং খাদতানার্য়া ন সীতাং ভক্ষয়িষ্যথ ।
জনকস্য় সুতামিষ্টাং স্নুষাং দশরথস্য় চ ॥ 5 ॥
স্বপ্নো হ্যদ্য় ময়া দৃষ্টো দারুণো রোমহর্ষণঃ ।
রাক্ষসানামভাবায় ভর্তুরস্য়া ভবায় চ ॥ 6 ॥
এবমুক্তাস্ত্রিজটয়া রাক্ষস্য়ঃ ক্রোধমূর্ছিতাঃ ।
সর্বা এবাব্রুবন্ভীতাস্ত্রিজটাং তামিদং বচঃ ॥ 7 ॥
কথযস্ব ত্বয়া দৃষ্টঃ স্বপ্নোঽয়ং কীদৃশো নিশি ।
তাসাং শ্রুত্বা তু বচনং রাক্ষসীনাং মুখাচ্য়ুতম্ ॥ 8 ॥
উবচ বচনং কালে ত্রিজটা স্বপ্নসংশ্রিতম্ ।
গজদংতময়ীং দিব্য়াং শিবিকামংতরিক্ষগাম্ ॥ 9 ॥
যুক্তাং হংসসহস্রেণ স্বযমাস্থায় রাঘবঃ ।
শুক্লমাল্য়াংবরধরো লক্ষ্মণেন সহাগতঃ ॥ 10 ॥
স্বপ্নে চাদ্য় ময়া দৃষ্টা সীতা শুক্লাংবরাবৃতা ।
সাগরেণ পরিক্ষিপ্তং শ্বেতং পর্বতমাস্থিতা ॥ 11 ॥
রামেণ সংগতা সীতা ভাস্করেণ প্রভা যথা ।
রাঘবশ্চ ময়া দৃষ্টশ্চতুর্দষ্ট্রং মহাগজম্ ॥ 12 ॥
আরূঢ শ্শৈলসংকাশং চচার সহলক্ষ্মণঃ ।
ততস্তৌ নরশার্দূলৌ দীপ্যমানৌ স্বতেজসা ॥ 13 ॥
শুক্লমাল্য়াংবরধরৌ জানকীং পর্য়ুপস্থিতৌ ।
ততস্তস্য় নগস্য়াগ্রে হ্য়াকাশস্থস্য় দংতিনঃ ॥ 14 ॥
ভর্ত্রা পরিগৃহীতস্য় জানকী স্কংধমাশ্রিতা ।
ভর্তুরংকাত্সমুত্পত্য় ততঃ কমললোচনা ॥ 15 ॥
চংদ্রসূর্য়ৌ ময়া দৃষ্টা পাণিনা পরিমার্জতী ।
ততস্তাভ্য়াং কুমারাভ্য়ামাস্থিতঃ স গজোত্তমঃ ॥ 16 ॥
সীতয়া চ বিশালাক্ষ্য়া লংকায়া উপরিস্থিতঃ ।
পাংডুরর্ষভয়ুক্তেন রথেনাষ্টয়ুজা স্বযম্ ॥ 17 ॥
ইহোপয়াতঃ কাকুত্স্থ স্সীতয়া সহ ভার্যয়া ।
লক্ষ্মণেন সহ ভ্রাত্রা সীতয়া সহ বীর্যবান্ ॥ 18 ॥
আরুহ্য় পুষ্পকং দিব্য়ং বিমানং সূর্যসন্নিভম্ ।
উত্তরাং দিশমালোক্য় জগাম পুরুষোত্তমঃ ॥ 19 ॥
এবং স্বপ্নে ময়া দৃষ্টো রামো বিষ্ণুপরাক্রমঃ ।
লক্ষ্মণেন সহ ভ্রাত্রা সীতয়া সহ রাঘবঃ ॥ 20 ॥
ন হি রামো মহাতেজাশ্শক্য়ো জেতুং সুরাসুরৈঃ ।
