শ্রীমদ্বাল্মীকীয় রামাযণে বালকাংডম্ ।
অথ চতুর্বিংশস্সর্গঃ ।
ততঃ প্রভাতে বিমলে কৃতাহ্নিকমরিংদমৌ ।
বিশ্বামিত্রং পুরস্কৃত্য় নদ্য়াস্তীরমুপাগতৌ ॥ 1 ॥
তে চ সর্বে মহাত্মানো মুনযস্সংশ্রিতব্রতাঃ ।
উপস্থাপ্য় শুভাং নাবং বিশ্বামিত্রমথাব্রুবন্ ॥ 2 ॥
আরোহতু ভবান্নাবং রাজপুত্রপুরস্কৃতঃ ।
অরিষ্টং গচ্ছ পংথানং মা ভূত্কালবিপর্যয়ঃ ॥ 3 ॥
বিশ্বামিত্রস্তথেত্য়ুক্তবা তানৃষীনভিপূজ্য় চ ।
ততার সহিতস্তাভ্য়াং সরিতং সাগরংগমাম্ ॥ 4 ॥
ততশ্শুশ্রাব বৈ শব্দমতিসংরংভবর্ধিতম্ ।
মধ্যমাগম্য় তোযস্য় সহ রামঃকনীযসা ॥ 5 ॥
অথ রামস্সরিন্মধ্য়ে পপ্রচ্ছ মুনিপুংগবম্ ।
বারিণো ভিদ্যমানস্য় কিময়ং তুমুলো ধ্বনিঃ ॥ 6 ॥
রাঘবস্য় বচশ্শ্রুত্বা কৌতূহলসমন্বিতঃ ।
কথয়ামাস ধর্মাত্মা তস্য় শব্দস্য় নিশ্চযম্ ॥ 7 ॥
কৈলাসপর্বতে রাম মনসা নির্মিতং সরঃ ।
ব্রহ্মণা নরশার্দূল তেনেদং মানসং সরঃ ॥ 8 ॥
তস্মাত্সুস্রাব সরসস্সায়োধ্য়ামুপগূহতে ।
সর প্রবৃত্তা সরয়ূঃ পুণ্য়া ব্রহ্মসরশ্চ্য়ুতা ॥ 9 ॥
তস্য়াযমতুলশ্শব্দো জাহ্নবীমভিবর্ততে ।
বারিসংক্ষোভজো রাম প্রণামং নিযতঃকুরু ॥ 10 ॥
তাভ্য়াং তু তাবুভৌ কৃত্বা প্রণামমতিধার্মিকৌ ।
তীরং দক্ষিণমাসাদ্য় জগ্মতুর্লঘুবিক্রমৌ ॥ 11 ॥
স বনং ঘোরসংকাশং দৃষ্ট্বা নৃপবরাত্মজঃ ।
অবিপ্রহতমৈক্ষ্বাকঃ পপ্রচ্ছ মুনিপুংগবম্ ॥ 12 ॥
অহো বনমিদং দুর্গং ঝিল্লিকাগণনাদিতম্ ।
ভৈরবৈশ্শপদৈঃ পূর্ণং শকুংতৈর্দারুণারুতৈঃ ॥ 13 ॥
নানাপ্রকারৈশ্শকুনৈ র্বাশ্যদ্ভির্ভৈরবস্বনৈঃ ।
সিংহব্য়াঘ্রবরাহৈশ্চ বারণৈশ্চোপশোভিতম্ ॥ 14 ॥
ধবাশ্বকর্ণককুভৈর্বিল্বতিংদুকপাটলৈঃ ।
সংকীর্ণং বদরীভিশ্চ কিন্ন্বেতদ্দারুণং বনম্ ॥ 15 ॥
তমুবাচ মহাতেজা বিশ্বামিত্রো মহামুনিঃ ।
শ্রূযতাং বত্স কাকুত্স্থ যস্য়ৈতদ্দারুণং বনম্ ॥ 16 ॥
এতৌ জনপদৌ স্ফীতৌ পূর্বমাস্তাং নরোত্তম ।
মলদাশ্চ করূশাশ্চ দেবনির্মাণনির্মিতৌ ॥ 17 ॥
পুরা বৃত্রবধে রাম মলেন সমভিপ্লুতম্ ।
ক্ষুধা চৈব সহস্রাক্ষং ব্রহ্মহত্য়া সমাবিশত্ ॥ 18 ॥
তমিংদ্রং স্নাপযন্ দেবা ঋষযশ্চ তপোধনাঃ ।
কলশৈস্স্নাপয়ামাসুর্মলং চাস্য় প্রমোচযন্ ॥ 19 ॥
ইহ ভূম্য়াং মলং দত্বা দত্বা কারূশমেব চ ।
শরীরজং মহেংদ্রস্য় ততো হর্ষং প্রপেদিরে ॥ 20 ॥
নির্মলো নিষ্করূশশ্চ শুচিরিংংদ্রো যদাভবত্ ।
দদৌ দেশস্য় সুপ্রীতো বরং প্রভুরনুত্তমম্ ॥ 21 ॥
ইমৌ জনপদৌ স্ফীতৌ খ্য়াতিং লোকে গমিষ্যতঃ ।
মলদাশ্চ করূশাশ্চ মমাংগমলধারিণৌ ॥ 22 ॥
সাধু সাধ্বিতি তং দেবাঃ পাকশাসনমব্রুবন্ ।
দেশস্য় পূজাং তাং দৃষ্ট্বা কৃতাং শক্রেণ ধীমতা ॥ 23 ॥
এতৌ জনপদৌ স্ফীতৌ দীর্ঘকালমরিংদম ।
মলদাশ্চ করূশাশ্চ মুদিতৌ ধনধান্যতঃ ॥ 24 ॥
কস্যচিত্ত্বথ কালস্য় যক্ষী বৈ কামরূপিণী ।
বলং নাগসহস্রস্য় ধারয়ংতী তদা হ্যভূত্ ॥ 25 ॥
তাটকা নাম ভদ্রং তে ভার্য়া সুংদস্য় ধীমতঃ ।
2 মারীচো রাক্ষসঃ পুত্রো যস্য়াশ্শক্রপরাক্রমঃ ॥ 26 ॥
বৃত্তবাহুর্মহাবীর্য়ো বিপুলাস্য় তনুর্মহান্ ।
রাক্ষসো ভৈরবাকারো নিত্য়ং ত্রাসযতে প্রজাঃ ॥ 27 ॥
ইমৌ জনপদৌ নিত্য়ং বিনাশযতি রাঘব ।
মলদাংশ্চ করূশাংশ্চ তাটকা দুষ্টচারিণী ॥ 28 ॥
সেয়ং পংথানমাবৃত্য় বসত্যধ্যর্ধয়োজনে ।
অত এব ন গংতব্য়ং তাটকায়া বনং যতঃ ॥ 29 ॥
স্ববাহুবলমাশ্রিত্য় জহীমাং দুষ্টচারিণীম্ ।
মন্নিয়োগাদিমং দেশং কুরু নিষ্কংটকং পুনঃ ॥ 30 ॥
ন হি কশ্চিদিমং দেশং শক্নোত্য়াগংতুমীদৃশম্ ।
যক্ষিণ্য়া ঘোরয়া রাম উত্সাদিতমসহ্যয়া ॥ 31 ॥
এতত্তে সর্বমাখ্য়াতং যথৈতদ্দারুণং বনম্ ।
যক্ষ্য়া চোত্সাদিতং সর্বমদ্য়াপি ন নিবর্ততে ॥ 32 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে বালকাংডে চতুর্বিংশস্সর্গঃ ॥
