ஶ்ரீமத்³வால்மீகீய ராமாயணே பா³லகாண்ட³ம் ।
அத² சதுர்விம்ஶஸ்ஸர்க:³ ।
தத: ப்ரபா⁴தே விமலே க்ருதாஹ்னிகமரிந்த³மௌ ।
விஶ்வாமித்ரம் புரஸ்க்ருத்ய நத்³யாஸ்தீரமுபாக³தௌ ॥ 1 ॥
தே ச ஸர்வே மஹாத்மானோ முனயஸ்ஸம்ஶ்ரிதவ்ரதா: ।
உபஸ்தா²ப்ய ஶுபா⁴ம் நாவம் விஶ்வாமித்ரமதா²ப்³ருவன் ॥ 2 ॥
ஆரோஹது ப⁴வான்னாவம் ராஜபுத்ரபுரஸ்க்ருத: ।
அரிஷ்டம் க³ச்ச² பந்தா²னம் மா பூ⁴த்காலவிபர்யய: ॥ 3 ॥
விஶ்வாமித்ரஸ்ததே²த்யுக்தவா தான்ருஷீனபி⁴பூஜ்ய ச ।
ததார ஸஹிதஸ்தாப்⁴யாம் ஸரிதம் ஸாக³ரங்க³மாம் ॥ 4 ॥
ததஶ்ஶுஶ்ராவ வை ஶப்³த³மதிஸம்ரம்ப⁴வர்தி⁴தம் ।
மத்⁴யமாக³ம்ய தோயஸ்ய ஸஹ ராம:கனீயஸா ॥ 5 ॥
அத² ராமஸ்ஸரின்மத்⁴யே பப்ரச்ச² முனிபுங்க³வம் ।
வாரிணோ பி⁴த்³யமானஸ்ய கிமயம் துமுலோ த்⁴வனி: ॥ 6 ॥
ராக⁴வஸ்ய வசஶ்ஶ்ருத்வா கௌதூஹலஸமன்வித: ।
கத²யாமாஸ த⁴ர்மாத்மா தஸ்ய ஶப்³த³ஸ்ய நிஶ்சயம் ॥ 7 ॥
கைலாஸபர்வதே ராம மனஸா நிர்மிதம் ஸர: ।
ப்³ரஹ்மணா நரஶார்தூ³ல தேனேத³ம் மானஸம் ஸர: ॥ 8 ॥
தஸ்மாத்ஸுஸ்ராவ ஸரஸஸ்ஸாயோத்⁴யாமுபகூ³ஹதே ।
ஸர ப்ரவ்ருத்தா ஸரயூ: புண்யா ப்³ரஹ்மஸரஶ்ச்யுதா ॥ 9 ॥
தஸ்யாயமதுலஶ்ஶப்³தோ³ ஜாஹ்னவீமபி⁴வர்ததே ।
வாரிஸங்க்ஷோபஜ⁴ோ ராம ப்ரணாமம் நியத:குரு ॥ 1௦ ॥
தாப்⁴யாம் து தாவுபௌ⁴ க்ருத்வா ப்ரணாமமதிதா⁴ர்மிகௌ ।
தீரம் த³க்ஷிணமாஸாத்³ய ஜக்³மதுர்லகு⁴விக்ரமௌ ॥ 11 ॥
ஸ வனம் கோ⁴ரஸங்காஶம் த்³ருஷ்ட்வா ந்ருபவராத்மஜ: ।
அவிப்ரஹதமைக்ஷ்வாக: பப்ரச்ச² முனிபுங்க³வம் ॥ 12 ॥
அஹோ வனமித³ம் து³ர்க³ம் ஜி²ல்லிகாக³ணனாதி³தம் ।
பை⁴ரவைஶ்ஶபதை³: பூர்ணம் ஶகுந்தைர்தா³ருணாருதை: ॥ 13 ॥
நானாப்ரகாரைஶ்ஶகுனை ர்வாஶ்யத்³பி⁴ர்பை⁴ரவஸ்வனை: ।
ஸிம்ஹவ்யாக்⁴ரவராஹைஶ்ச வாரணைஶ்சோபஶோபி⁴தம் ॥ 14 ॥
த⁴வாஶ்வகர்ணககுபை⁴ர்பி³ல்வதிந்து³கபாடலை: ।
ஸங்கீர்ணம் ப³த³ரீபி⁴ஶ்ச கின்ன்வேதத்³தா³ருணம் வனம் ॥ 15 ॥
தமுவாச மஹாதேஜா விஶ்வாமித்ரோ மஹாமுனி: ।
ஶ்ரூயதாம் வத்ஸ காகுத்ஸ்த² யஸ்யைதத்³தா³ருணம் வனம் ॥ 16 ॥
