ஶ்ரீமத்³வால்மீகீய ராமாயணே ஸுந்த³ரகாண்ட³ம் ।
அத² ஸப்தஷஷ்டிதமஸ்ஸர்க:³ ।
ஏவமுக்தஸ்து ஹனுமான் ராக⁴வேண மஹாத்மனா ।
ஸீதாயா பா⁴ஷிதம் ஸர்வம் ந்யவேத³யத ராக⁴வே ॥ 1 ॥
இத³முக்தவதீ தே³வீ ஜானகீ புருஷர்ஷப⁴ ।
பூர்வ வ்ருத்தமபி⁴ஜ்ஞானம் சித்ரகூடே யதா²தத²ம் ॥ 2 ॥
ஸுக²ஸுப்தா த்வயா ஸார்த⁴ம் ஜானகீ பூர்வமுத்தி²தா ।
வாயஸ ஸ்ஸஹஸோத்பத்ய வித³தா³ர ஸ்தனாந்தரே ॥ 3 ॥
பர்யாயேண ச ஸுப்தஸ்த்வம் தே³வ்யங்கே ப⁴ரதாக்³ரஜ ।
புனஶ்ச கில பக்ஷீ ஸ தே³வ்யா ஜனயதி வ்யதா²ம் ॥ 4 ॥
புன: புனருபாக³ம்ய வித³தா³ர ப்⁴ருஶம் கில ।
ததஸ்த்வம் போ³தி⁴தஸ்தஸ்யாஶ்ஶோணிதேன ஸமுக்ஷித: ॥ 5 ॥
வாயஸேன ச தேனைவ ஸததம் பா³த்⁴யமானயா ।
போ³தி⁴த: கில தே³வ்யா த்வம் ஸுக²ஸுப்த: பரந்தப ॥ 6 ॥
தாம் து த்³ருஷ்ட்வா மஹாபா³ஹோ தா³ரிதாம் ச ஸ்தனாந்தரே ।
ஆஶீவிஷ இவ க்ருத்³தோ⁴ நிஶ்வஸன்னப்⁴யபா⁴ஷதா²: ॥ 7 ॥
நகா²க்³ரை: கேன தே பீ⁴ரு தா³ரிதம் து ஸ்தனாந்தரம் ।
க: க்ரீட³தி ஸரோஷேண பஞ்சவக்த்ரேண போ⁴கி³னா ॥ 8 ॥
நிரீக்ஷமாணஸ்ஸஹஸா வாயஸம் ஸமவைக்ஷதா²: ।
நகை² ஸ்ஸருதி⁴ரைஸ்தீக்ஷ்ணைஸ்தாமேவாபி⁴முக²ம் ஸ்தி²தம் ॥ 9 ॥
ஸுத: கில ஸ ஶக்ரஸ்ய வாயஸ: பததாம் வர: ।
த⁴ராந்தரசரஶ்ஶீக்⁴ரம் பவனஸ்ய க³தௌ ஸம: ॥ 1௦ ॥
ததஸ்தஸ்மின்மஹாபா³ஹோ கோபஸம்வர்திதேக்ஷண: ।
வாயஸே த்வம் க்ருதா²: க்ரூராம் மதிம் மதிமதாம் வர ॥ 11 ॥
ஸ த³ர்ப⁴ம் ஸம்ஸ்தராத்³க்³ருஹ்ய ப்³ரஹ்மாஸ்த்ரேண ஹ்யயோஜய: ।
ஸ தீ³ப்த இவ காலாக்³னிர்ஜஜ்வாலாபி⁴முக:² க²க³ம் ॥ 12 ॥
க்ஷிப்தவாம்ஸ்த்வம் ப்ரதீ³ப்தம் ஹி த³ர்ப⁴ம் தம் வாயஸம் ப்ரதி ।
ததஸ்து வாயஸம் தீ³ப்தஸ்ஸ த³ர்போ⁴னுஜகா³ம ஹ ॥ 13 ॥
ஸ பித்ரா ச பரித்யக்தஸ்ஸுரைஶ்ச ஸமஹர்ஷிபி⁴: ।
த்ரீன் லோகான் ஸம்பரிக்ரம்ய த்ராதாரம் நாதி⁴க³ச்ச²தி ॥ 14 ॥
புனரேவாக³தஸ்த்ரஸ்தஸ்த்வத்ஸகாஶமரிந்த³ம ।
ஸ தம் நிபதிதம் பூ⁴மௌ ஶரண்யஶ்ஶரணாக³தம் ॥ 15 ॥
வதா⁴ர்ஹமபி காகுத்ஸ்த² க்ருபயா பர்யபாலய: ।
மோக⁴மஸ்த்ரம் ந ஶக்யம் து கர்துமித்யேவ ராக⁴வ ॥ 16 ॥
ப⁴வாம்ஸ்தஸ்யாக்ஷி காகஸ்ய ஹினஸ்தி ஸ்ம ஸ த³க்ஷிணம் ।
ராம த்வாம் ஸ நமஸ்க்ருத்ய ராஜ்ஞே த³ஶரதா²ய ச ॥ 17 ॥
விஸ்ருஷ்டஸ்து ததா³ காக ப்ரதிபேதே³ ஸ்வமாலயம் ।
ஏவமஸ்த்ரவிதா³ம் ஶ்ரேஷ்ட²ஸ்ஸத்த்வவான் ஶீலவானபி ॥ 18 ॥
கிமர்த²மஸ்த்ரம் ரக்ஷஸ்ஸு ந யோஜயதி ராக⁴வ: ।
ந நாகா³ நாபி க³ந்த⁴ர்வா நாஸுரா ந மருத்³க³ணா: ॥ 19 ॥
ந ச ஸர்வே ரணே ஶக்தா ராமம் ப்ரதிஸமாஸிதும் ।
