শ্রীমদ্বাল্মীকীয় রামাযণে সুংদরকাংডম্ ।
অথ সপ্তষষ্টিতমস্সর্গঃ ।
এবমুক্তস্তু হনুমান্ রাঘবেণ মহাত্মনা ।
সীতায়া ভাষিতং সর্বং ন্যবেদযত রাঘবে ॥ 1 ॥
ইদমুক্তবতী দেবী জানকী পুরুষর্ষভ ।
পূর্ব বৃত্তমভিজ্ঞানং চিত্রকূটে যথাতথম্ ॥ 2 ॥
সুখসুপ্তা ত্বয়া সার্ধং জানকী পূর্বমুত্থিতা ।
বাযস স্সহসোত্পত্য় বিদদার স্তনাংতরে ॥ 3 ॥
পর্য়ায়েণ চ সুপ্তস্ত্বং দেব্য়ংকে ভরতাগ্রজ ।
পুনশ্চ কিল পক্ষী স দেব্য়া জনযতি ব্যথাম্ ॥ 4 ॥
পুনঃ পুনরুপাগম্য় বিদদার ভৃশং কিল ।
ততস্ত্বং বোধিতস্তস্য়াশ্শোণিতেন সমুক্ষিতঃ ॥ 5 ॥
বাযসেন চ তেনৈব সততং বাধ্যমানয়া ।
বোধিতঃ কিল দেব্য়া ত্বং সুখসুপ্তঃ পরংতপ ॥ 6 ॥
তাং তু দৃষ্ট্বা মহাবাহো দারিতাং চ স্তনাংতরে ।
আশীবিষ ইব ক্রুদ্ধো নিশ্বসন্নভ্যভাষথাঃ ॥ 7 ॥
নখাগ্রৈঃ কেন তে ভীরু দারিতং তু স্তনাংতরম্ ।
কঃ ক্রীডতি সরোষেণ পংচবক্ত্রেণ ভোগিনা ॥ 8 ॥
নিরীক্ষমাণস্সহসা বাযসং সমবৈক্ষথাঃ ।
নখৈ স্সরুধিরৈস্তীক্ষ্ণৈস্তামেবাভিমুখং স্থিতম্ ॥ 9 ॥
সুতঃ কিল স শক্রস্য় বাযসঃ পততাং বরঃ ।
ধরাংতরচরশ্শীঘ্রং পবনস্য় গতৌ সমঃ ॥ 10 ॥
ততস্তস্মিন্মহাবাহো কোপসংবর্তিতেক্ষণঃ ।
বাযসে ত্বং কৃথাঃ ক্রূরাং মতিং মতিমতাং বর ॥ 11 ॥
স দর্ভং সংস্তরাদ্গৃহ্য় ব্রহ্মাস্ত্রেণ হ্যয়োজয়ঃ ।
স দীপ্ত ইব কালাগ্নির্জজ্বালাভিমুখঃ খগম্ ॥ 12 ॥
ক্ষিপ্তবাংস্ত্বং প্রদীপ্তং হি দর্ভং তং বাযসং প্রতি ।
ততস্তু বাযসং দীপ্তস্স দর্ভোঽনুজগাম হ ॥ 13 ॥
স পিত্রা চ পরিত্যক্তস্সুরৈশ্চ সমহর্ষিভিঃ ।
ত্রীন্ লোকান্ সংপরিক্রম্য় ত্রাতারং নাধিগচ্ছতি ॥ 14 ॥
পুনরেবাগতস্ত্রস্তস্ত্বত্সকাশমরিংদম ।
স তং নিপতিতং ভূমৌ শরণ্যশ্শরণাগতম্ ॥ 15 ॥
বধার্হমপি কাকুত্স্থ কৃপয়া পর্যপালয়ঃ ।
মোঘমস্ত্রং ন শক্য়ং তু কর্তুমিত্য়েব রাঘব ॥ 16 ॥
ভবাংস্তস্য়াক্ষি কাকস্য় হিনস্তি স্ম স দক্ষিণম্ ।
রাম ত্বাং স নমস্কৃত্য় রাজ্ঞে দশরথায় চ ॥ 17 ॥
বিসৃষ্টস্তু তদা কাক প্রতিপেদে স্বমালযম্ ।
এবমস্ত্রবিদাং শ্রেষ্ঠস্সত্ত্ববান্ শীলবানপি ॥ 18 ॥
কিমর্থমস্ত্রং রক্ষস্সু ন যোজযতি রাঘবঃ ।
ন নাগা নাপি গংধর্বা নাসুরা ন মরুদ্গণাঃ ॥ 19 ॥
ন চ সর্বে রণে শক্তা রামং প্রতিসমাসিতুম্ ।