ஏதௌ ஜனபதௌ³ ஸ்பீ²தௌ பூர்வமாஸ்தாம் நரோத்தம ।
மலதா³ஶ்ச கரூஶாஶ்ச தே³வனிர்மாணனிர்மிதௌ ॥ 17 ॥
புரா வ்ருத்ரவதே⁴ ராம மலேன ஸமபி⁴ப்லுதம் ।
க்ஷுதா⁴ சைவ ஸஹஸ்ராக்ஷம் ப்³ரஹ்மஹத்யா ஸமாவிஶத் ॥ 18 ॥
தமிந்த்³ரம் ஸ்னாபயன் தே³வா ருஷயஶ்ச தபோத⁴னா: ।
கலஶைஸ்ஸ்னாபயாமாஸுர்மலம் சாஸ்ய ப்ரமோசயன் ॥ 19 ॥
இஹ பூ⁴ம்யாம் மலம் த³த்வா த³த்வா காரூஶமேவ ச ।
ஶரீரஜம் மஹேந்த்³ரஸ்ய ததோ ஹர்ஷம் ப்ரபேதி³ரே ॥ 2௦ ॥
நிர்மலோ நிஷ்கரூஶஶ்ச ஶுசிரிம்ந்த்³ரோ யதா³ப⁴வத் ।
த³தௌ³ தே³ஶஸ்ய ஸுப்ரீதோ வரம் ப்ரபு⁴ரனுத்தமம் ॥ 21 ॥
இமௌ ஜனபதௌ³ ஸ்பீ²தௌ க்²யாதிம் லோகே க³மிஷ்யத: ।
மலதா³ஶ்ச கரூஶாஶ்ச மமாங்க³மலதா⁴ரிணௌ ॥ 22 ॥
ஸாது⁴ ஸாத்⁴விதி தம் தே³வா: பாகஶாஸனமப்³ருவன் ।
தே³ஶஸ்ய பூஜாம் தாம் த்³ருஷ்ட்வா க்ருதாம் ஶக்ரேண தீ⁴மதா ॥ 23 ॥
ஏதௌ ஜனபதௌ³ ஸ்பீ²தௌ தீ³ர்க⁴காலமரிந்த³ம ।
மலதா³ஶ்ச கரூஶாஶ்ச முதி³தௌ த⁴னதா⁴ன்யத: ॥ 24 ॥
கஸ்யசித்த்வத² காலஸ்ய யக்ஷீ வை காமரூபிணீ ।
ப³லம் நாக³ஸஹஸ்ரஸ்ய தா⁴ரயந்தீ ததா³ ஹ்யபூ⁴த் ॥ 25 ॥
தாடகா நாம ப⁴த்³ரம் தே பா⁴ர்யா ஸுந்த³ஸ்ய தீ⁴மத: ।
2 மாரீசோ ராக்ஷஸ: புத்ரோ யஸ்யாஶ்ஶக்ரபராக்ரம: ॥ 26 ॥
வ்ருத்தபா³ஹுர்மஹாவீர்யோ விபுலாஸ்ய தனுர்மஹான் ।
ராக்ஷஸோ பை⁴ரவாகாரோ நித்யம் த்ராஸயதே ப்ரஜா: ॥ 27 ॥
இமௌ ஜனபதௌ³ நித்யம் வினாஶயதி ராக⁴வ ।
மலதா³ம்ஶ்ச கரூஶாம்ஶ்ச தாடகா து³ஷ்டசாரிணீ ॥ 28 ॥
ஸேயம் பந்தா²னமாவ்ருத்ய வஸத்யத்⁴யர்த⁴யோஜனே ।
அத ஏவ ந க³ந்தவ்யம் தாடகாயா வனம் யத: ॥ 29 ॥
ஸ்வபா³ஹுப³லமாஶ்ரித்ய ஜஹீமாம் து³ஷ்டசாரிணீம் ।
மன்னியோகா³தி³மம் தே³ஶம் குரு நிஷ்கண்டகம் புன: ॥ 3௦ ॥
ந ஹி கஶ்சிதி³மம் தே³ஶம் ஶக்னோத்யாக³ந்துமீத்³ருஶம் ।
யக்ஷிண்யா கோ⁴ரயா ராம உத்ஸாதி³தமஸஹ்யயா ॥ 31 ॥
ஏதத்தே ஸர்வமாக்²யாதம் யதை²தத்³தா³ருணம் வனம் ।
யக்ஷ்யா சோத்ஸாதி³தம் ஸர்வமத்³யாபி ந நிவர்ததே ॥ 32 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே பா³லகாண்டே³ சதுர்விம்ஶஸ்ஸர்க:³ ॥