রাক্ষসৈর্বাপি চান্য়ৈর্বা স্বর্গঃ পাপজনৈরিব ॥ 21 ॥
রাবণশ্চ ময়া দৃষ্টঃ ক্ষিতৌ তৈলসমুক্ষিতঃ ।
রক্তবাসাঃ পিবন্মত্তঃ করবীরকৃতস্রজঃ ॥ 22 ॥
বিমানাত্পুষ্পকাদদ্য় রাবণঃ পতিতো ভুবি ।
কৃষ্যমাণঃ স্ত্রিয়া দৃষ্টো মুংডঃ কৃষ্ণাংবরঃ পুনঃ ॥ 23 ॥
রথেন খরয়ুক্তেন রক্তমাল্য়ানুলেপনঃ ।
পিপংস্তৈলং হসন্নৃত্যন্ ভ্রাংতচিত্তাকুলেংদ্রিয়ঃ ॥ 24 ॥
গর্দভেন যয়ৌ শীঘ্রং দক্ষিণাং দিশমাস্থিতঃ ।
পুনরেব ময়া দৃষ্টো রাবণো রাক্ষসেশ্বরঃ ॥ 25 ॥
পতিতোঽ বাক্চিরা রা ভূমৌ গর্দভাদ্ভযমোহিতঃ ।
সহসোত্থায় সংভ্রাংতো ভয়ার্তো মদবিহ্বলঃ ॥ 26 ॥
উন্মত্ত ইব দিগ্বাসা দুর্বাক্য়ং প্রলপন্বহু ।
দুর্গংধং দুস্সহং ঘোরং তিমিরং নরকোপমম্ ॥ 27 ॥
মলপংকং প্রবিশ্য়াশু মগ্নস্তত্র স রাবণঃ ।
কংঠে বদ্ধ্বা দশগ্রীবং প্রমদা রক্তবাসিনী ॥ 28 ॥
কালী কর্দমলিপ্তাংগী দিশং যাম্য়াং প্রকর্ষতি ।
এবং তত্র ময়া দৃষ্টঃ কুংভকর্ণো নিশাচরঃ ॥ 29 ॥
রাবণস্য় সুতাস্সর্বে দৃষ্টাস্তৈলসমুক্ষিতাঃ ।
বরাহেণ দশগ্রীবশ্শিংশুমারেণ চেংদ্রজিত্ ॥ 30 ॥
উষ্ট্রেণ কুংভকর্ণশ্চ প্রয়াতা দক্ষিণাং দিশম্ ।
একস্তত্র ময়া দৃষ্টঃ শ্বেতচ্ছত্রো বিভীষণঃ ॥ 31 ॥
শুক্লমাল্য়াংবরধরঃ শুক্লগংধানুলেপনঃ ।
শংখদুংধুভিনির্ঘোষৈর্নৃত্তগীতৈরলংকৃতঃ ॥ 32 ॥
আরুহ্য় শৈলসংকাশং মেঘস্তনিতনিস্স্বনম্ ।
চতুর্দংতং গজং দিব্যমাস্তে তত্র বিভীষণঃ ॥ 33 ॥
চতুর্ভিস্সচিবৈঃ সার্থং বৈহাযসমুপস্থিতঃ ।
সমাজশ্চ ময়া দৃষ্টো গীতবাদিত্রনিঃস্বনঃ ॥ 34 ॥
পিবতাং রক্তমাল্য়ানাং রক্ষসাং রক্তবাসসাম্ ।
লংকা চেয়ং পুরী রম্য়া সবাজিরথকুংজরাঃ ॥ 35 ॥
সাগরে পতিতা দৃষ্টা ভগ্নগোপুরতোরণা ।
লংকা দৃষ্টা ময়া স্বপ্নে রাবণেনাভিরক্ষিতা ॥ 36 ॥
দগ্ধা রামস্য় দূতেন বানরেণ তরস্বিনা ।