தஸ்ய வீர்யவத: கஶ்சித்³யத்³யஸ்தி மயி ஸம்ப்⁴ரம: ॥ 2௦ ॥
க்ஷிப்ரம் ஸுனிஶிதைர்பா³ணைர்ஹன்யதாம் யுதி⁴ ராவண: ।
ப்⁴ராதுராதே³ஶமாஜ்ஞாய லக்ஷ்மணோ வா பரந்தப: ॥ 21 ॥
ஸ கிமர்த²ம் நரவரோ ந மாம் ரக்ஷதி ராக⁴வ: ।
ஶக்தௌ தௌ புருஷவ்யாக்⁴ரௌ வாய்வக்³னிஸமதேஜஸௌ ॥ 22 ॥
ஸுராணாமபி து³ர்த⁴ர்ஷௌ கிமர்த²ம் மாமுபேக்ஷத: ।
மமைவ து³ஷ்க்ருதம் கிஞ்சின்மஹத³ஸ்தி ந ஸம்ஶய: ॥ 23 ॥
ஸமர்தௌ² ஸஹிதௌ யன்மாம் நாவேக்ஷேதே பரந்தபௌ ।
வைதே³ஹ்யா வசனம் ஶ்ருத்வா கருணம் ஸாஶ்ரு பா⁴ஷிதம் ।
புனரப்யஹமார்யாம் தாமித³ம் வசனமப்³ருவம் ॥ 24 ॥
த்வச்சோ²கவிமுகோ² ராமோ தே³வி ஸத்யேன தே ஶபே ॥ 25 ॥
ராமே து³:கா²பி⁴பூ⁴தே து லக்ஷ்மண: பரிதப்யதே ।
கத²ஞ்சித்³ப⁴வதீ த்³ருஷ்டா ந கால: பரிஶோசிதும் ॥ 26 ॥
அஸ்மின்முஹூர்தே து³:கா²னாமந்தம் த்³ரக்ஷ்யஸி பா⁴மினி ।
தாவுபௌ⁴ நரஶார்தூ³லௌ ராஜபுத்ராவனிந்தி³தௌ ॥ 27 ॥
த்வத்³த³ர்ஶனக்ருதோத்ஸாஹௌ லங்காம் ப⁴ஸ்மீகரிஷ்யத: ।
ஹத்வா ச ஸமரே ரௌத்³ரம் ராவணம் ஸஹ பா³ந்த⁴வம் ॥ 28 ॥
ராக⁴வஸ்த்வாம் வராரோஹே ஸ்வாம் புரீம் நயதே த்⁴ருவம் ।
யத்து ராமோ விஜானீயாத³பி⁴ஜ்ஞானமனிந்தி³தே ॥ 29 ॥
ப்ரீதிஸஞ்ஜனநம் தஸ்ய ப்ரதா³தும் த்வமிஹார்ஹஸி ।
ஸாபி⁴வீக்ஷ்ய தி³ஶஸ்ஸர்வா வேண்யுத்³க்³ரதி²தமுத்தமம் ॥ 3௦ ॥
முக்த்வா வஸ்த்ராத்³த³தௌ³ மஹ்யம் மணிமேதம் மஹாப³ல ।
ப்ரதிக்³ருஹ்ய மணிம் தி³வ்யம் தவ ஹேதோ ரகூ⁴த்³வஹ ॥ 31 ॥
ஶிரஸா தாம் ப்ரணம்யார்யாமஹமாக³மனே த்வரே ।
க³மனே ச க்ருதோத்ஸாஹமவேக்ஷ்ய வரவர்ணினீ ॥ 32 ॥
விவர்த⁴மானம் ச ஹி மாமுவாச ஜனகாத்மஜா ।
அஶ்ருபூர்ணமுகீ² தீ³னா பா³ஷ்பஸந்தி³க்³த⁴பா⁴ஷிணீ ॥ 33 ॥
மமோத்பதனஸம்ப்⁴ராந்தா ஶோகவேக³ஸமாஹதா ।
ஹனுமன் ஸிம்ஹஸங்காஶாவுபௌ⁴ தௌ ராமலக்ஷ்மணௌ ॥ 34 ॥
ஸுக்³ரீவஞ்ச ஸஹாமாத்யம் ஸர்வான் ப்³ரூயா ஹ்யனாமயம் ।
யதா² ச ஸ மஹாபா³ஹுர்மாம் தாரயதி ராக⁴வ: ।
அஸ்மாத்³து⁴:கா²ம்பு³ஸம்ரோதா⁴த்த்வம் ஸமாதா⁴துமர்ஹஸி ॥ 35 ॥
இமம் ச தீவ்ரம் மம ஶோகவேக³ம் ரக்ஷோபி⁴ரேபி⁴: பரிப⁴ர்த்ஸனம் ச ।
ப்³ரூயாஸ்து ராமஸ்ய க³தஸ்ஸமீபம் ஶிவஶ்ச தேத்⁴வாஸ்து ஹரிப்ரவீர ॥ 36 ॥
ஏதத்தவார்யா ந்ருபராஜஸிம்ஹ ஸீதா வச: ப்ராஹ விஷாத³பூர்வம் ।
ஏதச்ச பு³த்³த்⁴வா க³தி³தம் மயா த்வம் ஶ்ரத்³த⁴த்ஸ்வ ஸீதாம் குஶலாம் ஸமக்³ராம் ॥ 37 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே ஸுந்த³ரகாண்டே³ ஸப்தஷஷ்டிதமஸ்ஸர்க:³ ॥