তস্য় বীর্যবতঃ কশ্চিদ্যদ্যস্তি ময়ি সংভ্রমঃ ॥ 20 ॥
ক্ষিপ্রং সুনিশিতৈর্বাণৈর্হন্যতাং যুধি রাবণঃ ।
ভ্রাতুরাদেশমাজ্ঞায় লক্ষ্মণো বা পরংতপঃ ॥ 21 ॥
স কিমর্থং নরবরো ন মাং রক্ষতি রাঘবঃ ।
শক্তৌ তৌ পুরুষব্য়াঘ্রৌ বায়্বগ্নিসমতেজসৌ ॥ 22 ॥
সুরাণামপি দুর্ধর্ষৌ কিমর্থং মামুপেক্ষতঃ ।
মমৈব দুষ্কৃতং কিংচিন্মহদস্তি ন সংশয়ঃ ॥ 23 ॥
সমর্থৌ সহিতৌ যন্মাং নাবেক্ষেতে পরংতপৌ ।
বৈদেহ্য়া বচনং শ্রুত্বা করুণং সাশ্রু ভাষিতম্ ।
পুনরপ্যহমার্য়াং তামিদং বচনমব্রুবম্ ॥ 24 ॥
ত্বচ্ছোকবিমুখো রামো দেবি সত্য়েন তে শপে ॥ 25 ॥
রামে দুঃখাভিভূতে তু লক্ষ্মণঃ পরিতপ্যতে ।
কথংচিদ্ভবতী দৃষ্টা ন কালঃ পরিশোচিতুম্ ॥ 26 ॥
অস্মিন্মুহূর্তে দুঃখানামংতং দ্রক্ষ্যসি ভামিনি ।
তাবুভৌ নরশার্দূলৌ রাজপুত্রাবনিংদিতৌ ॥ 27 ॥
ত্বদ্দর্শনকৃতোত্সাহৌ লংকাং ভস্মীকরিষ্যতঃ ।
হত্বা চ সমরে রৌদ্রং রাবণং সহ বাংধবম্ ॥ 28 ॥
রাঘবস্ত্বাং বরারোহে স্বাং পুরীং নযতে ধ্রুবম্ ।
যত্তু রামো বিজানীয়াদভিজ্ঞানমনিংদিতে ॥ 29 ॥
প্রীতিসংজননং তস্য় প্রদাতুং ত্বমিহার্হসি ।
সাভিবীক্ষ্য় দিশস্সর্বা বেণ্য়ুদ্গ্রথিতমুত্তমম্ ॥ 30 ॥
মুক্ত্বা বস্ত্রাদ্দদৌ মহ্য়ং মণিমেতং মহাবল ।
প্রতিগৃহ্য় মণিং দিব্য়ং তব হেতো রঘূদ্বহ ॥ 31 ॥
শিরসা তাং প্রণম্য়ার্য়ামহমাগমনে ত্বরে ।
গমনে চ কৃতোত্সাহমবেক্ষ্য় বরবর্ণিনী ॥ 32 ॥
বিবর্ধমানং চ হি মামুবাচ জনকাত্মজা ।
অশ্রুপূর্ণমুখী দীনা বাষ্পসংদিগ্ধভাষিণী ॥ 33 ॥
মমোত্পতনসংভ্রাংতা শোকবেগসমাহতা ।
হনুমন্ সিংহসংকাশাবুভৌ তৌ রামলক্ষ্মণৌ ॥ 34 ॥
সুগ্রীবংচ সহামাত্য়ং সর্বান্ ব্রূয়া হ্যনামযম্ ।
যথা চ স মহাবাহুর্মাং তারযতি রাঘবঃ ।
অস্মাদ্ধুঃখাংবুসংরোধাত্ত্বং সমাধাতুমর্হসি ॥ 35 ॥
ইমং চ তীব্রং মম শোকবেগং রক্ষোভিরেভিঃ পরিভর্ত্সনং চ ।
ব্রূয়াস্তু রামস্য় গতস্সমীপং শিবশ্চ তেঽধ্বাস্তু হরিপ্রবীর ॥ 36 ॥
এতত্তবার্য়া নৃপরাজসিংহ সীতা বচঃ প্রাহ বিষাদপূর্বম্ ।
এতচ্চ বুদ্ধ্বা গদিতং ময়া ত্বং শ্রদ্ধত্স্ব সীতাং কুশলাং সমগ্রাম্ ॥ 37 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে সুংদরকাংডে সপ্তষষ্টিতমস্সর্গঃ ॥