পীত্বা তৈলং প্রনৃত্তাশ্চ প্রহসংত্য়ো মহাস্বনাঃ ॥ 37 ॥
লংকায়াং ভস্মরূক্ষায়াং সর্বা রাক্ষসস্ত্রিয়ঃ ।
কুংভকর্ণাদযশ্চেমে সর্বে রাক্ষসপুংগবাঃ ॥ 38 ॥
রক্তং নিবসনং গৃহ্য় প্রবিষ্টা গোমযহ্রদে ।
অপগচ্ছত নশ্যধ্বং সীতামাপ্নোতি রাঘবঃ ॥ 39 ॥
ঘাতয়েত্পরমামর্ষী যুষ্মান্সার্থং হি রাক্ষসৈঃ ।
প্রিয়াং বহুমতাং ভার্য়াং বনবাসমনুব্রতাম্ ॥ 40 ॥
ভর্ত্সিতাং তর্জিতাং বাপি নানুমংস্যতি রাঘবঃ ।
তদলং ক্রূরবাক্য়ৈশ্চ সাংত্বমেবাভিধীযতাম্ ॥ 41 ॥
অভিয়াচাম বৈদেহীমেতদ্ধি মম রোচতে ।
যস্য়ামেবংবিধঃ স্বপ্নো দুঃখিতায়াং প্রদৃশ্যতে ॥ 42 ॥
সা দুঃখৈর্বিবিধৈর্মুক্তা প্রিয়ং প্রাপ্নোত্যনুত্তমম্ ।
ভর্ত্সিতামপি যাচধ্বং রাক্ষস্য়ঃ কিং বিবক্ষয়া ॥ 43 ॥
রাঘবাদ্ধি ভয়ং ঘোরং রাক্ষসানামুপস্থিতম্ ।
প্রণিপাতপ্রসন্না হি মৈথিলী জনকাত্মজা ॥ 44 ॥
অলমেষা পরিত্রাতুং রাক্ষস্য়ো মহতো ভয়াত্ ।
অপি চাস্য়া বিশালাক্ষ্য়া ন কিংচিদুপলক্ষয়ে ॥ 45 ॥
বিরূপমপি চাংগেষু সুসূক্ষ্মমপি লক্ষণম্ ।
ছায়াবৈগুণ্যমাত্রং তু শংকে দুঃখমুপস্থিতম্ ॥ 46 ॥
অদুঃখার্হামিমাং দেবীং বৈহাযসমুপস্থিতাম্ ।
অর্থসিদ্ধিং তু বৈদেহ্য়াঃ পশ্য়াম্যহমুপস্থিতাম্ ॥ 47 ॥
রাক্ষসেংদ্রবিনাশং চ বিজয়ং রাঘবস্য় চ ।
নিমিত্তভূতমেতত্তু শ্রোতুমস্য়া মহত্প্রিযম্ ॥ 48 ॥
দৃশ্যতে চ স্ফুরচ্চক্ষুঃ পদ্মপত্রমিবাযতম্ ।
ঈষচ্ছ হৃষিতো বাস্য়া দক্ষিণায়া হ্যদক্ষিণঃ ॥ 49 ॥
অকস্মাদেব বৈদেহ্য়া বাহুরেকঃ প্রকংপতে ।
করেণুহস্তপ্রতিম স্সব্যশ্চোরুরনুত্তমঃ ॥ 50 ॥
বেপমানঃ সূচযতি রাঘবং পুরতঃ স্থিতম্ ।
পক্ষী চ শাখানিলয়ং প্রবিষ্টঃ পুনঃ পুনশ্চোত্তমসাংত্ববাদী ।
সুস্বাগতাং বাচমুদীরয়ানঃ পুনঃ পুনশ্চোদযতীব হৃষ্টঃ ॥ 51 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে সুংদরকাংডে সপ্তবিংশস্সর্গঃ ॥
