ஶ்ரீமத்³வால்மீகீய ராமாயணே பா³லகாண்ட³ம் ।
அத² ஏகவிம்ஶஸ்ஸர்க:³ ।
தச்ச்²ருத்வா வசனம் தஸ்ய ஸ்னேஹபர்யாகுலாக்ஷரம் ।
ஸமன்யு: கௌஶிகோ வாக்யம் ப்ரத்யுவாச மஹீபதிம் ॥ 1 ॥
பூர்வமர்த²ம் ப்ரதிஶ்ருத்ய ப்ரதிஜ்ஞாம் ஹாதுமிச்ச²ஸி ।
ராக⁴வாணாமயுக்தோயம் குலஸ்யாஸ்ய விபர்யய: ॥ 2 ॥
யதீ³த³ம் தே க்ஷமம் ராஜன் க³மிஷ்யாமி யதா²க³தம் ।
மித்²யாப்ரதிஜ்ஞ: காகுத்ஸ்த² ஸுகீ²ப⁴வ ஸபா³ந்த⁴வ: ॥ 3 ॥
தஸ்ய ரோஷபரீதஸ்ய விஶ்வாமித்ரஸ்ய தீ⁴மத: ।
சசால வஸுதா⁴ க்ருத்ஸ்னா விவேஶ ச ப⁴யம் ஸுரான் ॥ 4 ॥
த்ரஸ்தரூபம் து விஜ்ஞாய ஜக³த்ஸர்வம் மஹான்ருஷி: ।
ந்ருபதிம் ஸுவ்ரதோ தீ⁴ரோ வஸிஷ்டோ² வாக்யமப்³ரவீத் ॥ 5 ॥
இக்ஷ்வாகூணாம் குலே ஜாதஸ்ஸாக்ஷாத்³த⁴ர்ம இவாபர: ।
த்⁴ருதிமான் ஸுவ்ரத: ஶ்ரீமான்னத⁴ர்மம் ஹாதுமர்ஹஸி ॥ 6 ॥
த்ரிஷு லோகேஷு விக்²யாதோ த⁴ர்மாத்மா இதி ராக⁴வ ।
ஸ்வத⁴ர்மம் ப்ரதிபத்³யஸ்வ நாத⁴ர்மம் வோடு⁴மர்ஹஸி ॥ 7 ॥
ஸம்ஶ்ருத்யைவம் கரிஷ்யாமீத்யகுர்வாணஸ்ய ராக⁴வ ।
இஷ்டாபூர்தவதோ⁴ பூ⁴யாத்தஸ்மாத்³ராமம் விஸர்ஜய ॥ 8 ॥
க்ருதாஸ்த்ரமக்ருதாஸ்த்ரம் வா நைனம் ஶக்ஷ்யந்தி ராக்ஷஸா: ।
கு³ப்தம் குஶிகபுத்ரேண ஜ்வலனேனாம்ருதம் யதா² ॥ 9 ॥
ஏஷ விக்³ரஹவான் த⁴ர்ம ஏஷ வீர்யவதாம் வர: ।
ஏஷ பு³த்⁴யாதி⁴கோ லோகே தபஸஶ்ச பராயணம் ॥ 1௦ ॥
ஏஷோஸ்த்ரான் விவிதா⁴ன்வேத்தி த்ரைலோக்யே ஸசராசரே ।
நைனமன்ய: புமான்வேத்தி ந ச வேத்ஸ்யந்தி கேசன ॥ 11 ॥
ந தே³வா நர்ஷய: கேசின்னாஸுரா ந ச ராக்ஷஸா: ।
க³ந்த⁴ர்வயக்ஷப்ரவராஸ்ஸகின்னரமஹோரகா³: ॥ 12 ॥
ஸர்வாஸ்த்ராணி ப்⁴ருஶாஶ்வஸ்ய புத்ரா: பரமதா⁴ர்மிகா: ।
கௌஶிகாய புரா த³த்தா யதா³ ராஜ்யம் ப்ரஶாஸதி ॥ 13 ॥
தேபி புத்ரா ப்⁴ருஶாஶ்வஸ்ய ப்ரஜாபதிஸுதாஸுதா: ।
நைகரூபா மஹாவீர்யா தீ³ப்திமந்தோ ஜயாவஹா: ॥ 14 ॥
ஜயா ச ஸுப்ரபா⁴ சைவ த³க்ஷகன்யே ஸுமத்⁴யமே ।
தே ஸுவாதேஸ்த்ரஶஸ்த்ராணி ஶதம் பரமபா⁴ஸ்வரம் ॥ 15 ॥
பஞ்சாஶதம் ஸுதான் லேபே⁴ ஜயா நாம பரான் புரா ।
வதா⁴யாஸுரஸைன்யானாமமேயான் காமரூபிண: ॥ 16 ॥
ஸுப்ரபா⁴ஜனயச்சாபி புத்ரான்பஞ்சாஶதம் புன: ।
ஸம்ஹாரான்னாமது³ர்த⁴ர்ஷான் து³ராக்ராமான் ப³லீயஸ: ॥ 17 ॥
தானி சாஸ்த்ராணி வேத்த்யேஷ யதா²வத்குஶிகாத்மஜ: ।
அபூர்வாணாம் ச ஜனநே ஶக்தோ பூ⁴யஸ்ஸ த⁴ர்மவித் ॥ 18 ॥
ஏவம் வீர்யோ மஹாதேஜா விஶ்வாமித்ரோ மஹாயஶா: ।
ந ராமக³மனே ராஜன் ஸம்ஶயம் கர்துமர்ஹஸி ॥ 19 ॥
தேஷாம் நிக்³ரஹணே ஶக்தஸ்ஸ்வயம் ச குஶிகாத்மஜ: ।
தவ புத்ரஹிதார்தா²ய த்வாமுபேத்யாபி⁴யாசதே ॥ 2௦ ॥
இதி முனிவசனாத்ப்ரஸன்னசித்தோ ரகு⁴வ்ருஷப⁴ஸ்து முமோத³ பா⁴ஸ்வராங்க:³ ।
க³மனமபி⁴ருரோச ராக⁴வஸ்ய ப்ரதி²தயஶா: குஶிகாத்மஜாய பு³த்⁴யா ॥ 21 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே பா³லகாண்டே³ ஏகவிம்ஶஸ்ஸர்க:³ ॥
